ಪಯ್ಲೆಂ ಪಾತಾಕ್.....

ದೆವಾನ್ ರಚ್ಲೆಂ ಸುಂದರ್ ಏದೆನ್, ರಾಜ್ ಕೆಲೊ ಆದಾಂವ್ ಏವೆನ್
ಏದೆನಾಚೆರ್ ಆಧಿಕಾರ್ ದಿಲ್ಲೊ, ವಾಡೊನ್ ಚಡೊಂಕ್ ಬೆಸಾಂವ್ ಗಲ್ಲೆಂ
ಜಿವಿತ್ ಜಿಯೆಲಿಂ ತಿಂ ಸುಖಾಚೆಂ, ಸ್ತುತಿಕೆಲಿ ರಚ್ಲೆಲ್ಯಾ ಸೊಡ್ವಣ್ದಾರಾಚಿ
ದೆವಾಚೆಂ ಉತಾರ್ ಪಳುಂಕ್ ಅಸ್ಲೆಂ, ರುಕಾಚೆಂ ಫಳ್ ಖಾಂವ್ಕ್ ನಾತ್ಲೆಂ

ದೆವಾಚ ರಚ್ನೆಂತ್ ಸೊರಪ್ ಬುದ್ವಂತ್, ಜಾವ್ನಾಸ್‍ಲ್ಲೊ ದೆಂವ್ಚಾರಾಚೆಂ ರೂಪ್
ದೀಸ್ ಗೆಲೆ ರಚ್ನಾರಾಚಿ ಸ್ತುತಿ ಕಾರ್ನ್, ಈಷ್ಟ್ ಜಾಲೊ ಸೊರಪ್ ಸ್ತ್ರೀಯೆಕ್ ನಾಡುನ್
ಫಳ್ ಖಾಂವ್ಕ್ ಸ್ತ್ರೀಯೆಕ್ ನಾಡ್ತಾ, ದೇವಪರಿ ಜಾತೆಲ್ಯಾತ್ ಮುಣ್ ಪೊಟ್ ಸಂಗ್ತಾ
ಆಸ್ಕತ್ ಸ್ತ್ರೀ ಸೊರ್ಪಾಕ್ ಪಾತ್ಯೆತ, ಫಳ್ ಖಾಂವ್ಕ್ ಮುಕಾರ್ ಸರ್ತಾ.

ಖೆಲೆಂ ಫಳ್ ಅಡ್ವರ್ಲೆಲ್ಯಾ ರುಕಾಚೆಂ, ಉತಾರ್ ಮೊಡ್ಲೆಂ ರಚ್ಲೆಲ್ಯಾ ದೆವಾಚೆಂ
ಆದಾಂವ್ ಸ್ತ್ರೀಯೆಕ್ ಪಾತ್ಯೆಲೊ, ತಿಣೆಂ ದಿಲ್ಲೆಂ ಫಳ್ ಖಾವ್ನ್ ಪಾತ್ಕಿ ಜಾಲೊ
ದೊಳೆ ತಾಂಚೆ ಉಗ್ತೆ ಜಾಲೆ, ಅಪುಣ್ ವಿಣ್ಗಿ ಮುಣ್ ಸಮ್ಜೊನ್ ಆಯ್ಲೆಂ
ಪಾನಾಂ ಗುಂತುನ್ ಮಾನ್ ದಾಂಪ್ಲೊ, ಪಾತ್ಕಾನ್ ಆಂದ್ಕಾರಾಂತ್ ಗಾಲೊ

ದೆವಾನ್ ಏದೆನಾಕ್ ಬೆಟ್ ದಿಲಿ, ಆದಾಂವ್-ಏವ್ ತಾಚೆ ತಾವ್ನ್ ಲಿಪ್ಲಿಂ
ದೇವಾ ವಿರೊದ್ ಪಾತಕ್ ಕೆಲ್ಲೆಂ, ತೊಂಡ್ ದಾಕೊಂವ್ಕ್ ಲಾಜ್ ದಿಸ್ಲೆಂ
ಸ್ತ್ರೀ ದುರ್ಸಾಲಿ ಸೊರ್ಪಾಕ್, ದಾದ್ಲೊ ದುರ್ಸಾಲೊ ಸ್ತ್ರೀಯೆಕ್
ದೇವಾನ್ ಸೊರ್ಪಾಕ್ ಶಿರಾಪ್ ಗಾಲೊ, ಮಾತಿ ಖಾವ್ನ್ ಜಿಯೆಂವ್ಕ್ ಕೆಲೊ.

 ಸ್ತ್ರೀಯೆಚ ಅವಿದೇಯ್ ಪಣಕ್ ಲಾಗುನ್ ಗರ್ಬೆಸ್ತ್ ಪಣಾಚೆ ಕಾಷ್ಟ್ ವಾಡ್ಲೆ
ದಾದ್ಲ್ಯಾಚ ಪಾತ್ಕಾಕ್ ಲಾಗುನ್ ಕಾಷ್ಟ್ ಕಾಡ್ನ್ ಜಿಯೆಂವ್ಕ್ ಸಾಂಗ್ಲೆಂ
ದುಳಿತಾವ್ನ್ ಕಾಡ್ಲೆಲ್ಯಾಕ್ ಪಾಟಿಂ ದುಳಿಕ್ ವೊಸುಂಕ್ ಮೆಳ್ಳೆಂ
ಅದಾಂವ್-ಏವೆಚೆ ಪಾತಕ್, ಜಾಲೆಂ ಸಂಯ್ಬಾಚೆಂ ಪಾತಾಕ್.