ದೆವಾಚಿಂ ವರ್ತಿಂ ಕ್ರತ್ಯಾಂ....

ವರ್ತಿಂ ತುಜಿಂ ಕ್ರತ್ಯಾಂ, ವರ್ಣುಂ ಕಶೆಂ ದೆವಾ
ತುವೆಂ ರಚ್ಲೆಲ್ಯಾ  ಹ್ಯಾ ಸೊಭಿತ್ ಪ್ರಥ್ವೆರ್!
ಉನ್ನತ್ ತುಜಿಂ ಮ್ಹಹಿಮಾ, ದೆಕೊಂಕ್ ಅಶೆತಾಂ
ತುವೆಂ ರಾಜ್ ಕರ್ಚಾ ತ್ಯಾ ಸರ್ಗಾರ್!

ಭುಂಯ್ ತುವೆಂ ರಚ್ಲಿಯ್, ಜಿನ್ಸಾನಿಂ ಭರ್ಲೆಂಯ್
ಅಧಾರ್ ಜಾಂವ್ಕ್ ಪ್ರಥ್ವೆಚ ಜಿವಿಂಕ್
ಅಕಾಸ್ ತುವೆಂ ರಚ್ಲೊಯ್, ಸುರ್ಯಾಕ್ ಸೊಭಯ್ಲೊಯ್
ಉಜ್ವಾಡ್ ಫಾಂಕೊಂವ್ಕ್ ಮನ್ಶಾ ಕುಳಾಕ್

ಉದಾಕ್ ತುವೆಂ ರಚ್ಲೆಂಯ್, ಸಾರ್ ತಾಂತು ಭರ್ಲೊಯ್
ಜಿವಾಳ್ ಕರುಂಕ್ ಭುಂಯ್ಚಾ ಜಿನ್ಸಾಂಕ್
ವಾರ್ಯಾಕ್ ತುವೆಂ ದಾಡ್ಲೆಂಯ್, ಕುರ್ಪೆನ್ ತುಜ್ಯಾ ಭರ್ಲೆಂಯ್
ಜಿವಿತಾಚೊ ಘುಟ್ ಮನ್ಶಾಂಕ್ ಸಮ್ಜೊಂವ್ಕ್

ಮನ್ಶಾಕ್ ತುವೆಂ ರಚ್ಲೊಯ್, ಸ್ವಾಸ್ ತುಜೊ ಪುಂಕ್ಲೊಯ್
ರಾಜ್ವಾಟ್ ಕರುಂಕ್ ಹ್ಯಾ ಭುಂಯ್ ತಳಾರ್
ಪುತಾಕ್ ತುವೆಂ ದಾಡ್ಲೊಯ್, ಅಧಿಕಾರ್ ತಾಕ ದಿಲೊಯ್
ಸರ್ಗಿಂಚೊ ಘುಟ್ ಪರ್ಗಟ್ ಕರುಂಕ್

ಸ್ಪಿರಿತಾಕ್ ತುವೆಂ ದಾಡ್ಲಾಯ್, ಸಾಂಗಾತ್ ತುಜೊ ಬಸಯ್ಲಾಯ್
ಪಾತ್ಕಾ-ಕಾಷ್ಟಾಂತ್ ಸಂಪ್ಡೊನ್ ಚಿರ್ಡತನಾ
ಸರ್ಗಿಂಚಾ ರಾಜಾಂತ್ ಘರ್ ಅಮ್ಕಾಂ ತಯಾರ್ ಕೆಲಾಂಯ್
ಮರ್ಣಾ ದ್ವಾರಿಂ ತುಜೊ ಸಂಗಾತ್ ಆಶೆತಾನಾ

ನಾಮಾನ್ ಕೊಡಾಚ ಪಿಡ್ಲೆಂತ್ಲೆ ಬರೊ ಜಾತ.....

ನಾಮಾನ್ ಅರಾಮಾಚ ರಾಯಾಚೊ ಸೆನಾಧಿಪತಿ ಜಾವ್ನಾಸ್ಲೊ
ಆರಾಮಾಚೊ ರಾಯ್ ತಾಕ ಘನಾನ್ ಆನಿ ಮಾನನ್ ಲೆಕ್ತಾಲೊ
ದೆವಾಚ ಭೆಸಾಂವಾನ್ ಅಪ್ಲ್ಯಾ ಝಗ್ಡ್ಯಾನಿಂ  ತೊ ಜಯ್ತೆವಂತ್ ಜಾತಲೊ
ನಾಮಾನ್ ವೀರ್ ಅಸ್ಲೊ ತರೀ  ಕೊಡಾಚ ಪಿಡೆವರ್ವಿಂ ಕಷ್ಟತಲೊ

ಏಕ್ ಪವ್ಟಿಂ ನಾಮಾನ್ ಇಸ್ರಾಯೆಲ್ ಶಹರಚೇರ್ ಧಾಡ್ ಗಾಲ್ತಾ
ಝಗ್ಡ್ಯಾಂತ್ ಏಕ ಸ್ತ್ರೀಯೆಕ್ ಬಂಧಿವಾನ್ ಕಾರ್ನ್ ಶಹರಾಕ್ ಹಾಡ್ತಾ
ಅಪುಣ್ ಹಾಡ್ಲೆಲ್ಯಾ ಸ್ತ್ರೀಯೆಕ್ ಅಪ್ಲ್ಯಾ ಬಾಯ್ಲೆಚಿ ಚಾಕರ್ನ್ ಜಾವ್ನ್ ನೆಮ್ತಾ
ಚಾಕರ್ನಿ ವರ್ವಿಂ ನಾಮಾನಕ್ ಎಲೀಶಾ ಪ್ರವಾದಿ ವಿಶಿಂ ಕಳೊನ್ ಯೆತಾ

ಅರಾಮಾಚೊ ರಾಯ್ ನಾಮಾನಕ್ ಇಸ್ರಾಯೆಲಾಚ ರಾಯಾಶಿಂ ಧಾಡ್ತಾ
ಏಕ್ ಪತ್ರ್ ಬರೊವ್ನ್ ನಾಮಾನಚೆಂ ಕೋಡ್ ನಿತಳ್ ಕರುಂಕ್ ವಿನಂತಿ ಕರ್ತಾ
ಅಪ್ಣಾಕ್ ಪತ್ರ್ ಬರೊವ್ನ್ ಅವ್ಮರ್ಯಾದ್ ಕೆಲಿ ಮ್ಹಣ್ ರಾಯ್ ರಾಗರ್ ಜಾತ
ಹೆಂ ಕಳೊನ್ ಎಲೀಶಾ ನಾಮಾನಕ್ ಅಪ್ಣಾ ಸರ್ಶಿಂ ಯೇಂವ್ಕ್ ಸಂಗೊನ್ ದಾಡ್ತಾ

ನಾಮಾನ್ ಅಪ್ಲ್ಯಾ ಘೊಡ್ಯಾಂ ಆನಿ ರಥಂ ಸವೆಂ ಎಲೀಶಾಕ್ ಯೆಂವ್ನ್ ಭೆಟ್ತಾ
ಎಲೀಶಾ ನಾಮಾನಕ್ ಜೊರ್ದಾನ್ ನ್ಹಂಯ್ತ್ ಸತ್ ಪವ್ಟಿಂ ನಾಂವ್ಕ್ ಫರ್ಮಾಯ್ತಾ
ನಾಮಾನ್ ಜೊರ್ದಾನ್ ನ್ಹಂಯ್ತ್ ನಾಲ್ಲೆಂಚ್ ಕೊಡಾಚ ಪಿಡೆ ಥಾಂವ್ನ್ ನಿತಳ್ತಾ
ಅಪ್ಣಾಕ್ ಬರೆಂ ಕೆಲ್ಲ್ಯಾ ಇಸ್ರಾಯೆಲಾಚ ದೆವಾಚಿ ಸ್ತುತಿ ಕರುಂಕ್ ನಿಚೆವ್ ಕರ್ತಾ

ಎಲೀಶಾಕ್ ಅಪುಣ್ ಹಾಡ್ಲೆಲೆಂ ಬಂಗಾರ್-ರೂಪೆಂ ಕಾಣಿಕ್ ಜಾವ್ನ್ ಅರ್ಪಿತಾ
ಪೂಣ್ ಎಲೀಶಾ ಹೆಂ ಕಿತೆಂಚ್ ಘೆನಾಸ್ತಾನಾಂ ನಾಮಾನಕ್ ಪಾಟಿಂ ದಿತಾ
ಅಪ್ಣಾಕ್ ಬರೆಂ ಕೆಲ್ಲ್ಯಾ ಗಾಂವ್ಚಿ ಮಾತಿ ಅರಾಮಾಕ್ ವರುಂಕ್ ಪರ್ವಣ್ಗಿ ಮಾಗ್ತಾ
ಅಪ್ಣಾಚ ಮರ್ಣಾಂ ಪರ್ಯಾಂತ್ ಇಸ್ರಾಯೆಲಾಚ ದೆವಾಕ್ ಖಾಲ್ ಜಾವ್ನ್ ಜಿಯೆತಾ

ಪದ್ ಏಕ್ ಲಿಕ್ಲಾಂ....

ಮೊಗಾ ತುಕಾ ಚಿಂತುಂನ್ ಹಾಂವೆ ಪದ್ ಏಕ್ ಲಿಕ್ಲಾಂ
ಯಾದ್ ತುಜೊ ಆಟಾಂವ್ನ್ ಕಾಳಿಜ್ ಮ್ಹಜೆಂ ಪಿಕ್ಲಾಂ
ರಾಗ್ ತುಜೊ ಸಾಂಡುನ್ ರಾವಯ್ ತುಜಿ ನಾಕ್ಲಾಂ
ವೆಂಗೆಂತ್ ಮ್ಹಜ್ಯಾ ಯೇಂವ್ನ್ ಜಿವಾಳ್ ಕರ್-ಗೊ ಸೊಪ್ಣಾಂ

ತುಕಾಚ್ ಚಿಂತುನ್ ಆಜ್ ಫಾಂತೆ ಫಾಲೆಂ ಜಾಲಾಂ
ಮೊಗಾಚಿಂ ಉತ್ರಾಂ ಗುಂತುನ್ ಕಾಳ್ಜಾಕ್ ತಯಾರ್ ಕೆಲಾಂ
ಕಾಳ್ಜಾ ಉಡಿ ಉಚಾರುಂಕ್ ತುಕಾಚ್ ರಾಕೊನ್ ರಾವ್ಲಾಂ
ವಾಟೆನ್ ಮ್ಹಜ್ಯಾ ಚಮ್ಕೊನ್ ನೀಜ್ ಕರ್ ಮ್ಹಜಿಂ ಬೊಗ್ಣಾಂ

ಸುರ್ಯಾಚ ಕಿರ್ಣಾನಿಂ ತುಜ್ಯಾ ವಾಟೆಕ್ ಬೆಸಾಂವ್ ಗಾಲಾಂ
ರಾತಿಕ್ ಪಡ್‍ಲ್ಲೊ ಧೋವ್ ಜಿರನಾಸ್ತಾಂ ರಾಕೊನ್ ರಾವ್ಲಾ
ಫಾಂತ್ಯಾ ಫಾರಾರ್ ಸುಕ್ಣ್ಯಾನಿಂ ಸಂಗೀತ್ ಆರಂಭ್ ಕೆಲಾಂ
ವೊಡ್ತಾಚ್ಯಾ ಪುಲಾನಿಂ ತುಜ್ಯಾ ನಾಂವಾನ್ ಪುಲೊಂವ್ಕ್ ಚಿಂತ್ಲಾಂ

ತುಜ್ಯಾ ಹಸ್ಕುರ್ಯಾ ತೊಂಡಾಂತ್ ಜಿವಿತ್ ಮ್ಹಜೆಂ ಲಿಪ್ಲಾಂ
ತುಜ್ಯಾ ಸುಂದರ್ ದೊಳ್ಯಾನಿಂ ಮೋಗ್ ಹಾಂವೆ ಚಕ್ಲಾ
ತುಜ್ಯಾ ಕಾಳ್ಜಾಚ ಗುಂಡಾಯೆಂತ್ ಮೊಗಾ ಅಂಕ್ರಿ ದೆಕ್ಲ್ಯಾ
ತುಜ್ಯಾ ಕುಡಿಚ ಉಸ್ವಾಸಾಂತ್ ಜಿಯೆಂವ್ಕ್ ಹಾಂವೆಂ ಚಿಂತ್ಲಾಂ

ಸಂಗಾತ್ ದೀ ಕಾಜಾರಿ ಬಾಂದಾತ್ ಅಮಿಂ ಏಕ್ ಜಾಂವ್ಚಾಕ್
ಸುಂದರ್ ಹ್ಯಾ ಸಂಸಾರಾಂತ್ ಕುಟಮ್ ಬಾಂದುನ್ ಹಡ್ಚಾಕ್
ವಾಡ, ಚಡಾ, ಸಂಸಾರ್ ಭರಾ ಬೆಸಾಂವ್ ನೀಜ್ ಕರ್ಚಾಕ್
ಸಂಸಾರಿ ಜಿವಿತಾಚೆ ಪಯ್ಣ್ ದೊಗಾನಿಂ ಸಂಗಾತ ಸರ್ಚಾಕ್

ಸೊಬಾಯ್ - ಮೋಗ್

ಚೆಡೊ
ಸೊಭಿತ್ ಸೊಭಿತ್ ತ್ಯಾ ಪುಗ್ರ್ಯಾ ಪೊಲ್ಯಾನಿಂ
ನಿಳ್ಶಾ ನಿಳ್ಶಾ ತ್ಯಾ ಕಾಜುಳ್ಯಾ ದೊಳ್ಯಾನಿಂ
ಸೊಭಯ್ ತುಜಿ ಲಿಪ್ಲ್ಯಾ ಚೆಡ್ವಾ, ಸೊಭಯ್ ತುಜಿ ಲಿಪ್ಲ್ಯಾ

ಚೆಡುಂ
ಧಡಕ್ ಧಡಕ್ ತ್ಯಾ ಕಾಳ್ಜಾ ಉಡ್ಯೆನಿಂ
ಪುಗಾರ್ನ್ ಉಲೊಂವ್ಚಾ ಲಜೆ ಉತ್ರಾನಿಂ
ಮೋಗ್ ತುಜೊ ಲಿಪ್ಲಾ ಚೆಡ್ಯಾ, ಮೋಗ್ ತುಜೊ ಲಿಪ್ಲಾ

ಚೆಡೊ
ತುವೆಂ ಟಿಕ್ ಟಿಕ್ ಮೆಟಾಂ ಕಾಡುನ್ ಚಲ್ತಾನಾಂ
ತುಜ್ಯಾ ಪಯ್ಜಾಣಾಂಚ ನಾದಕ್ ಜೀವ್ ಮ್ಹಜೊ ಭರುನ್ ಯೆತಾ
ತುವೆಂ ಮಿಣಿ ಮಿಣಿ ದೊಳ್ಯಾಂನಿ ದೆಕ್ತಾನಾಂ
ತುಜ್ಯಾ ನಯನಚ ಉಬೆಕ್ ಕೂಡ್ ಮ್ಹಜಿ ಪುಲೊನ್ ಸೊಬ್ತಾ

ಚೆಡುಂ
ತುವೆಂ ಚೊರ್ಯಾಂ ನದರ್ ಲಾವ್ನ್ ತಿಳ್ತಾನಾಂ
ತುಜ್ಯಾ ದೊಳ್ಯಾಚ ಸಾಗೊರಾಂತ್ ಉಪ್ಯೆಂವ್ಕ್ ರಾಕೊನ್ ರಾವ್ತಾಂ
ತುವೆಂ ಅಮ್ರುಕೊ ಹಾಸೊ ದೀವ್ನ್ ಲಿಪ್ತಾನಾಂ
ತುಜ್ಯಾ  ವದನಾಕ್ ಕಿಸಾನಿಂ ಸಜೊಂವ್ಕ್ ವೇಳ್‍ಘಡಿ ಮೆಜ್ತಾಂ

ಚೆಡೊ
ತುವೆಂ ಮ್ಹಜೆ ಕಾತಿರ್ ಸಜೊವ್ನ್ ರಾವ್ತಾನಾಂ
ತುಜ್ಯಾ ಸೊಭಾಯೆಚ ಕಾಲೆತಿಕ್ ಮ್ಹಕಾಚ್ ಹಾಂವ್ ವಿಸ್ರತಾಂ
ಸಕ್ಕಡ್ ಸಾಂಡುನ್ ಮ್ಹಜೊ ಪಾಟ್ಲಾವ್ ಕರ್ತಾನಾಂ
ಮಕಾಚ್ ಹಾಂವ್ ವಿಸ್ರೊನ್ ತುಜೊ ಜಾಂವ್ಕ್ ತಯಾರ್ ಜಾತಾಂ

ಚೆಡುಂ
ತುವೆಂ ಬಾವ್ಳೆ ಪುಲೊವ್ನ್ ಮುಕಾರ್ ರಾವ್ತಾನಾಂ
ತುಜ್ಯಾ ಪಾಸ್ಳೆಂತ್ ಮಿಲನ್ ಜಾಂವ್ಕ್ ಮನ್ ಮಜೆಂ ಆಶೆತಾ
ಸಕ್ಕಡ್ ಸಾಂಡುನ್ ಮ್ಹಜೊ ಪಾಟ್ಲಾವ್ ಕರ್ತಾನಾಂ
ಮಕಾಚ್ ಹಾಂವ್ ವಿಸ್ರೊನ್ ತುಜಿಂ ಜಾಂವ್ಕ್ ತಯಾರ್ ಜಾತಾಂ

ಚೀಪ್ ಲಿಕ್ಕರು...

ಬೇಳೆ ಕಾಳು ಬೆಯ್ಸಾಕ್ಕೆ
ಕೊಡಿಸ್ರಿ ನಮ್ಗೆ ಕುಕ್ಕಾರು
ಬ್ಯಾಡ್ರಿ ನಮ್ಗೆ ಚೀಪು ಲಿಕ್ಕಾರು

ಮಾನ ಮರ್ವಾದೆ ಮುಚ್ಚಾಕೆ
ಕೊಡಿಸ್ರಿ ನಮ್ಗೆ ನಿಕ್ಕಾರು
ಬ್ಯಾಡ್ರಿ ನಮ್ಗೆ ಚೀಪು ಲಿಕ್ಕಾರು

ಅಕ್ಕಿ-ರಾಗಿ ಬೆಳೊಸ್ಕೊಂಡು
ಅಗ್ಬೇಕು ನಾವು ಪಾರ್ಮಾರು
ಬ್ಯಾಡ್ರಿ ನಮ್ಗೆ ಚೀಪು ಲಿಕ್ಕಾರು

ಶಾಲೆ-ಕಾಲೇಜು ಓದ್ಕೊಂಡು
ಅಗ್ಬೇಕು ನಾವು ಡಾಕ್ಟಾರು
ಬ್ಯಾಡ್ರಿ ನಮ್ಗೆ ಚೀಪು ಲಿಕ್ಕಾರು

ದೇಶ ಕಾಯೊ ಮಕ್ಳಾಗೀ
ಅಗ್ಬೇಕು ನಾವು ಸೊಲ್ಜಾರು
ಬ್ಯಾಡ್ರಿ ನಮ್ಗೆ ಚೀಪು ಲಿಕ್ಕಾರು

ಕಿತ್ಯಾಕ್ ಹೊ ಭೇದ್...

ಅವಯ್ಚಾ ಪೊಟಾಂತ್ ಸಯ್ತ್
ತುಕಾ ಚಿರ್ಡುಂಕ್ ಪಳಯ್ತಾತ್
ಚುಕೊನ್ ಸಂಸಾರ್ ಪಳೆಯ್ಲ್ಯಾರ್
ನಕಾರ್ ಪಣಚೊ ಉಸ್ವಾಸ್ ಸೊಡ್ತಾತ್
ತುವೆಂ ಪಾನೊ ಚಿಂವ್ಚಾ ಪಯ್ಲೆಂಚ್
ಖರ್ಸಾಚೊ ಲೇಕ್ ಗಲ್ತಾತ್
ತುವೆಂ ಮೆಟಾಂ ಕಾಡ್ಚಾ ಪಯ್ಲೆಂಚ್
ನಿಯಮಾಂಚೊ ಪಾಟೊ ಬಾಂದ್ತಾತ್

ಘರಾಂತ್ ಚೆರ್ಕ್ಯಾಂ ಹುಜಿರ್
ತಕ್ಲಿ ಬಾಗೊಂವ್ಕ್ ಹುಕುಮ್ ದಿತಾತ್
ಇಸ್ಕಾಲಾಚಿಂ ಮೆಟಾಂ ಚಡ್ತಾನಾಂಚ್
ಶಿಕ್ಫಾಚಿ ಗಡ್ ನಿರ್ದಾರ್ ಕರ್ತಾತ್
ತುಜ್ಯಾ ವಾಡಾವಾಳೆ ಪಾಟ್ಲ್ಯಾನ್
ಚೊರ್ಯಾಂ ನದರ್ ದವರ್ತಾತ್
ಪುಲೊನ್ ಯೆಂವ್ಚಾ ತುಜ್ಯಾ ಸೊಭಾಯೆಚೆರ್
ಪಾಸಚೊ ಖೆಳ್ ಮಾಂಡ್ತಾತ್

ತುವೆಂ ಚಲ್ಚಾ ವಾಟೆರ್
ಸುಣಿ ವಾಂಗ್ಟಾಂ ರಾಕೊನ್ ರಾವ್ತಾತ್
ತುವೆಂ ಖೆಳ್ಚಾ ಜಲಾಂತ್
ಗುಗಿಚೆ ದೊಳೆ ತಯಾರ್ ಅಸ್ತಾತ್
ತುವೆಂ ಕೊಣಾಯ್ ಕಡೆ ಉಲಯ್ಲ್ಯಾರ್
ದುಬಾವಾಚ್ಯೊ ಕಾಣ್ಯೊ ಗುಂತಾತ್
ತುಜ್ಯಾ ಹಸ್ಕುರ್ಯಾ ತೊಂಡಾಕ್
ಸಯ್ತ್ ಕಾಮುಕ್ಪಣಾನ್ ತುಕ್ತಾತ್

ಕಾಜಾರ್ ಜಾಲ್ಯಾರೀ ಘೊವಾಚ ಘರ
ನಾ-ಸಮಾಧನೆಚೆಂ ಜಿವಿತ್
ದೋತ್ ಬಂಗಾರಚ ನಾಂವಾನ್
ಹಿಣ್ಸೊಣೆಂ ಮೊರಾ ಪರ್ಯಾಂತ್
ಕಾಜಾರ್ ಜಾಂವ್ನ್ ಭುರ್ಗಿಂ ನಾತ್ಲ್ಯಾರ್
ವಾಂಜ್ಡಿ ಮ್ಹಳ್ಳೆಂ ನಾಮ್ ಫಲಕ್
ಮೊರ್ಚಾ ಪಯ್ಲೆಂ ವಿಧವ್ ಜಾಲ್ಯಾರ್
ಸಮಾಜೆಚಿ ಪಾಡ್ ನದರ್

ದಾದ್ಲ್ಯಾಕ್ ತುಂ ಜಾಯ್
ಬಾಯ್ಲ್ ಜಾಂವ್ನ್, ಅವಾಯ್ ಜಾಂವ್ನ್
ಅವಯ್ ಬಾಪಯ್ ಅಶೆನಾಂತ್
ಜಲ್ಮೊಂಕ್ ತುವೆಂ ಧುವ್ ಜಾಂವ್ನ್
ಅಜೂನ್ ಸಂಸಾರ್ ಚಿಂತಾ,
ಜಿಯೆಜೆ ತುವೆಂ ಗುಲಾಮ್ ಜಾಂವ್ನ್
ನ್ಯಾಯ್ ನೀತ್ ಕರ್ಚೆಂ ಕಾನೂನ್ ಸಯ್ತ್,
ಅಸಾ ಮೌನ್ ಜಾಂವ್ನ್

ಜಿಯೆಂವ್ಕ್ ಶಿಕಯ್.....

ಜಿಯೆಂವ್ಕ್ ಶಿಕಯ್ ಸೊಮ್ಯಾ ಮ್ಹಕಾ ಜಿಯೆಂವ್ಕ್ ಶಿಕಯ್
ತುವೆಂ ದಾಡ್ಲಾಂಯ್ ಹ್ಯಾ ಸಂಸಾರಕ್ ಮತಿಂತ್ ಖಂಚಯ್
ಕಾಳ್ಜಾಕ್ ಮ್ಹಜ್ಯಾ ಮೋಗ್ ವೊತುನ್ ತಾನ್ ಮ್ಹಜಿ ಭಗಯ್
ತುಜ್ಯಾ ಮೆಟಾನಿಂ ಚಲೊಂಕ್ ಕುಡಿ ಅತ್ಮ್ಯಾಕ್ ಜಾಗಯ್

ಹರ್ಯೆಕ್ ಮೇಟ್ ಅಂದ್ಕಾರಾಚೆಂ, ಅಶೆಂ ಕಿತ್ಯಾಕ್ ಬೊಗ್ತಾ ?
ತುವೆಂ ಸಂಗಾತ್ ದಿಲ್ಯಾರ್ ಮಾತ್ರ್ ಜಿವಿತ್ ಮ್ಹಜೆಂ ಸೊಬ್ತಾ
ದೊಳೆ ದಾಂಪುನ್ ಉಗಾಡ್ನ್ ತಾರ್ ಖೊಟೆಂಚ್ ಪಳೆಂವ್ಕ್ ದಿಸ್ತಾ
ತುಜೆ ಥಾವ್ನ್ ಪಾಯ್ಸ್ ಜಾಂವ್ಚಿಂ ಖಂತ್ ಮ್ಹಕ ದೊಸ್ತಾ

ಶಭಿತ್ ಹಾಂವ್ ಅಸ್‍ಲ್ಲೊಂ ಅವಾಯ್ಚಾ ತ್ಯಾ ಗರ್ಬಾಂತ್
ಅಶೆತಾಲೊಂ ಪಳೆಂವ್ಕ್ ತುಕಾ ಅಂತ್ರಾಳಾಚ ಕುಪಾಂತ್
ವ್ಹಡ್ ಜಾವ್ನ್ ವಾಡೊನ್ ಯೆತಾಂ ಪಡ್ಲೊಂ ಹ್ಯಾ ಸಂಸರಾಂತ್
ಉಟೊಂಕ್ ಪ್ರೇತನ್ ಕೆಲೆಂ ತರೀ, ಸೊಡ್ಲೆಂ ನಾಂ ದೆಂವ್ಚಾರನ್

ಮಾನ್ ದಾಂಪುಂಕ್ ವಸ್ತುರ್ ನಾಂ, ಬರೆಂ ಚಿಂತುಂಕ್ ವೇಳ್ ನಾಂ
ವ್ಹಡಿಲಾಂಕ್ ಗೌರವ್ ನಾಂ, ಬರ್ಯಾ ಉತ್ರಾಂಕ್ ಮೋಲ್ ನಾಂ
ಖೊಟೆ ಕರುಂಕ್ ಲಾಜ್ ನಾಂ, ಪಾತ್ಕಾಂಚಿ ಸಮ್ಜೊಣಿಂಚ್ ನಾಂ
ಸತ್ ಉಲಯ್ಲ್ಯಾರ್ ವಾಟ್ ನಾಂ, ಕುಡಿಕ್ ಮ್ಹಜ್ಯಾ ಗೌರವ್ ನಾಂ

ಧಾಡ್ ತುಜ್ಯಾ ಸ್ಪಿರೀತಾಕ್ ಕಾಳಿಜ್ ಮ್ಹಜೆಂ ಪೆಟೊಂವ್ಕ್
ಪಾತ್ಕಾಂತ್ ಹಾಂವೆ ಪಾಡನಾಶೆಂ ಜೀವ್ ಮ್ಹಜೊ ವಾಟೊಂವ್ಕ್
ಜಿವಿತ್ ಮ್ಹಜೆಂ ಸರ್ತಾ ಪರ್ಯಾಂತ್ ತುಜ್ಯಾ ವಾಟೆನ್ ಚಮ್ಕೊಂವ್ಕ್
ಏಕ್ ದೀಸ್ ತುಕಾ ಹಾಂವೆ ರೂಪ್ ರೂಪ್ ಪಳೆಂವ್ಕ್

ಹೆಣ್ಣಿನ ಅಳಲು....

ತಂದೆ ತಾಯಿಯ ಆಸೆಯಲ್ಲಿ ನಿರಾಶಳಾಗಿ ಹುಟ್ಟಿದೆ
ಅದ್ಯಾಕೊ ಹುಟ್ಟಿನಿಂದಲೂ ನನ್ನ ಹಣೆಬರಹವೇ ಕೆಟ್ಟಿದೆ
ಬೆಳೆದು ಬಂದ ದಾರಿಯಲ್ಲಂತು ಕಲ್ಲು ಮುಳ್ಳುಗಳ ಮೆಟ್ಟಿದೆ
ಯಾರು ಬಲ್ಲರು, ನನ್ನ ಜೀವನದಿ ಮುಂದೇನು ಕಾದಿದೆ ?

ನನಗೂ ತಿಳಿಯದೆ ಒಂದು ದಿನ ಬೆಳೆದು ನಿಂತೆ
ನನ್ನ ಚಲನ ವಲನದ ಮೇಲೆ ಕಟ್ಟಲಾರಂಬಿಸಿದರು ಅಂತೆ ಕಂತೆ
ಸುತ್ತಲಿನ ಜನರನ್ನು ಪ್ರೀತಿಯಿಂದ ನೋಡಲಾರಂಬಿಸಿದೆ
ಪ್ರೀತಿಯ ಬೆಲೆಯರಿಯದ ಈ ಲೋಕದಲ್ಲಿ ಜಾರಿ ಬಿದ್ದೆ

ನನ್ನ ಮೆಚ್ಚಿ ಮನೆ ತುಂಬಿಸುವ ಪೋರನಿಗೆ ಹುಡುಕಾಡಿದೆ
ಮನೆಯವರ ಒತ್ತಾಯಕೆ ಮಣಿದು ಇನ್ನೊರ್ವನ ಕೈಗೊಂಬೆಯಾದೆ
ದುಡ್ಡು, ಆಸ್ತಿ, ವರದಕ್ಶಿಣೆಯ ಚೆಲ್ಲಾಟದಲ್ಲಿ ಸೋತುಹೋದೆ
ಕೊನೆಗೂ ಗುಲಾಮಳಾಗಿ ಹೆಣ್ಣಾಗಿ, ಹೆಂಡತಿಯಾಗಿ ಜೀವನ ಸವೆಸಿದೆ

ಯಾಕೆ ನನ್ನ ಹಣೆಯಲ್ಲಿ ದುಃಖದ ದಿನಗಳನ್ನು ಬರೆದಿದ್ದಾರೆ ?
ಹುಡುಗಿ ಅನ್ನೊ ಕಾರಣಕ್ಕೆ ನನ್ನ ಸ್ವತಂತ್ರ ಕಸಿದುಕೊಂಡಿದ್ದಾರೆ!
ಯಾಕೆ ನನ್ನ ಬದುಕಿನ ದಿನಗಳಿಗೆ ಲಕ್ಶ್ಮಣ ರೇಖೆ ಹಾಕಿದ್ದಾರೆ ?
ಗಂಡಿಸಿನ ಕೈಂ ಗೊಂಬೆಯಾಗಲು ಯಾಕೆ ನನ್ನನ್ನು ನಿರ್ಮಿಸಿದ್ದಾರೆ ?

ಸನ್ವಾರಾಚಿ ಸಾಂತ್...

ಏಕ, ಸನ್ವಾರಾ ಹಾಂವ್ ಸಾಂತೆಕ್ ಪಾವುಲ್ಲೊಂ
ಸಾಂತೆಂತ್ ಪೆದ್ರು ಮ್ಹಕಾ ಮೆಳ್ಳೊ...
ವಿಚಾರಿ...
ಕಿತೆಂ ರೇ ಸಾಂತೆಂತ್ ಎಕ್ಲೊಚ್ ಬೊಂವ್ತಾಯ್ ?
ಹಾಂವೆ ಸಾಂಗ್ಲೆಂ ಹಳು ಉಲಯ್..ನಾಂ ತಾರ್ ವಾಣ್ಯಾನಿಂಚ್ ಖಾತಾಯ್!
ಮ್ಹಜ್ಯಾ ಪಾಯಾಂಕ್ ಪಳೆವ್ನ್ ಮ್ಹಣಾಲೊ... ತುಜ್ಯಾ ಪಾಯಾಂತ್ ಮೊಚೆಸ್ ನಾಂತ್
ಹಾಂವೆ ಸಾಂಗ್ಲೆಂ ಪಾಟಿಂ ಪಳೆ, ಬಾಯ್ಲೆಕ್ ಅತ್ತಾಂ ಕಾಣ್ಗೆಲ್ಲೆ ನವೆಚ್ ದಿಸನಾಂತ್!
ಮ್ಹಣಾಲೊ..ತಾಚ ಪಾಯಾಂತ್ ವಾಣೆ ಅಸ್ಲ್ಯಾರ್ ಮ್ಹಕಾ ಭೆಂ ಕಿತ್ಯಾಕ್?
ಹಾಂವೆ ಸಾಂಗ್ಲೆಂ... ಕಾಲ್ ತುವೆಂ ಅಂಗ್ಡಿ ಬಾಗ್ಲಾರ್ ತಿಕ ಮೊಟಿ ಬಾಯಮ್ಮ ಮ್ಹಳ್ಳೆಂ ಕಿತ್ಯಾಕ್!

ಜಿಣಿ...
ಆಜ್ ಪುಲೊನ್ ಫಾಲ್ಯಾಂ ಭಾಂವ್ಚೆಂ ಫುಲ್...
ಅಪ್ಲ್ಯಾ ಉಣ್ಯಾ ಅವ್ದೆರ್ ಲೊಕಾಂಚಿ ಮನಾಂ ಪಿಸ್ವಾಯ್ತಾ
ಚಿಂವೊನ್ ಉಡಯಿಲ್ಲಿ ಹಾಡಾಂ ವಿಂಚುನ್ ಖಾಂವ್ನ್
ಪೇಟೊ ಅಪ್ಲ್ಯಾ ಧನಿಯಾಕ್ ಖಾಲ್ ಜಾತ
ಮನ್ಶಾ, ತುಕಾ ದೇವಾ ಸರ್ಕೊ ರಚ್ಲಾ ತರೀ...
ಅಪ್ಲ್ಯಾ ಪೆಲ್ಯಾಂಚಿ ಚೂಖಿ ಸೊದ್ಚಾಂತ್ ತುಜಿ ಜಿಣಿ ಮುಗ್ದಾತ

ಸಗ್ಳೊ ಸಂಸಾರ್ ಜಿಕುನ್ ತುಜೊ ಅತ್ಮೊ ವೊಗ್ಡಾಯ್ಶಿ ತರ್....

ಬಾರಾವ್ಯಾ ಶತಮಾನಚ ಏಕ್ ತರ್ನ್ಯಾಟ್ಯಾಕ್ ಹಿಂ ಉತ್ರಾಂ ಇತ್ಲ್ಯಾ ಮಾಪನ್ ನಾಟ್ವಲಿಂಗೀ, ಮುಕಾರ್ ಪವಿತ್ರ್ ಸಭೆಕ್ ಮೆಳ್ಳೊಲೊ ಏಕ್ ವರ್ತೊ ಸಾಂತ್ ಜಾಂವ್ಕ್ ಪಾವ್ಲೊ ಅಸಿಸಿಚೊ  ಸಾಂತ್ ಪ್ರಾನ್ಸಿಸ್. ಕಿತ್ಲ್ಯಾ ಗುಂಡಾಯೆನ್ ಹ್ಯಾ ತರ್ನ್ಯಾಟ್ಯಾನ್ ಹ್ಯಾ ಉತ್ರಾಂಚೆರ್ ನಿಯಾಳ್ ಕೆಲಾ ಮ್ಹಣ್ ದಾಕೊಂವ್ಕ್ ತಾಚೆ ಥೈಂ ಜಾಲ್ಲಿ ಬದ್ಲವಾಣ್ಂಚ್ ಅಮ್ಕಾಂ ಸಾಕ್ಸ್ ಜಾವ್ನಾಸಾ. ಅಪ್ಣಾನ್ ಫಾಮಾದ್ ಜಾಯ್ಜೆ, ಏಕ್ ಗ್ರೇಸ್ತ್ ರಾಯ್ ಕುಂವಾರ ತಶೆಲೆಂ ಜಿವಿತ್ ಜಿಯೆಜೆ ಮ್ಹಣ್ ಅಶೆವ್ನ್ ಅಸ್‍ಲ್ಲ್ಯಾ ಪ್ರಾನ್ಸಿಸಾಕ್ ಅತ್ಮ್ಯಾ ವಿಶಿಂ ಸಮ್ಜಾಣಿಂ ಮೆಳ್ತಾನಾಂ, ಸಂಸಾರಚ ನದ್ರೆನ್ ಜಿಯೆಲ್ಲೆಂ ಅಪ್ಲೆಂ ಜಿವಿತ್ ಏಕೇಕ್ ಜಾವ್ನ್ ಮುಕಾರ್ ರಾವ್ತಾ, ಅಪುಣ್ ಚೂಕೊನ್ ಪಡ್ಲಾಂ ಮುಳ್ಳಿ ಖಾತ್ರಿ ತಾಕ ಜಾಲ್ಲೆಂಚ್ ತೊ ಅತ್ಮ್ಯಾ ಖಾತಿರ್ ಜಿಯೆಂವ್ಕ್ ನಿಚೆವ್ ಕರ್ತಾ. ಮನ್ಶಾಚೊ ಅತ್ಮೊ ದೆವಾಚ್ಯಾ ಸ್ಪಿರಿತಾನ್ ಭರ್ಲೊಲೊ ಜಾವ್ನಾಸ, ಮನ್ಶಾಕ್ ರುಪಿತ್ ಕೆಲ್ಲ್ಯಾ ಘಡಿಯೆ ಥಾವ್ನ್ ಹೊ ಅತ್ಮೊ ತಾಚೆ ಥೈಂ ಘರ್ ಕರ್ತಾ, ಪೂಣ್ ಅಮಿಂ ತ್ಯಾ ಅತ್ಮ್ಯಾಕ್  ಖಂಚ ನದ್ರೆನ್ ದೆಕ್ಲಾ ಮ್ಹಳ್ಳೆಂ ಘರ್ಜೆಚೆಂ. ಪ್ರತ್ಯೇಕ್ ಜಾಂವ್ನ್ ಅಮಿಂ ಕ್ರಿಸ್ತಾವಾನಿಂ ಅತ್ಮ್ಯಾಕ್ ಸಾಂಬಾಳ್ನ್ ವರುಂಕ್ ಜಿಯೆಲ್ಯಾರ್ ಮಾತ್ರ್ ಮುಕ್ಲೆಂ ಜಿವಿತ್ ಅಂಜಾಂಚೆ ಜಾತೆಲೆಂ, ಸಾಂತಾಚೆಂ ಜಾತೆಲೆಂ ಮುಳ್ಳಿ ಸಮ್ಜೊಣಿ ಅಮ್ಕಾಂ ಪವಿತ್ರ್ ಸಭಾ ಶಿಕಯ್ತಾ.

ಅತಾಂಚ ಹ್ಯಾ ಆಧುನಿಕ್ ಸಂಸಾರಾಂತ್ ಸಗ್ಳೆಂ ಅಮ್ಕಾಂ ಭರುನ್ ದಿಸ್ತಾ ತರೀ, ಮನ್ಶಾಕ್ ಶಾಂತಿ ನಾಂ, ಸಮಾಧಾನ್ ನಾಂ. ಸದಾಂನೀತ್ ಮ್ಹಳ್ಳೆ ಬರಿ ನವೆಸಾಂವ್ ಪಳೆಂವ್ಕ್ ದಿಸ್ತಾ ತರೀ, ಮನ್ಶಾಚಿ ಅಶಾ ಭಗೊಂವ್ಕ್ ಮನ್ಶಾನಿಂ ಸೊದುನ್ ಕಾಡ್‍ಲ್ಲ್ಯಾ ವಸ್ತುಂಕ್ ಯೆದೊಳ್ ಸಾಧ್ಯ್ ಜಾವ್ನಾಂ, ಕಿತ್ಯಾಕ್ ಅಧುನಿಕ್ ಸವಲತ್ತ್ಯೊ ಮನ್ಶಾನ್ ಸೊದುಲ್ಲ್ಯೊ ಆನಿ ಮನ್ಶಾ ಖಾತಿರ್ ಮಾತ್ರ್ ಉಪಯೋಗ್ ಪಡ್ಚ್ಯೊ ಜಾನ್ವಾಸತ್.  ಕಂಚೋಯ್ ಮನಿಸ್ ಅಪ್ಣಾನ್ ಹ್ಯಾ ಸಂಸಾರಿ ಜಾಲ್ಮ್ ಘೆತ್ಲಾ ಮ್ಹಳ್ಳ್ಯಾ ಉದ್ದೇಶನ್ ಕೇವಲ್ ಸಂಸಾರ ಖಾತಿರ್ ಜಿಯೆಲ್ಯಾರ್ ತಾಚೆಂ ಜಿವಿತ್ ಸಂಸಾರಾಚೆ ಮಾತ್ರ್ ಜಾತೆಲೆಂ, ಹ್ಯಾ ಜಿಣ್ಯೆ ಉಪ್ರಾಂತ್ ಕಿತೆಂ ಮ್ಹಳ್ಳಿ ಸಮ್ಜೊಣಿಂ ತಾಕ ಮೆಳ್ಚಾ ಪಯ್ಲೆಂ ಮಾತ್ಯೆ ಥಾವ್ನ್ ಅಯಿಲ್ಲೊ ಮಾತ್ಯೆಕ್ ಪಾಟಿಂ ವಚೊನ್ ಜಾವ್ನಾಸ್ತಾ.  ಪೂಣ್ ಸಂಸಾರಕ್ ದಾಡ್ತಾನಾಂ ದೆವಾನ್ ಅಪ್ಣಾಕ್ ಏಕ್ ಮಿಸಾಂವ್ ಪಾವೊ ಕರ್ನ್ ದಾಡ್ಲಾಂ ಮ್ಹಳ್ಳಿ ಖಾತ್ರಿ ಅಸೊನ್, ಅತ್ಮ್ಯಾಚೊ ಪೋಸ್ ಕರ್ತೆಲ್ಯಾಕ್ ಉಪ್ರಾಂತ್ಲ್ಯಾ ಜಿವಿತಾಕ್ ತಯಾರಾಯ್ ಹ್ಯಾಚ್ ಸಂಸಾರಾಂತ್ ಪಾವೊ ಜಾತ.  ಹ್ಯಾ ತಯಾರಾಯೆ ವರ್ವಿಂಚ್ ಆಜ್ ಸಾಂತ್-ಭಕ್ತ್ ಅಜೂನ್ ಅಮ್ಚೆಂ ಮದೆಂ ಜಿಯೆವ್ನ್ ಅಸಾತ್, ಸದಾಂಚ್ ಜಿಯೆವ್ನ್ ಅಸ್ತೆಲೆ.  ಸಂಸಾರಾಂತ್ ನಾಂವ್ ಜೊಡುಂಕ್, ಅಪ್ಲೆಂ ಸಾಮ್ರಾಜ್ಯ್ ಉಬಾರುಂಕ್ ಲೋಕ್  ಏಕ ಪಾಯಾಂತ್ ರಾವ್ಲಾ ಅಸ್ತಾಂ, ಜಿವಿತಾಚಿ ಪುರ್ತಿ ಸಮ್ಜೊಣಿಂ ತಾಂಕಾ ಅಸಾಗೀ ಮ್ಹಳೆಂ ಸವಾಲ್ ಉಬ್ಜಾತ ? ಲೊಕಾಂಚ ನದ್ರೆನ್ ವ್ಹಡ್ ಜಾಂವ್ಕ್ ಅಶೆಂವ್ಚಾಂಕ್ ಕುಡಿಚಿ ಪರ್ವಾ ಶಿವಾಯ್ ಅತ್ಮ್ಯಾಚಿ ನೈಂ, ಕಿತ್ಯಾಕ್ ಅತ್ಮ್ಯಾ ಖಾತಿರ್ ಜಿಯೆಂವ್ಚಾಕ್ ನಾಂವಾಚಿ ಘರ್ಜ್ ನಾಂ, ಸೆವಾ, ಮೋಗ್ ಆನಿ ಬೊಗ್ಸಾಣೆಂಚ್ ತಾಂಚೆ ಜಿವಿತ್ ಸೊಭಾಯ್ತಾ.

ಸಂಸಾರ ಖಾತಿರ್ ಜಿಯೆತೆಲ್ಯಾಚೆಂ ನಾಂವೀ ವ್ಹಡ್ ಜಾಯ್ನಾಂ ಮ್ಹಣ್ ಸಾಂಗೊಂಕ್ ಜಾಯ್ನಾಂ, ಖಂಡಿತ್ ಜಾತ ಪೂಣ್ ತೊ ಜಿಯೆವ್ನ್ ಅಸ್ತಾನಾಂ ಮಾತ್ರ್. ಪೂಣ್ ಮನ್ಶಾನ್ ಅಪ್ಲಿ ಜಿಣಿ ಮುಗ್ದಾಲ್ಲ್ಯಾ ಮಾಗಿರೀ ಜಿಯೆತೆಲ್ಲ್ಯಾಂಚ ಕಾಳ್ಜಾಂತ್ ಅಪ್ಣಾಕ್ ಜಾಗೊ ಅಪ್ಣಾಯ್ಜೆ ತರ್, ತಾಣೆಂ ಅತ್ಮ್ಯಾ ಖಾತಿರ್ ಜಿಯೆಲ್ಯಾರ್ ಮಾತ್ರ್ ಸಾಧ್ಯ್ ಜಾತ. ಅಮ್ಚೆಂ ಮುಖಾರ್ ಜಾಯ್ ತಿತ್ಲಿಂ ನಿದರ್ಶನಾಂ ಅಸಾತ್, ಜಾಂವ್ ಮದರ್ ತೆರೆಜಾ, ಸಾಂತ್ ಅಲ್ಫೊನ್ಸಾ ವಾ ಸಾಂತ್ ಪ್ರಾನ್ಸಿಸ್. ಹ್ಯಾ ಮನ್ಶಾನಿಂ ಹ್ಯಾ ಸಂಸಾರಾಂತ್ ಜಿಯೆವ್ನ್ ಅಪ್ಲಿ ಜಿಣಿ ಸಂಪ್ಲಿ ತರೀ, ಅತ್ಮ್ಯಾಕ್ ಬಾಚಾವ್ ಕರುಂಕ್ ತಿಂ ಜಿಯೆಲ್ಲಿಂ ಜಾಲ್ಲ್ಯಾನ್, ದೆವಾನ್ ತಾಂಚೆ ನಾಂವ್ ಜಿವಿತಾಚ ಬೂಕಾಂತ್ ಬರೊವ್ನ್ ಗಾಲಾಂ ಆನಿ ತಾಂಚ ಅದರ್ಶಾಂಕ್ ಮರ್ಣಾನ್ ಅಜುನೀ ಗ್ರಾಸುವ್ನಾಂ.  ಸಗ್ಳೊ ಸಂಸಾರ್ ಜಿಕ್ತಲೊಂ ಅನಿಂ ಅಪ್ಣಾಚೆಂ ನಾಂವ್ ಸದಾಂಚ್ ಶಾಶ್ವಿತ್ ಉರಯ್ತಾಲೊಂ ಮ್ಹಣ್ ಚಿಂತ್‍ಲ್ಲೊ ಬಳಾಧೀಕ್ ರಾಯ್ ಅಲೆಕ್ಸಾಂಡರ್ ಸಯ್ತ್ ಅಪ್ಣಾಚ ಮೊರ್ಣಾಚ ತಡೀರ್ ಅಪ್ಣಾನ್ ಅಪ್ಲೊ ಅತ್ಮೊ ಉರೊಂವ್ಕ್ ಕಾಯಿಂಚ್ ಪ್ರೇತನ್ ಕೆಲೆಂ ನಾಂ ನೆಂ ಮ್ಹಣ್ ಕರ್ಗಲೊ ಕೈಂ. ತಾಚೊ ಸಂಕೇತ್ ಜಾವ್ನ್ ಅಪ್ಣಾಕ್ ಮರ್ಣಾಚ ಪೆಟೆಂತ್ ದವರ್ತಾನಾಂ ಅಪ್ಲೆ ಹಾತ್ ಪೆಟೆಚ ಬಾಯ್ರ್ ಧವರುಂಕ್ ಪರ್ಮಾಯೆಲ್ಲೆಂ ಕೈಂ, ಕಿತ್ಯಾಕ್ ಮ್ಹಳ್ಯಾರ್ ಅಪ್ಣಾನ್ ಯೆತಾನಾಂ ಕಾಯಿಂಚ್ ಹಾಡುವ್ನಾಂ, ಆನಿ ಪಾಟಿಂ ವೆತಾನಾಂ ಕಾಯಿಂಚ್ ವರುಂಕ್ ನಾಂ ಮ್ಹಳ್ಳಿ ಸಮ್ಜೊಣಿಂ ಅಪ್ಲ್ಯಾ ಲೊಕಾಂಕ್ ದೀಜೆ ಮ್ಹಳ್ಳ್ಯಾ ಉದ್ದೇಶಾನ್. ಹಗೆಂ-ಮೊಸೊರ್ ಭರೊನ್ ಅಸ್ಚಾ ಹ್ಯಾ ಸಂಸಾರಾಂತ್ ಕಿತೆಂಚ್ ಕರುಂಕ್ ಜಾಯ್ನಾಂ ಮ್ಹಣ್ ದೊಳೆ ದಾಂಪುನ್ ಬೊಸ್ಲ್ಯಾರ್, ತುಜ್ಯಾ ಖಾಸ್ಗಿ ಜಿವಿತಾಚೊ ಉದ್ದೇಶ್ ತುವೆಂ ವಿಸ್ರೊನ್ ಚಲ್ಲ್ಯಾ ಬರಿ ಜಾತೆಲೆಂ ಆನಿ ತುಂಯೀ ಸಂಸಾರಕ್ ಲಾಬ್ದಾಲ್ಲೊ ಜಾತಲೋಯ್.  ತುಜ್ಯಾ ಅದ್ಲ್ಯಾ ಜಿವಿತಾಕ್ ಪಾಟ್ ಕರ್, ಸಾಂತ್ ಪ್ರಾನ್ಸಿಸ್ ಅಸಿಸಿಚಿ ದೇಖ್ ಘೆಂವ್ನ್ ಅತ್ಮ್ಯಾಕ್ ಭಾಚಾವ್ ಕರುಂಕ್ ನಿಚೆವ್ ಕರ್.

ಹರ್ಯೆಕ ವರ್ಸಾ ಕ್ರಿಸ್ಮಸ್ ಯೆತಾ, ಪೂಣ್ ದಶೆಂಬರಚ ತೊಡ್ಯಾಂ ದಿಸಾಂಕ್ ಮಾತ್ರ್ ಅಮಿಂ ಜೆಜುಚೊ ಜಲ್ಮಾ ದಿವಾಸ್ ಸೀಮಿತ್ ಕರ್ತಾಂವ್, ಉಪ್ರಾಂತ್ ನವ್ಯಾ ವರ್ಸಾಚೊ ಸಂಭ್ರಮ್ ಉತರ್ತಚ್ ಪರತ್ ನವೆಸಾಂವ ಪಾಟ್ಲ್ಯಾನ್ ಪಡ್ತಾಂವ್ ಆನಿ ಜೆಜು ಅಮ್ಚೆ ಖಾತಿರ್ ಸಂಸಾರಿ ಅಯಿಲ್ಲೊ ಮ್ಹಳ್ಳೆಂ ವಿಸ್ರೊನ್ ಸೊಡ್ತಾಂವ್. ಅಶೆಂಚ್ ಅಮಿಂ ಜಿಯೆಲ್ಯಾರ್ ಅಮಿಂಯ್ ಸಂಸಾರ ಖಾತಿರ್ ಜಿಯೆಲ್ಲ್ಯಾಂಚ ಪಟ್ಟೆಂತ್ ಯೆತೆಲ್ಯಾಂವ್ ಆನಿ ಜೆಜು ಬಾಳ್ಕಾಚೆಂ ಮನ್ ದುಕಯ್ತೆಲ್ಯಾಂವ್, ದೆಕುನ್ ಹ್ಯಾ ಪವ್ಟಿಂ ಏಕ್ ಘಟ್ ನಿಚೆವ್ ಕರ್ಯಾಂ, ಸಂಸಾರಾಂತ್ ನವ್ಯಾನ್ ಉಬ್ಜೊನ್ ಯೆಂವ್ಚ್ಯೊ ಸವಲತ್ತ್ಯೊ ಮನ್ಶಾ ಆನಿ ದೆವಾ ಮದ್ಲ್ಯಾ ಸಂಭದಕ್ ಪಾಸ್ ಮಾಂಡಿನ ಜಾಯ್ಶೆಂ ಸತ್ರಾಯ್ ಘೆವ್ಯಾಂ.  ತರ್ ಅಮ್ಚೆ ಮಧೆಂಯ್ ಪ್ರಾನ್ಸಿಸ ತಸಲೆಂ ಬದ್ಲವಾಣ್ ಜಾಂವ್ಕ್ ಸಾಧ್ಯ್ ನಾಂಗೀ ? ಅಮ್ಚಾ ತರ್ನಾಟ್ಯಾಂಕ್ ಹೊ ಸಾಂತ್ ಏಕ್ ಆದರ್ಶ್ ನೈಂಗೀ ? ವಾ ಅಸಲ್ಯಾ ಸಂತಾಚಿ ಆದರ್ಶ್ ಅಮ್ಚಾ ಭುರ್ಗ್ಯಾಂಕ್ ಸಾಂಗೊಂಕ್ ಅಮಿಂ ವಿಸ್ರಲ್ಯಾಂವ್ ಗೀ ? ಚಿಂತುನ್ ಪಳೆವ್ಯಾಂ.

ಎಲೀಶಾ ಆನಿ ಶುನೆಮಾಚಿ ಸ್ತ್ರೀ...

ಏಕ್ ದೀಸ್ ಎಲೀಶಾ ಪ್ರವಾದಿ ಶುನೆಮಾಂತ್ ಏಕ್ ಗ್ರೇಸ್ತ್ ಸ್ತ್ರೀಯೆಕ್ ಬೆಟ್ತಾ
ಎಲೀಶಾ ಏಕ್ ಭಗೆವಂತ್ ಮನಿಸ್ ಮ್ಹಣೊನ್ ತ್ಯಾ ಸ್ತ್ರೀಯೆಕ್ ಕಳೊನ್ ಯೆತಾ
ಹರ್ಯೆಕ್ ಪವ್ಟಿಂ ಎಲೀಶಾ ತೆಣೆಂ ಪಾಶಾರ್ ಜಾತನಾಂ ಸ್ತ್ರೀ ತಾಕ ಸತ್ಕಾರ್ ಕರ್ತಾ
ಉಪ್ರಾಂತ್ಲ್ಯಾ ದಿಸಾನಿಂ ಎಲೀಶಾಕ್ ರಾವೊಂಕ್ ಅಪ್ಲ್ಯಾ ಘರಾಚ್ ಜಾಗೊ ತಯಾರ್ ಕರ್ತಾ

ಏಕ್ ದೀಸ್ ಎಲೀಶಾ ಅಪ್ಲೊ ಸೆವಾಕ್ ಗೇಹಾಜಿ ಸವೆಂ ಸ್ತ್ರೀಯೆಕರ್ ರಾವ್ತಾ
ರಾತಿಂ ನಿದೊಂಕ್ ವೆಚಾ ಪಯ್ಲೆಂ ಸ್ತ್ರೀಯೆಕಡೆ ಉಲೊಂವ್ಕ್ ಮಾಳ್ಯೆಕ್ ಅಪಯ್ತಾ
ಗ್ರೆಸ್ತ್ ಸ್ತ್ರೀ ಭುರ್ಗಿಂ ನಾಸ್ತಾನಾಂ ಅಪ್ಲ್ಯಾ ಘೊವಾ ಸವೆಂ ಜಿಯೆಂವ್ಚೆ ಕಳೊನ್ ಯೆತಾ
ಏಕ ವರ್ಸಾನಿಂ ಭುರ್ಗ್ಯಾಂಚೆಂ ದೆಣೆಂ ತಿಕಾ ಪಾವೊ ಜಾತೆಲೆಂ ಮ್ಹಣ್ ಎಲೀಶಾ ಭಸಾಯ್ತಾ

ವರ್ಸಾ ಉಪ್ರಾಂತ್ ಶುನೆಮಾಚಿ ಸ್ತ್ರೀ ಏಕ ಚೆರ್ಕ್ಯಾ ಭುರ್ಗ್ಯಾಕ್ ಜಾಲ್ಮ್ ದಿತಾ
ಭುರ್ಗೊ ವಾಡೊನ್ ವ್ಹಡ್ ಜಾಲ್ಲೆಂಚ್ ಪಿಡೆಸ್ತ್ ಜಾಂವ್ನ್ ಕಷ್ಟತಾ
ಏಕ್ ದೀಸ್ ಅಪ್ಲ್ಯಾ ಪಿಡೆ ನಿಮ್ತಿಂ ಚೆರ್ಕೊ ಭುರ್ಗೊ ಮರಣ್ ಪಾವ್ತಾ
ಅಪ್ಲ್ಯಾ ಭುರ್ಗ್ಯಾಕ್ ವಾಂಚೊಂವ್ಕ್ ಸ್ತ್ರೀ ಎಲೀಶಾಕ್ ಸೊದುನ್ ದೊಂಗ್ರಾಕ್ ವೆತಾ

ಎಲೀಶಾ ಮೆಳ್ತಾಚ್ ಸ್ತ್ರೀ ಅಪ್ಲೊ ಪೂತ್ ಮರಣ್ ಪಾವುಲ್ಲಿ ಖಬರ್ ತಿಳ್ಸಿತಾ
ಎಲೀಶಾ ಅಪ್ಲಿ ಬೆತ್ಕಾಟಿ ಘೆಂವ್ನ್ ಅಪ್ಲ್ಯಾ ಸೆವಾಕ ಸವೆಂ ತಿಚ ಘರ ಪಾವ್ತಾ
ಶುನೆಮಾಚಿ ಸ್ತ್ರೀ ಅಪ್ಲ್ಯಾ ಪುತಾಕ್ ಎಲೀಶಾಚ ಖಟ್ಲ್ಯಾರ್ ನಿದೊವ್ನ್ ಅಸ್ತಾ
ಎಲೀಶಾ ಮರಣ್ ಪಾವುಲ್ಲ್ಯಾ ಭುರ್ಗ್ಯಾ ಪಾಸೊತ್ ದೇವಾ ಲಾಗಿಂ ಮಾಗ್ಣೆಂ ಕರ್ತಾ

ಎಲೀಶಾ ಮರಣ್ ಪಾವುಲ್ಲ್ಯಾ ಭುರ್ಗ್ಯಾ ವಾಯ್ರ್ ನಿದೊನ್ ತಾಕ ಊಬ್ ದಿತಾ
ಎಲೀಶಾಚ ಉಬೆಕ್ ಭುರ್ಗ್ಯಾಚೊ ಜೀವ್ ಪರತ್ ತಾಚ ಕುಡಿಕ್ ಪಾಟಿಂ ಯೆತಾ
ಮರಣ್ ಪಾವುಲ್ಲೊ ಭುರ್ಗೊ ಅಪ್ಲ್ಯಾ ಖಾಟಿಯೆರ್ ಉಟೊನ್ ಬೊಸ್ತಾ
ಅಪ್ಲ್ಯಾ ಭುರ್ಗ್ಯಾಕ್ ಜೀವ್ ದಿಲ್ಲ್ಯಾ ಸರ್ವೆಸ್ಪರಾಕ್ ಶುನೆಮಾಚಿ ಸ್ತ್ರೀ ಅರ್ಗಾಂ ದಿತಾ