ಸೊಡ್ವಣ್ ದಿಂವ್ಚಾಕ್ ಆಪುಣ್ ವಿಂಚ್ಲೆಲ್ಯಾ ಪರ್ಜೆಕ್
ಆಯ್ಲೊ ತೊ ಸಂಸಾರಾಕ್ ದೆವಾಚೆಂ ರಾಜ್ ಪರ್ಗಟ್ಚಾಕ್
ಆಪ್ಣಾಕ್ ಪಾತ್ಯೆತೆಲ್ಯಾಂಕ್ ಬಾಪ ಸರ್ಶಿಂ ವೊಡ್ಚಾಕ್
ದೆವಾಚೊ ಸಬ್ದ್ ಅಮ್ಚೆ ಮದೆಂ ಮನಿಸ್ ಜಾಲೊ
ದೆವಾನ್ ಬಾಸಯಿಲ್ಲೊ ಉಜ್ವಾಡ್ ತೊ ಜಾವ್ನಾಸ್‍ಲ್ಲೊ
ಕಾಳೊಕ್ ದಾಂವ್ಡಾಂವ್ಕ್ ಬಾಳ್ ಜಾವ್ನ್ ಜಲ್ಮಾಲೊ
ದೇವ್ ದುತಾನಿಂ ತಾಚ್ಯ ಯೆಣ್ಯಾಚೊ ಸಂದೆಶ್ ದಿಲೊ
ದುರ್ಬಾಳ್ ಖಾವ್ಣೆಂತ್ ಉಜ್ವಾಡ್ ಜಾವ್ನ್ ಪ್ರಕಾಸ್ಲೊ
ಸಂಸಾರಾಚ ರಾಯಾನಿಂ ತಾಕ ನಮಾನ್ ಕೆಲೊ
ಮರಿ ಮಾಯೆಚ ಉದಾರಿಂ ಸಂಸಾರ್ ತಾಣೆಂ ದೆಕ್ಲೊ
ದಾವಿದ್ ಘರಾಣ್ಯಾಚೊ ಆಧಿಪತಿ ತೊ ಜಾವ್ನಾಸ್‍ಲ್ಲೊ
ರಾಯಾಂಚೊ ರಾಯ್ ಅಯ್ಲಾ ರಾಜ್ ಕರುಂಕ್
ದುಬ್ಳ್ಯಾಂಚೊ ಈಷ್ಟ್ ಅಯ್ಲಾ ಭುಜಾವಣ್ ದೀಂವ್ಕ್
ಪಾತ್ಕ್ಯಾಂಚೊ ರಕ್ಶಕ್ ಅಯ್ಲಾ ಸುಟ್ಕಾ ಲಾಬೊಂವ್ಕ್
ಆನಾಥ್ಯಾಂಚೊ ಸಂಗತಿ ಅಯ್ಲಾ ಹುಸ್ಕೊ ಘೆಂವ್ಕ್
ಸ್ವಾಗತ್ ತುಕಾ ಜೆಜು ಬಾಳ್ಕಾ ಅಮ್ಚಾ ಕಾಳ್ಜಾಂತ್
ಸಮಾದಾನೆಚೆಂ ರಾಜ್ ತುಂ ಕರ್ ಅಮ್ಚಾ ಜಿಣ್ಯೆಂತ್
ದಾಕಯ್ ತುಂ ನವಿ ದಿಶಾ ಮುಕ್ಲ್ಯಾ ಮೆಟಾಂಕ್
ಭಾವರ್ಥ್ ಅಮ್ಚೊ ಘಟ್ ಕರ್ ಮೊರಾ ಪರ್ಯಾಂತ್.
No comments:
Post a Comment