ಹ್ಯಾ ಲೋಕ ಮದೆಂ ದೆವಾಕ್ ಏಕ್ ನಿತಿವಂತ್ ಮನಿಸ್ ದಿಸ್ಲೊ
ನೊಯೆಕ್ ತಾಣೆಂ ವಿಂಚ್ಲೊ, ತಾಚಾ ಗುಣಾಂಕ್ ತೊ ಮೆಚ್ವಲೊ
ದೆವಾನ್ ದಿಲ್ಲ್ಯಾಂತ್ ತೊ ದಾದೊಶಿ, ನಡ್ತ್ಯಾಂತ್ ತೊ ನಿರ್ದೊಶಿ.
ಸಂಸಾರ್ ದೆವಾಕ್ ಖೊಟೊ ದಿಸ್ಲೊ, ಜುಲುಮ್ ತಾಂತು ಭರುನ್ ಗೆಲ್ಲೊ
ದೇವ್ ನೊಯೆ ಕಡೆ ಉಲೈಲೊ, ಸಂಸಾರಚ ನಾಸಾಕ್ ನಿರ್ದಾರ್ ಕೆಲೊ
ದೆವಾಚಿ ಮಾಂಡವಳ್ ವಿಚಿತ್ರ್, ತಾಚಿ ಆಲೊಚನಾಂ ಗುಪಿತ್
ತಾರುಂ ಕರುಂಕ್ ಸಾಂಗ್ಲೆಂ ಘಟ್ ರುಕಾಚೆಂ, ಆಪ್ಣಾನ್ ಚಿಂತ್ಲೆಲ್ಯಾ ರುಪಾಚೆಂ
ತಾರ್ವಂತ್ ಮೊಸ್ತ್ ಕುಡಾಂ ಕೆಲಿಂ, ಬಿತರ್ ಬಾಯ್ರ್ ತಾರ್ ಸರಾಯ್ಲಿ
ತೀನ್ ಮಾಳಿಯೆಚೆಂ ತಾರುಂ ತೆಂ, ಪಾಕೆಂ ದವರ್ನ್ ಸೊಬ್ತಾಲೆಂ ತೆಂ
ತಾರ್ವಕ್ ಕುಶಿಕ್ ಬಾಗಿಲ್ ಕೆಲೆಂ, ದೆವಾಕ್ ಪೊಳೇಂವ್ಕ್ ತೆಂ ಸೊಬಿತ್ ದಿಸ್ಲೆಂ
ದೆವಾನ್ ನೊಯೆಲಾಗಿಂ ಸೊಲ್ಲೊ ಕೆಲೊ, ತಾರ್ವಾಕ್ ಸಾಂಬಾಳ್ಚೊ ಸಪುತ್ ಗಾಲೊ
ನೊಯೆಚೆ ಕುಟಂಬ್ ತಾರ್ವಾಕ್ ಚೊಡ್ಲೆಂ, ಉರುಲ್ಲ್ಯಾಂಕ್ ನಾಸ್ ಜಾಂವ್ಕ್ ಸೊಡ್ಲೆಂ
ಪ್ರಾಣಿ ಪಕ್ಶಿಂಚೊ ಜೊಡಿ ಕೆಲ್ಯೊ, ದೆವಾಚ ಆದೆಶಕಾಲ್ ತಾರ್ವಾರ್ ಗಾಲ್ಯೊ
ಜಾಯ್ ಪುರ್ತಿ ಖಾಣ್ ಏಕ್ಟಾಂಯ್ ಕೆಲೆಂ, ದೆವಾನ್ ಪರ್ಮಾಯಿಲ್ಲೆಂ ನೊಯೆನ್ ಕೆಲೆಂ
ದೆವಾನ್ ಮೋನ್ ಬದಲ್ಲೆಂ ನಾಂ, ನೊಯೆಚೊ ಭಾವರ್ತ್ ದಂಡಳ್ಳೊ ನಾಂ
ಪಾತಾಳಾಂತ್ ಉದ್ಕಾಚ್ಯೊ ಝರಿ ಪುಟ್ಲ್ಯೊ, ಮೊಳ್ಬಾಚಿ ದಾರಾಂ ಉಗ್ತಿಂ ಜಾಲಿಂ
ಚಾಳಿಸ್ ದೀಸ್ ರಾತ್ ಪಾವ್ನ್ ವೊತ್ಲೊ, ಸಂಸಾರಚ ಜಿವಿಚೊ ನಾಸ್ ಜಾಲೊ
ಆವ್ರ್ ಪ್ರಥ್ವೆರ್ ಭರುನ್ ರಾವ್ಲೆಂ, ನೊಯೆಚ ತಾರ್ವಾಕ್ ದೇವಾನ್ ರಾಕ್ಲೆಂ
ಉನ್ನತ್ ಪರ್ವತ್ ಉದ್ಕಾಂತ್ ಬುಡ್ಲೆ, ದೆಡ್ಶೆ ದೀಸ್ ಉದಾಕ್ ರಾವ್ಲೆಂ
ದೆವಾನ್ ಪ್ರಥ್ವೆರ್ ವಾರೆಂ ದಾಡ್ಲೆಂ, ಭರುಲ್ಲೆಂ ಉದಾಕ್ ದೆವೊಂಕ್ ಲಾಗ್ಲೆಂ
ಪಾತಾಳಚಿ ಝರ್ ಬಂದ್ ಜಾಲಿ, ಮೊಳ್ಬಾಚೊ ಪಾವ್ಸ್ ರಾವೊನ್ ಗೆಲೊ
ಆರಾರತ್ ಪರ್ವತಾರ್ ತಾರುಂ ಬೊಸ್ಲೆಂ, ಪರ್ವತಾಚೆಂ ಶಿಕಾರ್ ದಿಷ್ಟಿ ಪಡ್ಲೆಂ
ನೊಯೆ ದೆವಾಕ್ ಖಾಲ್ ಜಾಲೊ, ಬುಡ್ತುಗೊಲಾಂತ್ಲೊ ಜಿವಂತ್ ಉರ್ಲೊ.
No comments:
Post a Comment