ಮೊಜಾ ಸೊಡ್ವಣ್ದಾರಾಕ್ ಬಾದ್ಲ್ಲೆಂ ಮೋಲ್ ತೆಂ
ಮಕಾ ರಚ್ಲೆಲ್ಯಾಕ್ ದಿಲ್ಲೆಂ ಇನಾಮ್ ತೆಂ
ಪ್ರಾಣ್ ತಾಣೆಂ ಕೆಲೊ ಮೊಜಾ ಪಾತ್ಕಾಕ್
ಸೊಡ್ವಣ್ ತಾಣೆಂ ದಿಲಿ ಮೊನ್ಶ ಕುಳಾಕ್
ದೆವಾನ್ ದಾಡ್ಲೊ ತುಕಾ ಸಂಸ್ರಕ್ ತಾರಣ್ ದೀಂವ್ಕ್
ಅಪ್ಣೆ ವಿಂಚ್ಲೆಲ್ಯಾ ಪರ್ಜೆಕ್ ಬುಜಾವಾಣ್ ಜಾಂವ್ಕ್
ಆಯಿಲ್ಲೊಯ್ ತುಂ ಗೆವ್ನ್ ಮೋಗ್ ಬಾಪಾಚೊ
ಆಶೆಲೊಯ್ ತುಂ ಪರ್ಗಟುಂಕ್ ಗುಟ್ ಸರ್ಗಿಂಚೊ
ಶಿಸ್ ಕೆಲೆಯ್ ತುವೆಂ ಮಾಸ್ಳಿ ಪಾಗ್ಚ ಮೊನ್ಶಂಕ್
ಜಾಣ್ವಾಯ್ ದಿಲಿಯ್ ತಾಂಕಾ ದಾಡುಂಕ್ ಸಂಸ್ರಾಕ್
ಶಿಕಪ್ ಜೊಡ್ಲೆಂ ತಾಣಿಂ ಸರ್ಗಿಂಚಾ ರಾಜಾಚೆಂ
ಜಿಕ್ಲೆಂ ಕಾಳಿಜ್ ಮೊಗಾನ್ ಸಂಸ್ರಚಾ ಲೊಕಾಂಚೆಂ
ಬಾರಂತ್ಲ್ಯಾ ಏಕ್ಲ್ಯಾನ್ ತುಕಾ ಪರಾಧೀನ್ ಕೆಲೆಂ
ಜುದಾಸಾಚಾ ಕಾಳ್ಜಾಂತ್ ಸೈತನಾನ್ ಬಿಡಾರ್ ಕೆಲೆಂ
ಮೆಜ್ಲಿಂ 30 ನಾಣಿಂ ಅಪ್ಲ್ಯಾ ಮೆಸ್ತ್ರಿಚಾ ಜಿವಾಕ್
ಘಾತ್ ಕೆಲೊ ತಾಣೆಂ ಅಪ್ಣಾಚೊ ಮೋಗ್ ಕೆಲ್ಲ್ಯಾ ದೆವಾಕ್
No comments:
Post a Comment