ಸೊದೊಮ್ ಅನಿ ಗೊಮೊರ್ರಾ.......

ಏಕ್ ದೀಸ್ ದೇವ್ ಸೊದೊಮಾಚ ವಾಟೆರ್ ಚಮ್ಕಾತಲೊ
ಅನೀತಿನ್ ಭರುನ್ ಅಸ್ಲ್ಯಾ ಲೊಕಾಂ ವಿಶಿಂ ತೊ ಚಿಂತುನ್ ಅಸ್ಲೊ
ವಾಟೆರ್ ಅಬ್ರಹಾಮ್ ದೆವಾಕ್ ಮುಖಾ ಮುಖಿ ಬೆಟ್ಲೊ
ದೆವಾನ್ ಸೊದೊಮ್-ಗೊಮೊರ್ರಾಕ್ ನಾಸ್ ಕರ್ಚೊ ನಿರ್ಧಾರ್ ಕೆಲ್ಲೊ

ಅಬ್ರಹಾಮ್ ದೆವಾಲಾಗಿಂ ಸೊದೊಮಾ ವಿಶಿಂ ಉಲೊಂವ್ಕ್ ಲಾಗ್ಲೊ
ನಿತಿವಂತಖಾತಿರ್ ಪುಣಿ ಶಹರಾಕ್ ಉರಂವ್ಕ್ ತಾರ್ಕ್ ಕರಿಲಾಗ್ಲೊ
ಖೊಟ್ಯಾಂ ಸಂಗತ ಬೊರ್ಯಾಂಚೊ ನಾಸ್ ಕರಿನಾಯ್ ಮ್ಹಣ್ ಪರತಿಲಾಗ್ಲೊ
ಪೊನ್ನಾಸ್ ನಂಯ್ ತರೀ ಧಾ ನಿತಿವಂತ್ ಮೆಳ್ಳ್ಯಾರೀ ಶಹಾರ್ ಶಭಿತ್ ಉರ್ತೊ

ದೆವಾಚೆ ದೋಗ್ ಧೂತ್ ಶಹರಾಚಿ ಪರಿಕ್ಶ ಕರುನ್ ಆಸ್‍ಲ್ಲೆ
ಶಹಾರಚಾ ದರ್ವಾಟ್ಯಾರ್ ನಿತಿವಂತ್ ಲೋಟಾಕ್ ತೆ ಬೆಟ್ಲೆ
ಲೋಟಾಚ ಒತ್ತಾಯೆಕ್ ರಾತ್ ಸರುಂಕ್ ತಾಚಾ ಘರ ರಾವ್ಲೆ
ಮೊಗಾಚೊ ಸಂಕೆತ್ ಜಾವ್ನ್ ಧೂತಾಂಕ್ ಜೆವ್ಣಾಚೊ ಸತ್ಕಾರ್ ದಿಲೊ.

ನಿದೊಂಕ್ ವೆಚಾ ಆದಿಂ ಲೊಕಾನಿಂ ಲೋಟಾಚ ಘರ ವೆಡೊ ಘಲೊ
ಖೊಟ್ಯಾ ಸ್ಪಿರಿತಾಚ ಲೊಕಾನಿಂ ದೇವ್ ದುತಾಂಕ್ ದಿಕ್ಕಾರ್ ಕೆಲೊ
ಘರ ಆಯಿಲ್ಲ್ಯಾ ಸಯ್ರ್ಯಾಂಚೊ ಮಾನ್ ರಾಕುಂಕ್ ಲೋಟ್ ಪರತಿಲಾಗ್ಲೊ
ಅಪ್ಲ್ಯಾ ಸ್ವಂತ್ ಧುವಾಂಕ್ ಪ್ರದ್ವಾರಿ ಲೊಕಾಂಕ್ ದೀಂವ್ಕ್ ಮುಕಾರ್ ಸರ್ಲೊ.

ಲೋಕ್ ಉಪ್ರಾಟ್ಲೊ, ಲೋಟಾಕ್ ತಾಣಿಂ ಲೊಟುನ್ ಬಾಯ್ರ್ ಕೆಲೊ
ಧುತಾನಿಂ ಲೋಟಾಕ್ ರಾಕ್ಲೊ ಸಂಬಾಳ್ನ್ ತಾಕಾ ಘರ ಬಿತರ್ ವೆಲೊ
ದೇವಾ ವಿರೊಧ್ ಪಾತಕ್ ತಾಣಿಂ ಕೆಲೆಂ ತಾಂಚೆ ದೊಳೆ ಕುರ್ಡೆ ಜಾಲೆ
ತಾಂಚ್ಯಾ ಖೊಟ್ಯಾ ಕರ್ನ್ಯಾಂನಿಂ ತಾಂಚೆ ಜಿವಿತ್ ಅಂದ್ಕಾರಾಚೆಂ ಜಾಲೆಂ

ದೇವಾಕ್ ಹೆಂ ಬರೆಂ ದಿಸ್ಲೆಂ ನಾಂ, ಏಕ್‍ಚ್ ಏಕ್ ನಿತಿವಂತ್ ದಿಸ್ಲೊನಾಂ
ಆಕಾಸ ಥಾವ್ನ್ ಗಂಧಕಾಚೊ ಅನಿಂ ಉಜ್ಯಾಚೊ ಪಾವ್ನ್ ಒತ್ಲೊ
ಮನ್ಶಾಂಚಾ ಪಾತ್ಕಾಕ್ ಲಾಗುನ್ ಸೊದೊಮ್-ಗೊಮೊರ್ರಾಚೊ ನಾಸ್ ಜಾಲೊ
ನಿತಿವಂತ್ ಲೋಟಾಕ್ ದೇವಾನ್ ನಾಸಾ ಥಾವ್ನ್ ಶಭಿತ್ ರಾಕ್ಲೊ.