ಯಾದಿಂಕ್ ವಕತ್....

ಲಿಂಬ್ಯಾಚೊ ಸರ್ಬಾತ್ ಅಂಬೊಟ್ ಜಾಲ್ಯಾರ್
ಏಕ್ ಕುಲೆರ್ ಸಕರ್ ಗಾಲ್ನ್ಂ ಹಲ್ಟ್ ಕರಿನ್.
ಪೂಣ್....
ಮೊಜ್ಯಾ ಮೊಗಾಕ್ ದಿಕ್ಕರುನ್
ಉಗ್ಡಾಸಚ ಸಾಗೊರಾಂತ್ ದೊಸುನ್ ಅಸ್ಚಾ
ತುಜ್ಯಾ ಯಾದಿಂಕ್ ತಾಂಬೊಂವ್ಕ್
ಕಾಂಯ್ ತರೀ ವಕತ್ ಸೊದುನ್ ಕಾಡ್ಗೊ ಚೆಡ್ವಾ...

ಸಂಕಷ್ಟಾಂತ್ ಚೆಡುಂ.....

ಅವಯ್ ಬಾಪಯ್ಚಾ ಆಶೆಕ್ ನಿರಾಶಿ ಬಾಳ್ ಜಾಂವ್ನ್ ಜಲ್ಮಾಲಿಂ
ಕಿತ್ಯಾಕ್, ಘರ ಚೆಡ್ಯಾ ಭುರ್ಗ್ಯಾಕ್ ಪಳೆಂವ್ಕ್ ಸರ್ವಾಂ ಅಶೆತಾಲಿಂ
ವಾಡೊನ್ ಯೆತನಾಂ ನಾಂ-ಕುಶೆಚಿಂ ತೊಂಡ ಜಳ್ಕತಾಲಿಂ
ತರೀ, ನಿರಾಸ್ ಪಣಾಕ್ ದಾಂಬುನ್ ದರ್ನ್ ಜಿಯೆಂವ್ಕ್ ಶಿಕ್ಲಿಂ

ಮ್ಹಜ್ಯಾ ಸಂಸಾರಾಂತ್ ಏಕ್ ಪುಲಾ ಬರಿ ಹಾಂವ್ ವಾಡೊನ್ ಯೆತಾಲಿಂ
ಮ್ಹಕಾ ಕಳನಾಸ್ತಾನಾಂ ಏಕ್ ದೀಸ್ ಹಾಂವ್ ವಾಡೊನ್ ರಾವುಲ್ಲಿಂ
ಹೆರಾಂ ಬರಿ ಮೋಗ್ ವಾಂಟುನ್ ಘೆಂವ್ಕ್ ಹಾಂವೀ ಆಶೆತಾಲಿಂ
ಮೊಗಾಚೊ ಆರ್ಥ್ ಕಳನಾತ್‍ಲ್ಲ್ಯಾ ಹ್ಯಾ ಸಂಸಾರಾಂತ್ ನಿಸ್ರೊನ್ ಪಡ್ಲಿಂ

ವಾಡೊನ್ ಯೆಂವ್ಚಾ ಕುಡಿಕ್ ಮ್ಹಜ್ಯಾ ವಿಕ್ರತ್ ಗುಗಿಚಿ ದೀಷ್ಟ್ ಪಡ್ಲಿ
ಕಾಳ್ಜಾಕ್ ತೊಪ್ಚಾ ಉತ್ರಾಂಕ್ ಅಯ್ಕೊಂವ್ನ್ ಮ್ಹಜೆಭಿತರ್-ಚ್ ರಡ್ಲಿಂ
ದಾದ್ಲ್ಯಾಕ್ ತುಕ್ಚಾ ಹ್ಯಾ ಸಂಸಾರಾಂತ್  ಹಾಂವ್ ಎಕ್ಸುರಿ ಉರ್ಲಿಂ
ಮ್ಹಜ್ಯಾ ಹಕ್ಕಾಕ್ ಝಗ್ಡೊನ್ ಝಗ್ಡೊನ್ ನಿರಾಸ್ ಪಣಿಂ ಝರ್ಲಿಂ

ಮ್ಹಕಾ ಸಮ್ಜೊನ್ ಮೋಗ್ ಕರ್ಚ ದಾದ್ಲ್ಯಾಕ್ ಅಪ್ಣಾಂವ್ಕ್ ಸಪ್ಣೆಲಿಂ
ಘರ್ಚಾಂಚ ಒತ್ತಾಯೆಕ್ ಲಾಗುನ್ ದುಸ್ರ್ಯಾಚ್ ದಾದ್ಲ್ಯಾಕ್ ಸಂಪ್ಡಲಿಂ
ಪಯ್ಶೆ, ಬಂಗಾರ್, ದೊತಿಕ್ ಲಾಗುನ್ ಜಿಣ್ಯೆಂತ್ ಮ್ಹಜ್ಯಾ ಕರ್ಗಲಿಂ
ಸಂಸಾರಾಂತ್ ಜಿಣಿ ಸರ್ಲಿ ತರೀ, ಗುಲಾಮ್ ಜಾಂವ್ನ್ ಜಿಯೆಲಿಂ

ಕಿತ್ಯಾಕ್ ಮ್ಹಜ್ಯಾ ನಶಿಬಾಂತ್ ದುಃಖಚ ದಿಸಾಂಕ್ ಬರೊವ್ನ್ ಗಾಲಾಂ
ಚೆಡುಂ ಮ್ಹಳ್ಳ್ಯಾ ಉದ್ದೇಶಾನ್ ಸ್ವತಂತ್ರ್ ಮ್ಹಜೆಂ ವೊಡ್ನ್ ವೆಲಾಂ
ಮ್ಹಜ್ಯಾ ಕುಡಿಚ ವಿಶ್ವ್ಯಾಂಕ್ ಕಿತ್ಯಾ ಆಕರ್ಷಣ್ ಮ್ಹಣ್ ವೊಲಾಯ್ಲಾಂ
ದಾದ್ಲ್ಯಾಂಚ ವೊಡ್ಣೆಕ್ ಸಾಂಪ್ಡೊನ್ ಜಿಯೆಂವ್ಕ್ ಕಿತ್ಯಾಕ್ ನಿರ್ಮಿಲಾಂ

ಎಲೀಯಾ ಆನಿ ಸುಕಿಧಾಡ್........

ಸಲ್ಮಾಂವ್ಚಾ ಮರ್ಣಾಂ ಉಪ್ರಾಂತ್ ಹರ್ಯೆಕ್ ರಾಯ್ ಪಾತಾಕ್ ಅದಾರ್ತಾ
ಅನ್ಯಾಂ ದೆವಾಚಿಂ ಪೂಜಾ ಕಾರ್ನ್ ದೆವಾ ಥಾಂವ್ನ್ ಪಾಯ್ಸ್ ಸರ್ತಾ
ರಾಯಾಂಚ ಖೊಟ್ಯಾ ಕರ್ತುವಾಂಕ್ ಲಾಗೊನ್ ದೇವ್ ರಾಗರ್ ಜಾತ
ಎಲೀಯಾ ಪ್ರವಾದಿ ಮುಖಾಂತ್ರ್ ಯೇಂವ್ಕ್ ಅಸ್ಚೆ ಕಾಷ್ಟ್ ಪರ್ಜೆಕ್ ತಿಳ್ಸಿತಾ

ರಾಯಾಂಚ ಪಾತ್ಕಾಂಕ್ ಲಾಗೊನ್ ದೆಶಾಂತ್ ಪಾವ್ಸ್ ಪಡಾನಾಶೆಂ ಕರ್ತಾ
ಪಿಯೆಂವ್ಕ್ ಉದಾಕ್ ನಾಸ್ತಾನಾಂ ಇಸ್ರಾಯೆಲ್ ಲೋಕ್ ಕಂಗಾಲ್ ಜಾತ
ಎಲೀಯಾ ಪ್ರವಾದಿಕ್ ಕೆರಿತ್ ವ್ಹಾಳಾ ಲಾಗಿಂ ರಾವೊಂಕ್ ದೇವ್ ಅದೇಶ್ ದಿತಾ
ಕಾವ್ಳ್ಯಾ ಮುಖಾಂತ್ರ್ ಸಕಾಳಿಂ-ಸಂಜೆಚೆಂ ಖಾಣ್ ಮೆಳಾಶೆಂ ಕರ್ತಾ

ಥೊಡ್ಯಾ ಕಾಳಾ ಉಪ್ರಾಂತ್ ಕೆರಿತ್ ವ್ಹಾಳ್ ಪಾವ್ಸ್ ನಾಸ್ತಾಂ ಸುಕೊನ್ ವೆತಾ
ದೇವ್ ಎಲೀಯಾಕ್ ಜಾರೆಫಾತಾಚ ಏಕ್ ವಿಧವ್ ಸ್ತೀಯೆಕ್ ಬೆಟೊಂವ್ಕ್ ಪರ್ಮಾಯ್ತಾ
ಏಲಿಯಾ ವಿಧವ್ ಸ್ತೀಯೆಕ್ ಬೆಟ್ತಾ ಆನಿ ಅಪ್ಣಾಕ್ ಖಾಂವ್ಕ್ ಉಂಡೊ ಇಸಾರ್ತಾ
ದುಬ್ಳಿಕಾಯೆಕ್ ಬಲಿಜಾಲ್ಲಿ ಸ್ತ್ರೀ ಅಪ್ಣಾಂ ಥಾಂಯ್ ಕಾಯಿಂಚ್ ನಾಂ ಮ್ಹಣ್ ತಿಳ್ಸಿತಾ

ಘರ ಅಸ್ಲೆಲ್ಯಾ ತೆಲಾಂತ್ ಆನಿಂ ಪಿಟಾಂತ್ ಬಾಕ್ರಿ ಕರುಂಕ್ ಏಲಿಯಾ ಸಂಗ್ತಾ
ಪ್ರವಾದಿಚ ಉತ್ರಾಕ್ ಖಾಲ್ ಜಾಂವ್ನ್ ಸ್ತ್ರೀ ಅಪ್ಣಾಕ್ ಆನಿ ಏಲಿಯಾಕ್ ಬಾಕ್ರಿ ಕರ್ತಾ
ತಿಚ ಉದಾರ್ ಮನಾಕ್ ಲಾಗೊನ್ ದೇವ್ ವಿದ್ವಿಚೇರ್ ಆಶಿರ್ವಾದ್ ಗಾಲ್ತಾ
ಸುಕಿಧಾಡ್ ಮುಗ್ದಾತ ಮ್ಹಣಾಸಾರ್ ತೇಲ್ ಆನಿ ಪೀಟ್ ಮುಗ್ದನಾಶೆಂ ಸಂಬಾಳ್ನ್ ವರ್ತಾ

ತೊಡ್ಯಾಂ ತೆಂಪಾನ್ ವಿದ್ವಿಚೊ ಪೂತ್ ಪಿಡೆಂತ್ ಪಡೊನ್ ಮರಣ್ ಪಾವ್ತಾ
ಅನಾಥ್ ಜಾಲ್ಲಿ ಸ್ತ್ರೀ ಅಪ್ಲ್ಯಾ ಪುತಾ ಖಾತಿರ್ ರುದಾನ್ ಕರ್ನ್ ಏಲಿಯಾ ಸರ್ಶಿಂ ಯೆತಾ
ಏಲಿಯಾ ವಿದ್ವಿಚ ಪುತಾಕ್ ಅಪ್ಲ್ಯಾ ಖಾಟಿಯೆರ್ ದವರ್ನ್ ದೇವಾಕಡೆ ಪರತುನ್ ಮಾಗ್ತಾ
ದೇವ್ ಏಲಿಯಾಚೆಂ ಮಾಗ್ಣೆಂ ಅಯ್ಕಾತಾ ಆನಿ ವಿದ್ವಿಚ ಪುತಾಕ್ ಜೀವ್ ಕರ್ತಾ

ಪಾವ್ಸ್ ಆನಿ ಉಗ್ಡಾಸ್....

ಮೊಡ ಥಾಂವ್ನ್ ಪಡ್ಚೊ ಪಾವ್ಸ್ ಕಶೆಂ
ಪರತ್ ಪರತ್ ಮೊಡಾಂಕ್ ಪಾಟಿಂ ವೆತಾಗೀ,,,
ತಾಶೆಂ ತುವೆಂ ದೀಂವ್ನ್ ಗೆಲ್ಲೊ ಉಗ್ಡಾಸ್
ನಾಕ ನಾಕ ಮ್ಹಳ್ಯಾರೀ
ಪರತ್ ಪರತ್ ಮ್ಹಜ್ಯಾ ಮತಿಂತ್ ಘರ್ ಕರ್ತಾತ್

ಅಶೆಂಯ್ ಕಿತ್ಯಾಕ್ ಜಿಯೆಂವ್ಚೆಂ...

ಕಿತ್ಯಾಕ್ ಮನ್ಶಾ ತುಂ ಇತ್ಲೋಯ್ ಉಡ್ತಾಯ್
ಖೊಟ್ಯಾ ದ್ರಶ್ಟೆನ್ ತುಂ ಸಂಸಾರ್ ತುಕ್ತಾಯ್
ಕಾಡ್ನ್ ಉಡೊಂವ್ಕ್ ಶಿಕ್ ಕಾಳ್ಜಾಂತ್ಲಿ ಕುಸಡಾಯ್
ಉಲೊಂವ್ದಿ ದುಸ್ರೆ ತುಜ್ಯಾ ವಿಶಿಂ ಬಡಾಯ್

ಜಿವಿತಾಚೆ ಚಾರ್ ದೀಸ್ ಕಿತ್ಯಾಕ್ ಕೊಡು ಕರ್ತಾಯ್
ದುಸ್ರ್ಯಾಂಚೊ ಖುರಿಸ್ ವಾವೊಂವ್ಕ್ ಕಿತ್ಯಾಕ್ ದರ್ವಾಡ್ತಾಯ್
ತುಜ್ಯಾ ದೊಳ್ಯಾಂತ್ಲೆಂ ಕಿಸರ್ ಕಾಡುಂಕ್ ತುಂ ವಿಸ್ರತಾಯ್
ತುಜ್ಯಾ ಕಾಳ್ಜಾಕ್ ಶೆಳೊ ಮಾಂಡ್ಲಾ ತೆಂ ತುಂ ವಿಸ್ರಲಾಯ್

ಕಾಳ್ಜಾಂತ್ ಖೊಟೆಂ ದವಾರ್ನ್ ಉಗ್ತ್ಯಾನ್ ಹಸ್ತಾಯ್
ಸಮಾಜೆಂತ್ ನಾಂವ್ ಜೊಡುಂಕ್ ಕರ್ಬಾರಂ ಕರ್ತಾಯ್
ಸಂಸಾರ್ ಬದ್ಲಲಾ ಮ್ಹಣ್ ಖೊಟ್ಯಾಂ ಪಾಟ್ಲ್ಯಾನ್ ದಂವ್ತಾಯ್
ಸತಕ್ ಸಾಕ್ಸ್ ದಿಂವ್ಚಾ ಬದ್ಲಾಕ್ ಉಲ್ಟೆಂ ಉಲಯ್ತಾಯ್

ಉಲೊಂವ್ಚಾ ಉತ್ರಾನಿಂ ಸಾಂತಿಪಣ್ ದಾಕಯ್ತಾಯ್
ಕರ್ಣಿ ಕರುಂಕ್ ಪಡ್ತಾನಾಂ ತೊಂಡ್ ತುಜೆಂ ಲಿಪಯ್ತಾಯ್
ಸಮಾಜೆಚ್ಯೊ ರುಲಿ-ರೆಗ್ರ್ಯೊ ವ್ಹಡ್ಲ್ಯಾನ್ ಗಾಜಾಯ್ತಾಯ್
ಅಪ್ಣಾಚ ಅದಾಯಕ್ ಕಾಯ್ದೊ ದಂಟೊನ್ ಚಲ್ತಾಯ್

ಸತ್ ಉಸಾರ್ಚಾ ಜಿಬೇಕ್ ಕೊಡು ಉತ್ರಾಂಚಿ ರೂಚ್ ದಿಲ್ಯಾಯ್
ಭಿರ್ಮೊತ್ ಪಾಂವ್ಚಾ ಕಾಳ್ಜಾಕ್ ಪತ್ರಾ ಬರಿ ಘಟ್ ಕೆಲಾಂಯ್
ಬರೆಂ ದೆಕ್ಚಾ ದೊಳ್ಯಾಂಕ್ ಅಂದ್ಕಾರಚೊ ಪಾಟೊ ಬಂದ್ಲಾಯ್
ದೆವಾನ್ ದಿಲ್ಲ್ಯಾ ಕುಡಿಕ್ ಪಿಡೆ-ಶಿಡೆಚೆಂ ತಾಣ್ ಕೆಲಾಂಯ್

ಸಾಲ್ಮಾಂವ್ ರಾಯಾಚಿಂ ಪಾತ್ಕಾಂ....

ದೇವ್ ಸಾಲ್ಮಾಂವ್ಕ್ ರಾಯ್ ಜಾಂವ್ಕ್ ವಿಂಚ್ತಾನಾಂ ತೊಡಿಂ ಆಜ್ನಾಂ ದೀವ್ನಾಸ್ತಾ
ಅಪ್ಣಾಕ್ ಸೊಡ್ನ್ ಅನ್ಯ್ ದೆವಾಂಚಿ ಪೂಜಾ ಕರಿನಾಯೆ ಮ್ಹಣ್ ಫರ್ಮಾಣ್ ಗಾಲ್ನಾಸ್ತಾ
ಥೊಡ್ಯಾಚ್ ತೆಂಪಾನ್ ರಾಯಾಚೆಂ ಕಾಳಿಜ್ ದೇವಾ ಥಾವ್ನ್ ಪಯ್ಸ್ ಸರ್ತಾ
ದೆವಾಚಿ ಅಜ್ನಾಂ ಮೊಡುನ್ ತೊ ಪರ್ಕಿ ಸ್ತ್ರೀಯಾಂಚೊ ಸಹವಾಸ್ ಕರ್ತಾ

ಫಾರಾವ್ಯಾಚ ಧುವೆಕಡೆ ಕಾಜಾರ್ ಜಾವ್ನ್ ದೆವಾಚ ನದ್ರೆನ್ ಪಾತ್ಕಿ ಜಾತ
ಏಕ ಪಾಟ್ಲ್ಯಾನ್ ಏಕ್ ಸಾತ್ಶಿಂ ರಾಯ್ ಕುಂವರ್ಣಿಂ ಕಡೆ ಲಗ್ನ್ ಜಾತ
ಸಾರ್ವ್ ಅನ್ಯ್ ಸ್ತ್ರೀಯಾಂಕ್ ಲಾಗೊನ್ ಅನ್ಯ್ ದೆವಾಚಿಂ ಪೂಜಾ ಕರ್ತಾ
ದೆವಾಕ್ ಸಮರ್ಪುನ್ ದಿಲ್ಲ್ಯಾ ಜಾಗ್ಯಾರ್ ಅನ್ಯ್ ದೆವಾಂಚಿ ಮೂರ್ತಿ ಕರಯ್ತಾ

ಅಪ್ಲ್ಯಾ ಕುಳಿಯೆಚ ಬಾಯ್ರ್ ಸ್ತೀಯಾಂಚೊ ಮೋಗ್ ಕರ್ನ್ ಪಾತಕ್ ಅದಾರ್ತಾ
ಸಿದೊನಿಯಾಚೆ ರಾಯ್ ಕುಂವರ್ಣಿಕ್ ಲಾಗುನ್ ದೆವಿ ಅಸ್ಟಾರ್ಟೆಚಿ ವೇದಿ ಬಾಂದ್ತಾ
ಮೊವಾಬ್ಯಾಂಚಿಂ ಶಬಾಸ್ಕಿ ಜೊಡುಂಕ್ ದೇವ್ ಕೆಮೊಶಾಚಿ ಪುಜಾ ಕರಯ್ತಾ
ಅಮ್ಮೊನಾಂಚ್ಯಾ ದೆವಾ ಮಿಲ್ಕೊಮಾ ಖಾತಿರ್ ಪುಜಾ ವೇದಿ ಬಾಂದಾಯ್ತಾ

ದೋನ್ ಪವ್ಟಿಂ ದಿಷ್ಟಿಕ್ ಪಡ್‍ಲ್ಲ್ಯಾ ದೆವಾಕ್ ಸಲ್ಮಾಂವ್ ಬೆಪಾರ್ವಾ ಕರ್ತಾ
ತಾಚಿ ಆಜ್ನಾಂ ಕಾಳ್ಜಾಂತ್ ಜಾಗೊವ್ನ್ ದವರುಂಕ್ ಚುಕೊನ್ ಪಡ್ತಾ
ಅಪ್ಣಾಕ್ ಅಘಾದ್ ಜ್ನಾನ್ ಪಾವೊ ಕೆಲ್ಲ್ಯಾ ದೆವಾ ಥಾಂವ್ನ್ ಪಾಯ್ಸ್ ಸರ್ತಾ
ಅಪ್ಣಾಚಿಸ್ ಖುಶಿ ಕರುನ್ ಸಂಗಾತ್ ದಿಲ್ಲ್ಯಾ ದೆವಾಚೆಂ ಕಾಳಿಜ್ ದುಕಾಯ್ತಾ

ದೇವ್ ಸಾಲ್ಮಾಂವ್ ರಾಯಾಚ ನಡ್ತೆ ನಿಮ್ತಿಂ ತಾಚೆರ್ ರಾಗರ್ ಜಾತ
ಸಾಲ್ಮಾಂವ್ಚಿ ರಾಜ್ವಾಟ್ಕಿ ಕಾಡ್ನ್ ಪರ್ಕ್ಯಾಂಕ್ ದಿತಲೊಂ ಮ್ಹಣ್ ಭಾಸಯ್ತಾ
ದಾವಿದ್ ರಾಯಾಕ್ ಲಾಗುನ್ ಸಾಲ್ಮಾಂವ್ಚ ಮರ್ಣಾ ಪರ್ಯಾಂತ್ ತಾಕ ಸಾಂಬಾಳ್ತಾ
ಸಾಲ್ಮಾಂವ್ಚಾ ಮರ್ಣಾಂ ಉಪ್ರಾಂತ್ ರಾಜ್ವಾಟ್ಕಿ ಜೆರೊಬೊವಾಮಾಕ್ ಭಾಸಯ್ತಾ

ಮೊಗ...
ಆಜ್, ತುಜ್ಯಾ ಮೊಗಾಂತ್ ಸೊಲ್ವೊನ್ ವೊಸೊನ್
ಅಂದ್ಕಾರಾಂತ್ ದಾಂಟೊನ್ ಪಡ್‍ಲ್ಲ್ಯಾ ಮ್ಹಜ್ಯಾ ಗಾಯಾಂಕ್
ಮುಲಾಮ್ ಜಾಂವ್ಕ್ ಅಶೆತಾಯ್...
ಪೂಣ್...
ತ್ಯಾ ದೀಸ್ ಮ್ಹಜ್ಯಾ ಕಾಳ್ಜಾಚ ಉಡಿಯೆಕ್ ಸಾಂಗಾತ್ ದಿಲ್ಲೊಯ್ ತಾರ್
ಆಜ್ ದಾಂಟೊನ್ ಪಡ್ಚಿ ಪರಿಗತ್‍ಚ್ ಯೇನಾತ್ಲಿ ಕೊಣ್ಣ.

ಅದಿಂ...
ಬಿಂ ವೊಂಪುನ್, ಕಾಪುಸ್ ವಾಡೊವ್ನ್
ಅಪ್ಲ್ಯಾಚ್ ಹತಾನಿಂ ವಿಣ್ಲೆಲ್ಯಾ ಖಾದಿ ವಸ್ತುರಾಂತ್
ದೆಶಾಕ್ ಮಾನ್ ಕರ್ಚೊ ಶಪತ್ ಘೆಂವ್ನ್, ಮಾತ್ಯಾನಿಂ ಸೊಭಾಯ್ತಾಲೆ
ಗಾಂಧಿ ಟೋಪಿ...
ಆತಾಂ....
ಪಯ್ಶೆ ಶಿಂಪ್ಡಾಂವ್ನ್, ಸುರ್-ಸೊರ್ಯಾಚಿ ಆಶಾ ದಾಕೊವ್ನ್
ಪರ್ಗಾವಾಚ ಅಮೊಲಿಕ್ ಲುಗ್ಟಾಕ್ ದುಬ್ಳ್ಯಾಚ ರಗ್ತಾಂತ್ ದುಂವ್ನ್
ಅಪ್ಣಾಚೆಂ ಪೋಟ್ ಬೊರ್ಚಿ ಶಪತ್ ಘೆಂವ್ನ್, ಮಾಂತ್ಯಾನಿಂ ಸೊಭಾಯ್ತಾತ್
ಗಾಂಧಿ ಟೋಪಿ...