ಡಾಡ-ಮಮ್ಮ ಘರ ಅಸೊನ್ ಕಾಂಯ್ ಪಾಯ್ದೊ ನಾಂ
ತಾಂಚ್ಯಾ ಸಂಸ್ರಾರ್ ಲೊಳೊನ್ ಆಸಾತ್ ಗಣ್ಣೆ ನಸ್ತಾನಾಂ
ಕಿತ್ಯಾಕ್ ದೇವ ಆಶೆಂ ಘಡ್ತ ಬುರ್ಗೊ ಅಸ್ತಾನಾಂ
ಘರಾಂತ್ ಅಮ್ಚಾ ಏಕ್ಸುರೊ ಹಾಂವ್ ವಾಡೊನ್ ಯೆತನಾ
ಚಿಂತುಕ್ ಪೊಡ್ಲಾಂ ಕಿತ್ಯಾಕ್ ಮಾಕ ಬಾವ್-ಭೊಯ್ಣ್ ನಾಂ
ಕುಶಿಚ ಘರ ಚಾರ್ ಬುರ್ಗಿಂ ಉಡ್ಕಾಣಾಂ ಗಾಲ್ತನಾಂ
ಚಿಂತಾ ಹಾಂವ್ ಡಾಡ-ಮಮ್ಮಕ್ ಕಿತ್ಯಾಕ್ ಸಮ್ಜೊನಾಂ
ಇಸ್ಕಾಲಾ ತಾವ್ನ್ ಘರ ಪಾವ್ಲ್ಯಾರ್ ಕೆಳೊಂಕ್ ಕೊಣ್ಣಿ ನಾಂ
ಮಮ್ಮಿ ಮೊಜೆ ಕುಜ್ನಾಂತ್ ರಿಗ್ಲ್ಯಾರ್ ಕಾಮ್ ಮುಗ್ದಾನಾಂ
ಪಪ್ಪಚೆ ತೆಂ ಮೊಬೈಲ್ ವಾಜ್ತಾ ವೊಡ್ಕೊ ನಾಸ್ತನಾಂ
ಟಿವಿ ಮುಕಾರ್ ಬೊಸ್ಚೆಂ ಶಿವಾಯ್ ದುಸ್ರಿ ವಾಟ್ ನಾಂ
ಕೆಳೊಂಕ್ ಗೆಲ್ಯಾರ್ ಸಂಗಾತಿ ಕರ್ತಾತ್ ಮೊಜೆ ಮಸ್ಕಿರೊ
ಸವಾಲ್ ಇಸಾರ್ನ್ ದೊಸ್ತಾತ್ ಮಾಕಾ ಕಿತ್ಯಾಕ್ ಏಕ್ಸುರೊ
ಡಾಡ-ಮಮ್ಮಿ ಸಾಂಗೊನ್ ಬೊವಾಂತ್ ಎಕ್ಲೊಚ್ ಪುರೊ
ಎಕವಾರ್ನ್ ಚಾಡ್ ಆಸ್ಲ್ಯಾರ್ ಘರಂತ್ ಕಿರಿಕಿರಿಯೊ
ಆಮಿಂ ದೊಗಾಂ ಅಮ್ಕಾಂ ಏಕ್ ಆತಾಚೆಂ ಕಾನೂನ್
ಏಕಚ್ ಬುರ್ಗ್ಯಾಕ್ ಲಾನ್-ವ್ಹಡ್ ಕರ್ಚೆಂ ಜಾಲಾಂ ಪ್ಯಾಶಾನ್
ಪಾಟಿಂ ಪುಡೆಂ ಚಿಂತುನ್ ಕಿತ್ಯಾಕ್ ತುಮ್ಚೆಂ ರುದಾನ್
ರಾಚ್ನಾರ್ ಹಾಂವ್, ಪೊಸ್ತಾಂ ಹಾಂವ್ ಸಂಗ್ಲಾಂ ದೆವಾನ್.
No comments:
Post a Comment