ಮೊಜಾ ಕಾಜ್ರಾಚೊ ಉಗ್ಡಾಸ್...........

ಮೊಗಾಚಾ ಸಂಸ್ರಾರ್ ಚಮ್ಕೊತನಾ, ಬೆಟ್ಲೆಂಯ್ ಮೊಗಾ ವಾಟೆರ್
ಕಾಳಿಜ್ ಬರ್ಲೆಂ, ದೊಳೆ ಪುಲ್ಲೆ, ಘಾಲ್ನ್ ತುಜೆರ್ ನದಾರ್
ಬೊಗ್ಣಾ ಜಿವಾಳ್, ಚಿಂತ್ನಾ ಹಜಾರ್, ಮೊಜಾ ಕಾಳ್ಜಾ ಬಿತರ್
ಮೊಗಾರ್ ಪಡ್ಲೊಂ, ಖುಶೆನ್ ಉಡ್ಲೊಂ, ಘೇಂವ್ಕ್ ಲಗ್ನಾಂ ಬೆಸಾರ್

ದೊತೊರ್ನ್ ಸೊಂಪ್ಲಿ, ಚೀಟ್ ವಾಸ್ಲಿ
ಕಾಜಾರ ದಿಸಾಕ್ ತಾರಿಕ್ ಘಟ್ ಕೆಲಿ
ಕಾಗ್ದಾಂ ಚಾಪ್ಲಿಂ, ವಾಡ್ಯಾನಿಂ ವಾಂಟ್ಲಿ
ಲಾಗ್ಶಿಲ್ಯಾ ಸರ್ಯಾಂಕ್ ವೊವ್ಳಿಕ್ ಸಂಗ್ಲಿ

ಬಂಗಾರ್ ತಯಾರ್, ಘರ್ಚಿಂ ವಾರ್ಯಾರ್
ಕೋಟಾಚಿ ಜೋಕ್ ವೊರ್ನ್ ಗೆಲೊ ಟೈಲಾರ್
ಮಾಟೊವ್ ಗಾಲೊ, ದುಕ್ರಾಕ್ ದರ್ಲೊ
ಸನ್ನ ಮಾಸಾಚೆಂ ಜೆವಾಣ್ ತಯಾರ್

ರೋಸ್ ಪುಸ್ಲೊ, ವೊವ್ಯೊ ಗಾಯ್ಲ್ಯೊ
ಸರ್ಗಿಚೆಂ ಬೆಸಾಂವ್ ಮಾಗೊನ್ ಗೆತ್ಲೆಂ
ಬ್ಯಾಂಡ್ ವಾಜ್ಲೆಂ, ಗರ್ನಾಳ್ ಪುಟ್ಲ್ಯೊ
ದೀಸ್ ಉದೆಂವ್ಕ್ ರಾಕೊನ್ ಬೊಸ್ಲೊಂ

ಮೀಸ್ ಕಾಬಾರ್, ಹೊಲಾಂತ್ ದರ್ಬಾರ್
ಆಯಾರ್ ಅಯ್ಲೊ ಹಾಜಾರ ಲೇಕಾರ್
ಚೆಡ್ವಕ್ ಹಾಡ್ಲೆಂ, ಒಪ್ಸುನ್ ದಿಲೆಂ
ಕರಿಯಮಣಿ ಬಂದ್ಲಿ ಲೋಕ ಮುಕಾರ್.