ಮೋಗ್ - ದೆವಾಚೆಂ ಅನ್ಯೇಕ್ ಪ್ರತಿರೂಪ್....

ಜುವಾಂವ್ಚ್ಯಾ ವಾಂಜೆಲಾಂತ್ ಹ್ಯಾ ಉತ್ರಾಂಕ್ ಸಾಕ್ಸ್ ಜಾವ್ನ್ ಆಶೆಂ ವಾಚುಂಕ್ ಮೆಳ್ತಾ 3:16 "ದೆವಾನ್ ಸಂಸಾರಾಚೊ ಅಸೊಯಿ ಮೋಗ್ ಕೆಲೊ ಕೀ, ತಾಣೆಂ ಅಪ್ಲ್ಯಾ ಎಕ್ಲ್ಯಾಚ್ ಪುತಾಕ್ ಹ್ಯಾ ಸಂಸಾರಾಕ್ ಒಪುನ್ ದಿಲೊ".  ಮೊಗಾಕ್ ಸಾಕ್ಸ್ ಜಾಂವ್ಚ್ಯಾ ಹ್ಯಾ ಉತ್ರಾಂಚಾಕೀ ದುಸ್ರಿಂ ಉತ್ರಾಂ ಮೆಳ್ಚಿನಾಂತ್.  ಮೋಗ್ ಮ್ಹಣ್ತಾನಾಂ ದೊಳ್ಯಾ ಮುಕಾರ್ ಯೆಂವ್ಚೆಂ ಪಯ್ಲೆಂ ಪಿಂತುರ್ ಜಾವ್ನಾಸ ದೆವಾಚೆಂ.  ದೇವ್ ಜಾವ್ನಾಸ ಮೋಗ್ ತಾರ್ ಮೊಗಾ ಥಾವ್ನ್ ದೆವಾಕ್ ವೆಗ್ಳೆಂ ಕರುಂಕ್ ಸಾಧ್ಯ್ ನಾಂ, ಮೋಗ್ ಅಸ್ಚ್ಯಾ ಕಾಳ್ಜಾಂತ್ ದೇವ್ ವಸ್ತಿ ಕರ್ತಾ ಹೆಂ ಉತಾರ್ ಸತ್ ಜಾವ್ನಾಸ. ಮೋಗ್ ನಾತ್ಲ್ಯಾರ್ ಹ್ಯಾ ಸಂಸಾರಿ ಜಿವಿತಾಕ್ ರೂಚ್ ನಾಂ ಮ್ಹಣ್ ಹರ್ಯೆಕ್ ಧರ್ಮ್ ಬೊಬಾಟ್ ಮಾರ್ನ್ ಗಾಜಾಯ್ತಾತ್ ತರೀ, ಮೊಗಾಕ್ ಮೆಳ್ಚೊ ಮಾನ್ ಅಮ್ಚಾ ಕ್ರಿಸ್ತಿ ಧರ್ಮಂತ್ ವಿಶೇಸ್ ಮ್ಹಳ್ಯಾರಿ ಚೂಕ್ ಜಾಂವ್ಚಿ ನಾಂ.  ಮೊಗಾಚೊ ಸಂಕೇತ್ ಜಾವ್ನ್ ದೇವ್ ಬಾಪ್ ಅಪ್ಲ್ಯಾ ಪರ್ಜೆಕ್ ವಿಂಚ್ತಾ, ತ್ಯಾಚ್ ಮೊಗಚೊ ಸಂಕೇತ್ ಜಾವ್ನ್ ಅಪ್ಲ್ಯಾ ಪುತಾಕ್ ಜೆಜು ಕ್ರಿಸ್ತಾಕ್ ಹ್ಯಾ ಸಂಸಾರಿ ಪಟಾಯ್ತಾ ಹರ್ಯೆಕ್ ಮನ್ಶಾಕುಳಾಕ್ ಸುಟ್ಕಾ ಲಾಬಂವ್ಚ್ಯಾಕ್.   ದೆವಾಚೊ ಮೋಗ್ ಕರ್ಚೆಂ ಉಪದೇಸಾಂತ್ ಕಶೆಂ ವರ್ತೆಂಗೀ, ಅಪ್ಲ್ಯಾ ಪೆಲ್ಯಾಚೊ ಮೋಗ್ ಕರ್ಚೆಂ ಸಂಸಾರಿ ಜಿವಿತಾಂತ್ ಅತೀ ಘರ್ಜೆಚೆಂ. ದೆವಾಚ ಮೊಗಾಚೊ ಸಂಕೇತ್ ಜಾವ್ನ್ ಮನಿಸ್ ಉಬ್ಜಲೊ ತಾರ್, ಮನ್ಶಾಚ ಮೊಗಾಚೊ ಸಂಕೇತ್ ಜಾವ್ನ್ ಮನ್ಶಾಕೂಳ್ ಹ್ಯಾ ಸಂಸಾರಿ ವಾಡೊನ್ ಅಯ್ಲೊ.

ಲೂಕ್ 6:35 "ತುಜ್ಯಾ ದುಸ್ಮಾನಾಚೊ ಮೋಗ್ ಕರ್" ಹಿ ಏಕ್ ವಿಚಿತ್ರ್ ಶಿಕೊವ್ಣ್ ಜೆಜುನ್ ಸಂಸಾರಾಕ್ ಶಿಕಯ್ಲಿ ಮಾತ್ರ್ ನೈಂ, ಅಪ್ಲ್ಯಾ ಜಿವಿತಾಂತ್ ಕಾರ್ನ್ ದಾಕಯ್ಲಿ. "ತುಮ್ಚೊ ಮೋಗ್ ಕರ್ತೆಲ್ಯಾಂಚೊ ಮಾತ್ರ್ ತುಮಿಂ ಮೋಗ್ ಕೆಲ್ಯಾರ್ ಕಿತೆಂ ಪಾಯ್ದೊ" ಹ್ಯಾ ಉತ್ರಾಂ ಮುಖಾಂತ್ರ್ ಕಳೊನ್ ಯೆತಾಗೀ, ಜೆಜುಚೆ ಪಾಟ್ಲಾವ್ದಾರ್ ಮ್ಹಣ್ ದಾಕೊಂವ್ಕ್ ಜಾತ್-ಭೇದ್ ನಾಸ್ತಾಂ, ಇಷ್ಟ್-ದುಸ್ಮಾನ್ ಮ್ಹಣ್ ಚಿಂತಿನಾಸ್ತಾಂ ಅಮಿಂ ಸಮೇಸ್ತಾಂಚೊ ಮೋಗ್ ಕರುಂಕ್ ಅಸಾ. ಮನಿಸ್ ಜಿವಿತಾಂತ್ ಕಿತೆಂಯ್ ಕರುಂ ಪೂಣ್ ಮೋಗ್ ತಾಚೆಂ ನೈಂ ನಾಂ ಜಾಲ್ಯಾರ್ ತೆಂ ಕಿತ್ಯಾಕ್‍ಚ್ ಪಾಯ್ದ್ಯಾಚೆಂ ಜಾಯ್ನಾ ಮಣ್ ಪಾವ್ಲ್ ಅಪ್ಲ್ಯಾ ಹರ್ಯೆಕ್ ಪತ್ರನಿಂ ಉಕುಲ್ನ್ ದಾಕಯ್ತಾ. ಕೊರಿಂತ್ ಗಾರಾಂಕ್ ಬರಯಿಲ್ಲ್ಯಾ ಪತ್ರಾಂತ್ ಮೊಗಾಚೆ ಗೂಣ್ ಬೋವ್ ಅಪುರ್ಬಯೆಚ ಉತ್ರಾನಿಂ ವರ್ಣಿತಾ. 1 ಕೊರಿಂಥ್ 4:7 "ಮೋಗ್ ಸೊಸ್ಣಿಕ್, ಮೋಗ್ ದಯಾಳ್, ಮೋಗ್ ಮಸರ್ ಕರಿನಾ, ಅಪ್ಲಿಚ್ ಬಡಾಯ್ ಉಲಯ್ನಾ, ಹಂಕಾರಾನ್ ಭರನಾ, ಮೋಗ್ ಮರ್ಯಾದಿವಿಣೆ ಚಲನಾ, ಸ್ವಂತ್ ಅಧಾಯ್ ಸೊಧಿನಾ, ರಾಗರ್ ಜಾಯ್ನಾ, ಅಪ್ಕಾರ್ ಮನಾಂತ್ ದವರಿನಾ, ಅನ್ನ್ಯಾಯ್ ಪಳೆವ್ನ್ ಸಂತೊಸ್ ಪಾವನಾ, ಮೋಗ್ ಸಗ್ಳೆಂ ಸೊಸುನ್ ವ್ಹರ್ತಾ, ಸಗ್ಳೆಂ ಸತ್ಮಾನ್ತಾ, ಸಗ್ಳೆಂ ಭರ್ವಸ್ತಾ ಆನಿ ಸಗ್ಳೆಂ ಸಾಂಬಾಳ್ನ್ ವ್ಹರ್ತಾ"

ಮೊಗಾಚೊ ಆರ್ಥ್ ಏಕ್‍ಚ್ ತರೀ, ಸಂಸಾರಿ ಮನ್ಶಾನಿಂ ತಾಕ ವಿವಿಧ್ ರೂಪಾನಿಂ ಪಳೆಂವ್ಕ್ ಸುರು ಕೆಲೆಂ. ಜಾಂವ್ ತೊ ಪೊಷಕ್-ಭುರ್ಗ್ಯಾಂಚೊ, ಘೊವ್-ಬಾಯ್ಲೆಚೊ, ದೊಗಾಂ ಪ್ರೆಮಿಂಚೊ ವಾ ಸೆವೆಚ ಮನೊಭಾವಚೊ.  ಹರ್ಯೆಕ್ ಮನ್ಶಾ ಥೈಂ ದೆವಾಚೊ ಮೋಗ್ ಸೊದ್ಚೆಂ ವಿಶೇಷ್ ಗೂಣ್ ಆನಿ ಮದರ್ ತೆರೆಜಾ ತಸಲ್ಯಾ ಸತೆವಂತ್ ಮನ್ಶಾಂನಿ ತೆಂ ಸಂಸಾರಾಕ್ ದಾಕಯ್ಲಾಂ.  ಮೊಗಾಚೊ ಅನುಭವ್ ಮೆಳ್ಳ್ಯಾ ಕಿತ್ಲೆಶ್ಯಾ ಜಣಾಂಕ್ ತಾಂಚಿ ಪಿಡ ಗೂಣ್ ಜಾಲ್ಯಾ, ತಾಂಚ ಏಕ್ಸುರ್ಪಣ ಥಾವ್ನ್ ಸುಟ್ಕಾ ಮೆಳ್ಳ್ಯಾ ಆನಿ ಜಿವಿತ್‍ಚ್ ಬದ್ಲವಾಣ್ ಜಾಲಾಂ. ಮೊಗಾಚೊ ಆರ್ಥ್ ಸಮ್ಜೊಂಕ್ ಸಕ್ಚೊ ಆನಿ ಮೊಗಾಚ ನದ್ರೆನ್ ದೆಕೊಂಕ್ ಸಕ್ಚೊ ಹ್ಯಾ ಸಂಸಾರಾಂತ್ ಏಕ್ ಜಾಯ್ತೆವಂತ್ ಮನಿಸ್ ಜಾವ್ನಾಸ. ಮೋಗ್ ಕರುಂಕ್ ಏಕ್ ಬರೆಂ ಕಾಳಿಜ್ ಜಾಯ್ಜೆ ಆನಿ ತ್ಯಾ ಕಾಳ್ಜಾಂತ್ ಬರಿಂ ಬೊಗ್ಣಾಂ ಬರೊನ್ ಅಸೊಂಕ್ ಜಾಯ್.  ಕಶೆಂ ಏಕ್ ಕೊಂಬಿ ಅಪ್ಲ್ಯಾ ಪಿಲಾಂಕ್ ಅಪ್ಲ್ಯಾ ಪಾಕಾಟ್ಯಾಂ ಪಂದಾ ಏಕ್ಟಾಂಯ್ ಕಾರ್ನ್ ತಾಂಚಿ ಜತಾನ್ ಘೆತಾ, ತಾಚ್ಯಾಕಿ ವರ್ತ್ಯಾ ಮಾಪನ್ ದೆವಾನ್ ಅಮ್ಚೊ ಪೋಸ್ ಕೆಲಾ ಅಸ್ತಾಂ, ತಾಚಿ ಖರಿಂ ಭುರ್ಗಿಂ ಜಾಂವ್ಕ್ ತಯಾರ್ ಜಾವ್ಯಾಂ.  ಮೊಗವರ್ವಿಂ ಸಂಸಾರ್ ಜಿಕ್ಯೆತ್ ಮ್ಹಳ್ಳೆಂ ಸತ್ ಸಮ್ಜೊಂವ್ನ್ ಘೆವ್ಯಾಂ.

ನವೆಂ ವರಸ್ ಇತ್ಲ್ಯಾರ‍್ಚ್ ಸುರುಜಾಂವ್ಚೆಂ ಅಸಾ, ಏಕ್ ದ್ರಡ್ ನಿಚೆವ್ ಕರ್ಯಾಂ, ದೆವಾಚೊ ಮೋಗ್ ಕಾಳ್ಜಾಂತ್ ಜಾಗವ್ಯಾಂ, ತ್ಯಾಚ್ ಮೊಗಾನ್ ಸಂಸಾರ್ ಪಳೆಂವ್ಯಾಂ, ಹರ್ಯೆಕ್ ದೀಸ್ ಉಲ್ಲಾಸಚೆ ಜಾತೆಲೆ ಆನಿ ಪರತ್ ಜಿಯೆಂವ್ಕ್ ಉರ್ಬಾ ಮೆಳ್ತಾಲಿ.

ದಾವಿದ್ ಸಾಲ್ಮಾಂವ್ಕ್ ರಾಯ್ ಜಾಂವ್ಕ್ ವಿಂಚ್ತಾ.....

ಇಸ್ರಾಯೆಲಿತಾಂಕ್ ರಾಜ್ ಕೆಲ್ಲ್ಯಾ ಪಯ್ಕಿ ದಾವಿದ್ ಬಲಿಷ್ಟ್ ರಾಯ್ ಜಾವ್ನಾಸ್ತಾ
ಅಪ್ಲ್ಯಾ ಮತರ್ಯಾ ಪ್ರಾಯೆವರೆಗ್ ತೊ ಇಸ್ರಾಯೆಲಾ ವಾಯ್ರ್ ರಾಜ್ ಕರ್ತಾ
ದಾವಿದ್ ಪ್ರಾಯ್ ವಂತ್ ಜಾತನ ಅದೊನೀಯಾ ಸಿಂಹಾಸನಚೆರ್ ದೊಳೊ ದವರ್ತಾ
ಏಕ್ ದೀಸ್ ಉಗ್ತ್ಯಾನ್ ಅಪುಣ್ ರಾಯ್ ಮ್ಹಣ್ ಇಸ್ರಾಯೆಲಾಂತ್ ಪಾಚಾರ್ತಾ

ಅದೊನೀಯ ಏಕ್ ವ್ಹಡ್ ಔತಣ್ ಕಾರ್ನ್ ಸಾರ್ವ್ ಮುಖೆಲ್ಯಾಂಕ್ ಆಪಯ್ತಾ
ಅಪ್ಲೆಂ ವ್ಹಡ್ಪಣ್ ಉಲೊವ್ನ್ ಸಕ್ಡಾಂಕ್ ಅಪ್ಲ್ಯಾ ಹತಖಾಲ್ ದವರುಂಕ್ ಪ್ರಯತ್ನ್ ಕರ್ತಾ
ದಾವಿದ್ ರಾಯಾಚ ಖಾಶಾ ವ್ಯಕ್ತಿಂಕ್ ಔತಣ ಥಾವ್ನ್ ಬಾಯ್ರ್ ದವರ್ತಾ
ನಾತಾನ್ ಪ್ರವಾಧಿಕ್ ಅದೊನೀಯಾಚಿ ಹಿ ಗುಟ್ಮೊಳ್ ಕಳೊನ್ ಯೆತಾ

ನಾತಾನ್ ಪ್ರವಾಧಿ ಅದೊನೀಯ ಥೈಂ ಅಸ್ಲೆಲ್ಯಾ ಖೊಟ್ಯಾ ಸ್ಪಿರಿತಾಕ್ ಪರ್ಕಿತಾ
ಬತ್‍ಶೆಬಾ ಮುಖಾಂತ್ರ್ ನಾತಾನ್ ಹಿ ಖಬರ್ ದಾವಿದ್ ರಾಯಾಕ್ ಪಾವಯ್ತಾ
ಸಾಲ್ಮಾಂವ್ಕ್ ರಾಯ್ ಕರ್ತಲೊ ಮ್ಹಣ್ ದಾವಿದ್ ಬತ್‍ಶೆಬಾಕ್ ಉತಾರ್ ದೀವ್ನಾಸ್ತಾ
ಖಬರ್ ಕಳ್ಳೆಂಚ್ ದಾವಿದ್ ರಾಯ್ ಅಪ್ಲೆ ಅಧಿಕಾರ್ ಸಾಲ್ಮಾಂವ್ಚಾ ಅಧಿನ್ ಕರ್ತಾ

ಯಾಜಕ್ ಜಾದೊಕ್ ಸಲ್ಮಾಂವ್ಚಾ ಮಾತ್ಯಾರ್ ತೇಲ್ ವೊತುನ್ ಅಭಿಷೇಕ್ ಕರ್ತಾ
ಇಸ್ರಾಯೆಲ್ ಲೋಕ್ ಕೊಂಬ್ ಪುಂಕುಂನ್ ಸಾಲ್ಮಾಂವ್ಕ್ ಬೊರೆಂ ಮಾಗ್ತಾ
ಅಪ್ಲ್ಯಾ ಬಾಪಾಯ್ಚಾ ಅಶಿರ್ವಾದನ್ ಸಾಲ್ಮಾಂವ್ ಇಸ್ರಾಯೆಲಾಚೊ ರಾಯ್ ಜಾತ
ಸಲ್ಮಾಂವ್ಕ್ ರಾಯ್ ಜಾವ್ನ್ ನೆಮ್ಚೆಂ ಸರ್ವೆಸ್ಪರಚಿ ಖುಶಿ ಜಾವ್ನಾಸ್ತಾ

ಸಾಲ್ಮಾಂವ್ ರಾಯ್ ಜಾಲ್ಲಿ ಖಬರ್ ಅದೊನೀಯಾಕ್ ಕಳೊನ್ ಯೆತಾ
ತಾಚೆ ಸವೆಂ ಔತಣಾಂತ್ ಅಸ್ಲೊಲೊ ಲೋಕ್ ತಾಕ ಸಾಂಡುನ್ ಪೋಳ್ನ್ ವೆತಾ
ಅಪುಣ್ ನಿಸ್ಸಾಯಕ್ ಜಾಲ್ಲೆಂ ಕಳ್ಳೆಂಚ್ ಅದೊನೀಯಾ ರಾಯಾ ಸರ್ಶಿಂ ಯೆತಾ
ಅಪ್ಣಾಚೆ ಪಾತಕ್ ಒಳ್ಕೊನ್ ಸಾಲ್ಮಾಂವ್ ರಾಯಾ ಥಾವ್ನ್ ಬೊಗ್ಸಾಣೆ ಮಾಗ್ತಾ

ತೊಡ್ಯಾಚ್ ದಿಸಾನಿಂ ಅದೊನೀಯಾ ಪರತ್ ರಾಯ್ ವಿರೊಧ್ ರಾವ್ತಾ
ಅಪ್ಲೊ ಬಾಪಯ್ ದಾವಿದಾಚ ಸೆವಾಕಿ ಕಡೆ ಕಾಜಾರ್ ಜಾಂವ್ಕ್ ಅಶೆತಾ
ಸಾಲ್ಮಾಂವ್ ರಾಯಾಕ್ ಅಪ್ಲ್ಯಾ ಅವಯ್ ಥಾವ್ನ್ ಹಿ ಖಬರ್ ಕಳೊನ್ ಯೆತಾ
ಖೊಟ್ಯಾ ನಡ್ತೆಚ್ಯಾ ಅದೊನೀಯಾಕ್ ರಾಯ್ ಪಾವೊತಿ ಶಿಕ್ಶಾ ಲಾಬಯ್ತಾ

ಅಮ್ಮೋನ್ ಆನಿ ತಾಮಾರ್......

ದಾವಿದಾಚೊ ಪೂತ್ ಅಬ್ಸಲೋಮಾಕ್ ತಾಮಾರ್ ನಾಂವಾಚಿ ಭಯ್ಣ್ ಅಸ್ತಾ
ದಾವಿದಾಚೊ ಅನ್ಯೇಕ್ ಪೂತ್ ಅಮ್ಮೋನ್, ತಾಮಾರಚ ಮೊಗಾರ್ ಪಡ್ತಾ
ತಾಮಾರಕ್ ಏಕ್ವಟುಂಕ್ ಜಾಯ್ನಾತ್ಲೆಂ ಚಿಂತುನ್ ಅಮ್ಮೋನ್ ಪಿಡೆಸ್ತ್ ಜಾತ
ಅಮ್ಮೋನಾಚೊ ಇಷ್ಟ್ ಜೊನಾದಾಬ್ ಉಪಾಯ್ ಸಂಗೊಂಕ್ ಮುಕಾರ್ ಯೆತಾ

ಏಕ್ ದೀಸ್ ಅಮ್ಮೋನ್ ಕಠೀಣ್ ಪಿಡೆಸ್ತ್ ಜಾವ್ನ್ ಖಾಟ್ಯೆರ್ ನಿದೊನ್ ಅಸ್ತಾ
ದಾವಿದ್ ರಾಯಾಕ್ ಹಿ ಖಬರ್ ಕಳೊನ್ ಅಮ್ಮೋನಾಕ್ ಪಳೆಂವ್ಕ್ ಯೆತಾ
ತಾಮಾರ ಥಾವ್ನ್ ಅಪ್ಣಾಚಿ ಸುಶ್ರುಶಾ ಕರೊಂವ್ಕ್ ಅಮ್ಮೋನ್ ವಿನಂತಿ ಕರ್ತಾ
ಅಮ್ಮೋನಚ ಇಚ್ಛೆ ಪ್ರಕಾರ್ ರಾಯ್ ತಾಮಾರಕ್, ಅಮ್ಮೋನಚ ಘರ ದಾಡ್ತಾ

ತಾಮಾರಚ ಮೊಗಾರ್ ಅಸ್ಲೊ ಅಮ್ಮೋನ್ ಏಕ್ ದೀಸ್ ತಾಕ ಬಲತ್ಕಾರ್ ಕರ್ತಾ
ಹ್ಯಾ ಘಡಿತಾ ಉಪ್ರಾಂತ್ ಲಜೆಕ್ ಲಾಗೊನ್ ತಾಮಾರಕ್ ಘರಥಾವ್ನ್ ಬಾಯ್ರ್ ಗಾಲ್ತಾ
ಅಪ್ಣಾಚೊ ಮಾನ್ ಹೊಗ್ಡಾಯಿಲ್ಲೆಂ ತಾಮಾರ್, ಅಬ್ಸಲೋಮಾಚ ಘರ ಪಾಟಿಂ ಯೆತಾ
ಅಪ್ಲ್ಯಾ ಭಯ್ಣಿಚ ಅಪಮಾನಕ್ ಲಾಗೊನ್ ಅಬ್ಸಲೋಮ್ ಪರಿಕ್ಪಣ್ ಗೆಂವ್ಕ್ ಸೊದ್ತಾ

ಏಕ ಪರ್ಬೆಕ್ ಅಬ್ಸಲೋಮ್ ಜೆವಾಣ್ ತಯಾರ್ ಕರ್ನ್ ಭವಾಂಕ್ ಜೆವ್ಣಾಕ್ ಅಪಯ್ತಾ
ಸಂದರ್ಬ್ ಪಳೆವ್ನ್ ಘರ ಅಯಿಲ್ಲ್ಯಾ ಅಮ್ಮೋನಕ್ ಜಿವೆಶಿಂ ಮರಯ್ತಾ
ಅಪ್ಲೆಂ ಭಯ್ಣ್ ತಾಮಾರಕ್ ಅವಮಾನ್ ಕೆಲ್ಲ್ಯಾಕ್ ಅಮ್ಮೋನಕ್ ಹಿ ಶಿಕ್ಶಾ ದಿತಾ
ದಾವಿದ್ ರಾಯ್ ರಾಗರ್ ಜತಾ ಆನಿ ಅಮ್ಮೋನ ಖಾತಿರ್ ವಿಳಾಪ್ ಕರ್ತಾ

ದಾವಿದ್ ರಾಯಾಚೊ ರಾಗ್ ನಿವುಲ್ಲೆಂಚ್ ತೊ ಅಬ್ಸಲೋಮನ್ ಬೊಗ್ಸಾಣೆ ದಿತಾ
ಖೊಟ್ಯಾ ಸ್ಪಿರಿತಾನ್ ಭರ್ಲೊಲೊ ಅಬ್ಸಲೋಮ್ ರಾಯಾಕ್ ಮಾರುಂಕ್ ಸೊದ್ತಾ
ಇಸ್ರಾಯೆಲಾಚ ಲೊಕಾಂಕ್ ಅಪ್ಲ್ಯಾ ಮುಟಿಂತ್ ಘೆವ್ನ್ ರಾಯಾಕ್ ಬಾಯ್ರ್ ಗಾಲ್ತಾ
ದಾವಿದ್ ರಾಯ್ ರಾನಾಂತ್ ಚುಕೊನ್ ಅಬ್ಸಲೋಮ ಥಾವ್ನ್ ಪಳ್ನ್ ದಾಂವ್ತಾ

ಅಪ್ಲೆಂ ಸೈನ್ ಘೆವ್ನ್ ಅಬ್ಸಲೋಮ್ ರಾಯಾಕ್ ಮಾರುಂಕ್ ಸೊದ್ನಾಂ ಕರ್ತಾ
ಜೊರ್ದಾನ್ ದೊಂಗ್ರಾರ್ ಝಗ್ಡೆಂ ಚಲ್ತನಾಂ ಅಬ್ಸಲೋಮ್ ಮರಣ್ ಪಾವ್ತಾ
ದೆವಾನ್ ವಿಂಚ್ಲೆಲ್ಯಾಕ್ ನಾಸ್ ಕರುಂಕ್ ಚಿಂತ್ಲ್ಯಾ ಅಬ್ಸಲೋಮಾಕ್ ಶಿಕ್ಶಾ ಮೆಳ್ತಾ
ದೆವಾಚೊ ವಿಶ್ವಾಸಿ ಸೆವಾಕ್ ದಾವಿದ್ ಪರತ್ ಝಗ್ಡ್ಯಾಂತ್ ಜಾಯ್ತೆವಂತ್ ಜಾತ

ದಾವಿದ್ ರಾಯಾಚೆಂ ಪಾತಕ್....

ವರ್ಸಾಚ್ಯಾ ವಸಂತ್ ಕಾಳಾರ್ ರಾಯಾನಿ ಝುಜಾಕ್ ವೆಚೊ ವೇಳ್ ಜಾವ್ನಾಸ್ಲೊ
ದಾವಿದ್ ರಾಯಾನ್ ಜೊವಾಬಾಕ್ ಮುಖೆಲ್‍ಪಣ್ ದೀಂವ್ನ್ ಝುಜಾಕ್ ದಾಡ್‍ಲ್ಲೊ
ದೆವಾಚ ಸಸಾಯೆನ್ ದಾವಿದನ್ ಜಾಯ್ತ್ಯಾ ಗಾಂವಾಂಚೆರ್ ಆಕ್ರಮಣ್ ಕೆಲ್ಲೊ
ತಾಚ ಪರಾಕ್ರಮ ನಿಮ್ತಿಂ ದಾವಿದ್ ರಾಯ್ ಅಖ್ಯಾ ಇಸ್ರಾಯೆಲಾಂತ್ ನಾವಾಡ್ಲೊ

ಏಕ್ ದೀಸ್ ದಾವಿದ್ ರಾಯ್ ಅಪ್ಲ್ಯಾ ರಾವ್ಳೆರಾಚ ಮಾಳಿಯೆರ್ ಬೊಂವೊನ್ ಅಸ್ತಾ
ನಾಂವ್ಕ್ ದೆವುಲ್ಲಿ ಏಕ್ ಇಸ್ರಾಯೆಲ್ ಸ್ತ್ರೀ ರಾಯಾಚ ದೊಳ್ಯಾಂಕ್ ದಿಷ್ಟಿಕ್ ಪಡ್ತಾ
ರಾಯ್ ತಿಕ ಮೆಚ್ವತಾ ಆನಿ ತ್ಯಾ ಸ್ತ್ರೀಯೆ ವಿಶಿಂ ಖಬರ್ ಕಾಡುಂಕ್ ಫರ್ಮಾಯ್ತಾ
ತೀ ಏಲಿಯಾಮಾಚಿ ಧೂ ಆನಿ ಸೈನಿಕ್ ಹಿತ್ತಿತ್ ಉರೀಯಾಚಿ ಬಾಯ್ಲ್ ಜಾವ್ನಾಸ್ತಾ

ರಾಯ್ ತಿಕ ಮೆಚ್ವೊನ್ ತಿಚೆ ಸಂಗಿ ಏಕ್ವಾಟ್ತಾ ಆಶೆಂ ಬತ್ ಶೆಬಾ ಗರ್ಬೆಸ್ತ್ ಜಾತ
ಬತ್ ಶೆಬಾ ಗರ್ಬೆಸ್ತ್ ಜಾಲ್ಲಿ ಖಬರ್ ದಾವಿದ್ ರಾಯಾಕ್ ಚಿಂತ್ನಾರ್ ಗಾಲ್ತಾ
ಅಪ್ಣಾಚೆ ಪಾತಕ್ ಲಿಪೊಂವ್ಕ್ ದಾವಿದ್ ರಾಯ್ ವಿವಿಧ್ ವಾಟೊ ಸೊದುನ್ ಅಸ್ತಾ
ಝುಜಾಕ್ ಗೆಲ್ಲ್ಯಾ ಉರೀಯಾಕ್ ಪಾಟಿಂ ಅಪೊವ್ನ್ ಚುಕೊನ್ ಕಾಣ್ಗೆಂವ್ಕ್ ಪಳೆಯ್ತಾ

ಉರೀಯಾಕ್ ಕಶೆಂ ತರಿ ಕಾರ್ನ್ ಬಾತ್ ಶೆಬಾ ಸವೆಂ ಏಕ್ವಾಟಾಂವ್ಕ್ ಸದನ್ ಕರ್ತಾ
ರಾಯಾಚೆಂ ಪ್ರಯತ್ನ್ ವ್ಯರ್ತ್ ಜಾತ ಉರೀಯಾ ಘರಥಾವ್ನ್ ಪಾಯ್ಸ್ ಉರ್ತಾ
ರಾಯಾಕ್ ಹಿ ಖಬರ್ ಕೊಡು ಜಾತ ಉರೀಯಾಕ್ ನಾಸ್ ಕರುಂಕ್ ಗುಟ್ಮೊಳ್ ಕರ್ತಾ
ಜೊವಾವಾಕ್ ಪತ್ರ್ ದೀವ್ನ್ ಝುಜಾ ಮುಖಾಂತ್ರ್ ಜಿವೆಶಿ ಮಾರುಂಕ್ ಫರ್ಮಾಯ್ತಾ

ರಾಯಾಚ ಖುಶೆ ಪರ್ಮಾಣೆ ಜೊವಾಬ್ ಉರೀಯಾಕ್ ಝಗ್ಡ್ಯಾಂತ್ ಮುಕಾರ್ ಗಾಲ್ತಾ
ಅಮೋನಿತಾಂ ಸವೆಂ ಝಗ್ಡೆಂ ಕರ್ತನಾಂ ಉರೀಯಾ ಹೆರಂ ಸವೆಂ ಮರಣ್ ಪಾವ್ತಾ
ಬತ್ ಶೆಬಾ ಅಂತರ್ಲೆಲ್ಯಾ ಅಪ್ಲ್ಯಾ ಪತಿ ಉರೀಯಾ ಖಾತಿರ್ ವ್ಹಡ್ ವಿಳಾಪ್ ಕರ್ತಾ
ಅತಾಂ ವಿಧವ್ ಸ್ತ್ರೀ ಬತ್ ಶೆಬಾಕ್ ಅಪ್ಣಾಂವ್ಕ್ ದಾವಿದ್ ರಾಯ್ ತಯಾರ್ ಜಾತ

ಅಪ್ಲ್ಯಾ ಲೊಕಾಂಕ್ ಮೆಚ್ವೊಂವ್ಕ್ ರಾಯ್ ಬತ್ ಶೆಬಾ ಕಡೆ ಕಾಜಾರ್ ಜಾತ
ವಿಧವ್ ಸ್ತ್ರೀಯೆಕ್ ಅಪ್ಣಾಯಿಲ್ಲೆ ವರ್ವಿಂ ರಾಯಾಚೊ ಮಾನ್ ಲೊಕಾಂ ಮುಕಾರ್ ವಾಡ್ತಾ
ಅಪ್ಣಾಚೊ ಮಾನ್ ಉರೊಂವ್ಕ್ ದಾವಿದ್ ರಾಯ್ ದೆವಾ ಮುಕಾರ್ ಪಾತ್ಕಿ ಜಾತ
ನಾತಾನ್ ಪ್ರವಾದಿ ಒಪಾರಿ ಮುಖಾಂತ್ರ್ ರಾಯಾಕ್ ಅಪ್ಲೆಂ ಪಾತಕ್ ದಾಕೊವ್ನ್ ದಿತಾ

ಸಾವ್ಲ್ ದಾವಿದಾಕ್ ಮಾರುಂಕ್ ಸೊದ್ತಾ.....

ಪಿಲಿಸ್ತಿಯಾಚ ಝಗ್ಡ್ಯಾಂತ್ ದಾವಿದ್ ಗೊಲಿಯಾತಾಕ್ ಮಾರ್ನ್ ನಾಂವ್ ಜೊಡ್ತಾ
ಹೆಂ ಅಯ್ಕೊನ್ ಇಸ್ರಾಯೆಲಚೊ ರಾಯ್ ಸಾವ್ಲ್ ಅಪ್ಣಾ ಭಿತರ‍್ಚ್ ಮೊಸ್ರಾನ್ ಝಳ್ತಾ
ಕಶೆಂ ತರಿ ಕಾರ್ನ್ ದಾವಿದಾಕ್ ಮಾರುಂಕ್ ವಾಟ್ ಸೊದುನ್ ತೊ ಅಸ್ತಾ
ಅಪ್ಲ್ಯಾ ರಾವ್ಳೆರ ಥಾವ್ನ್ ತಾಕ ಪಾಯ್ಸ್ ದವರುಂಕ್ ಹರ್ ಪ್ರಯತ್ನ್ ತೊ ಕರ್ತಾ

ರಾವ್ಳೆರಾಂತ್ ದಾವಿದ್ ಸಾವ್ಲಾಚಿ ಧುವ್ ಮಿಕಲ ಕಡೆ ಮೊಗಾರ್ ಪಡ್ತಾ
ಹೊ ಅವ್ಕಾಸ್ ಮುಕಾರ್ ದವರ್ನ್ ದಾವಿದಾಕ್ ಕಷ್ಟಾಂತ್ ಸಂಪ್ಡಾಂವ್ಕ್ ಸಾವ್ಲ್ ಚಿಂತಾ
ಅಪ್ಲ್ಯಾ ಧುವೆ ಕಡೆ ಲಾಗ್ನ್ ಜಾಯ್ಜೆ ತಾರ್ ಪಿಲಿಸ್ತಿಯಾಂ ಕಡೆ ಝುಜೊಂಕ್ ಅಹ್ವಾನ್ ದಿತಾ
ದಾವಿದಾಕ್ ಝುಜಾಕ್ ದಾಡ್ನ್ ತಾಕ ನಾಸ್ ಕರುಂಕ್ ತೊ ವೇಳ್ ಘಡಿ ಸೊದ್ತಾ

ದಾವಿದ್ ಅಪ್ಲ್ಯಾ ಪರಾಕ್ರಮ ವರ್ವಿಂ ಸಾವ್ಲಾಚೊ ಪೂತ್ ಜೊನಾತಾನಾಕ್ ಮೊಗಾಚೊ ಜಾತ
ಜಾಯ್ತ್ಯಾ ಘಡಿತಾನಿಂ ಜೊನಾತಾನ್ ದಾವಿದಾಕ್ ಪೋಳ್ನ್ ವಸೊಂಕ್ ಕುಮೊಕ್ ಕರ್ತಾ
ಸಾವ್ಲಾ ಥಾವ್ನ್ ಲಿಪೊನ್ ದಾವಿದ್ ವಿವಿದ್ ಫಾಲ್ಕ್ಯಾನಿಂ ಅಸ್ರೊ ಘೆತಾ
ದೆವಾಚೊ ಅತ್ಮೊ ತಾಚೆ ಸವೆಂ ಅಸ್‍ಲ್ಲ್ಯಾನ್ ದೇವ್ ತಾಕ ಅಧಾರ್ ಜಾತಾ

ಏಕ್ ಪವ್ಟಿಂ ದಾವಿದ್ ಏನ್ ಗೆದಿಚಾ ಅರಣ್ಯಾಂತ್ ತಂಬು ಮಾರ್ನ್ ಅಸ್ತಾ
ಖಬರ್ ಕಳ್ತಾಚ್ ಸಾವ್ಲ್ ಸೈನ್ ಘೆವ್ನ್ ದಾವಿದಾಕ್ ಸೊದುನ್ ಅರಣ್ಯಾಕ್ ಯೇವ್ನ್ ಪಾವ್ತಾ
ಅರಣ್ಯಾಂತ್ ಅಸ್ಲೆಲ್ಯಾ ಧೊಲಿಂತ್ ವಿಶೆವ್ ಘೆಂವ್ಕ್ ಸಾವ್ಲ್ ಭಿತರ್ ಸರ್ತಾ
ದಾವಿದ್ ಭಿತರ್ ದೊಲಿಂತ್ ಅಸ್ಲೊ ತರೀ, ಸಾವ್ಲಾಕ್ ಕಿತೆಂಚ್ ಕರಿನಾಸ್ತಾ ಮಾನ್ ಕರ್ತಾ

ದುಸ್ರೆ ಪವ್ಟಿಂ ದಾವಿದ್ ಹಕಿಲಾ ದೊಂಗ್ರಾರ್ ಅಸ್ಚೆಂ ಸಾವ್ಲ್ ರಾಯಾಕ್ ಕಳುನ್ ಯೆತಾ
ಸಾವ್ಲ್ ತೀನ್ ಹಜಾರ್ ಸೈನಿಕಾಂಕ್ ಘೆವ್ನ್ ದಾವಿದಚ ಜಾಗ್ಯಾಕ್ ವೆಡೊ ಗಾಲ್ತಾ
ಪರತ್ ದೇವ್ ದಾವಿದಾಕ್ ರಾಕುನ್ ವರ್ತಾ ಆನಿ ಸಾವ್ಲ್ ಸಂಪ್ಡಾಶೆಂ ಕರ್ತಾ
ಪರತ್ ದಾವಿದ್ ಸಾವ್ಲಾಚಿ ದಯಾ ಕರ್ತಾ ಆನಿ ತಾಕ ನಾಸಾ ಥಾವ್ನ್ ರಾಕುನ್ ವರ್ತಾ

ಸಾವ್ಲ್ ದೆವಾನ್ ಮಾಕ್ಲೊಲೊ ರಾಯ್ ಮ್ಹಳ್ಳೆಂ ದಾವಿದ್ ಸಮ್ಜೊಂವ್ನ್ ಅಸ್ತಾ
ದೆವಾನ್ ಮಾಕ್ಲೆಲ್ಯಾಕ್ ಅಪುಣ್ ಕಿತೆಂಚ್ ಕರ್ಚೊ ನಾಂ ಮ್ಹಣ್ ಸಪುತ್ ಘೆವ್ನಾಸ್ತಾ
ದಾವಿದಾಚ ಬರ್ಯಾ ಮಾನಾಕ್ ಲಾಗುನ್ ದೇವ್ ತಾಕ ಅಶಿರ್ವಾದಿತ್ ಕರ್ತಾ
ಸಾವ್ಲಾಚ್ಯಾ ಮರಣ ಉಪ್ರಾಂತ್ ದಾವಿದಾಕ್ ಇಸ್ರಾಯೆಲಾಚೊ ರಾಯ್ ಜಾವ್ನ್ ನೆಮ್ತಾ

ದಾವಿದ್ ಆನಿ ಗೊಲಿಯಾತ್........

ಪಿಲಿಸ್ತಿಯಾನಿಂ ಇಸ್ರಾಯೆಲಿತಾಂ ವಿರೊದ್ ಝುಜೊಂಕ್ ಸೈನ್ ತಯಾರ್ ಕೆಲೆಂ
ಹಿ ಖಬರ್ ಕಳ್ತಾಚ್ ಸಾವ್ಲ್ ರಾಯಾನ್ ಅಪ್ಲೆಂ ಬಳಧೀಕ್ ಸೈನ್ ತಯಾರ್ ಕೆಲೆಂ
ಪಿಲಿಸ್ತಿಯಾಂತ್ ಬಲಿಷ್ಟ್ ಝುಜಾರಿ ಅಸೊನ್ ಏಕ್ ಬಲಿಷ್ಟ್ ಸೈನ್ ತೆಂ ಜಾವ್ನಾಸ್ಲೆಂ
ದೆವಾಚಿ ಸಸಾಯ್ ನಾಸ್ತಾಂ ಝಗ್ಡ್ಯಾಂತ್ ಜಿಕೊಂಕ್ ಸಾವ್ಲಾಕ್ ಸಾಧ್ಯ್ ನಾತ್ಲೆಂ

ಪಿಲಿಸ್ತಿಯಾಚ ಸೈನಿಕಂ ಮದೆಂ ಗೊಲಿಯಾತ್ ನಾಂವಾಚೊ ಪರಾಕ್ರಮಿ ಅಸ್ಲೊ
ಸಕ್ಡಾಂವರ್ನಿ ಉಂಚ್ ಅಸೊನ್ ಕಾಶ್ಯಾಚೆಂ ನ್ಹೆಸಣ್ ನೆಸೊನ್ ಬಲಿಷ್ಟ್ ದಿಸ್ತಾಲೊ
ತಾಚಿ ಉಂಚಾಯ್ ಆನಿ ಪರಕ್ರಮ್ ಪಳೆವ್ನ್ ಇಸ್ರಾಯೆಲಿತ್ ಭಿಯೆಂವ್ಕ್ ಲಾಗ್ಲೆ
ತ್ಯಾ ಝುಜಾಂತ್ ಅಪುಣ್ ಸಲ್ವತೆಲೆ ಮ್ಹಣ್ ಭಿಯಾನ್ ಕಂಗಾಲ್ ಜಾಲ್ಲೆ

ಸಾವ್ಲಾಚ ಸೈನಾಂತ್ ದಾವಿದಾಚೆ ತೇಗ್ ಭಾವ್ ವ್ಹಡ್ ಝುಜಾರಿ ಜಾವ್ನಾಸ್ಲೆ
ಝುಜ್ ಸುರು ಜಾಂವ್ಚಾ ಪಯ್ಲೆಂ ಜೆಸ್ಸೆನ್ ದಾವಿದಾಕ್ ಭಾವಾಂಕ್ ಮೆಳೊಂಕ್ ದಾಡ್ಲೆಂ
ಭಾವಾಂಕ್ ಪಳೆಂವ್ಕ್ ಅಯಿಲ್ಲ್ಯಾ ದಾವಿದಾಕ್ ಗೊಲಿಯೆತ್ ಪಳೆಂವ್ಕ್ ಮೆಳ್ಳೊ
ಅಪ್ಲ್ಯಾ ಖೊಟ್ಯಾ ಉತ್ರಾನಿಂ ಇಸ್ರಾಯೆಲಿತಾಂಕ್ ಕೀಳ್ ಜಾವ್ನ್ ಉಲೊಂವ್ಚೆ ಅಯ್ಕಲೆಂ

ಏಕ್ ಸೈನಿಕಾನ್ ಮುಕಾರ್ ಯೇವ್ನ್ ಝುಜೊಂಕ್ ಗೊಲಿಯಾತ್ ಫರ್ಮಾಯ್ತಾಲೊ
ತಾಚೆಂ ಉತಾರ್ ಅಯ್ಕೊಲ್ಲೊ ಸಾವ್ಲ್ ಸಗ್ಳೋಚ್ ಕಂಗಾಲ್ ಜಾವ್ನ್ ಉಬೆ ಅಸ್ಲೊ
ಸಗ್ಳ್ಯಾ ಇಸ್ರಾಯೆಲಾಂತ್ ತಾಚೆ ವಿರೊಧ್ ಝುಜೊಂಕ್ ಕೊಣ್‍ಂಚ್ ನಾತ್‍ಲ್ಲೊ
ತವಳ್ ಭುರ್ಗೊ ದಾವಿದ್ ಅಪುಣ್ ಝುಜ್ತಾಲೊಂ ಮ್ಹಣ್ ದಯ್ರಾನ್ ಮುಕಾರ್ ಅಯ್ಲೊ

ದಾವಿದಾನ್ ಅಪುಣ್ ಬಕ್ಡೆ ಚರಯ್ತಾನಾಂ ಶಿಂವಾಕಡೆ ಝುಜ್‍ಲ್ಲೆಂ ಸಾವ್ಲಾಕ್ ತಿಳ್ಸಿಲೆಂ
ಅಪ್ಣಾಕ್ ಅವ್ಕಾಸ್ ದಿಲ್ಯಾರ್ ಗೊಲಿಯಾತಾಕ್ ಸಲ್ವಯ್ತಾಲೊ ಮ್ಹಣ್ ಭಾಸ್ ದಿಲಿ
ದೇವ್ ಸ್ಪಿರಿತಾಚ ದಾವಿದಾನ್ ಇಸ್ರಾಯೆಲಾಚ ದೆವಾಚೊ ಉಗ್ಡಾಸ್ ಕಾಡ್ಲೊ
ಗೊಲಿಯಾತಾಕ್ ಮಾರ್ನ್ ತಾಚೆಂ ಮಾಸ್ ಸುಕ್ಣ್ಯಾಂಕ್ ಖಾವೊಂವ್ಚೊ ಭಾಸ್ ಗೆತ್ಲೊ

ಗರ್ವಿ ಗೊಲಿಯಾತ್ ಆನಿ ಭುರ್ಗೊ ದಾವಿದ್ ಝುಜೊಂಕ್ ಮುಕಾರ್ ಅಯ್ಲೆ
ದಾವಿದಾಚ ಹಾತಾಂತ್ ಅಸ್‍ಲ್ಲ್ಯಾ ಗೊಫಿಣಿಕ್ ಪಳೆವ್ನ್ ಗೊಲಿಯಾತ್ ಅಸೊಂಕ್ ಲಾಗ್ಲೊ
ದಾವಿದಾನ್ ಗೊಫಿಣಿಂತ್ ಪಾತೊರ್ ಘಾಲ್ನ್ ಗೊಲಿಯಾತಾಚ ಕೊಪಲಾಕ್ ಮರ್ಲೊ
ಪತೊರ್ ಕಪಲಾಂತ್ ರೊಂಬೊನ್ ಗೊಲಿಯಾತ್ ಧರ್ಣಿರ್ ಮರುನ್ ಪಡ್ಲೊ

ದಾವಿದಾಚಿ ಪರಾಕ್ರಮಚಿ ಹಿ ಕರ್ನಿ ಅಖ್ಯಾ ಇಸ್ರಾಯೆಲಾಂತ್ ಪಚರ‍್ತ್ ಗೆಲಿ
ಸಾವ್ಲನ್ ದಾವಿದಚ ಪರಾಕ್ರಮಾಕ್ ಮೆಚ್ವೊನ್  ತಾಕಾ ಅಪ್ಲ್ಯಾ ರಾವ್ಳೆರಾಂತ್ ದವರ್ಲೊ
ಭುರ್ಗೊ ದಾವಿದ್ ದೇವ್ ಸ್ಪಿರಿತಾಚೊ ಜಾವ್ನ್ ಬಲಿಷ್ಟ್ ಜಾವ್ನ್ ವಾಡೊನ್ ಅಯ್ಲೊ
ದೆವಾಚೊ ಹಾತ್ ತಾಚೆರ್ ಅಸ್ಲ್ಯಾನ್ ಹರ್ಯೆಕ್ ಕರ್ನ್ಯಾನಿಂ ಜಯ್ತೆವಂತ್ ತೊ ಜಾಲೊ

ದೇವ್ ದಾವಿದಾಕ್ ರಾಯ್ ಜಾಂವ್ಕ್ ವಿಂಚ್ತಾ........

ದೇವ್ ದಾವಿದಾಕ್ ರಾಯ್ ಜಾಂವ್ಕ್ ವಿಂಚ್ತಾ........
ಸಾವ್ಲ್ ದೆವಾನ್ ವಿಂಚ್ಲಲೊ ಇಸ್ರಾಯೆಲಾಚೊ ಪಯ್ಲೊ ರಾಯ್ ಜಾವ್ನಾಸ್ತಾ
ದೀಸ್ ವೆತಾಂ ವೆತಾಂ ತೊ ದೆವಾಚ ವಾಟೆ ಥಾವ್ನ್ ಪಾಯ್ಸ್ ವೆತಾ
ಅಪ್ಲ್ಯಾ ಅಸ್ಕಾತ್ಕಾಯೆಕ್ ಲಾಗುನ್ ದೆವಾ ಬದ್ಲಾಕ್ ಅಪ್ಲ್ಯಾ ಪರ್ಜೆಕ್ ಅಯ್ಕಾತಾ
ತಾಚ್ಯಾ ಖೊಟ್ಯಾ ಕರ್ತುವಾಂಕ್ ಲಾಗುನ್ ದೇವ್ ತಾಚೊ ತಿರಸ್ಕಾರ್ ಕರ್ತಾ


ದೇವ್ ಸಾಮುಯೆಲಾಕ್ ದುಸ್ರೊ ರಾಯ್ ಸೊದುಂಕ್ ಆಜ್ನಾಂ ದಿತಾ
ದೆವಾಚ ಅದೆಶ ಖಾಲ್ ಸಾಮುಯೆಲ್ ಬೆತ್ಲೆಹೆಮಾಕ್ ಪಾಯ್ಣ್ ಕರ್ತಾ
ಬೆತ್ಲೆಹೆಮಾಂತ್ ಜೆಸ್ಸೆಕ್ ಮೆಳೊಂಕ್ ದೇವ್ ಫರ್ಮಾಣ್ ದೀವ್ನಾಸ್ತಾ
ಜೆಸ್ಸೆಚ ಪುತಾಂ ಪಯ್ಕಿಂ ಎಕ್ಲ್ಯಾನ್ ರಾಯ್ ಕರ್ತಲೊಂ ಮ್ಹಣ್ ಭಸೊವ್ನಾಸ್ತಾ


ದೆವಾಚ ಖುಶೆ ಪರ್ಮಾಣೆ ಸಾಮುಯೆಲ್ ಬೆತ್ಲೆಹೆಮಾಂತ್ ಜೆಸ್ಸೆಕ್ ಮೆಳ್ತಾ
ಘರ ಅಸ್ಲೆಲ್ಯಾ ತಾಚ್ಯಾ ಹರ್ಯೆಕ್ ಭುರ್ಗ್ಯಾಂಕ್ ಮುಕಾರ್ ಹಾಡುಂಕ್ ಸಂಗ್ತಾ
ಜೆಸ್ಸೆನ್ ಸಾತ್ ಭುರ್ಗ್ಯಾಂಕ್ ಮುಕಾರ್ ಹಡ್ಲ್ಯಾರೀ ದೆವಾನ್ ವಿಂಚ್ಲಲೊ ಮೆಳನಜಾತ
ಉಪ್ರಾಂತ್ ಸಾಮುಯೆಲ್ ಅಖೇರಿಚೊ ಪೂತ್ ದಾವಿದಾಕ್ ಅಪೊಂವ್ಕ್ ದಾಡ್ತಾ


ತಾಂಬ್ಶೆ ಕುಡಿಚೊ, ಸೊಭಿತ್ ದೊಳ್ಯಾಂಚೊ ದಾವಿದ್ ಸುಂದರ್ ರುಪಾಚೊ ಜಾವ್ನಾಸ್ತಾ
ಸಾಮುಯೆಲ್ ತೆಲಾಚೆ ಶಿಂಗ್ ತಾಚೆರ್ ವೊತುನ್ ತಾಕ ಅಭಿಶೇಕ್ ಕರ್ತಾ
ಸಾಮುಯೆಲಾನ್ ಮಾಕ್ಲೆಂಚ್ ದೆವಾಚೊ ಅತ್ಮೊ ದಾವಿದಾಚೆರ್ ದೆಂವೊನ್ ಯೆತಾ
ದೇವ್ ಭಿರಂತಿಚೊ ದಾವಿದ್ ದೆವಾಚ ಖುಶೆ ಪರ್ಮಾಣೆ ಸಾವ್ಲಾಚಿ ಸೆವಾ ಕರ್ತಾ


ದೆವಾಚೊ ಅತ್ಮೊ ಸಾವ್ಲಾಕ್ ಸಾಂಡ್ಲೆಲ್ಯಾ ಮಾಗಿರ್ ಖೊಟೊ ಆತ್ಮೊ ತಾಕ ದೊಸ್ತಾ
ಹ್ಯಾ ಖೊಟ್ಯಾ ಅತ್ಮ್ಯಾಕ್ ಪಾಯ್ಸ್ ಕರುಂಕ್ ದಾವಿದ್ ನಿಪುಣ್ ಜಾವ್ನಾಸ್ತಾ
ಹಿ ಖಬರ್ ಸಾವ್ಲಾಕ್ ಅಪ್ಲ್ಯಾ ಸೆವಾಕಾಂ ಮುಖಾಂತ್ರ್ ಕಳೊನ್ ಯೆತಾ
ಸಾವ್ಲ್ ಜೆಸ್ಸೆಕ್ ಫರ್ಮಾಣ್ ದಾಡ್ನ್ ದಾವಿದಾಕ್ ದಡುಂಕ್ ಸಂಗೊನ್ ದಾಡ್ತಾ


ದೇವ್ ಸ್ಪಿರಿತಾಚೊ ದಾವಿದ್ ಏಕ್ ಚತುರ್ ಸಿತಾರ್ ವಾಜ್ಪಿ ಜಾವ್ನಾಸ್ತಾ
ಕೆದಾಳ ಖೊಟೊ ಅತ್ಮೊ ಸಾವ್ಲಾಕ್ ದೊಸ್ತಾ ತವಾಳ್ ದಾವಿದ್ ಸಿತಾರ್ ವಾಜಾಯ್ತಾ
ಸಿತಾರಾಚ ನಾದಾಕ್ ಸಾವ್ಲಾಕ್ ಸಮಾಧಾನ್ ಮೆಳೊನ್ ಖೊಟೊ ಅತ್ಮೊ ಸಾಂಡುನ್ ಯೆತಾ
ಆಶೆಂ ಸಾವ್ಲ್ ದಾವಿದಾಕ್ ವ್ಹಡ್ ಸ್ಥಾನ್ ದೀಂವ್ನ್ ರಾವ್ಳೆರಾಂತ್‍ಚ್ ದವಾರ್ತಾ

ಮೊಗಾರ್ ಸಂಪ್ಡೊನ್....

ಅಸ್‍ಲ್ಲೊ ಏಕ್ ಪೂತ್ ಅಪ್ಲ್ಯಾ ಅವಯ್ಕ್ ಮೊಗಾಚೊ
ಚಿಂತ್‍ಲ್ಲೆಂ ತಿಣೆಂ ತಾಚೆ ತಸಲೊ ಮೆಳ್ಚೊ ನಾ ದುಸ್ರೊ
ಆವಯ್-ಪುತಾಚೊ ಮೋಗ್ ಅಖ್ಯಾ ಗಾಂವಾಂತ್ ನಾವಾಡುಲ್ಲೊ
ಬಾಪಯ್ ನಾತ್ಲ್ಯಾ ಪುತಾಕ್ ಅವಯ್ನಾಂಚ್ ವ್ಹಡ್ ಕೆಲ್ಲೊ

ಮೊಗಾರ್ ಪಡ್ಲೊ ಚೆಡ್ವಾಚ ಜಾತಚ್ ತರ್ನಾಟೊ
ಅವಯ್ಚೊ ಮೋಗ್ ಕೋಡು ಜಾಲೊ ಮೆಳ್ತಾಚ್ ಮೋಗ್ ಚೆಡ್ವಾಚೊ
ತರ್ನ್ಯಾ ಮೊಗಾನ್ ಭಾಂದ್ ತುಟಯ್ಲೊ ಅವಯ್-ಪುತಾಚೊ
ಪರ್ದೆಶಿ ಜಾವ್ನ್ ಜಿಯೆಂವ್ಕ್ ಲಾಗ್ಲೊ ಪೂತ್ ಮೊಗಾಚೊ

ದೀಸ್ ವೆತಾಂ ಘರ ಥಾವ್ನ್ ಪಾಯ್ಸ್ ತೊ ಜಾಲೊ
ನಿಬಾಂ ದೀವ್ನ್ ಅವಯ್ಕ್ ಅಪ್ಲ್ಯಾ ಫಟಂವ್ಕ್ ಲಾಗ್ಲೊ
ಪುತಾನ್ ದರ‍್ಲ್ಲಿ ವಾಟ್ ಅವಯ್ಕ್ ಚಿಂತ್ನಾರ್ ಗಲೊ
ತರ್ನ್ಯಾ ಜೊಡ್ಯಾಂಕ್ ಸಮ್ಜೊಂವ್ಕ್ ಅವಯ್ನ್ ನಿರ್ದಾರ್ ಕೆಲೊ

ತರ್ನ್ಯಾ ಜೊಡ್ಯಾಂಕ್ ರುಚ್ಲಿ ನಾಂ ಅವಯ್ಚಿ ಬೂದ್ ಬಾಳ್
ಚಿಂತ್ಲೆ ತಾಣಿಂ ಅವಯ್ ವರ್ವಿಂ ತುಟಾತ್ ಸಳಾವಳ್
ಮೊಗಾ ಮದ್ಲ್ಯಾ ಕಾಂಟ್ಯಾಕ್ ಕಾಡುಂಕ್ ಚೆಡ್ವಾನ್ ಗಾಲಿ ಜಾಳ್
ಚಿಂತುಂಕ್ ನಾತ್ಲೆಂ ಚೆಡ್ಯಾನ್ ಮುಕ್ಲೆ ದೀಸ್ ಜಾತಿತ್ ಕರಾಳ್

ಮೊಗಾಕ್ ಅಪ್ಣಾಂವ್ಕ್ ಅವಯ್ ಕಡೆ ರಗಾರ್ ತೊ ಜಾಲೊ
ಉತ್ರಾಂಕ್ ತಿಚ ದಿಕ್ಕಾರ್ ಕಾರ್ನ್ ಘರ್ ಸೊಡ್ನ್ ಗೆಲೊ
ಅಪ್ಲಿಂ ಪೆಲಿ ನಾತ್ಲೆಲೆಂ ಜಿವಿತ್ ಸಂಮ್ಜೊಂವ್ಕ್ ಸಕ್ಲೊ
ಅವಯ್ ಅಸೊನಿ ಏಕ್ ಅನಾಥಚೆಂ ಜಿವಿತ್ ಜಿಯೆಲೊ

ದೇವ್ ಸಾವ್ಲಾಕ್ ರಾಯ್ ಜಾಂವ್ಕ್ ವಿಂಚ್ತಾ.........

ಸಾಮುಯೆಲ್ ಮ್ಹತಾರೊ ಜಾತೆಚ್ ಅಪ್ಲ್ಯಾ ಭುರ್ಗ್ಯಾಂಕ್ ನಾಯ್ ಕರ್ತ್ ಜಾವ್ಮ್ ನೆಮ್ತಾ
ಪೂಣ್ ತಾಚೆ ಭುರ್ಗೆ ಲೊಕಾಂ ಥಾವ್ನ್ ಲಂಚ್ ಘೆವ್ನ್ ಪಾಪ್ ಆದಾರ್ತಾತ್
ಹ್ಯಾ ಘಡಿತಾಂ ವರ್ವಿಂ ಲೋಕ್ ಉಪ್ರಾಟ್ತಾ ಆನಿ ಸಾಮುಯೆಲಾಕ್ ದೂರಂ ವರ್ತಾ
ಹೆರಾಂ ರಾಷ್ಟ್ರಾಂಬರಿ ಅಮ್ಕಾಂಯ್ ರಾಜ್ ಜಾಯ್ ಮ್ಹಣ್ ಸಾಮುಯೆಲಾಕ್ ಪರತ್ತಾ

ಸಾಮುಯೆಲ್ ಅಪ್ಲ್ಯಾ ಭುರ್ಗ್ಯಾವರ್ವಿಂ ದುಖೆಸ್ತ್ ಜಾವ್ನ್ ದೆವಾಕ್ ಭೆಟ್ತಾ
ಇಸ್ರಾಯೆಲಿತ್ ಅಪ್ಣಾಂಕ್ ರಾಯ್ ಮಾಗೊನ್ ಅಸ್ಚೆಂ ದೆವಾಕ್ ತಿಳ್ಸಿತಾ
ದೇವ್ ಇಸ್ರಾಯೆಲಿತಾಂ ಥೈಂ ಉಪ್ಜಲ್ಲೆಂ ಧಾರುಣ್ ಕಾಳಿಜ್ ಸಮ್ಜಾತಾ
ಅಪುಣ್‍ಂಚ್ ಏಕ್ ರಾಯ್ ಸೊದುನ್ ದಿತಲೊಂ ಮ್ಹಣ್ ದೇವ್ ಭಾಸಯ್ತಾ

ಬೆಜ್ಮಿಚ ಪ್ರಾಂತಾಂತ್ ಕೀಶ್ ನಾಂವಾಚೊ ವ್ಯಕ್ತಿ ವಸ್ತಿ ಕಾರ್ನ್ ಅಸ್ತಾ
ತಾಚ ಪೂತಂ ಪೈಕಿಂ ಎಕ್ಲೊ ದೆವಾನ್ ವಿಂಚ್ಲಲೊ ಸಾವ್ಲ್ ಜಾವ್ನಾಸ್ತಾ
ಏಕ್ ದೀಸ್ ಕೀಶ್ ಅಪ್ಲಿಂ ಗಾಡ್ವಾಂ ಇಸ್ರಾಯೆಲಾಚ ದೊಂಗ್ರಾರ್ ಸಾಂಡ್ತಾ
ಸಂಡ್ಲೆಲ್ಯಾ ಗಾಡ್ವಾಂಕ್ ಸೊದುಂಕ್ ಅಪ್ಲ್ಯಾ ಪುತಾ ಸಾವ್ಲಾಕ್ ದಾಡ್ತಾ

ಸಾವ್ಲ್ ಅಪ್ಲ್ಯಾ ಸೆವಾಕ ಸವೆಂ ಗಾಡ್ವಾಂಕ್ ಸಗ್ಳ್ಯಾ ಸುವಾತೆನಿಂ ಸೊದ್ತಾ
ಗಾಡ್ವಾಂ ಮೆಳನಾತ್ಲೆಂ ಪಳೆವ್ನ್ ಪಾಟಿಂ ವೊಸುಂಕ್ ನಿರ್ಧಾರ್ ಕರ್ತಾ
ತಿತ್ಲ್ಯಾರ್ ಸೆವಾಕ್ ಪ್ರವಾದಿ ಸಾಮುಯೆಲ ವಿಶಿಂ ಸಾವ್ಲಾಕ್ ತಿಳ್ಸಿತಾ
ಸಾವ್ಲ್ ಅಪ್ಣಾಚೆ ಸಮಸ್ಯೆ ಘೆವ್ನ್ ಸಾಮುಯೆಲಾಕ್ ಮೆಳೊಂಕ್ ಯೆತಾ

ದೆವಾನ್ ಭಾಸಯ್ಲೆಲೆ ಪರ್ಮಾಣೆ ಸಾವ್ಲ್ ಬೆಜ್ಮಿಚ ಕುಳಿಯೆಚೊ ಜಾವ್ನಾಸ್ತಾ
ಸಾಮುಯೆಲ್ ತಾಕ ಪೂಜಾಸ್ಥಳಾಕ್ ವರ್ನ್ ಜೆವ್ಣಾಚಿ ತಯಾರಾಯ್ ಕರ್ತಾ
ಸಾಂಡುನ್ ಗೆಲ್ಲ್ಯಾ ಗಾಡ್ವಾಂ ವಿಶಿಂ ಸಂಪೂರ್ಣ್ ಮಾಹೆತ್ ತಾಂಕಾ ದಿತಾ
ದೆವ್ ತಾಕ ಇಸ್ರಾಯೆಲ್ ಪರ್ಜೆಚೊ ರಾಯ್ ಜಾವ್ನ್ ವಿಂಚ್ತಲೊ ಮ್ಹಣ್ ತಿಳ್ಸಿತಾ

ದುಸ್ರ್ಯಾ ದಿಸಾ ಸಾವ್ಲಾಚ್ಯಾ ಮಾತ್ಯಾಕ್ ತೇಲ್ ಪುಸುನ್ ತಾಕ ಮಾಕ್ತಾ
ಹ್ಯಾ ಘಡಿತಾ ವರ್ವಿಂ ಸಾವ್ಲ್ ಪವಿತ್ರ್ ಅತ್ಮ್ಯಾನ್ ಭರ್ಲೊಲೊ ಜಾತ
ಸಾವ್ಲ್ ಇಸ್ರಾಯೆಲಿತಾಂ ಖಾತಿರ್ ವಿಂಚ್ಲಲೊ ಪಯ್ಲೊ ರಾಯ್ ಜಾವ್ನಾಸ್ತಾ
ದೇವಾಚ ಸಸಾಯೆನ್ ಸಾವ್ಲ್ ಇಸ್ರಾಯೆಲಿತಾಂ ವಾಯ್ರ್ ಅಧಿಕಾರ್ ಚಲಯ್ತಾ

ಅಸೊಯ್ ಎಕ್ಲೊ ಪೂತ್.....

ರಾತಿಂಚೊ ಪಿರಿ ಪಿರಿ ಪಾವ್ಸ್, ಮಧ್ಯಾನೆ ರಾತಿರ್ ಸಿಸ್ಟೆರಿಂಚ ಕೊವೆಂತಾಚೆ ಬೆಲ್ ವಾಜ್ಲೆಂ...ಸದಾಂಚ್ ಸೆವಾ ಕರುಂಕ್ ತಯಾರ್ ಅಸ್ಚಾ ಸಿಸ್ಟೆರ್ ಮಾಗ್ದೆಲಾನ್ ದಾರ್ ಉಗ್ತೆಂ ಕರ್ತಾನಾಂ ಏಕ್ ವಿಚಿತ್ರ್ ದ್ರಶ್ಯ್ ತಿಕಾ ಪಳೆಂವ್ಕ್ ಮೆಳ್ಳೆಂ. ಕೊವೆಂತ ಬಾಯ್ರ್ ಅಸ್ಚಾ ಲಾಯ್ಟ್ ಕಾಂಬ್ಯಾಚ ಉಜ್ವಾಡಾಕ್ ಸಿಸ್ಟೆರಿಕ್ ದೋನ್ ತೊಂಡಾಂ ಇಲ್ಲೆಶಿಂ ಜಳ್ಕಾಲಿಂ, ಏಕ್ ಪ್ರಾಯ್ವಂತ್ ಅವಯ್ ಆನಿ ತಿಕ ಕುಮೊಕ್ ಕರುಂಕ್ ಮುಕಾರ್ ಅಯಿಲ್ಲೊ ಎಕ್ಲೊ ದಾದ್ಲೊ.

"ಸಿಸ್ಟೆರ್ ಹಿ ಸ್ತ್ರೀ ಬಸ್ ಸ್ಟಾಂಡಾಂತ್ ಬಸೊನ್ ರಡೊನ್ ಅಸ್ಲಿ, ತಿಕ ಕೊಣ್ಣಿ ನಾತ್ಲೆ ಬರಿ ದಿಸ್ಲೆಂ, ತುಮಿಂ ಅನಾಥಂಕ್ ಪೊಸ್ತಾತ್ ನೆಂ ತಾಶೆಂ ತಿಕ ಹಾಂಗಾ ಹಾಡ್ಲೆಂ" ಇತ್ಲೆಂ ಸಂಗೊನ್ ಪಿಟರ್ ವೊಸೊಂಕ್ ತಯಾರ್ ಜಾಲೊ, ಸಿಸ್ಟೆರ್ ಭಿತರ್ ವೊಸೊನ್ ಟಾರ್ಚ್ ಹಾಡ್ನ್ ಪಾಟಿಂ ಯೆತಾನಾಂ ದಾದ್ಲೊ ಮಾಯಾಕ್ ಜಾಲ್ಲೊ. ತಿಣೆಂ ಹೆಣೆಂ ತೆಣೆಂ ಪಳಯ್ಲೆಂ ಆನಿ ಉಪ್ರಾಂತ್ ಸಲ್ವೊನ್ ಗೆಲ್ಲ್ಯಾ ಸ್ತ್ರೀಯೆಕಡೆ ವಿಚಾರ್ಲೆಂ " ಕೈಂ ಗೆಲೊ ತೊ ಬರೊ ಸಮಾರಿತ್, ಪಾಪ್ ಹ್ಯಾ ಹಿಂವಚ ರಾತಿಂ ತುಕಾ ಹಾಂಗ ಹಾಡ್ನ್ ವ್ಹಡ್ ಉಪ್ಕಾರ್ ತಾಣೆಂ ಕೆಲೊ, ದೇವ್ ತಾಕ ಬೆಸಾಂವ್ ಘಾಲುಂದಿ" ಸಿಸ್ಟೆರಿನ್ ಸ್ತ್ರೀಯೆಕ್ ಭಿತರ್ ವೆಲೆಂ ಆನಿ ತಿಚೆ ಕಡೆ ಉಲೊಂವ್ಕ್ ಪ್ರಯತ್ನ್ ಕೆಲೆಂ...ಪೂಣ್ ದೊಳ್ಯಾಂತ್ಲ್ಯಾನ್ ದುಃಖಾಂ ದೆಂವ್ಲಿಂ ಶಿವಾಯ್, ಏಕ್‍ಚ್ ಏಕ್ ಉತಾರ್ ಬಾಯ್ರ್ ಅಯ್ಲೆಂ ನಾಂ.

ಉಪ್ರಾಂತ್ಲ್ಯಾ ದಿಸಾನಿಂ ಹ್ಯಾ ಸ್ತ್ರೀಯೆನ್ ಕೆದಿಂಕ್‍ಚ್ ಕೊಣಾಯ್ ಕಡೆ ಉಲಯಿಲ್ಲೆಂ ನಾಂ, ಕೆದಾಳಾಯ್ ತಿಚ ದೊಳ್ಯಾಂತ್ ದುಃಖಾಂ ದೆಂವೊನ್ ಅಸ್ತಾಲಿಂ, ಏಕ್ ದೀಸ್ ಸ್ತ್ರೀ ಎಕ್ದಾಮ್ ಹುಶಾರ್ ನಾಸ್ತಾಂ ಪಡ್ಲಿ, ಸಿಸ್ಟೆರ್ ಮಾಗ್ದೆಲ್ ಪರತ್ ತಿಚ ಕುಮ್ಕೆಕ್ ಅಯ್ಲಿ, ತಿಚ ಮತಿ ಭಿತರ‍್ಚ್ ತಿಣೆಂ ಕರ್ಗೊಂವ್ಚೆಂ ತಿಕ ದಿಸೊನ್ ಅಯ್ಲೆಂ ಆನಿ ಏಕ್ ಭಯ್ಣಿ ಬರಿ ತಿಚ ಖಟ್ಲ್ಯಾಚ ಕುಶಿಕ್ ಬೊಸೊನ್ ತಿಚ್ಯಾ ತಕ್ಲೆಚೆ ಕೇಸ್ ಪುಸುನ್ ತಿಚೆ ಕಡೆನ್ ಉಲೊಂವ್ಕ್ ಲಾಯ್ಲೆಂ, ಸ್ತ್ರೀಯೆಚಿಂ ದುಃಖಾಂ ರಾವ್ಲಿಂ ಆನಿ ಮತಿಂತ್ ಅಸ್ಲೆಂ ಬಾಯ್ರ್ ಅಯ್ಲೆಂ.....

"ದೋನ್ ವರ್ಸಾಂ ಅದಿಂ ಮ್ಹಕಾ ತುಮ್ಚಾ ಮೆಟಾರ್ ಸೊಡ್ನ್ ಗೆಲ್ಲೊ ದುಸ್ರೊ ಕೋಣಿ ನೈಂ, ತೊ ಮ್ಹಜೊಚ್ ಪೂತ್" ಮಣ್ ಸ್ತ್ರೀಯೆನ್ ಮ್ಹಣ್ತಾನಾಂ ತಿಚಿ ಪಟ್ಲಿ ಕಾಣಿ ಅಯ್ಕೊಂಕ್ ಸಿಸ್ಟೆರಿಚಿ ಆತುರಾಯ್ ಚಡ್ಲಿ....

"ಮ್ಹಕಾ ಎಕ್ಲೊಚ್ ಪೂತ್, ಸಕ್ಕಡಿ ಸಮಾ ಅಸ್ಲೆಂ ಸುನ್ ಘರ ಯೆತ ಸಾರ್, ಕಾಜಾರ್ ಜಾವ್ನ್ ಏಕ್ ವರಸ್ ಪರ್ಯಾಂತ್ ಹಾಂವೆ ಸೊಸಿನಾತ್ಲೆಂ ಪೂರ ಸೊಸ್ಲೆಂ, ಉಪ್ರಾಂತ್ಲ್ಯಾ ದಿಸಾನಿಂ ಮ್ಹಜೆಂ ಸುನ್ ಎಕ್ದಾಮ್ ಕಠೀಣ್ ಕಾಳ್ಜಾಂಚೆ ಜಾಲೆಂ...ಏಕ್ ದೀಸ್ ಮ್ಹಜ್ಯಾ ಪುತಾಕ್ ತೊ ನಾತ್‍ಲ್ಲ್ಯಾ ವೆಳಾರ್ ಖೊಟ್ಯಾ ಉತ್ರಾನಿಂ ಗಾಳಿಂ ಸೊವೆ ದೀಂವ್ಕ್ ಲಾಗ್ಲೆಂ...ತವಾಳ್ ಹಾಂವೆ ತಾಕ ತಾಶೆಂ ಕರಿನಾಯೆ ಮ್ಹಣ್ ಸಮ್ಜಾಯ್ತಾನಾಂ, ತಾಕ ರಾಗ್ ಯೇವ್ನ್ ಅಸ್ಕತ್ ಅಸ್ಲ್ಯಾ ಮ್ಹಕಾ ಘರ ಥಾವ್ನ್ ಬಾಯ್ರ್ ಲೊಟ್ಲೆಂ, ಮ್ಹಜೊ ಪೂತ್ ಯೆತಾಚ್ ಮ್ಹಜೆ ವಾಯ್ರ್ ನಾಕ ಜಾಲ್ಲಿ ಗಜಾಲಿ ಗುಂತುಂನ್, ಹಿ ಮಾತಾರಿ ಘರ ಅಸ್ಲ್ಯಾರ್ ಹಾಂವ್ ರಾಂವ್ಚಿ ನಾಂ ಮ್ಹಣ್ ಅಪ್ಲ್ಯಾ ಘೊವಚೇರ್ ರಾಗಾರ್ ಜಾವ್ನ್, ಮ್ಹಕಾ ಬಾಯ್ರ್ ಕರುಂಕ್ ಒತ್ತಾಯ್ ಕರಿಲಾಗ್ಲೆಂ... ಬಾಯ್ಲೆಚೊ ಗುಲಾಮ್ ಜಾಲ್ಲೊ ಮ್ಹಜೊ ಪೂತ್...ತ್ಯಾಚ್ ರಾತಿಂ ಮ್ಹಕಾ ದಮ್ಕಾಂವ್ನ್, ತುಕಾ ಆನಿ ಮ್ಹಕಾ ಕಾಯಿಂಚ್ ಸಂಭಂದ್ ನಾಂ ಮ್ಹಣ್ ಸಾಂಗೊನ್ ಅಸ್ರ್ಯಾಂತ್ ಸೊಡ್ತಾಂ ಮ್ಹಣಾಲೊ, ತಾಚೆ ಪಾಂಯ್ ದರ್ನ್ ಆನಿ ಮುಕಾರ್ ಕಿತೆಂಚ್ ಘರ ಹಾಂವ್ ಉಲೈನಾಂ ಮ್ಹಣ್ ಕಿತ್ಲೆಂ ಪರತ್ಲ್ಯಾರಿ ಅಯ್ಕಾನಾಂ ಜಾಲೊ, ತ್ಯಾ ಪಾವ್ಸಾಕ್ ರಿಕ್ಶಾರ್ ಗಾಲ್ನ್  ಕೊಣಾಯ್ ಕಡೆ ಅಮ್ಚೊ ಸಂಭಂದ್ ಸಂಗ್ಶಿ ತರ್ ತುಜೊ ಜೀವ್ ಕಡುಂಕಿ ಪಾಟಿಂ ಸರ್ಚೊ ನಾಂ ಮ್ಹಣ್ ಬೆಷ್ಟಾಯ್ಲೆಂ....ಆನಿ ಮುಕ್ಲೆಂ ತುಮಿಂ ಜಾಣಾಂತ್.

ಏಕ್ ಬೊರೊ ಸಮಾರಿತ್‍ಗಾರ್ ಮಣ್ ಚಿಂತ್ಲೆಲ್ಯಾ ತ್ಯಾ ದಾದ್ಲ್ಯಾ ವಾಯ್ರ್ ಸಿಸ್ಟೆರಿಚೆಂ ಮನ್ ದುಕ್ಲೆಂ....ಅಸೋಯ್ ಏಕ್ ಪೂತ್ ಸಂಸಾರಾಂತ್ ಅಸಾಗೀ ಮ್ಹಣ್ ಚುರ್ಚುರ್ಲಿ.

(ಹೆಂ ನೀಜ್ ಘಡಿತ್ ವಿಂಚುನ್ ಮಜ್ಯಾಚ್ ಉತ್ರಾನಿಂ ಪಿಂತ್ರಾಯ್ಲಾಂ......)

ಸಾಮುಯೆಲಾಚೆಂ ಅಪೊವ್ಣೆಂ.....

ಎಲ್ಕಾನ್ ಎಪ್ರಯಿಮಾಚ್ಯಾ ದೊಂಗ್ರಾಳ್ ಪ್ರದೆಶಾಂತ್ ವಸ್ತಿ ಕಾರ್ನ್ ಅಸ್ತಾ
ಹನ್ನಾ ಆನಿ ಪೆನಿನ್ನಾ ಮ್ಹಳ್ಳ್ಯಾ ದೊಗಿಂ ಬಾಯ್ಲಾಂ ಸವೆಂ ಜಿಯೆವ್ನಾಸ್ತಾ
ಪೆನಿನ್ನಾಕ್ ಆಟ್ ಭುರ್ಗಿಂ ಅಸೊನ್, ಹನ್ನಾ ಏಕ್ ವಾಂಜ್ಡಿ ಸ್ತ್ರೀ ಜಾವ್ನಾಸ್ತಾ
ಹನ್ನಾ ಅಪ್ಣಾಚೆ ಅಪಮಾನ್ ಸೊಸುಂಕ್ ಜಾಯ್ನಾಸ್ತಾಂ ದೆವಾ ಮುಕಾರ್ ವೆತಾ

ವರ್ಸಾನ್ ವರ್ಸಾಂ ಎಲ್ಕಾನ್ ದಳ್ಬಾರಾಂಚ ಸರ್ವೆಸ್ಪರಾಕ್ ಬಲಿ ಬೆಟೆಯ್ತಾ
ಹರ್ಯೆಕ್ ವರ್ಸಾ ಹನ್ನಾ ದೆವಾ ಮುಕಾರ್ ರಡೊನ್ ಭುರ್ಗ್ಯಾ ಖಾತಿರ್ ಮಾಗ್ತಾ
ಏಕ್ ದೀಸ್ ತಾಚೆಂ ಮಾಗ್ಣೆಂ ಏಲಿ ಅಯ್ಕಾತ ಆನಿ ದೇವ್ ದಿತಲೊ ಮ್ಹಣ್ ಭಾಸಯ್ತಾ
ಏಲಿಚ ಉತ್ರಾ ಪರ್ಮಾಣೆ ಹನ್ನಾ ಏಕ ಚೆರ್ಕ್ಯಾ ಭುರ್ಗ್ಯಾಕ್ ಪ್ರಸೂತ್ ಜಾತಾ

ಅಪ್ಣಾಕ್ ಜಲ್ಮಾಲ್ಲ್ಯಾ ಭುರ್ಗ್ಯಾಕ್ ಸರ್ವೆಸ್ಪರಾಕ್ ಅರ್ಪುಂಕ್ ಹನ್ನಾ ನಿಚೆವ್ ಕರ್ತಾ
ಸಾಮುಯೆಲ್ ವ್ಹಡ್ ಜಾತಚ್ ಹನ್ನಾ ತಾಕ ಏಲಿ ಸವೆಂ ದೇವ್ ತೆಂಪ್ಲಾಂತ್ ಸೊಡ್ತಾ
ಸಾಮುಯೆಲ್ ಏಲಿಕ್ ಖಾಲ್ ಜಾತ ಆನಿ ಮಂದಿರಾಂತ್ ದೆವಾಚಿ ಸೆವಾ ಕರ್ತಾ
ಹನ್ನಾಚ ಬರ್ಯಾ ಮಾನಕ್ ಲಾಗುನ್ ದೇವ್ ತಾಕ ಅನಿಕೀ ಭುರ್ಗಿಂ ದಿತಾ

ಸಾಮುಯೆಲ್ ದೆವಾಚಿ ಸೆವಾಕಾರ್ನ್ ಏಲಿ ಸವೆಂ ಮಂದಿತಾಂತ್‍ಚ್ ರಾವ್ತಾ
ಏಕ್ ದೀಸ್ ಸೊಲ್ಲ್ಯಾ ಪೇಟ್ ಅಸ್ಚಾ ಮಂದಿರಾಂತ್ ರಾತಿಚೆಂ ನಿದೊನ್ ಅಸ್ತಾ
ಸರ್ವೆಸ್ಪರ್ ಸಾಮುಯೆಲಾಕ್ ತಾಚೆಂ ನಾಂವ್ ಕಾಡ್ನ್ ಪರತ್ ಪರತ್ ಅಪಯ್ತಾ
ಭುರ್ಗೊ ಸಾಮುಯೆಲ್ ದೆವಾಚೊ ತಾಳೊ ಸಮ್ಜಾನಾಸ್ತಾಂ ಏಲಿ ಸರ್ಶಿಂ ಯೆತಾ

ತಿಸ್ರೆ ಪವ್ಟಿಂ ಸರ್ವೆಸ್ಪರ‍್ಚ್ ಅಪಯ್ತಾ ಮ್ಹಣ್ ಸಾಮುಯೆಲ್ ಸೊಮ್ಜೊನ್ ಘೆತಾ
ಏಲಿನ್ ಸಂಗ್ಲೆಲೆ ಬರಿ "ಉಲಯ್ ಸೊಮ್ಯಾ ಅಯ್ಕಾತ ಚಾಕೊರ್" ಮ್ಹಣ್ ಜಾಪ್ ದಿತಾ
ದೇವ್ ಸಾಮುಯೆಲಾ ಕಡೆ ಇಸ್ರಾಯೆಲಿತಾಂಚ ಬಂದಡೆ ವಿಶಿಂ ಉಲಯ್ತಾ
ಕಾಯ್ದ್ಯಾ ವಿರೊಧ್ ಗೆಲ್ಲ್ಯಾ ಎಲಿಚ ಭುರ್ಗ್ಯಾಂಕ್ ನಾಸ್ ಕರ್ಚೆ ವಿಶಿಂ ತಿಳ್ಸಿತಾ

ಸಾಮುಯೆಲ್ ವ್ಹಡ್ ಜಾಲ್ಲೆಂಚ್ ದೇವ್ ತಾಕ ನ್ಯಾಯ್ ಕರ್ತ್ ಜಾವ್ನ್ ನೆಮ್ತಾ
ಅಪ್ಣಾಕ್ ಅವಿಧೆಯ್ ಜಾಲ್ಲ್ಯಾ ಏಲಿಚ ಭುರ್ಗ್ಯಾಂಕ್ ಪರ್ಜೆ ಮುಕಾರ್ ನಾಸ್ ಕರ್ತಾ
ಇಸ್ರಾಯೆಲಿತಾಂಚ ಅವಿಧಯ್ ಪಣಾಕ್ ಲಾಗುನ್ ಸೊಲ್ಲ್ಯಾಪೇಟ್ ಪಿಲಿಸ್ತಿಯಾಕ್ ವೆತಾ
ಸಾಮುಯೆಲಾಚ ಮುಖೆಲ್ಪಣಾಖಾಲ್ ಇಸ್ರಾಯೆಲ್ ಪರ್ಜಾ ಪರತ್ ಜೈತೆವಂತ್ ಜಾತಾ

ದೆವಾಚಿ ಭಾಸವ್ಣಿಂ.......

ಏಕ್ ಅವಯ್ ಅಪ್ಲ್ಯಾ ಬಾಳಾಕ್ ವಿಸ್ರತ್ ಗಾಯ್ ?
ಅಪ್ಲ್ಯಾ ಕುಸ್ವ್ಯಾಚ ಭುರ್ಗ್ಯಾಕ್ ತಿ ಸಾಂಡಿತ್ ಗಾಯ್ ?
ಆವಯ್ ತಿ ಸಂಡಿತ್ ತರೀ ಹಾಂವ್ ತುಕಾ ಸಾಂಡ್ಚೊ ನಾಂ
ಮ್ಹಜಾ ನದ್ರೆ ಮುಕ್ಲೊ ಕೆದಿಂಕ್‍ಚ್ ಪಯ್ಸ್ ಲೊಟ್ಸೊ ನಾಂ

ತುಜ್ಯಾ ಕುಡಿಚ ಘಾಯಾಂಕ್ ಹಾಂವ್ ವೊಕತ್ ಜಾತಾಂ
ತುಜ್ಯಾ ಜಿವಚ ಅಸ್ಕತ್ಕಾಯೆಂತ್ ತುಕಾ ಅಧಾರ್ ದಿತಾಂ
ತುಜೆರ್ ಯೆಂವ್ಚಾ ಕಷ್ಟಾಂತ್ ಹಾಂವ್ ವಾಂಟೆಲಿ ಜಾತಾಂ
ತುಜ್ಯಾ ಜಿಣ್ಯೆಚ ಎಕ್ಸುರ್ ಪಣಾಂತ್ ತುಕಾ ಸಂಗಾತ್ ದಿತಾಂ

ತುಜ್ಯಾ ತಾಳ್ನೆಂತ್ ಝುಜೊಂಕ್ ತುಜ್ಯಾ ಪಕ್ಶೆಕ್ ರಾವ್ತಾಂ
ತುಜ್ಯಾ ಸಲ್ವಣೆಂತ್ ಮ್ಹಜಾ ಹಾತಾಂನಿ ಉಕಲ್ನ್ ದರ್ತಾಂ
ತುಜ್ಯಾ ಹರ್ಯೆಕ್ ಮೆಟಾಂಕ್ ಹಾಂವ್ ಬದ್ರ್ ಅಸ್ರೊ ಜಾತಾಂ
ತುವೆಂ ಹಾತಿಂ ಘೆಂವ್ಚಾಂ ಕಾಮಾಂತ್ ಜೈತ್ ಲಾಭಾಯ್ತಾಂ

ತುಜ್ಯಾ ಭುರ್ಗ್ಯಾಂ ಬಾಳಾಂಚೆರ್ ಹಾಂವ್ ಬೆಸಾಂವ್ ಗಾಲ್ತಾಂ
ತುಜ್ಯಾ ಘರಣ್ಯಾಕ್ ಸದಾಂಚ್ ಹಾಂವ್ ರಾಕೊನ್ ವರ್ತಾಂ
ತುಜೊ ಸಂತೊಸ್ ಸಸ್ಣಾಚ ಸಸ್ಣಾಕ್ ಬಾಳ್ಚೆ ತಸಲೊ ಕರ್ತಾಂ
ತುಜ್ಯಾ ವೈರಿಂಕ್ ತುಜ್ಯಾ ದೊಳ್ಯಾ ಮುಕಾರ್ ನಾಸ್ ಕರ್ತಾಂ

ತುವೆಂ ವಸ್ತಿ ಕರುಂಕ್ ಸಮ್ರದ್ದ್ ಸುವಾತ್ ಪಾವೊ ಕರ್ತಾಂ
ತುಜೆಂ ಆಸ್ತ್ ಬದಿಕ್ ಸದಾಂಚ್ ವ್ರದ್ದಿ ಜಾಯ್ಶೆಂ ಕರ್ತಾಂ
ತುಜ್ಯಾ ವಾವ್ರಾಕ್ ಯಥೇಶ್ಟ್ ಪೀಕ್ ಮೆಳಾಶೆಂ ಕರ್ತಾಂ
ತುಜೆಂ ನಾಂವ್ ಸಂತತಿಚೆ ಸಂತತಿಕ್ ಉರಾಶೆಂ ಕರ್ತಾಂ

ರೂತ್ ಸಾಸುಮಾಂಯ್ಕ್ ಅಧಾರ್ ಜಾತ.....

ನ್ಯಾಯ್ ಕರ್ತಾಂಚ ಕಾಳಾರ್ ಅಖ್ಯಾ ಜುದಾಂತ್ ಕಠೀಣ್ ದುಕೊಳ್ ಪಡ್ತಾ
ಎಲೀಮಲೆಕ್ ಅಪ್ಲಿ ಬಾಯ್ಲ್ ನವೊಮಿ ಸವೆಂ ಮೊವಾಬಾಂತ್ ವಸ್ತಿ ಕರ್ತಾ
ಎಲೀಮಲೆಕಾಚ ದೊಗ್ ಪುತಾಂ ಪಯ್ಕಿ ಎಕ್ಲ್ಯಾಚಿ ಬಾಯ್ಲ್ ರೂತ್ ಜಾವ್ನಾಸ್ತಾ
ತೊಡ್ಯಾಚ್ ತೆಂಪಾನ್ ರೂತಾಚೊ ಪತಿ ಅಂತರ್ತಾ ಆನಿ ತೆಂ ವಿಧವ್ ಜಾತ

ಅಪ್ಲ್ಯಾ ವಿಧವ್ ಸುನಾಂಕ್ ಘರ ಪಾಟಿಂ ದಾಡುಂಕ್ ನವೊಮಿ ನಿರ್ದಾರ್ ಕರ್ತಾ
ಎಕ್ಲೆಂ ಸುನ್ ನವೊಮಿಕ್ ಸಾಂಡುನ್ ಅಪ್ಲ್ಯಾ ಬಾಪಯ್ ಕರ್ ಪಾಟಿಂ ವೆತಾಂ
ರೂತ್ ಅಪ್ಲ್ಲ್ಯಾ ಸಾಸುಮಾಂಯ್ಕ್ ಸಾಂಡುನ್ ವೊಸೊಂಕ್ ಇನ್ಕಾರ್ ಕರ್ತಾ
ಅಪ್ಲ್ಯಾ ಘೊವಚ ಅವಯ್ ಸವೆಂ ರಾವೊನ್ ಅಧಾರ್ ಜಾಂವ್ಕ್ ನಿಚೆವ್ ಕರ್ತಾ

ದುಕೊಳ್ ಕಾಬಾರ್ ಜಾತೆಚ್ ನವೊಮಿ ರೂತ ಸವೆಂ ಜುದಾಕ್ ಪಾಟಿಂ ಯೆತಾ
ಥೈಂ ತೊಡೊ ತೇಂಪ್ ಅಪ್ಲ್ಯಾ ಸಯ್ರ್ಯಾಂ ಕಾರ್ ರಾವೊನ್ ಅಸ್ರೊ ಘೆತಾ
ಬೊವಾಜ್ ನಾಂವಾಚ ಗ್ರೆಸ್ತಾಚ ಶೆತಾಂತ್ ಕಾಮ್ ಕರುಂಕ್ ರೂತ್ ವೆತಾ
ಶೆತಾಂತ್ ಪಡ್ಲೆಲ್ಯೊ ಕಣ್ಶ್ಯೊ ವಿಂಚುನ್ ಅಪ್ಲ್ಯಾ ಸಾಸುಮಾಂಯ್ಕ್ ಪೊಸ್ತಾ

ರೂತನ್ ಅಪ್ಲ್ಯಾ ಶೆತಾಂತ್ ಕಾಮ್ ಕರ್ಚೆಂ ಬೊವಾಜಾಕ್ ಕಳೊನ್ ಯೆತಾ
ತೊ ಅಪ್ಲ್ಯಾ ಸೆವಕಾಂಕ್ ರೂತಕ್ ಬರ್ಯಾನ್ ಪಳೆಂವ್ಕ್ ಅಜ್ಝಾಂ ದಿತಾ
ಅಪುಣ್ ನವೊಮಿಕ್ ಏಕ್ ಲಾಗ್ಶಿಲೊ ಸಯ್ರೊ ಮ್ಹಣ್ ರೂತಕ್ ತಿಳ್ಸಿತಾ
ತಾಂಚ ಹರ್ಯೆಕ್ ಕಷ್ಟಾಂತ್ ಸಾಂಗಾತ್ ದಿತಲೊಂ ಮ್ಹಣ್ ಭಾಸಾಯ್ತಾ

ರೂತ್ ಬೊವಾಜಾನ್ ಕೆಲ್ಲೊ ಉಪ್ಕಾರ್ ಅಪ್ಲ್ಯಾ ಸಾಸುಮಾಂಯ್ಕ್ ತಿಳ್ಸಿತಾ
ನವೊಮಿ ರೂತಕ್ ಬೊವಾಜ ಸಂಗಿಂ ಲಾಗ್ನ್ ಕರುಂಕ್ ತಯಾರ್ ಜಾತಾ
ಬೊವಾಜಾಚಿ ಸೆವಾ ಕಾರ್ನ್ ತಾಚೆಂ ಮನ್ ಜಿಕೊಂಕ್ ಸಂಗೊನ್ ದಿತಾ
ರೂತ್ ನವೊಮಿಕ್ ಅಯ್ಕಾತಾ ಆನಿ ಬೊವಾಜಾಚೆಂ ಮನ್ ಜಿಕ್ತಾ

ಅಪ್ಲ್ಯಾ ಸಾಸುಮಾಂಯ್ಕ್ ಮಾನಾನ್ ಲೆಕ್ಲೆಲ್ಯಾ ರೂತಕ್ ದೇವ್ ಸಾಂಬಾಳ್ತಾ
ಬೊವಾಜಾಚೆಂ ಸಗ್ಳೆಂ ದಾಯ್ಜ್ ತಾಕ ಬೊಗುಂಕ್ ಪಾವೊ ಕರಯ್ತಾ
ಜೆಜುಕ್ರಿಸ್ತಾಚ ವಂಶಾವಳಿಂತ್ ತಾಚೆಂ ನಾಂವ್ ಉರಾಶೆಂ ಕರ್ತಾ
ರೂತ್ ಇಸ್ರಾಯೆಲಾಚ ದೆವಾಚೆರ್ ಅಪ್ಲೊ ಭವರ್ತ್ ಸದಾಂಚ್ ದವ

ಭ್ರಷ್ಟಾಚಾರಚೊ ಖೆಳ್.....

ಕೈಂ ಥಾವ್ನ್ ಕೈಂ ಪಾವ್ಲಾ ದೇಶ್
ಮ್ಹಜಾ ದೆಶಾಂತ್ ಕಿತ್ಯಾ ಅಂದ್ಕಾರಾಚಿ ರಾತ್
ಏಕ ಪಾಟ್ಲ್ಯಾನ್ ಏಕ್ ಚಲ್ತಾ ಚೂಕ್
ವಕ್ತಾಂ ದೀವ್ನ್ ಗೂಣ್ ಜಾಯ್ನಾತ್ಲೊ ರೋಗ್

ಪುಡರಿಚ ಹಾತಾಂತ್ ಪೊಯ್ಶಾಂಚೊ ಗೋಂಚ್
ದುಬ್ಳ್ಯಾಕ್ ಜಿವಿತ್ ನಾಂ ದೀನಾತ್ಲ್ಯಾರ್ ಲೋಂಚ್
ವೋಟ್ ಮಾಗೊಂಕ್ ಯೆತಾನಾ ದಿಲ್ಲಿ ತಿ ಭಾಸ್
ಜಿಕೊನ್ ಅಯಿಲ್ಲ್ಯಾ ಉಪ್ರಾಂತ್ ವೋಟ್ ಗಲ್ಲೊ ಕಲಾಸ್

ಗರ್ವಾನ್ ಅಮಿಂ ಮ್ಹಣ್ತಾಂವ್ ದೇಶ್ ಮ್ಹಜೊ ಸ್ವತಂತ್ರ್
ಜಿಕೊನ್ ಅಯಿಲ್ಲೊ ಫುಡಾರಿ ಕರುಂಕ್ ಪಡ್ಲಾ ಕುತಂತ್ರ್
ವರ್ಸಾ ಭಿತರ್ ಲುಟುನ್ ಜಾತ ತೊ ಕುಭೇರ್
ಕೋರ್ಟ್ ಆನಿ ಜೈಲಾನಿಂ ತಸೊಚ್ ಕರ್ಬಾರ್

ಶಿಕ್ಪಾಚಿ ಗಾರ್ಜ್ ನಾಂ ಜಾಂವ್ಕ್ ಕೊಣಿ ಪುಡಾರಿ
ಬುದ್ವತಾಂಕ್ ದಾಂಬುನ್ ದರ್ನ್ ರಾಜ್ ಕರ್ಚೆ ಪಡಾರಿ
ಕಿತೆಂಯ್ ಕರುಂಕ್ ತಯಾರ್ ತೆ ಅಪ್ಣಾಂವ್ಕ್ ಓಟ್
ಪಯ್ಶೆ, ಅಮಲ್ ಚಾಕೊವ್ನ್ ಬಾಂದ್ಲೆ ಮನ್ಶಾಂಕ್ ರೇಟ್

ಗಾಂಧೀಜಿನ್ ಸಪ್ಣೆಲ್ಲೊ ದೇಶ್ ಕೈಂ ಪಾವ್ಲಾ
"ಸರ್ವಾಂಕ್ ಏಕ್‍ಚ್ ನ್ಯಾಯ್" ಸಪಣ್ ಜಾವ್ನ್ ಉರ್ಲಾಂ
ಜಾತಿ-ಖಾತಿಚೊ ಭೇದ್ ಸಮಾಜೆಕ್ ನಾಸ್ ಕರ್ಚಾರ್ ಪಡ್ಲಾ
ಭ್ರಷ್ಟಾಚಾರಚ ಖೆಳವರ್ವಿಂ ದೇಶ್ ಅಂದ್ಕಾರಾಂತ್ ಉರ್ಲಾ

ನ್ಯಾಯ್ ಕರ್ತ್ ಸಾಮ್ಸಾಂವ್.....

ಇಸ್ರಾಯೆಲ್ ಪರ್ಜಾ ಪಿಲಿಸ್ತಿಯಾಂಚ ಹಾತಾಂತ್ ಕಷ್ಟಚೆಂ ಜಿವಿತ್ ಜಿಯೆತಾ
ಅಪ್ಣಾಚೆ ಕಾಷ್ಟ್ ಅಧಿಕ್ ಜಾಲ್ಲ್ಯಾ ತವಾಳ್ ಸರ್ವೆಸ್ಪರಾಕ್ ಬೋಬ್ ಮಾರ್ತಾ
ದೇವ್ ದಾನಾಚ ಕುಳಿಯೆಚ ಸಾಮ್ಸಾಂವ್ಕ್ ನ್ಯಾಯ್ ಕರ್ತ್ ಜಾವ್ನ್ ವಿಂಚುನ್ ಕಾಡ್ತಾ
ಸಾಮ್ಸಾಂವ್ ದೆವಾಚ ಭಾಸೊವ್ಣೆನ್ ಏಕ್ ವಾಂಜ್ಡಿ ಸ್ತ್ರೀಯೆಕ್ ಪೂತ್ ಜಾವ್ನ್ ಜಲ್ಮಾತಾ

ಜಲ್ಮಾತನಾಂಚ್ ದೇವ್ ಸಾಮ್ಸಾಂವ್ಕ್ ಭರ್ಪೂರ್ ಅಶಿರ್ವಾದನಿಂ ಭರ್ತಾ
ತಾಚ ಮಾತ್ಯಾಚೆ ಕೇಸ್ ತಾಶಿನಾಶೆಂ ರಾವೊಂಕ್ ಘರ್ಚಾಂಕ್ ಪರ್ಮಾಯ್ತಾ
ಸಾಮ್ಸಾಂವ್ಚಿ ಸಗ್ಳಿ ಸಕತ್ ತಾಚ ಮಾತ್ಯಾಚ ಕೆಸಾಂತ್ ಲಿಪೊನ್ ಅಸ್ತಾ
ದೆವಾಚಿ ಸಸಾಯ್ ಅಸ್ಲೆಲ್ಯಾನ್ ಸಾಮ್ಸಾಂವ್ ಬಲಿಷ್ಟ್ ಜಾವ್ನ್ ವಾಡ್ತಾ

ಸಾಮ್ಸಾಂವ್ ಪಿಲಿಸ್ತಿಯಾಚ ಚೆಡ್ವಾಚ ಮೊಗಾರ್ ಪಡೊನ್ ಕಾಜಾರ್ ಜಾತ
ಕಾಜಾರಾಂತ್ ಮನಸ್ತಾಪ್ ಉಬ್ಜೊನ್ ಮೊಸ್ತು ಪಿಲಿಸ್ತಿಯಾಂಚೊ ತೊ ನಾಸ್ ಕರ್ತಾ
ಅಶೆಂ ಸಾಮ್ಸಾಂವ್ನ್ ಪಿಲಿಸ್ತಿಯಾಂಚೆ ನಾಸ್ ಕರ್ಚೆಂ ದೆವಾಚಿ ಖುಶಿ ಜಾವ್ನಾಸ್ತಾ
ಝಗ್ಡೆಂ ಅಧಿಕ್ ಜಾತಾಚ್ ಸಾಮ್ಸಾಂವ್ ಚುಕೊನ್ ಜುದಾಕ್ ಪೊಳ್ನ್ ದಾಂವ್ತಾ

ಜುದಾಂತ್ ಸಾಮ್ಸಾಂವ್ ದಲೀಲಾ ಮ್ಹಳ್ಳ್ಯಾ ಸ್ತ್ರೀಯೆಚೊ ಸಂಗ್ ಕಾರ್ನ್ ಸಂಪ್ಡಾತಾ
ಪಿಲಿಸ್ತಿಯಾಚೊ ಲೋಕ್ ದಲೀಲಾ ಮುಖಾಂತ್ರ್ ಸಾಮ್ಸಾಂವ್ಕ್ ಮಾರುಂಕ್ ಸೊದ್ತಾ
ಬಲಿಷ್ಟ್ ಜಾವ್ನಾಸ್ಲೊ ಸಾಮ್ಸಾಂವ್ ಅಪ್ಲ್ಯಾ ಪರಾಕ್ರಮಾಚೊ ಘುಟ್ ದಲೀಲಾಕ್ ತಿಳ್ಸಿತಾ
ಸಾಮ್ಸಾಂವ್ ನಿದೆರ್ ಅಸ್ತಾನಾಂ ದಲೀಲಾ ತಾಚ ಮಾತ್ಯಾಚೆ ಕೇಸ್ ತಸಯ್ತಾ

ಮಾತ್ಯಾಚೆ ಕೇಸ್ ತಾಸ್‍ಲ್ಲೆಂಚ್ ಸಾಮ್ಸಾಂವ್ ಏಕ್ ನಿತ್ರಾಣಿ ಮನಿಸ್ ಜಾತ
ಕೇಸ್ ತಾಸ್‍ಲ್ಲೆಂಚ್ ತಾಚೆ ಥೈಂ ಅಸುಲ್ಲೊ ಸ್ಪಿರಿತ್ ತಾಕ ಸೊಡ್ನ್ ವೆತಾ
ಅಸಹಯಾಕ್ ಸಾಮ್ಸಾಂವ್ಕ್ ಪಿಲಿಸ್ತಿಯಾಚೊ ಲೋಕ್ ಬಂದಿವಾನ್ ಕರ್ತಾ
ಸಮ್ಸಾಂವ್ಚೆ ದೊಳೆ ಕೊಂಕುನ್ ಕುರ್ಡೊ ಕಾರ್ನ್ ಸಂಕ್ಳಿನಿಂ ಬಾಂದುನ್ ಗಾಲ್ತಾ

ಸಾಮ್ಸಾಂವ್ ಸಲ್ವಾಲ್ಲ್ಯಾಕ್ ಲೋಕ್ ಪಿಲಿಸ್ತಿಯಾಂತ್  ಏಕ್ ಪರಬ್ ಚಲಾಯ್ತಾ
ತ್ಯಾ ಪರ್ಬೆಕ್ ಸಾಮ್ಸಾಂವ್ಕ್ ಲೊಕಾಂಕ್ ಖುಶಾಲ್ ಕರುಂಕ್ ಸಭೆಕ್ ಹಾಡ್ತಾ
ಸಾಮ್ಸಾಂವ್ ದೆವಾ ಕಡೆ ಮಾಗ್ತಾ ಆನಿ ದೇವ್ ತಾಕ ಪರತ್ ಬಲಿಷ್ಟ್ ಜಾಯ್ಶೆಂ ಕರ್ತಾ
ಅಪ್ಲ್ಯಾ ಹಾತಾನಿಂ ಸಬೆಚೆ ಖಾಂಬೆ ಲೊಟುನ್ ಗಾಲ್ನ್  ಸಗ್ಳ್ಯಾ ಪಿಲಿಸ್ತಿಯಾಂಚೊ ನಾಸ್ ಕರ್ತಾ

ಆಜ್ ತುಕಾ ಫಾಲ್ಯಾಂ ಮ್ಹಕಾ.....

ಮನಿಸ್ ಕಿತ್ಯಾಕ್ ಚಿಂತಿನಾಂ "ಆಜ್ ತುಕಾ ಫಾಲ್ಯಾಂ ಮ್ಹಕಾ"
ಬೊರೆಂ ಕರುಂಕ್ ಅವ್ಕಾಸ್ ಮೆಳ್ತಾನಾಂ ಪಾಟಿಂ ನಿಸ್ರನಾಕ
ವಾಯ್ಟಚ್ ಕರ್ಶಿ ತಾರ್ ಫಾಲ್ಯಾಂ ಕೋಣ್ ಪಾವತ್ ತುಕಾ
ಬೊರೆಂ ಕೆಲ್ಲ್ಯಾಕ್ ಬೊರೆಂಚ್ ಮೆಳ್ತಾ ಹೆಂ ತುಂ ವಿಸ್ರನಾಕ

ಅಪ್ಲ್ಯಾ ಪೆಲ್ಯಾಚೆರ್ ತುಂ ಹಾಸೊನ್ ಸೊಬ್ತಾಯ್
ವಿಕಾಳ್ ಉತ್ರಾನಿಂ ತಾಂಚಿಂ ಕಾಳ್ಜಾಂ ತೊಪ್ತಾಯ್
ಏಕ್ ದೀಸ್ ತುಕಾಯ್ ಮ್ಹಣ್ ವಿಸ್ರೊನ್ ಸೊಡ್ತಾಯ್
ತುಜೆ ವಾಯ್ರ್ ಪಾಸ್ ಪಡ್ತಾಂ ಕಂಗಾಲ್ ಜಾತಯ್

ದುಸ್ರ್ಯಾಂಚೆ ಕಾಷ್ಟ್ ಪಳೆವ್ನ್ ಕಾಳ್ಜಾ ಭಿತರ್ ಹಾಸ್ತಾಯ್
ಉತ್ರಾಂಚೊ ಶೆರ್ಮಾಂವ್ ದೀವ್ನ್ ಘಡ್ಯೆನ್ ವಿಸ್ರತಾಯ್
ಕುಮ್ಕೆಚೊ ಹಾತ್ ದೀಂವ್ಕ್ ಆಜ್-ಫಾಲ್ಯಾಂ ದೀಸ್ ಮೆಜ್ತಾಯ್
ಕಷ್ಟಾನ್ ತುಕಾ ವೆಡೊ ಘಾಲ್ತಾನಾಂ ಕುಸ್ಕೊನ್ ಚಲ್ತಾಯ್

ಆಸ್ತ್ ಭದಿಕ್ ಎಕ್ಟಾಂಯ್ ಕರುಂಕ್ ಆಡ್ ವಾಟ್ ಧರ್ತಾಯ್
ಏಕ್ಟಾಯಿಲ್ಲೆಂ ಬೊಗುಂಕ್ ಪಾವ್ತಾಂ ಪಿಡೆಂತ್ ಪಡ್ತಾಯ್
ಭುರ್ಗಿಂ ಬಾಳಾನಿಂ ದೆಸ್ವಾಟ್ ಕರ್ಚೆಂ ಪಳೆವ್ನ್ ರಡ್ತಾಯ್
ಇತ್ಲೆಂ ಪೂರ ಅಸ್ಲ್ಯಾರಿ ಭಿಕಾರ್ಯಾ ಬರಿ ಜಿವಿತ್ ಸರ್ತಾಯ್

ಸುಖಾಚೆ ದೀಸ್ ಚಲೊವ್ನ್ ಅಸ್ತಾಂ ಸಂಸಾರ್ ವಿಸ್ರತಾಯ್
ಜಿವಿತ್ ದಿಲ್ಲ್ಯಾ ದೆವಾಕ್ ಮಾನ್ ಕರುಂಕ್ ಗಳಾಯ್ ಕರ್ತಾಯ್
ಜಣ್ತ್ಯಾಂಚಿ ಬೂದ್ ಬಾಳ್ ಖರಿ ತರಿ ದಿಕ್ಕಾರ್ ಕರ್ತಾಯ್
ಪಾತ್ಕಾಂತ್ ಬುಡೊನ್ ನಾಸ್ ಜಾಂವ್ಚಾಪರ ದೆವಾಕ್ ಸೊದ್ತಾಯ್

ಆವಯ್-ಬಾಪಾಯ್ಕ್ ಮಾನ್ ಕರುಂಕ್ ಕಾಳಿಜ್ ಧಾರುಣ್ ಕರ್ತಾಯ್
ಜಾಲ್ಮ್ ದಿಲ್ಲಿಂ ಪಿಡೆಸ್ತ್ ಜಾತಾನಾಂ ಶಿರಪೂನ್ ಉಲಯ್ತಾಯ್
ಅಮಿಂ ಕೆಲ್ಲೆಂಚ್ ಭುರ್ಗಿಂ ಕರ್ತಾತ್ ತೆಂ ವಿಸ್ರೊನ್ ಸೊಡ್ತಾಯ್
ಫಾಲ್ಯಾಂ ಭುರ್ಗ್ಯಾಂನಿಂ ದಿಕ್ಕಾರ್ ಕರ್ತಾನಾಂ ಚಿಂತುನ್ ರಡ್ತಾಯ್

ನ್ಯಾಯ್ ಕರ್ತ್ ಗಿದೆಯೊನ್.....

ಇಸ್ರಾಯೆಲಿತಾನಿಂ ದೆವಾ ಮುಖಾರ್ ವಾಯ್ಟ್ ದಿಸ್ತಾಂ ತೆ ಕೆಲೆಂ
ಸರ್ವೆಸ್ಪರಾನ್ ತಾಂಕಾಂ ಮಿದಿಯಾನಿತಾಂಚ ಹಾತಾಂತ್ ಸಂಪ್ಡಯ್ಲೆಂ
ಮಿದಿಯಾನಿತಾಂನಿ ಇಸ್ರಾಯೆಲಿತಾಂಚ ಸಾರ್ವ್ ವಸ್ತುಂಚಿ ದೆಸ್ವಾಟ್ ಕೆಲಿ
ಕಠೀಣ್ ಕಷ್ಟಕ್ ಲಾಗುನ್ ಇಸ್ರಾಯೆಲಿತಾನಿಂ ದೆವಾಕ್ ಬೋಬ್ ಮಾರ್ಲಿ

ದೆವ್ ಜೊವಾಶಾಚೊ ಪೂತ್ ಗಿದೆಯೊನಾಕ್ ನ್ಯಾಯ್ ಕರ್ತ್ ಜಾವ್ನ್ ವಿಂಚ್ತಾ
ದೆವಾನ್ ವಿಂಸ್ಚಾ ಪಯ್ಲೆಂ ಗಿದೆಯೊನ್ ಮಿದಿಯಾನಿತಾಂಕ್ ಭಿಯನ್ ಜಿಯೆತಾ
ಇಸ್ರಾಯೆಲಿತಾಂಕ್ ತಾಚೆ ಮುಖಾಂತ್ರ್ ಸುಟ್ಕಾ ಲಾಬ್ತಾಲಿ ಮ್ಹಣ್ ಭಾಸಾಯ್ತಾ
ಗಿದೆಯೊನಾಕ್ ಬಲಿಷ್ಟ್ ಕಾರ್ನ್ ಸೈನ ಸವೆಂ ಝುಜಾಕ್ ತಯಾರ್ ಕರಾಯ್ತಾ

ಗಿದೆಯೊನಾಚೊ ಬಾಪಯ್ ಬಾಲ್ ದೆವಾಚೊ ಅರಾಧಾಕ್ ಜಾವ್ನಾಸ್ತಾ
ದೇವ್ ಗಿದೆಯೊನಾಕ್ ಬಾಲ್ ದೆವಾಚಿ ವೆದಿ ಪಿಟೊ ಕರುಂಕ್ ಫರ್ಮಾಯ್ತಾ
ಗಿದೆಯೊನಾಚೆಂ ಹೆಂ ಕ್ರತ್ಯ್ ಪಳೆವ್ನ್ ಇಸ್ರಾಯೆಲ್ ಪರ್ಜಾ ಉಪ್ರಟ್ತಾ
ಬಾಲ್ ದೆವಾಚಿ ವೆದಿ ನಾಸ್ ಕೆಲ್ಲ್ಯಾಕ್ ಗಿದೆಯೊನಾಕ್ ಮಾರುಂಕ್ ಸೊದ್ತಾ

ದೇವ್ ಹರ್ಯೆಕ್ ಕಷ್ಟಾಂತ್ ಗಿದೆಯೊನಾಕ್ ಸಂಗಾತ್ ದಿತಾ
ಇಸ್ರಾಯೆಲಾಚ ಉತ್ತಿಮಾಂತ್ ಉತ್ತಿಮ್ ಸೈನಿಕಾಂಕ್ ತಾಚೆ ಆಧಿನ್ ಕರ್ತಾ
ತಿನ್ಶಿಂ ಬಲಿಷ್ಟ್ ಸೈನಿಕಾಂಕ್ ಘೆವ್ನ್ ಗಿದೆಯೊನ್ ಝುಜಾಕ್ ರಾವ್ತಾ
ದೇವ್ ಇಸ್ರಾಯೆಲಿತಾಂಚ ಪಕ್ಶೆಕ್ ರಾವುನ್ ಗಿದೆಯೊನಾಕ್ ಜೈತ್ ಲಾಭಾಯ್ತಾ

ಜೈತ ಉಪ್ರಾಂತ್ ಲೋಕ್ ಗಿದೆಯೊನಾಕ್ ರಾಯ್ ಕರುಂಕ್ ಅಶೆತಾ
ಸರ್ವೆಸ್ಪರ ಮುಖಾರ್ ದುಸ್ರೊ ರಾಯ್ ನಾಂ ಮ್ಹಣ್ ಗಿದೆಯೊನ್ ಭಾಸಾಯ್ತಾ
ಮಿದಿಯಾನ ಥಾವ್ನ್ ಹಾಡ್ಲೆಲ್ಯಾ ಬಂಗಾರ ಥಾವ್ನ್ ಸೊಭಿತ್ ಮೂರ್ತಿ ಕರಯ್ತಾ
ಪೂಣ್ ಹಿ ಮೂರ್ತಿ ಲೊಕಾಂಕ್ ಆಡ್ ವಾಟೆಕ್ ವೊಡುಂಕ್ ಕಾರಣ್ ಜಾತಾ

ಗಿದೆಯೊನ್ ದೆವಾಚ ಸಸಾಯೆನ್ ಇಸ್ರಾಯೆಲಿತಾಂಕ್ ಜಾಯ್ತ್ ಲಾಭಯ್ತಾ
ಲೋಕ್ ಸಮಾಧಾನೆನ್ ಚಾಳಿಸ್ ವರ್ಸಾಂ ತಾಚ ಹಾತ ಖಾಲ್ ಜಿಯೆತಾ
ಗಿದೆಯೊನಚ ಮರ್ಣಾ ಉಪ್ರಾಂತ್ ಪರತ್ ಲೋಕ್ ಆಡ್ ವಾಟ್ ದರ್ತಾ
ಅಪ್ಣಾಕ್ ಸುಟ್ಕಾ ಲಾಭಯಿಲ್ಲ್ಯಾ ದೆವಾಕ್ ವಿಸ್ರೊನ್ ಬಾಲ್ ದೆವಾಚಿ ಪುಜಾ ಕರ್ತಾ

ಧುಳಿಥಾವ್ನ್ ಅಯ್ಲೆಲ್ಯಾ......

ಧುಳಿಥಾವ್ನ್ ಅಯ್ಲೆಲ್ಯಾ ತುಂ ಧುಳಿಕ್ ಪಾಟಿಂ ವೆತಲೋಯ್
ಖಾಲ್ತೆಂ ಬೊಳೆಂ ಜಿವಿತ್ ಜಿಯೆಲ್ಯಾರ್ ಆಂಜಾ ಸವೆಂ ಸೊಭ್ತಾಲೋಯ್
ಸಂಸಾರಾಚಿ ಆಸ್ತ್ ಬಧಿಕ್ ಹಾಂಗಾಂಚ್ ಸಾಂಡುನ್ ಚಲ್ತಲೋಯ್
ಪಾತ್ಕಾಂ ತುಜಿಂ ಭರುನ್ ಅಸ್ಲ್ಯಾರ್ ಥೈಂಯಿ ಕಾಷ್ಟ್ ಸೊಸ್ತಾಲೋಯ್

ಪಯ್ಲೊ ಮನಿಸ್ ಅದಾಂವ್ಕ್ ದೆವಾನ್ ರಚ್ಲೊ ಧುಳಿ ಥಾವ್ನ್
ಕುಡಿಕ್ ತಾಚ ಜೀವ್ ದಿಲೊ ಅಪ್ಲೊಚ್ ಸ್ವಾಸ್ ದೀವ್ನ್
ಪಾತ್ಕಾಚೆ ಫಳ್ ಕಾಯ್ನಾತ್ಲೊ ತರ್ ಅಸ್ತೊ ತೊ ರಾಯ್ ಜಾವ್ನ್
ದೆವಾಚ ಉತ್ರಾಕ್ ಆಡ್ ವೊಸೊನ್ ನಾಸ್ ಜಾಲೊ ಧುಳ್ ಜಾವ್ನ್

ದೆವಾನ್ ಮನ್ಶಾಕ್ ಸಾಂಡ್ಲೊನಾಂ ನಿರಾಶಿ ಜಾಂವ್ಕ್ ಸೊಡ್ಲೊ ನಾಂ
ಅಪ್ಲ್ಯಾ ಮೊಗಾಚೊ ಸಂಕೇತ್ ಜಾವ್ನ್ ಅಪ್ಲ್ಯಾ ನದ್ರೆ ಥಾವ್ನ್ ಲೊಟ್ಲೆಂ ನಾಂ
ಪರ್ತುನ್ ತಾಕ ಗೊಪಾಂತ್ ಘೆವ್ನ್ ಪಾತ್ಕಾಂ ತಾಚಿಂ ಲೆಕ್ಲಿಂ ನಾಂತ್
ತಾಚೊ ಅದೇಶ್ ಪಾಳ್ನ್ ಜಿಯೆಲ್ಲ್ಯಾಂಕ್ ಮರೊಂಕ್ ತಾಣೆಂ ಸೊಡ್ಲೆಂ ನಾಂ

ದೆಂವ್ಚಾರಾಚ ಸಂಗಾತ್ ಪಣಾಂತ್ ಮನಿಸ್ ಜಾಲೊ ಅಸ್ಕತ್
ಸಂಸಾರಾಚ ಖುಶಾಲ್ ಕಾಯೆಂತ್ ವಿಸ್ರೊನ್ ರಾವ್ಲೊ ದೆವಾಕ್
ದೆವಾಚೊ ಭಾಂದ್ ತುಟ್ತಾಚ್ ಮನಿಸ್ ಜಾಲೊ ಅನಾಥ್
ಮರ್ಣಾನ್ ತಾಕ ವೆಡೊ ಗಲೊ ಶಿಕ್ಶಾ ಜಾವ್ನ್ ಪಾತ್ಕಾಕ್

ಆತ್ಮೊ ತೊ ದೆವಾಚೊ ಮನ್ಶಾ ಕುಡಿಕ್ ಸೊಭಯಿಲ್ಲೊ
ಕೂಡ್ ತಿ ಮತ್ಯೆಚಿ ತರೀ ಜಿವನ್ ತಾಕ ಭರುಲ್ಲೊ
ಮನ್ಶಾಚ ಕುಡಿಂತ್ ರಿಗೊನ್ ದೆವಾ ಸಂಪರ್ಕ್ ಸೊದ್‍ಲ್ಲೊ
ನಾಸ್ ಜಾಂವ್ಚಾ ಕುಡಿಕ್ ಸಾಂಡುನ್ ದೆವಾ ಸವೆಂ ಜಿಯೆಂವ್ಚೊ.

ನ್ಯಾಯ್ ಕರ್ತ್ ದೆಬೋರಾ....

ಏಹೂದಾಚ್ಯಾ ಮರ್ಣಾ ಉಪ್ರಾಂತ್ ಇಸ್ರಾಯೆಲ್ ಪರತ್ ಪಾತ್ಕಾಂತ್ ಪಾಡ್ತಾ
ಸರ್ವೆಸ್ಪರ್ ತಾಂಕಾಂ ಕಾನಾನಾಚೊ ರಾಯ್ ಜಾಬಿನಾಚೆ ಅಧಿನ್ ಕರ್ತಾ
ಕಾನಾನಾಚೊ ಸೆನಾಪತಿ ಸೀಸೆರ್ ಇಸ್ರಾಯೆಲಿತಾಂಕ್ ಕಷ್ಟುಂಕ್ ಸುರು ಕರ್ತಾ
ವೀಸ್ ವರ್ಸಾಂ ಪರ್ಯಾಂತ್ ಕಠೀಣ್ ಕಾಷ್ಟ್ ದೀವ್ನ್ ತಾಂಕಾಂ ದಗ್ದಿತಾ

ಅಪ್ಲ್ಯಾ ಕಷ್ಟಾಂಚ ದಿಸಾನಿಂ ಇಸ್ರಾಯೆಲ್ ಪರತ್ ದೆವಾಕ್ ಬೊಬ್ ಮಾರ್ತಾ.
ಪ್ರವಾದಿಣ್ ದೆಬೋರಾಕ್ ದೇವ್  ಇಸ್ರಾಯೆಲಿತಾಂಕ್ ನ್ಯಾಕ್ ಕರ್ತ್ ಜಾವ್ನ್ ನೆಮ್ತಾ
ಕಷ್ಟತೆಲ್ಯಾ ಇಸ್ರಾಯೆಲಿತಾಂಚಿ ನಾಯ್ ನಿರ್ಣಾಯ್ ಕರುಂಕ್ ಅಧಿಕಾರ್ ದಿತಾ
ಜಾಬಿನ್ ರಾಯಾಚ ಹಾತಾಂತ್ಲಿ ಸುಟ್ಕಾ ದಿತಲೊಂ ಮ್ಹಣ್ ದೇವ್ ಭಸಯ್ತಾ

ದೆಬೋರಾ ಬಾರಕಾಕ್ ಇಸ್ರಾಯೆಲಿತಾಂ ಖಾತಿರ್ ಝುಜೊಂಕ್ ವಿಂಚುನ್ ಕಾಡ್ತಾ
ಇಸ್ರಾಯೆಲಾಚ ಧಾ ಹಾಜಾರ್ ಝುಜಾರ್ಯಾಂಕ್ ತಾಚೆ ಸಂಗಾತ ದಿತಾ
ಬಾರಾಕ್ ತಾಬೊರ್ ದೊಂಗ್ರಾಚೆರ್ ಅಯಿಲ್ಲಿ ಖಬರ್ ಸೀಸೆರಾಕ್ ಮೆಳ್ತಾ
ಸೀಸೆರಾ ನವ್ಶಿಂ ಲೊಂಕ್ಡಾರಥ್ ಆನಿ ಸೈನ್ ಘೆವ್ನ್ ತಾಬೊರ್ ಆಕ್ರಮಣ್ ಕರ್ತಾ

ದೇವ್ ದೆಬೋರಾಕ್ ಆನಿ ಬಾರಾಕಾಕ್ ಝಗ್ಡ್ಯಾಂತ್ ಸಂಗಾತ್ ದಿತಾ
ಕಾನಾನಾಚೆಂ ಸಗ್ಳೆಂ ಸೈನ್ ಇಸ್ರಾಯೆಲಿತಾಂಕ್ ಭಿಯೆವ್ನ್ ಪೋಳ್ನ್ ದಂವ್ತಾ
ಸೆನಾಪತಿ ಸೀಸೆರ ರಥಾವಾಯ್ಲೊ ದೆಂವೊನ್ ಪಾಂಯ್ ವಾಟೆನ್ ದಂವ್ತಾ
ವಾಟೆರ್ ಮೆಳ್ಚ್ಯಾ ಜಾಯೆಲಾಚ್ಯಾ ಘರ ಸಿಸೇರಾ ಲಿಪೊವ್ನ್ ರಾವ್ತಾ

ಸಲ್ವಲ್ಲ್ಯಾ ಸಿಸೇರಾಚಿ ಪಾಟ್ ದರ್ನ್ ಬಾರಾಕ್ ಜಾಯೆಲಾಚ ಘರ ಪಾವ್ತಾ
ತಿತ್ಲ್ಯಾರ್ ಜಾಯೆಲ್ ಘರ ಅಸ್ಚಾ ತಂಬಾಖುಟ್ಯಾಂತ್ ಸಿಸೇರಾಕ್ ಜಿವೆಶಿಂ ಮಾರ್ತಾ
ಇಸ್ರಾಯೆಲಿತಾಂಕ್ ಕಷ್ಟಿಲ್ಲ್ಯಾಕ್ ಜಾಯೆಲ್ ಸಿಸೇರಾಕ್ ಹಿ ಶಿಕ್ಶಾ ದಿತಾ
ಆಶೆಂ ಜಾಬಿನಾಚೆಂ ಸಗ್ಳೆಂ ಸೈನ್ ಆನಿ ಸೆನಾಪತಿಚೊ ನಾಸ್ ಜಾತಾ

ದೆಬೋರಾಚ ಮುಖೆಲ್ಪಣಾಖಾಲ್ ಇಸ್ರಾಯೆಲಿತಾಂಕ್ ಸುಟ್ಕಾ ಮೆಳ್ತಾ
ಅಪ್ಣಾಕ್ ಬಂದಡೆ ಥಾವ್ನ್ ಬಾಯ್ರ್ ಕಾಡ್ಲ್ಯಾ ದೆವಾಕ್ ಇಸ್ರಾಯೆಲ್ ಭಿಯಾನ್ ಚಲ್ತಾ
ಚಾಳಿಸ್ ವರ್ಸಾಂ ದೆಬೋರಾ ಇಸ್ರಾಯೆಲಿತಾಂಕ್ ಸಾಂಬಾಳ್ನ್ ವರ್ತಾ
ದೆಬೋರಾಚ ಮರಣ ಪರ್ಯಾಂತ್ ಲೋಕ್ ಶಾಂತಿನ್ ಜಿಯೆತಾ

ಅಣ್ಣಾ ಹಜಾರೆ ಇಪೆಕ್ಟ್.......

ಸಿಮಾಂವ್ ಸದಾಂಚೆ ಬರಿಚ್ ಬ್ಯಾಗ್ ಘೆವ್ನ್ ಮಾರ್ಕೆಟಿಕ್ ಬಾಯ್ರ್ ಸರ್ಲೊ, ಅಯ್ಚೊ ದೀಸ್ ತಿಕ್ಕೆಂ ವಿಶೇಸ್ ದಿಸ್ತಾಲೊ ತಾಕ, ಹರ್ಯೆಕ್ ದೀಸ್ ಪಾಟಿಕ್ ತೊಪ್ಚಿಂ ಸುರ್ಯಾಚಿಂ ಕಿರ್ಣಾಂ ಆಜ್ ಪರ್ಜಳೀತ್ ಜಾವ್ನ್ ತಾಚೆ ಮುಖಾರ್ ನಾಸ್ತಾಲಿಂ. ಕುಡಿಕ್ ತಾಚ ತ್ರಾಸ್ ದಿಂವ್ಚೆಂ ಹುನ್ ಹುನ್ ವಾರೆಂ, ಏಕ ಸಾಂಗಾತ್ಯ ಬರಿ ಒಟ್ಟುಕ್‍ಚ್ ಮೇಟ್ ಕಾಡ್ಚೆ ಬರಿ ಬೊಗ್ತಾಲೆಂ. ಚಾಲ್ಚಾ ರಸ್ತ್ಯಾರ್ ಸುಕ್‍ಲ್ಲೆಂ ತಣ್ ಏಕ ನಮ್ನೆರ್ ಅನಿಕೀ ಜೀವ್ ಅಸಾಂವ್ ಮುಳ್ಳೊ ಸಂದೇಶ್ ದೀಂವ್ಕ್ ಅಶೆಂವ್ಚೆಂ ತಾಕ ಬೊಗ್ತಾಲೆಂ.  ತಾಚ್ಯಾ ತಕ್ಲೆಂತ್ 7-8 ದಿಸ ಥಾವ್ನ್ ಟಿವಿರ್ ದಾಕೊಂವ್ಚಾ ಏಕ ವ್ಯಕ್ತಿ ವಿಶಿಂ ಚಿಂತುಂಕ್ ಮೊಸ್ತು ಚಿಂತ್ನಾ ಅಸ್‍ಲ್ಲಿಂ. ಅಪ್ಣಾಚ 55 ವರ್ಸಾಚಾ ಜಿವಿತಾಂತ್ ದೆಕಾನಾತ್ಲೆಂ ತಾಣೆಂ ದೆಕ್‍ಲ್ಲೆಂ. ಏಕ ವ್ಯಕ್ತಿಕ್ ಇತ್ಲಿಯೀ ಸಕತ್ ಅಸಾ ಗಾಯ್? ಇಸ್ರಾಯೆಲಿತಾಂಕ್ ಮೊಯ್ಜೆನ್ ಚಲಯಿಲ್ಲೆ ಬರಿ ಅಖ್ಯಾ ಭಾರತಾಕ್ ಹೊ ಚಲಯ್ತಾ ನೈಂ....ಹೆಂ ಕಿತೆಂ ಅಜಾಪ್.

ಕೂಡ್ ತಿ ಅಸ್ಕತ್ ದಿಸ್ತಾ ತರೀ, ಕಿತೆಂಗೀ ಏಕ್ ತರಚೊ ಉಲ್ಲಾಸ್ ಭರೊನ್ ಯೆತಾಲೊ ತ್ಯಾ ವ್ಯಕ್ತಿಕ್ ಪಳೈತಚ್. ತಾಣೆ ಹಾತಿಂ ಘೆಂವ್ನ್ ಝುಜ್ತಾಲೊ ವಿಶಯ್ ಪಳಯ್ಲ್ಯಾರ್ ತರಂ ತರಂಚಿ ಸವಾಲಾಂ ಉಟ್ತಾಲಿಂ. ನಿಜಾಯ್ಕಿ ಅಮ್ಕಾಂ ಸ್ವತಂತ್ರ್ ಮೆಳ್ಳಾಂಗಿ? ವಾ ಸ್ವತಂತ್ರ್ ಅಧಿಕ್ ಜಾವ್ನ್ ಹೆ ಪುಡಾರಿ ವಾರ್ಯಾರ್ ಉಬೊನ್ ಪರ್ಜೆಚ ಮಾತ್ಯರ್ ಬೊಸೊಂಕ್ ಸೊದ್ನಾ ಕರ್ನ್ ಅಸಾತ್ ಗೀ?...

ಸಗ್ಳೊ ಸಂಸಾರ್ ಮ್ಹಣ್ತಾ, ಭಾರತ್ ಏಕ್ ಗ್ರೇಸ್ತ್ ದೇಶ್, ತರ್ ಗ್ರೇಸ್ತ್ ಕಾಯ್ ಕೈಂ ಅಸಾ, ವ್ಹಡಾನಿಂ ಕೊರೊಡನಿ ಲೇಕ್ ಗಾಲ್ತಾನಾಂ, ದಾಕ್ಟ್ಯಾಂಕ್ ಕಿತ್ಯಾ ಹಜಾರಾಚೆಂ ಲೇಕಿ ಮೆಳ್ನಾ? ಆಶೆಂ ಚಿಂತುನ್ ಮುಕಾರ್ ವೆತಾನಾಂ, ಬಾಜಾರಾಂತ್ ಸಯ್ತ್ ಮನಿಸ್ ಇಲ್ಲೆಂ ಪುಲ್‍ಲ್ಲೆ ಬರಿ ದಿಸ್ತಾಲಿಂ, ತಿತ್ಲೆಂಚ್ ನಂಯ್ ಅಸ್ತಾಂ...ಸಕ್ಡಾಂ ತ್ಯಾ ವ್ಯಕ್ತಿ ವಿಶಿಂ ಉಲೈತಾಲಿಂ. ಖಂಯ್ ಸಾಧ್ಯ್ ಜಾತ ಥೈಂ ಹಾಣೆಂಯ್ ರಾವೊನ್ ಕಾನ್ ದಿಲೆಂ ಆನಿ ಕೈಂ ಅವ್ಕಾಸ್ ಮೆಳ್ಳೊ ಥೈಂ ದೋನ್ ಉತ್ರಾಂ ಉಲೊವ್ನಿಂ ಸೊಡ್ಲೆಂ.

ತಾಲೂಕ್ ಅಫಿಸಾಕ್ ವೆಚಿ ಅಲೊಚನ್ ಕರ್ನ್‍ಂಚ್ ಸಿಮಾಂವ್ ಘರ ಥಾವ್ನ್ ಬಾಯ್ರ್ ಸರ‍್ಲ್ಲೊ, ಎದೊಳ್ ವರೆಗ್ ಅಪ್ಣಚೆಂ ಕಾಮ್ ಜಾಯ್ಜೆ ತರ್ 50 ವಾ 100 ದಿನಾಸ್ತಾಂ ಕೊಣಾಯ್ಚಿ ನದರ್ ವಯ್ರ್ ಯೆನಾತ್ಲಿ..ಪೂಣ್ ಆಜ್ ಕಿತೆಂಗಿ ಪರ್ನ್ಯಾ ತಾಲೂಕ್ ಅಫಿಸಾಂತಿ ನವೆಸಾಂವ್ ದಿಸೊಂಕ್ ಲಾಗ್ಲೆಂ, ಕಂದಾಯ್ ಬಾಂದ್ಚಾ ಕದೆಲ ಮುಕಾರ್ ಬೊಸುಲ್ಲೆಂಚ್ "ಪಯ್ಶೆ ಬಾಂದುಂಕ್ ಅಯ್ಲಾಯ್ ಗೀ?" ಮ್ಹಳ್ಳೆಂ ಸವಾಲ್ ತೆಂಯಿ ಬರಿಚ್ ಅಪುರ್ಬಾಯೆಚ ಉತ್ರಾನಿಂ ಅಯ್ಕೊಂಕ್ ಮೆಳ್ಳೆಂ. ಸದಾಂಚೆ ಬರಿ ಬೊಲ್ಸಾಕ್ ಹಾತ್ ಗಾಲ್ನ್ 100 ಚೊ ನೋಟ್ ವೊಡುಂಕ್ ಟ್ರೈ ಕರ್ತನಾ, ನಾಕ ನಾಕ ರಿಸಿಟ್ ಅತಾಂಚ್ ದಿತಾ ಮುಳ್ಳೊ ಏಕ್ ಸೆವಕಚೊ ಅವಾಜ್ ಆನಿ ಎದೊಳ್ ವರೆಗ್ ಮೆಳನಾತ್ಲಿ ಮರ್ಯಾದ್... ಅತಾಂ ಸಿಮಾಂವ್ಕ್ ಕಳ್ಳೆಂ, ಪಿಪಲ್ಸ್ ಪವರ್ ಮುಳ್ಯಾರ್ ಕಿತೆಂ... ಲೋಕ್ ಏಕ್ ಜಾತಿತ್ ತಾರ್ ಕಿತೆಂ ಪೂರ ಕರುಂಕ್ ಸಕ್ತಾತ್... ಪಕತ್ತ್ ದೇಶಾಕ್ ಜಾಯ್ ಏಕ್ ವಾಟ್ ದಾಕೊಂವ್ಚೊ ಕಂಬೊ ಆನಿ ತೊ ಕಂಬೊ ಮೊಯ್ಜೆ ಬರಿ ಪರ್ಜಳ್ತಾ ಜಾಲ್ಯಾರ್, ಪರೊಹ ತಸಲೆ ಕಿತ್ಲೆ ರಾಯ್ ಅಸಾತ್ ತರೀ ತಾಂಬ್ಡ್ಯಾ ದರ್ಯಾಂತ್ ಶಿರ್ಕಲ್ಲೆ ಬರಿ ಅಪ್ಲ್ಯಾ ಖೊಟ್ಯಾ ಕರ್ತುವಾಂ ಸಮೇತ್ ಶಿರ್ಕತಲೆ... ಬದ್ಲವಣ್ ಸಾಧ್ಯ್ ಅಸಾ ಎಕ್‍ಚ್ ಹಾಂವೆ ಪಯ್ಲೆಂ ಮೇಟ್ ಕಡಿಜೆ ನಾಂ ತಾರ್ ಪರ್ಜಳ್ಚಾ ಕಂಬ್ಯಾಕ್ ಸಪೊರ್ಟ್ ಕರಿಜೆ...ತುಮಿಂ ಕಿತೆಂ ಮ್ಹಣ್ತಾತ್.  

ನ್ಯಾಯ್ ಕರ್ತ್ ಎಹೂದ್....

ಜೊಶ್ವಾಚ ಮರ್ಣಾ ಉಪ್ರಾಂತ್ ಲೋಕ್ ದೆವಾಕ್ ಸಾಂಡುನ್ ರಾವ್ತಾ
ಅನ್ಯ್ ದೆವಾಚಿಂ ಪೂಜಾ ಕರ್ನ್ ಸೊಡ್ವಾಣ್ ದಿಲ್ಲ್ಯಾ ದೆವಾಕ್ ಅಕ್ಮಾನ್ ಕರ್ತಾ
ಲೊಕಾಂಚ ಪಾತ್ಕಾಕ್ ಶಿಕ್ಶಾ ಜಾವ್ನ್ ದೇವ್ ತಾಂಕಾ ಮೊವಾಬ ಅಧಿನ್ ಕರ್ತಾ
ಮೊವಾಬಾಚೊ ರಾಯ್ ಎಗ್ಲೊನ್ ಅಟ್ರಾ ವರ್ಸಾಂ ಲೊಕಾಂಕ್ ಕಷ್ಟಿತಾ

ಕಷ್ಟಾಂತ್ ಅಸ್ಚಿ ಇಸ್ರಾಯೆಲ್ ಪರ್ಜಾ ದೆವಾಕ್ ಕುಮ್ಕೆಕ್ ಬೋಬ್ ಮಾರ್ತಾ
ದೇವ್ ಗೆರಾಚೊ ಪೂತ್ ಎಹೂದಾಕ್ ನ್ಯಾಯ್ ಕರ್ತ್ ಜಾವ್ನ್ ನೆಮಾಕ್ ಕರ್ತಾ
ಏಹೂದ್ ದೆವಾಚ ಅದೇಶ ಖಾಲ್ ರಾಯ್ ಎಗ್ಲೊನಾಕ್ ಮೆಳೊಂಕ್ ಅಶೆತಾ
ದೋನ್ ಧಾರಿಂಚಿ ತಾಲ್ವಾರ್ ಘೆವ್ನ್ ರಾಯಾಕ್ ಜಿವೆಶಿಂ ಮಾರುಂಕ್ ಸೊದ್ತಾ

ರಾಯಾಕ್ ಕಾಣಿಕ್ ದಿಂವ್ಚಾ ನಿಬಾರ್ ರಾವ್ಳೆರಾಚ ಭಿತಾರ್ ಪ್ರವೇಶ್ ಜಾತಾ
ಥಂಯ್ಚಾರ್ ರಾಯಾಲಾಗಿಂ ಗುಪಿತ್ ಉಲೊಂವ್ಕ್ ಯೊಜಾನ್ ಗಾಲ್ತಾ
ಅಪೊವ್ಣ್ಯಾಕ್ ಪಾಳೊ ದೀವ್ನ್ ರಾಯ್ ಎಹೂದಾಕ್ ಮೆಳೊಂಕ್ ತಯಾರ್ ಜಾತ
ಅಪ್ಲ್ಯಾ ರಾವ್ಳೆರಾಚ ಮಾಳಿಯೆ ವಾಯ್ರ್ ಮೆಳೊಂಕ್ ವ್ಯವಸ್ಥ ಕರಯ್ತಾ

ಏಹೂದ್ ಸರ್ವೆಸ್ಪರಾಚೊ ಸಂದೇಶ್ ರಾಯಾಕ್ ದೀಂವ್ಕ್ ಅಸ ಮ್ಹಣ್ ಬೆಟ್ತಾ
ರಾಯ್ ಎಕ್ಲೊಚ್ ಮೆಳ್ಳ್ಯಾ ತವಾಳ್ ತಾಲ್ವಾರಿನ್ ತಾಕ ಜಿವೆಶಿಂ ಮಾರ್ತಾ
ಅಪ್ಲೆಂ ಹೆಂ ಕ್ರತ್ಯ್ ಸಾರ್ವ್ ಸೆವಕಾಂ ಥಾವ್ನ್ ಲಿಪವ್ನ್ ದವರ್ತಾ
ಮಾಳ್ಯೆಚೆಂ ಬಾಗಿಲ್ ಭಂದ್ ಕಾರ್ನ್ ಸಭಾಸಲಾಂತ್ ರಿಗೊನ್ ಬಸ್ತಾ

ರಾಯ್ ಏನಾತ್ಲೆಂ ಪಳೆವ್ನ್ ಸೈನಿಕ್ ಆನಿ ಸೆವಾಕ್ ಸೊದ್ನಾಂ ಕರ್ತಾತ್
ವೇಳ್ ಉತರ್ಲ್ಯಾರಿ ರಾಯ್ ಏನಾತ್ಲೆಂ ಪಳೆವ್ನ್ ದುಭಾವ್ ಪಾವ್ತಾತ್
ಮಾಳಿಯೆಚೆಂ ಬಾಗಿಲ್ ಉಗ್ತೆಂ ಕರ್ತಾನಾಂ ರಾಯಾಕ್ ನಿರ್ಜೀವ್ ಪಾಯ್ತಾತ್
ಎಹೂದಾನ್ ಸಯ್ರೊ ಜಾವ್ನ್ ಕೆಲ್ಲೊ ಕುತಂತ್ರ್ ಆತಾಂ ಸಮ್ಜೊನ್ ಘೆತಾತ್

ಸೈನ್ ಏಹೂದಾಕ್ ಪಾಟ್ಲಾವ್ ಕಾರ್ನ್ ಏಪ್ರಾಯಿಮಾಚ ದೊಂಗ್ರಾಕ್ ಪಾವ್ತಾ
ಏಹೂದ್ ಕೊಂಬು ಪುಂಕುನ್ ಇಸ್ರಾಯೆಲ್ ಪರ್ಜೆಕ್ ಎಕ್ಟಾಂಯ್ ಕರ್ತಾ
ದೆವಾಚೊ ಸಹಕಾರ್ ಅಸ್‍ಲ್ಲ್ಯಾನ್ ಎಹೂದ್ ಝಗ್ಡ್ಯಾಂತ್ ಜಯ್ತೆವಂತ್ ಜಾತಾ
ಆಯ್ಶಿಂ ವರ್ಸಾಂ ಇಸ್ರಾಯೆಲಿತಾನಿಂ ಶಾಂತಿನ್ ಜಿಯೆಂವ್ಕ್ ಕಾರಣ್ ಜಾತ.

ಭಾಸಯಿಲ್ಲೊ ಗಾಂವ್.....

ಕಿತ್ಲೊ ಸುಂದರ್ ಗಾಂವ್ ತೊ ಅಮ್ಚೊ
ದೂದ್ ಆನಿ ಮೊಂವ್ ವಾಳ್ಚೊ
ದೆವಾ ಬಾಪಾನ್ ವಿಂಚುನ್ ಭಸಯಿಲ್ಲೊ
ಅಮ್ಚಾ ಪುರ್ವಜಾನಿಂ ವಸ್ತಿ ಕೆಲ್ಲೊ

ಅಬ್ರಹಾಮ್ ಬಾಪಾಕ್ ದೆವಾನ್ ದೀಂವ್ಕ್ ಭಸಯಿಲ್ಲೊ
ಇಸಾಕ್ ಆನಿ ಜಾಕೊಬಾನ್ ದೇವ್ ಪರ್ಜೆಕ್ ಚಲಯಿಲ್ಲೊ
ಮೊಯ್ಜೆನ್ ಅಪ್ಣಾಂವ್ಕ್ ಪರೊಹ ಲಾಗಿಂ ಝುಜಲ್ಲೊ

ಆರೊನಾಚ ಕುಳಿಯೆನ್ ಯಾಜಾಕ್ ಜಾವ್ನ್ ಸೆವಾದಿಲ್ಲೊ
ಜೊಶ್ವಾನ್ ದೆವಾಚ ಸಹಕಾರನ್ ಪಯ್ಲೆಂ ಅಪ್ಣಾಯಿಲ್ಲೊ
ನ್ಯಾಯ್ ಕರ್ತಾನಿಂ ದೇವ್ ಪರ್ಜೆಕ್ ವಾಟ್ ದಾಕಯಿಲ್ಲೊ

ರೂತ್ ತಸಲ್ಯಾ ತರ್ನ್ಯಾ ಸ್ತ್ರೀಯೆನ್ ತ್ಯಾಗಕ್ ಸಾಕ್ಸ್ ಜಾಲ್ಲೊ
ಜುಡಿತ್ ಸ್ತೀಯೆನ್ ದೆವಾಚ ಬೆಸಾಂವಾನ್ ಜುದೆವಾಂಕ್ ರಾಕ್‍ಲ್ಲೊ
ಏಸ್ತೆರಾನ್ ನಾಸ್ ಜಾಂವ್ಚಾ ಇಸ್ರಾಯೆಲಿತಾಂಕ್ ರಾಕುನ್ ವೆಲ್ಲೊ

ಸಾವ್ಲ್ ರಾಯಾಕ್ ದೆವಾನ್ ಮಾಕುನ್ ಅಧಿಪತಿ ಕೆಲ್ಲೊ
ದಾವಿನ್ ರಾಯಾನ್ ಪರಾಕ್ರಮ್ ದಾಕೊವ್ನ್ ವಿಸ್ತಾರ್ ಕೆಲ್ಲೊ
ಸಾಲ್ಮಾಂವ್ ರಾಯಾನ್ ಜಾಣ್ವಾಯೆನ್ ನೀತ್ ಕೆಲ್ಲೊ

ಆಯ್ ಶಹರಾಚೊ ನಾಸ್.....

ಪಯ್ಲ್ಯಾ ಪವ್ಟಿಂಚ ಝುಜಾಂತ್ ಜೊಶ್ವಾ ಆಯ್ ಶಹರ ಮುಕಾರ್ ಸಲ್ವಾತಾ
ಪೂಣ್ ದುಸ್ರೆ ಪವ್ಟಿಂ ದೇವ್ ತಾಕ ಜಾಯ್ತ್ ದಿತಲೊಂ ಮ್ಹಣ್ ಭಾಸ್ ದಿತಾ
ನಿವಾಸ್ಯಾಂಕ್ ಕಾಳನಾತ್ಲೆ ಬರಿ ಪಾಟ್ಲ್ಯಾನ್ ಥಾಂವ್ನ್ ದಾಡ್ ಗಾಲುಂಕ್ ಸಂಗ್ತಾ
ದೆವಾಕ್ ಭರ್ವಸುನ್ ಇಸ್ರಾಯೆಲ್ ಪರ್ಜಾ ಝಗ್ಡ್ಯಾಕ್ ತಯಾರ್ ಜಾತ

ಜೊಶ್ವಾ ಇಸ್ರಾಯೆಲಿತಾಂಕ್ ದೋನ್ ಪಂಗಡ್ ಜಾವ್ನ್ ವಿಂಗಡ್ ಕರ್ತಾ
ಏಕ ಪಡ್ತಿಕ್ ವಿಂಗಡ್ ಕಾರ್ನ್ ಶಹರಾಕ್ ದಬೊ ಧರುನ್ ಬಸೊಂಕ್ ಸಂಗ್ತಾ
ಅನ್ಯೇಕ್ ಪಡ್ತಿಕ್ ಘೆವ್ನ್ ಖುದ್ದ್ ಶಹರಾಚ ದರ್ವಟ್ಯಾ ಲಾಗಿಂ ಯೆತಾ
ಆಶೆಂ ಕರ್ನ್ ಆಯ್ ಶಹರ್ ಗಾರಾಂಕ್ ಪಸೊಂವ್ಕ್ ತೊ ತಯಾರ್ ಜಾತ

ಜೊಶ್ವಾ ಅಪ್ಲ್ಯಾ ಲೊಕಾಂಕ್ ಘೆವ್ನ್ ಶಹರಾಚ ದರ್ವಟ್ಯಾಲಾಗಿಂ ತಂಬು ಮಾರ್ತಾ
ಆಯ್ ಶಹರಾಚೊ ರಾಯ್ ಹೆಂ ಪಳೆವ್ನ್ ಸೈನ್ ಘೆವ್ನ್ ಝುಜಾಕ್ ತಯಾರ್ ಜಾತ
ರಾಯಾಂಚೆ ಸೈನ್ ಪಳೆವ್ನ್ ಜೊಶ್ವಾ ಆನಿ ಲೋಕ್ ಥೈಂ ಥಾವ್ನ್ ಪೊಳ್ನ್ ದಂವ್ತಾ
ಲೊಕಾಂಚೊ ಪಾಟ್ಲಾವ್ ಕಾರ್ನ್ ಸೈನ್ ಪಯ್ಶಿಲ್ಯಾ ರಾಣಾಕ್ ವಸುನ್ ಪಾವ್ತಾ

ಜೊಶ್ವಾ ಅಪ್ಲ್ಯಾ ಹಾತಾಂತ್ಲಿ ಭಾಲಿ ಆಯ್ ಶಹರಾಚ ಕುಶಿಕ್ ದಾಕಯ್ತಾ
ಅಶೆಂ ಕಾರ್ನ್ ಶಹರ್ ಜಿಕುಂಕ್ ದೇವ್ ತಾಕ ಅದೇಶ್ ದೀವ್ನಾಸ್ತಾ
ದಬೊ ಧರುನ್ ಬಸ್ಲಲೊ ಲೋಕ್ ಆಯ್ ಶಹರಾಕ್ ವೆಡೊ ಗಾಲ್ತಾ
ಕೊಟ್ಯಾಚೆಂ ಬಾಗಿಲ್ ಬಂದ್ ಕಾರ್ನ್ ಶಹರಾಕ್ ಅಪ್ಲ್ಯಾ ಅಧಿನ್ ಕರ್ತಾ

ಖಬರ್ ಕಳ್ತಾಚ್ ಪಾಳ್ನ್ ಗೆಲ್ಲೆಂ ಸೈನ್ ಪಾಟಿಂ ಗುಂವೊನ್ ಪಳೆಯ್ತಾ
ಸಗ್ಳೆಂ ಶಹಾರ್ ಉಜ್ಯಾಂತ್ ಉಲ್ಪೊನ್ ನಾಸ್ ಜಾಂವ್ಚೆಂ ತಾಂಕಾಂ ದಿಸ್ತಾ
ಇಸ್ರಾಯೆಲ್ ಕಿತ್ಯಾಕ್ ಪಾಲ್ಕ್ಯಾನಿಂ ದಾಂವ್ಲೆಂ ಮ್ಹಣ್ ಆತಾಂ ಸಮ್ಜೊನ್ ಯೆತಾ
ದೆವಾಚ ಇಚ್ಛೆ ಪ್ರಕಾರ್ ಸಗ್ಳೆಂ ಆಯ್ ಶಹರ್ ಇಸ್ರಾಯೆಲಿತಾಂಚೆಂ ಜಾತಾ

ಹ್ಯಾ ಝುಜಾಂತ್ ರಾಯಾಕ್ ಸೊಡ್ನ್ ಉರ್ಲೆಲ್ಯಾ ಸರ್ವಾಂಚೊ ನಾಸ್ ಜಾತ
ಜೊಶ್ವಾ ರಾಯಾಕ್ ಸಗ್ಳೆಂ ಶಹರ್ ನಾಸ್ ಜಾತ ಸಾರ್ ವಾಂಚುಂಕ್ ಸೊಡ್ತಾ
ರಾಯ್ ಅಪ್ಲ್ಯಾ ದೊಳ್ಯಾನಿಂ ಅಪ್ಲೆಂ ಶಹರ್ ನಾಸ್ ಜಾಂವ್ಚೆಂ ಪಳೆಯ್ತಾ
ಅಶೆಂ ಜೊಶ್ವಾ ಪಯ್ಲೆಂ ಪವ್ಟಿಚೆಂ ಪರಾಜಿತ್ ಜಾಯ್ತ್ ಜಾವ್ನ್ ಬದ್ಲಿತಾ

ಬಿವ್ಕುರೊ ಮೋಗ್....!

ಪಯ್ಲ್ಯಾಚ್ ಮಿಲನಾಂತ್ ಮ್ಹಜ್ಯಾ ಮೊಗಾಕ್ ತುವೆಂ ಜಾಗಯ್ಲೆಂಯ್
ದೊಳ್ಯಾಕ್ ಮ್ಹಜ್ಯಾ ದೊಳೊ ದೀವ್ನ್ ಕಾಳ್ಜಾಧಾರ್ ಬಡಯ್ಲೆಂಯ್
ತುಜ್ಯಾ ವಿಶಿಂ ಚಿಂತುಂಕ್ ಕಾರ್ನ್ ಮೊಗಾ ಸಾಗೊರಾಂತ್ ಬುಡಯ್ಲೆಂಯ್
ಮೊಗಾಭಲೊ ಕಾಳ್ಜಾಕ್ ತೊಪುನ್ ಕಾಳ್ಜಾ ಉಡಿ ಚಡಯ್ಲೆಂಯ್

ಮೊಗಾಕ್ ತುಜ್ಯಾ ಮತಿಂತ್ ಪಿಂತ್ರಾವ್ನ್ ಮೊಗಾಚೆಂ ರಾವ್ಳೆರ್ ಬಾಂದ್ಲೆಂ
ಚಿಂತ್ನಾಂ ತುಜಿಂ ದೀಸ್-ರಾತ್ ಆಟಾವ್ನ್ ಮೊಗಾಚೆಂ ಸಪಣ್ ದೆಕ್ಲೆಂ
ಮಿಲನ್ ಅಮ್ಚೆಂ ಚಿಂತುನ್ ಚಿಂತುನ್ ಮೊಗಾಚೊ ಸ್ವಾದ್ ಚಾಕ್ಲೆಂ
ರುಪ್ಣೆಂ ತುಜೆಂ ಕಾಳ್ಜಾಂತ್ ಪಿಂತ್ರಾವ್ನ್ ಜಿವಿತ್ ಜಿಯೆಂವ್ಕ್ ಚಿಂತ್ಲೆಂ

ಮೊಗಾಕ್ ಅಮ್ಚಾ ರೂಪ್ ದಿತಾನಾಂ ಪಾಟಿಂ ಮೇಟ್ ತುವೆಂ ಕಾಡ್ಲೆಂಯ್
ಜಾತಿ ಕಾತಿಚೊ ನೀಭ್ ದಾಕೊವ್ನ್ ಪಾಯ್ಸ್ ಜಾಂವ್ಕ್ ತುವೆಂ ಚಿಂತ್ಲೆಂಯ್
ತುಕಾಚ್ ಪಾತ್ಯೆವ್ನ್ ಜಿಯೆಂವ್ಚಾ ಮ್ಹಕಾ ಅಂದ್ಕಾರಾಂತ್ ಲೊಟ್ಲೆಂಯ್
ತುಜೊ ಉಗ್ಡಾಸ್ ವಿಸ್ರೊನ್ ಜಿಯೆಂವ್ಕ್ ಬಳ್ ತುವೆಂ ಕೆಲೆಂಯ್

ಹಾಂವೆ ದೋನ್ ಮೆಟಾಂ ಕಾಡ್ತಾನಾಂ ತುಕಾ ಏಕ್ ತರಿ ಕಾಡ್ಯೆತೆಂ ಅಸ್ಲೆಂ ?
ತುಜ್ಯಾ ಘರ್ಚಾನಿಂ ವಿರೊಧ್ ಉಲಯ್ತಾನಾಂ ಏಕ್ ಉತಾರ್ ತರಿ ಸಂಗ್ಯೆತೆ ಅಸ್ಲೆಂ ?
ಸಗ್ಳ್ಯಾ ಲೊಕಾನಿಂ ಮ್ಹಕಾ ಬೋಟ್ ದಾಕಯ್ತಾನಾಂ ಭಿರ್ಮೊತ್ ತರಿ ಪಾವ್ಯೆತೆಂ ಅಸ್ಲೆಂ ?
ಗಾವಾಕ್ ಗಾಂವಂಚ್ ಪಿಸೊ ಮ್ಹಣ್ತಾನಾಂ ಖರ್ಸಿಲ್ಲ್ಯೊ ಘಡಿಯೊ ಚಿಂತ್ಯೆತೆಂ ಅಸ್ಲೆಂ ?

ಮೋಗ್ ತುವೆಂ ಕೆಲ್ಲೊಯ್ ತಾರ್ ಭಿಯೆಲೆಂಯ್ ಕಿತ್ಯಾಕ್ ?
ಇತ್ಲೆಂ ಭೆಂ ಕಾಳ್ಜಾಂತ್ ಅಸ್ಲೆಂ ತಾರ್ ಮೋಗ್ ಕೆಲ್ಲೊಯ್ ಕಿತ್ಯಾಕ್ ?
ಕಿರ್ಲೊನ್ ಯೆಂವ್ಚಾ ಮೊಗಾಕ್ ಅರ್ದ್ಯಾರಚ್ ಕಿಂವ್ಚಿಲೊಯ್ ಕಿತ್ಯಾಕ್ ?
ಮೋಗ್ ಭರೊನ್ ಅಸ್ಲ್ಯಾ ಕಾಳ್ಜಾಕ್ ಅಂದ್ಕಾರಾಂತ್ ಲೊಟ್ಲೆಂಯ್ ಕಿತ್ಯಾಕ್ ?

ಅಕಾನಾಚ್ಯಾ ಗುನ್ಯಾವಾಂಕ್ ಶಿಕ್ಶಾ.....

ದೆವಾಚ ಸಸಾಯೆಖಾಲ್ ಜೊಶ್ವಾ ಸೈನ್ ಘೆವ್ನ್ ಜೆರಿಕೊಚೆರ್ ಧಾಡ್ ಗಾಲ್ತಾ
ಸರ್ವೆಸ್ಪರ್ ಜೆರಿಕೊಚೆಂ ಸಗ್ಳೆಂ ರೂಪೆಂ, ಬಂಗಾರ್ ಎಕ್ಟಾಂಯ್ ಕರುಂಕ್ ಸಂಗ್ತಾ
ಜೆರಿಕೊಚಿ ಸಗ್ಳಿಂ ಜಾನ್ವಾರಾಂ ಆನಿ ಸಗ್ಳೊ ಗಾಂವ್ ಉಲ್ಪಾಂವ್ಕ್ ಫರ್ಮಾಯ್ತಾ
ಕೊಣೆಂಯ್ ಹ್ಯಾ ದೆಶಾಚೆಂ ಕಿತೆಂಚ್ ಕಾಡಿನಾಯೆ ಮ್ಹಣ್ ಲೊಕಾಂಕ್ ಚತ್ರಾಯ್ ದಿತಾ

ಲೋಕ್ ರೂಪೆಂ, ಬಂಗಾರ್ ಎಕ್ಟಾಂಯ್ ಕಾರ್ನ್ ಸರ್ವೆಸ್ಪರಾಚ ಭಂಡಾರಾಂತ್ ಗಾಲ್ತಾ
ಕಾರ್ಮಿಚೊ ಪೂತ್ ಅಕಾನ್ ತಾಂತ್ಲ್ಯೊ ತೊಡ್ಯೊ ವಸ್ತು ಅಪ್ಲ್ಯಾ ಘರ ಲಿಪಯ್ತಾ
ಅಕಾನಾಚೆಂ ಹೆಂ ಕ್ರತ್ಯ್ ಜೊಶ್ವಾ ಆನಿ ಸರ್ವೆಸ್ಪರಾಚ ಅದೆಶ ವಿರೊಧ್ ಜಾವ್ನಾಸ್ತಾ
ಹ್ಯಾ ಘಡಿತಾಕ್ ಲಾಗುನ್ ದೇವ್ ಇಸ್ರಾಯೆಲಿತಾಂ ಥೈಂ ರಾಗಾರ್ ಜಾತ

ಜೊಶ್ವಾ ಆಯ್ ಶಹರಾಚೊ ನಾಸ್ ಕರುಂಕ್ ಝುಜಾರ್ಯಾಂಕ್ ದಾಡ್ತಾ
ಹ್ಯಾ ಝುಜಾಂತ್ ಸರ್ವೆಸ್ಪರ್ ಇಸ್ರಾಯೆಲಿತಾಂಕ್ ಸಾಂಡುನ್ ರವ್ತಾ
ಸರ್ವೆಸ್ಪರ್ ಸಂಗಾತ ನಾತ್ಲೆಲೆ ವರ್ವಿಂ ಇಸ್ರಾಯೆಲ್ ಸೈನ್ ಪರಾಜಿತ್ ಜಾತ
ಅಕಾನಾಚ ಕ್ರತ್ಯಾಂ ವರ್ವಿಂ ಹಿ ಶಿಕ್ಶಾ ಮ್ಹಣ್ ಜೊಶ್ವಾಕ್ ಕಳುನ್ ಯೆತಾ

ದೇವ್ ಜೊಶ್ವಾಕಡೆ ಉಲಾಯ್ತಾ ಆನಿ ಅಕಾನಾಕ್ ಶಿಕ್ಶಾ ದಿಂವ್ಕ್ ಫರ್ಮಾಯ್ತಾ
ದೆವಾಚ ಕಾಯ್ದ್ಯಾ ವಿರೊಧ್ ಗೆಲ್ಲ್ಯಾನ್ ಅಕಾನಾಕ್ ಮರಣ್ ಪಾವೊ ಜಾತ
ಅಕಾನ್ ಅಪುಣ್ ಕೆಲ್ಲಿ ಚೂಕ್ ಸಗ್ಳ್ಯಾ ಇಸ್ರಾಯೆಲಾಚ ಮುಖಾರ್ ಒಳ್ಕುನ್ ಘೆತಾ
ತಾಚೆಂ ವರ್ವಿಂ ಸಗ್ಳ್ಯಾ ತಾಚ ಕುಟ್ಮಾಕ್ ಆನಿ ಸರ್ಯಾಂಕ್ ಭಾದಕ್ ಜಾತ

ಜೊಶ್ವಾ ಅಕಾನಾಕ್ ಆನಿ ತಾಚ ಸಗ್ಳ್ಯಾ ಘರಣ್ಯಾಕ್ ಅಕೊರ್ ಪಾಲ್ಕ್ಯಾಕ್ ಹಾಡ್ತಾ
ಥೈಂ ತಾಚೆಂ ಕುಟಾಮ್, ಜಾನ್ವಾರಾಂ, ರುಪೆಂ-ಬಂಗಾರ್ ಪಾಲ್ಕ್ಯಾಂತ್ ಉಬೆಂ ಕರಯ್ತಾ
ಸಗ್ಳ್ಯಾ ಇಸ್ರಾಯೆಲ್ ಪರ್ಜೆಕ್ ತಾಕ ಫಾತೊರ್ ಮಾರ್ನ್ ಜಿವೆಶಿಂ ಮಾರುಂಕ್ ಪರ್ಮಾಯ್ತಾ
ಅಕಾನಾಕ್ ದಿಲ್ಲ್ಯಾ ಶಿಕ್ಶೆ ವರ್ವಿಂ ಇಸ್ರಾಯೆಲ್ ದೆವಾಕ್ ಅನಿಕೀ ಭಿಯಾನ್ ಚಲ್ತಾ

ಜೀವನ....

ಹುಟ್ಟು ಸಾವಿನ ನಡುವೆ ಮನುಷ್ಯನ ಬದುಕು ಜೀವನ
ಹುಟ್ಟಿದ ಮೇಲೆ ಸಾವೆ ಇಲ್ಲವೆಂಬ ಪ್ರತಿಪಾದನೆ ಮೊಂಡುತನ

ಬದುಕಿನ ಹಾದಿಯಲಿ ಬದುಕಲು ಕಲಿಯುವುದೇ ಜೀವನ
ಹೇಗೂ ಬದುಕಿ ಆಯಸ್ಸು ತೀರಿಸುವುದು ಅಲ್ಪತನ

ಇರುವ ಕಣ್ಣುಗಳಿಂದ ಸುಂದರತೆ ಸವಿಯುವುದು ಜೀವನ
ಕಂಡೂ ಕಾಣದೆ ಅಂಧಕಾರದಲ್ಲಿ ನಡೆಯುವುದು ನಿರ್ಲಕ್ಶತನ

ಇರುವ ಕೈಗಳಿಂದ ಕೊಡುಗೈ ಧಾನಿಯಾಗುವುದು ಜೀವನ
ಇದ್ದು ಇಲ್ಲದಂತೆ ಮತ್ತಷ್ಟು ಕಬಳಿಸುವುದು ಹೊಟ್ಟೆಬಾಕತನ

ಪೀತಿಸುವ ಹ್ರದಯವನು ಹಂಚಿ ಕೊಳ್ಳುವುದು ಜೀವನ
ಹ್ರದಯವ ಕಲ್ಲಾಗಿಸಿ ದ್ವೇಶದ ಬಾಳುವೆ ಹಗೆತನ

ಬುದ್ದಿವಂತೆಕೆಯನು ಪರರ ಒಳಿತಿಗೆ ಬೆಳಗಿಸುವುದು ಜೀವನ
ಪರರ ನಿಂದಿಸಿ ಅಜ್ನಾನಿ ಎಂದು ದೂರುವುದು ಮೂರ್ಖತನ

ಬದುಕಿನ ಕಷ್ಟಗಳನ್ನು ಅರೆದು ಕುಡಿಯುವುದು ಜೀವನ
ಕಷ್ಟಗಳು ಮುಂದಾದಾಗ ಸೋಲೊಪ್ಪಿ ಓಡುವುದು ಹೇಡಿತನ

ಇದ್ದದ್ದರಲ್ಲೆ ತ್ರಪ್ತಿಯಾಗಿ ನಿಶ್ಚಿಂತೆಯ ಬದುಕು ಜೀವನ
ಇನ್ನೂ ಬೇಕೆಂದು ನೆಮ್ಮದಿಯ ಕಳೆದುಕೊಳ್ಳುವುದು ಹುಚ್ಚುತನ

ಇಸ್ರಾಯೆಲಿತ್ ಜೊರ್ದಾನ್ ನ್ಹಂಯ್ ಉತರ್ತಾತ್......

ಶಿಟ್ಟಿಮಾಂತ್ಲೆಂ ಮುಖಾರ್ ಚಮ್ಕೊನ್ ದೇವ್ ಪರ್ಜಾ ಜೊರ್ದಾನ್ ತಡಿಕ್ ಪಾವ್ತಾ
ಜೊರ್ದಾನ್ ನ್ಹಂಯ್ ಉತ್ರುಂಕ್ ಜೊಶ್ವಾ ಲೊಕಾಂಕ್ ತಯಾರ್ ಕರ್ತಾ
ಸೊಲ್ಲ್ಯಾಚಿ ಪೇಟ್ ವಾವಯ್ತಾಲ್ಯಾ ಯಾಜಾಕಾಂಕ್ ಲೊಕಾಂ ಮುಕಾರ್ ದಾಡ್ತಾ
ಯಾಜಕಾನಿಂ ಉದ್ಕಾಚೆರ್ ಪಾಂಯ್ ದವರ್ಲೆಂಚ್ ಉದಕ್ ವ್ಹಾಳ್ಚೆಂ ರಾವ್ತಾ

ಸಗ್ಳಿ ಇಸ್ರಾಯೆಲ್ ಪರ್ಜಾ ಸುಕ್ಯಾ ಧರ್ಣಿಂತ್ಲ್ಯಾನ್ ಉತ್ರುನ್ ಪೆಲೆತಡಿಕ್ ವೆತಾ
ತಡಿಕ್ ಪವ್ತಚ್ ಜೊಶ್ವಾ ಭಾರಾ ಕುಳಿಯೆಚ ಭಾರಾ ಜಣಾಂಕ್ ವಿಂಚ್ತಾ
ದೆವಾಚ ಅದೇಶಖಾಲ್ ಭಾರಾ ಪತ್ರಾಂಕ್ ಸ್ಮಾರಕ್ ಜಾವ್ನ್ ಎಕ್ಟಾಂಯ್ ಕರಯ್ತಾ
ಜೊರ್ದಾನ್ ಉತ್ರಲ್ಲೆಂ ಸಂಕೇತ್ ಜಾವ್ನ್ ಪಾತ್ರಾಂಕ್ ಗಿಲ್ಗಾಲಾಂತ್ ಉಬೆ ಕರಯ್ತಾ

ಇಸ್ರಾಯೆಲಿತ್ ವಾಯ್ರ್ ಅಯಿಲ್ಲೆಂಚ್ ಜೊಶ್ವಾ ಯಾಜಾಕಾಂಕ್ ಅಪಯ್ತಾ
ಯಾಜಕಾನಿ ನ್ಹಂಯ್ ಉತರ್ತಾಚ್ ವಾಂಟೆ ಜಾಲ್ಲೆಂ ಉದಕ್ ಏಕ್ ಜಾತ
ಲೋಕ್ ಕಿತೆಂಚ್ ಭಾದಾಕ್ ನಾಸ್ತಾಂ ಶಬಿತಾಯೆನ್ ಜೊರ್ದಾನ್ ಉತ್ರತಾ
ಹಾಚೆ ವರ್ವಿಂ ದೇವ್ ಜೊಶ್ವಾಚೊ ಮಾನ್ ಲೊಕಾಂ ಮುಕಾರ್ ವಾಡಾಯ್ತಾ

ಗಿಲ್ಗಾಲಾಂತ್ ಲೊಕಾಂಚಿ ಸುನ್ನತ್ ಕರುಂಕ್ ದೇವ್ ಅದೆಶ್ ದಿತಾ
ಅರಣ್ಯಾಂತ್ ಪಯ್ಣ್ ಕರ್ತಾನಾಂ ಜಲ್ಮಲ್ಲ್ಯಾ ಭುರ್ಗ್ಯಾಂಚಿ ಸುನ್ನತ್ ಜಾತ
ಸುನ್ನತಿ ಉಪ್ರಾಂತ್ ಥೊಡೊ ಕಾಳ್ ಲೋಕ್ ಶಿಭಿರಾಂತಚ್ ರಾವ್ತಾ
ತ್ಯಾ ದಿಸಾನಿಂ ಗಾವಾಂತ್ ಮೆಳ್ಚಾ ಫಸಲಾಕ್ ಖಾಣ್ ಜಾವ್ನ್ ಸ್ವಿಕಾರ್ ಕರ್ತಾ

ಸರ್ವೆಸ್ಪರ್ ಇಸ್ರಾಯೆಲಿತಾಂ ಖಾತಿರ್ ಜೊರ್ದಾನಾಚೆಂ ಉದಕ್ ಸುಕಯ್ತಾ
ಹಿ ಖಬರ್ ಕುಶಿನ್ ವಸ್ತಿ ಕರ್ತ್ಯಲ್ಯಾ ಅನ್ಯ್ ಜಾತಿಚಾಂಕ್ ಕಳೊನ್ ಯೆತಾ
ಹ್ಯಾ ವರ್ವಿಂ ಕುಶಿಚ್ಯಾ ದೆಶಾಚ ರಾಯಾಂಕ್ ಇಸ್ರಾಯೆಲಿತಾಂ ವಿಶಿಂ ಭೆಂ ಬೊಸ್ತಾ
ಜೊಶ್ವಾ ಸರ್ವೆಸ್ಪರಾಚ ಸಸಾಯ್ ಖಾಲ್ ಏಕ್ ಪಟ್ಲ್ಯಾನ್ ಏಕ್ ದೇಶ್ ಸ್ವಾಧಿನ್ ಕರ್ತಾ

ಜೆರಿಕೊಂತ್ ರಾಹಾಬಾಚಿ ಭೆಟ್.....

ದೇವ್ ನೂನಚೊ ಪೂತ್ ಜೊಶ್ವಾಕ್ ಪರ್ಜೆಕ್ ಚಲೊಂವ್ಕ್ ವಿಂಚುನ್ ಕಾಡ್ತಾ
ಮೊಯ್ಜೆ ಸವೆಂ ಅಸ್ಲೆಲೆ ಬರಿ ತಾಚೆಯ್ ಸಂಗಾತ ರಾವ್ತಲೊಂ ಮ್ಹಣ್ ಭಾಸಯ್ತಾ
ದೆವಾನ್ ದಿಲ್ಲೆಂ ಧರ್ಮ್ ಶಾಸ್ತ್ರ್ ಮನಾನ್ ಲೆಕುನ್ ಪಾಲನ್ ಕರುಂಕ್ ತಿಳ್ಸಿತಾ
ಜಿವಂತ್ ಅಸ್ತಾ ಮ್ಹಣಸಾರ್ ಕೊಣ್‍ಂಚ್ ವಿರೊಧ್ ರಾಂವ್ಚೊ ಮ್ಹಣ್ ಭಾಸ್ ದಿತಾ

ಜೊಶ್ವಾ ದೊಗಾಂ ಗುಪ್ತಾಚಾರ್ಯಾಂಕ್ ಜೆರಿಕೊಚಿ ಖಬರ್ ಕಡುಂಕ್ ದಾಡ್ತಾ
ಗುಪ್ತಾಚಾರಿಂಕ್ ರಾಹಾಬ್ ನಾಂವಾಚ ವೆಶ್ಯೆಚ್ಯಾ ಘರ ರಾವೊಂಕ್ ಅಸ್ರೊ ಮೆಳ್ತಾ
ಇಸ್ರಾಯೆಲಿತ್ ಜೆರಿಕೊಕ್ ಅಯಿಲ್ಲಿ ಖಬರ್ ರಾಯಾಕ್ ಕಳೊನ್ ಯೆತಾ
ತಕ್ಶಣ್ ತಾಂಕ ಅಪ್ಣಾಂ ಸರ್ಶಿಂ ಹಾಡುಂಕ್ ರಾಯ್ ಫರ್ಮಾಣ್ ದೀವ್ನ್ ದಾಡ್ತಾ

ರಾಹಾಬ್ ಅಪ್ಣಾ ಸರ್ಶಿಂ ಅಯಿಲ್ಲ್ಯಾ ಗುಪ್ತಚಾರಿಂಕ್ ಮಾಳ್ಯಾರ್ ಲಿಪಯ್ತಾ
ರಾಯಾಚೆ ಧೂತ್ ಅಯಿಲ್ಲ್ಯಾ ತವಳ್ ತೆ ನಾಂತ್ ಮ್ಹಣ್ ಪೊಟ್ ಸಂಗ್ತಾ
ಬಲಿಷ್ಟ್ ಜಾವ್ನ್ ವಾಡೊನ್ ಯೆಂವ್ಚಾ ಇಸ್ರಾಯೆಲಿತಾಂಕ್ ರಾಹಾಬ್ ಗೌರವ್ ದಿತಾ
ಇಸ್ರಾಯೆಲಿತಾಂಚೊ ದೇವ್ ಬಲಿಷ್ಟ್ ಜಾವ್ನಾಸಾ ಮ್ಹಣ್ ಸಮ್ಜೊನ್ ಘೆತಾ

ರಾತ್ ಜಾತಾಚ್ ಗುಪ್ತಚಾರಿಂಕ್ ಚುಕೊನ್ ವೆಚಿ ವಾಟ್ ರಾಹಾಬ್ ದಾಕಯ್ತಾ
ಇಸ್ರಾಯೆಲಿತಾನಿಂ ಅಕ್ರಮಣ್ ಕೆಲ್ಲ್ಯಾ ತವಳ್ ಅಪ್ಣಾಕ್ ರಾಕೊನ್ ವರುಂಕ್ ಮಾಗ್ತಾ
ಅಪ್ಣಾನ್ ಕೆಲ್ಲ್ಯಾ ಉಪ್ಕಾರಾಕ್ ಅಪ್ಲ್ಯಾ ಕುಟ್ಮಾಕ್ ಭಾದಕ್ ಕರಿನಾಯೆ ಮ್ಹಣ್ ಪರತ್ತಾ
ಅಪುಣ್ ಇಸ್ರಾಯೆಲಾಚ ದೆವಾಕ್ ಖಾಲ್ ಜಾತೆಲಿಂ ಮ್ಹಣ್ ಗುಪ್ತಚಾರಿಂಕ್ ತಿಳ್ಸಿತಾ

ಗುಪ್ತಚಾರಿಂಚ ಉತ್ರಾ ಪರ್ಮಾಣೆ ರಾಹಾಬ್ ಘರ್ಚ ಜಣೆಲಾಕ್ ತಾಂಬ್ಡಿ ದೊರಿ ಬಾಂದ್ತಾ
ತಾಂಬ್ಡಿ ದೊರಿ ಇಸ್ರಾಯೆಲಿತ್ ವೆಡೊ ಗಾಲ್ತಾನಾಂ ಏಕ್ ಸಂಕೇತ್ ಜಾವ್ನ್ ಉರ್ತಾ
ಹಾಚೆ ವರ್ವಿಂ ರಾಹಾಬಾಚೆಂ ಘರಣೆಂ ಶಾಭಿತ್ ಉರ್ತೆಲೆಂ ಮ್ಹಣ್ ಗುಪ್ತಚಾರಿ ತಿಳ್ಸಿತಾ
ರಾಹಾಬಾಕ್ ಬೊರೆಂ ಮಾಗುನ್ ಗುಪ್ತಚಾರಿ ಶಿಟ್ಟಿಮಾಕ್ ದುಸ್ರ್ಯಾವಾಟೆನ್ ಪಾಟಿಂ ವೆತಾ

ಜೊಶ್ವಾ ಸರ್ವೆಸ್ಪರಾಚ ಸಸಾಯೆ ಖಾಲ್ ಸೈನ್ ಘೆವ್ನ್ ಜೆರಿಕೊಚೆರ್ ಧಾಡ್ ಗಾಲ್ತಾ
ಉತಾರ್ ದಿಲ್ಲ್ಯಾ ಫರ್ಮಾಣೆ ರಾಹಾಬ್ ಅನಿ ತಾಚ ಕುಟ್ಮಾಕ್ ರಾಕುನ್ ವರ್ತಾ
ಜೆರಿಕೊಚೆಂ ಬಂಗಾರ್, ರೂಪೆಂ ಆನಿ ಮೊಲಾಧಿಕ್ ವಸ್ತು ಎಕ್ಟಾಂಯ್ ಕರಯ್ತಾ
ಅಪ್ಣಾನ್ ಅಕ್ರಮಣ್ ಕೆಲ್ಲ್ಯಾ ಜೆರಿಕೊಕ್ ದೆವಾಚ ಇಚ್ಚೆ ಪರ್ಮಾಣೆ ಬಸ್ಮುನ್ ನಾಸ್ ಕರಯ್ತಾ

ಭಾಂಗಾರ್...ಭಾಂಗಾರ್....ಭಾಂಗಾರ್....

ಕಿತೆಂ ಮರ್ಜೆನ್ ತುಂ ದೀಸ್ ಕಾಡುನ್ ಅಸಾಯ್
ಮನ್ಶಾಂಚ ಕಾಳ್ಜಾನಿಂ ತುಂ ರಾಜ್ ಕರುನ್ ಅಸಾಯ್
ಹರ್ಯೆಕ್ ಮನ್ಶಾಂಕ್ ತುಕಾ ಅಪ್ಣಾಂವ್ಚಿ ಪಿಸಾಯ್
ಹಳ್ಡುವ್ಯಾ ರಂಗಾರ್ ಸರ್ವಾಂ ಮುಕಾರ್ ತುಂ ಸೊಬ್ತಾಯ್

ಭುರ್ಗೆಂ ಜಲ್ಮೊನ್ ಪಾಳ್ಯಾಂತ್ ಗಾಲ್ತಾನಾಂ ತು ತಯಾರ್
ವಾಡೊನ್ ರಾವುಲ್ಲ್ಯಾ ಭುರ್ಗ್ಯಾನಿಂ ಉಲೊಂವ್ಚಿಂ ತುಜಿಚ್ ಖಬರ್
ಲಾಗ್ನಾಂ ಕಾರ್ಯಾಕ್ ತುಂ ನಾತ್ಲ್ಯಾರ್ ಸೊಬ್ಚೆಂ ನಾಂ ಕಾಜಾರ್
ಮರ್ಚಾ ಮನ್ಶಾಕ್ ತುಕಾ ಸಾಂಡುನ್ ಒಸೊಂಕ್ ಬಾರಿ ಬೆಜಾರ್

ಸ್ತ್ರೀಯಾಂಚ ಕಾಳ್ಜಾನಿಂ ಲಾಬ್ಲಾಂ ತುಕಾ ಪಯ್ಲೆಂ ಸ್ಥಾನ್
ತುವೆಂ ಸಂಗಾತ್ ದಿಲ್ಯಾರ್ ಚಡ್ತಾ ತಾಂಚೊ ಮಾನ್
ಸೊಬ್ತಾಯ್ ತೊಡ್ಯಾಂಚ ಗಾಳ್ಯಾಂತ್ ಸರಪಳಿ ಜಾವ್ನ್
ತೊಡಿಂ ಗ್ರೇಸ್ತ್ ಜಾಲಿಂ ತುಕಾ ಪುಂಜಾವ್ನ್ ಪುಂಜಾವ್ನ್

ತುಕ್ತಾತ್ ತುಕಾ ಗ್ರಾಮಾಂತ್ ನೈಂ ಕಿಲ್ಯಾ ಲೆಕಾರ್
ಕಿಲ್ಯಾಚೆಂ ಮೋಲ್ ಕಳ್ಳ್ಯಾರ್ ರವಾತ್ ಕೋಣ್ ತುಕಾ ಮುಕಾರ್
ತುಕಾ ಅಪ್ಣಾಂವ್ಚೆಂ ದೀಸ್ ಜಾವ್ನ್ ಅಯ್ಲೆ ಕಾಬಾರ್
ಹ್ಯಾಚ್ ನಮ್ನೆರ್ ಮೋಲ್ ಚಡ್ಲ್ಯಾರ್ ದುಬ್ಳೊ ಜಾಯ್ತ್ ಬೆಕಾರ್

ತೊಡ್ಯಾಂಚಿ ಕಾಳ್ಜಾಂ ಏಕ್ ಜಾಲಿಂ ತುಕಾ ಮುಕಾರ್ ದವರ್ನ್
ತೊಡ್ಯಾಂಚಿ ಘರಾಂ ಮೊಡ್ಲಿಂ ತುಕಾ ವಾಂಟುನ್ ಘೆಂವ್ನ್
ತೊಡಿಂ ಸೊಲ್ವನ್ ಗೆಲಿಂ ತುಕಾ ಅಡಾವ್ ದವರ್ನ್
ಥೊಡ್ಯಾಂಚೆ ಜೀವ್-ಚ್ ಗೆಲೆ ತುಕಾ ಅಪ್ಣಾಂವ್ಚ ಮೊಗಾನ್..!!!

ಸರ್ಗಚೆಂ ದರ್ಶನ್.....

ಏಕ್ ದೀಸ್ ಹಾಂವ್ ಮರಣ್ ಪಾವುನ್ ಸರ್ಗಾಕ್ ಪಾವ್ಲೊಂ
ವಾಟೆರ್ ಮಾಕಾ ಸ್ವಾಗತ್ ಕರುಂಕ್ ಪೆದ್ರು ರಾವುಲ್ಲೊ
ಆಂಜ್ ಭಡ್ವಾನಿಂ ತುತ್ತೂರಿ ಪುಂಕುನ್ ಎವ್ಕಾರ್ ಕೆಲೊ
ದೆಕ್ಲೆಂ ಹಾಂವೆಂ ಸಿಂಹಾಸಣಾರ್ ದೇವ್ ಬಸುಲ್ಲೊ

ಬೂಕ್ ಥಂಯ್ಸರ್ ಉಗ್ತೊ ಕೆಲೊ, ಬೊರೆಂ ವಾಯ್ಟ್ ವಾಚುಂಕ್ ಲಾಯ್ಲೊ
ಬೊರಿಂ ಕರ್ನಿ ಕೆಲ್ಲ್ಯಾ ಖಾತಿರ್ ಸಾಂತ್-ಭಕ್ತಾನಿಂ ಶಭಾಸ್ಕಿ ದಿಲೊ
ಖೊಟ್ಯಾ ಘಡಿತಾಂಕ್ ಶಿಕ್ಶಾ ಜಾವ್ನ್ ದೆವಾ ಥಾವ್ನ್ ಪ್ರಾಚಿತ್ ಮೆಳ್ಳೊ
ಪಾತ್ಕಾಂ ಮಜಿಂ ನಿತಾಳ್ ಜಾತಾಚ್ ಆಂಜಾ ಸವೆಂ ಜಿಯೆಂವ್ಕ್ ದಿಲೊ

ಸೈತಾನಾಕ್ ಥೈಂ ಇಡೆಂ ನಾಂ, ಭಡ್ವೆ ಗಾಯ್ತಾತ್ ಗಾಯಾನಾಂ
ಮಾಗ್ಣೆ ರಜಾರಕ್ ಬಸ್ಲ್ಯಾರ್ ಪುರೊ ಜಾತ ಮ್ಹಳ್ಳೆಂ ಸವಾಲ್ ನಾಂ
ಬಂಗಾರ್ ಸಿಂಗಾರಚಿ ಗಾರ್ಜ್ ನಾಂ, ಕುಡಿಚ ಸೊಭಾಯೆಕ್ ಥೈಂ ಅವ್ಕಾಸ್ ನಾಂ
ದೆವಾಚ ಘರ ಜಿಯೆತಾನಾಂ ಪಾತ್ಕಾಂತ್ ಪಡ್ತಾಂ ಮ್ಹಳ್ಳೆಂ ಭೆಂ ನಾಂ

ಭುರ್ಗಿಂ ಥೈಂ ರಾಡಾನಾಂತ್, ವ್ಹಡಾಂಕ್ ಥೈಂ ಕಾಷ್ಟ್ ನಾಂತ್
ಪೊಣ್ಕುಲ್ಯಾಚೆ ಮಾರೊಗ್ ನಾಂತ್, ಬಸ್ಸಾಂ-ಕಾರಾಂ ದವಾನಾಂತ್
ಚೋರ್ ಲುಟ್ಕಾರ್ ದಿಸನಾಂತ್, ವಸುಲೇಕ್ ಪೊಲಿಸ್ ರವಾನಾಂತ್
ಬಾಯ್ಲ್-ಭುರ್ಗಿಂ ದೊಸಿನಾಂತ್, ರಿಣ್ಕಾರಾಚೆ ಉಪಾದ್ರ್ ನಾಂತ್

ಭುಂಯ್ ಖಾತಿರ್ ಝಗ್ಡೆಂ ನಾಂ, ಕೋರ್ಟ್-ಕಛೆರಿಕ್ ದಾವೊಂಕ್ ನಾಂ
ಕಾಜಾರ್ ಜಾಂವ್ಚಿಂ ವೊಡ್ಣಿಂ ನಾಂ, ದುಬ್ಳೊ-ದಕ್ಟೊ ಮ್ಹಳ್ಳೊ ಭೇದ್ ನಾಂ
ಕಾಮ್ ನಾಂ ಮ್ಹಳ್ಳಿ ಖಂತ್ ನಾಂ, ಪೊಯ್ಶೆ ಪುಂಜಾಂವ್ಕ್ ಅವ್ಕಾಸ್ ನಾಂ
ಲೈಪ್ ಇನ್ಸುರೆನ್ಸಾಕ್ ಮೋಲ್ ನಾಂ, ಮರ್ತಾಂ ಮ್ಹಳ್ಳೆಂ ಭೆಂ ನಾಂ.

ಚಿಂತ್ಲೆಂ !....ದೆವಾನ್ ಕಿತ್ಯಾಕ್ ದಾಡ್‍ಲ್ಲೆಂ ತ್ಯಾ ಸಂಸಾರಾಕ್
ಬೊರೆಂ-ವಾಯ್ಟ್ ವಾಚ್ತಾನಾಂ ಕಳ್ಳೆಂ !....ಮ್ಹಜಾ ಪರಿಕ್ಶೆಕ್
ವಿಸ್ರನಾಕ ಹರ್ಯೆಕ್ಲ್ಯಾಕ್ ಮೆಳ್ತಾಲೆಂ ಹೆಂ ಭಾಗ್ ಏಕ್ ದೀಸ್
ತೂಂಯಿ ಪಳೆಂವ್ಕ್ ಅಶೆತಾಯ್ ತಾರ್ ಖಾಲ್ ಜಾ ತುಜ್ಯಾ ದೆವಾಕ್.

ಮೊಯ್ಜೆಚೆಂ ಮರಣ್....

ಮೊಯ್ಜೆ ದೇವ್ ಪರ್ಜೆಕ್ ಮೊವಾಬಾಚ ಮಯ್ದಾನಾರ್ ಚಲುನ್ ವರ್ತಾ
ದೇವ್ ಮೊಯ್ಜೆಕ್ ನೆಬೊ ಪರ್ವತಾಚೆರ್ ಮೆಳೊಂಕ್ ಅಪಯ್ತಾ
ಪರ್ವತಚ ಶಿಖರಚೆರ್ ಚಡೊನ್ ಭಾಸಯಿಲ್ಲೊ ಗಾಂವ್ ಮೊಯ್ಜೆಕ್ ದಾಕಯ್ತಾ

ಮೊಂವ್ ಆನಿ ದೂದ್ ವಾಳ್ಚೊ ಗಾಂವ್ ಮೊಯ್ಜೆ ದೊಳ್ಯಾನಿಂ ಪಳೆಯ್ತಾ

ಮೊಯ್ಜೆಚ ಉಣ್ಯಾ ಭವಾರ್ಥಕ್ ಲಾಗುನ್ ತಾಕ ಮರಣ್ ಪಾವೊ ಜಾತ
ಮೆರಿಬಾಚ ಉದ್ಕಾಲಾಗಿಂ ಮೊಯ್ಜೆಚೊ ಭವರ್ಥ್ ದೆವಾ ಥೆಂ ದಂಡಳ್ತಾ
ದೆವಾಚೆಂ ಪವಿತ್ರ್ ಪಣ್ ಲೊಕಾಂಕ್ ದಾಕೊಂವ್ಕ್ ಮೊಯ್ಜೆ ಸೊಲ್ವಾತಾ

ದೆವಾ ಥಾವ್ನ್ ಶಿಕ್ಶಾ ಜಾವ್ನ್ ಭಾಸಾಯಿಲ್ಲೊ ಗಾಂವ್ ಪಳೆಯ್ನಾ ಜಾತಾ

ಅಪ್ಲ್ಯಾ ಏಕ್ಶೆಂ ವೀಸ್ ವರ್ಸಾಚ ಪ್ರಾಯೆರ್ ಮೊಯ್ಜೆ ಮರಣ್ ಪಾವ್ತಾ
ಲೋಕ್ ಮೊಯ್ಜೆಕ್ ಮೊವಾಬಾಚ ದೆಶಾಂತ್ ಮಾತ್ಯೆಕ್ ಪಾಯ್ತಾ
ದೇವ್ ಪರ್ಜೆಕ್ ಚಲಯಿಲ್ಲೊ ಮೊಯ್ಜೆ ಅಪ್ಲ್ಯಾ ಪುರ್ವಾಜಾಂಕ್ ಏಕ್ವಾಟ್ತಾ

ಮೊಯ್ಜೆ ಪಾಸುನ್ ತೀಸ್ ದೀಸ್ ಇಸ್ರಾಯೆಲ್ ಪರ್ಜಾ ರುದಾನ್ ಕರ್ತಾ

ದೇವ್ ನೂನಾಚೊ ಪೂತ್ ಜೊಶ್ವಾಕ್ ಲೊಕಾಂಚೊ ಪುಡಾರಿ ಕರ್ತಾ
ಮೊರ್ಚಾ ಆದಿಂ ಮೊಯ್ಜೆ, ಜೊಶ್ವಾಚ ಮಾತ್ಯಾರ್ ಭೆಸಾಂವ್ ಗಾಲ್ನಾಸ್ತಾ
ಇಸ್ರಾಯೆಲಿತಾಂಕ್ ಚಲುನ್ ವರುಂಕ್ ಜಾಯ್ ಜಾಲ್ಲಿ ತರ್ಬೆತಿ ತಾಕ ದೀವ್ನಾಸ್ತಾ

ಜೊಶ್ವಾ ದೆವಾಚ ಸಸಾಯೆ ಖಾಲ್ ಇಸ್ರಾಯೆಲಿತಾಂಕ್ ವಾಟ್ ದಾಕಯ್ತಾ

ದೆವಾನ್ ವಿಂಚ್ಲಲೊ ಏಕ್ ಭಲಿಷ್ಟ್ ಪ್ರವಾದಿ ಮೊಯ್ಜೆ ಜಾವ್ನಾಸ್ತಾ
ದೆವಾಚ ಸಸಾಯೆ ಖಾಲ್ ಫಾರವ್ಯಾ ವಿರೊಧ್ ಭಯಂಕರ್ ಕ್ರತ್ಯಾಂ ತೊ ಕರ್ತಾ
ಭಂದಡೆ ಥಾವ್ನ್ ಚಾಳಿಸ್ ವರ್ಸಾಂ ಅರಣ್ಯಾಂತ್ ಇಸ್ರಾಯೆಲಿತಾಂಕ್ ಸಂಬಾಳ್ತಾ

ದೆವಾಕಡೆ ಏಕ್ ಇಷ್ಟಾ ಬರಿ ತೊ ಮುಖಾಮುಖಿ ಉಲಯಿಲ್ಲೊ ಜಾವ್ನಾಸ್ತಾ

ಘಟ್ ಕಾಳ್ಜಾಚ ಇಸ್ರಾಯೆಲಿತಾಂಕ್ ದೆವಾಚಿ ಅಜ್ನಾ ತೊ ಶಿಕಯ್ತಾ
ದೆವಾಕ್ ಆನಿ ಪರ್ಜೆಕ್ ಏಕ್ ಮಧ್ಯಸ್ಥ್ ಜಾವ್ನ್ ತೊ ವಾವುರ್ತಾ
ರಾಯಾಂ ವಿರೊಧ್ ಝುಜೊನ್ ದೇಶ್ ಸ್ವಾದಿನ್ ತೊ ಕರ್ತಾ
ಇಸ್ರಾಯೆಲಚ ಚರಿತ್ರೆಂತ್ ಏಕ್ ವ್ಹಡ್ ಪ್ರವಾಧಿ ಜಾವ್ನ್ ಕಾಳ್ಜಾಂತ್ ಉರ್ತಾ.

ಅನ್ಯ್ ದೆವಾಚಿ ಪೂಜಾ.....

ಇಸ್ರಾಯೆಲ್ ಪರ್ಜಾ ಮೊವಾಬ್ ಉತ್ರೊನ್ ಶಿಟ್ಟಿಮಾಂತ್ ವಸ್ತಿ ಕರುನ್ ಅಸ್ತಾ
ವಾಡೊನ್ ಯೆಂವ್ಚಾ ಇಸ್ರಾಯೆಲಿತಾಂ ಮಧೆಂ ವ್ಯಭಿಚಾರ್ ಚಡೊನ್ ಯೆತಾ
ಲೋಕ್ ಕಾಯ್ದ್ಯಾ ವಿರೊಧ್ ಮೊವಾಭಿತ್ ಸ್ರೀಯಾಂ ಕಡೆ ವ್ಯಭಿಚಾರ್ ಕರ್ತಾ
ಹ್ಯಾ ಘಡಿತ ವರ್ವಿಂ ದೇವ್ ಇಸ್ರಾಯೆಲ್ ಪರ್ಜೆ ವಿರೊಧ್ ರಾಗಾರ್ ಜಾತಾ

ವ್ಯಭಿಚಾರಿಣಿ ಸ್ರೀಯೊ ಇಸ್ರಾಯೆಲಿತ್ ದಾದ್ಲ್ಯಾಂಕ್ ಅಪ್ಲ್ಯಾ ಮುಟಿಂತ್ ಗಾಲ್ತಾತ್
ಅಪುಣ್ ಚಲಂವ್ಚಾ ಬಾಲ್ ದೆವಾಚ ಉತ್ಸಾವಾಂತ್ ಭಾಗ್ ಘೆಶೆಂ ಕರ್ತಾತ್
ಇಸ್ರಾಯೆಲಿತ್ ತಾಂಚ ಪರ್ಬೆಂತ್ ಭಾಗ್ ಘೆವ್ನ್ ಅನ್ಯ್ ದೆವಾಕ್ ಸರ್ಪಾಟ್ತಾತ್
ಅಪ್ಣಾಕ್ ಸುಟ್ಕಾ ದೀವ್ನ್ ಚಲಯಿಲ್ಲ್ಯಾ ಸರ್ವೆಸ್ಪರಾಕ್ ವಿಸ್ರೊನ್ ಚಡ್ತಾತ್

ವಾಟ್ ಚುಕ್ಲೆಲ್ಯಾ ಲೊಕಾಂಕ್ ಪಳೆವ್ನ್ ದೇವ್ ಮೊಯ್ಜೆ ಕಡೆ ಉಲಾಯ್ತಾ
ಜೊ ಕೊಣೆಂ ಬಾಲ್ ದೆವಾಚಿ ಪುಜಾ ಕೆಲ್ಯಾ ತಾಂಕಾ ನಾಸ್ ಕರುಂಕ್ ಪರ್ಮಾಯ್ತಾ
ದೆವಾಚ ಅದೇಶಕಾಲ್ ನಿತಿಕರ್ತಾಂ ಮುಖಾಂತ್ರ್ ಮೊಯ್ಜೆ ತಾಂಚೊ ನಾಸ್ ಕರ್ತಾ
ನಾಸ್ ಜಾಲ್ಲ್ಯಾ ಲೊಕಾಂ ಖಾತಿರ್ ಉರುಲ್ಲೊ ಲೋಕ್ ರುದಾನ್ ಕರ್ತಾ

ರುಧಾನ್ ಚಲೊನ್ ಅಸ್ತಾಂ ಏಕ್ ದಾದ್ಲೊ ಚೊರ್ಯೆಂ ಏಕ್ ಸ್ತೀಯೆಕ್ ಮೆಳೊಂಕ್ ಯೆತಾ
ಹ್ಯಾ ಘಡಿತ ವರ್ವಿಂ ಅರೊನಾಚೊ ನಾತು ಫಿನೆಹಾಸ್ ರಾಗಾರ್ ಜಾತಾ
ಹಾತಾಂತ್ ಏಕ್ ಭಾಲಿ ಘೆವ್ನ್ ದಾದ್ಲೊ ಆನಿ ಸ್ತ್ರೀ ಅಸ್ಲ್ಯಾ ಸುವಾತೆಕ್ ಯೆತಾ
ಕಾಯ್ದ್ಯಾ ವಿರೊಧ್ ಗೆಲ್ಲ್ಯಾನ್ ದೊಗಾಂಯ್ಕಿ ಭಾಲಿಯೆನ್ ತೊಪುನ್ ನಾಸ್ ಕರ್ತಾ

ವ್ಯಭಿಚಾರಚ ಶಿಕ್ಶೆಕ್ ಲಾಗುನ್ ಮಾರಿಚಿ ಪಿಡಾ ತಂಬಾಂತ್ ಸುರು ಜಾತಾ
ಪಿಡೆಕ್ ಲಾಗುನ್ ತಂಬಾಂತ್ ಅಸ್ಲೆಲ್ಯಾ ಚವೀಸ್ ಹಜಾರಾಂಚೊ ನಾಸ್ ಜಾತ
ಲೋಕ್ ದೆವಾಕ್ ಭಿಯೆತಾ ಆನಿ ಮೊಯ್ಜೆ ಮುಖಾಂತ್ರ್ ಸಹಾಯ್ ಮಾಗ್ತಾ
ಮೊಯ್ಜೆ ದೆವಾಕಡೆ ಉಲಾಯ್ತಾ ಆನಿ ಅಧಿಕ್ ನಾಸಾ ಥಾವ್ನ್ ತಾಂಕಾ ರಾಕ್ತಾ

ಹ್ಯಾಚ್ ವೆಳಾರ್ ಮಿದಿಯಾನಿತ್ ಸೈನ್ ಘೆವ್ನ್ ಮೊಯ್ಜೆ ವಿರೊಧ್ ವೇಡೊ ಗಾಲ್ತಾ
ದೇವ್ ಮೊಯ್ಜೆ ಸವೆಂ ಅಸ್ಲೆಲ್ಯಾ ವರ್ವಿಂ ಇಸ್ರಾಯೆಲಿತಾಂಕ್ ಜಾಯ್ತ್ ಲಾಬ್ತಾ
ದೆವಾಚ ಅದೆಶ ಖಾಲ್ ಮೊಯ್ಜೆ ಇಸ್ರಾಯೆಲಿತಾಂಚಿ ಗಣನಾ ಸುರುಕರ್ತಾ
ವಾಡೊನ್ ಅಸ್ಚಾ ಲೊಕಾಂಕ್ ವಿವಿಧ್ ಗೊತ್ರಾನಿಂ ವಾಂಟುನ್ ದೇಶ್ ವಿಭಜನ್ ಕರ್ತಾ

ಅಮ್ಚಿಂ ಘರಾಂ......

ಸಮಾಧಾನ್ ಅಸ್ಚಾ ಘರಾ ಸಂಗೀತ್ ಅಯ್ಕೊಂಕ್ ಮೆಳ್ತಾ
ಭುರ್ಗಿಂ ಅಸ್ಚಾ ಘರಾ ಉಡ್ಕಾಣಾಂಚೊ ಅವಾಜ್ ಗುಂಜ್ತಾ
ಮಾಂಯ್-ಸುಣ್ ಅಸ್ಚಾ ಘರಾ ಉಂಚ್ಲೊ ಅವಾಜ್ ಕಾನಾಕ್ ಮಾರ್ತಾ
ಧನಿ-ಸೆವಾಕ್ ಅಸ್ಚಾ ಘರಾ ಊಟ್-ಬೋಸ್ ಸದಾಂಚ್ ಚಲ್ತಾ

ಘರ್ ಬಂದ್ಲ್ಯಾರ್ ಪಾವಾನಾಂ ಥೈಂ ಸಮಾಧಾನ್ ಅಸೊಂಕ್ ಜಾಯ್
ಸಮಾಧಾನ್ ರಾಜ್ ಕರುಂಕ್ ಘರ್ಚಾನಿಂ ಮೊಗಾನ್ ಜಿಯೆಂವ್ಕ್ ಜಾಯ್
ಮೋಗ್ ಕಿರ್ಲೊಂಕ್ ತ್ಯಾಗ್ ಮ್ಹಳ್ಳೆಂ ಸಾರೆಂ ಗಾಲುಂಕ್ ಜಾಯ್
ತ್ಯಾಗಾಚೊ ಗೂಣ್ ಅಪ್ಣಾಂವ್ಕ್ ನಿಸ್ವಾರ್ಥಿ ಜಿವಿತ್ ಜಿಯೆಂವ್ಕ್ ಜಾಯ್

ಘರ್ ಬಂದ್ಲ್ಯಾರ್ ಪಾವಾನಾಂ ಥೈಂ ಕುಟಾಮ್ ಬಾಂದುಂಕ್ ಜಾಯ್
ಕುಟಾಮ್ ಸೊಬಂವ್ಕ್ ಘರ್ಚಾಂ ಮದೆಂ ಗೌರವ್ ಅಸೊಂಕ್ ಜಾಯ್
ಗೌರವ್ ಅಪ್ಣಾಂವ್ಕ್ ಘರ್ಚಾ ಸಕ್ಡಾಂಕ್ ಮಾನಾನ್ ಲೆಕುಂಕ್ ಜಾಯ್
ಮಾನ್ ಜೊಡುಂಕ್ ಘರ ದಿಂವ್ಚ್ಯೊ ಅಜ್ನಾಂ ಪಾಳುಂಕ್ ಜಾಯ್

ಘರ್ ಬಂದ್ಲ್ಯಾರ್ ಪಾವಾನಾಂ ಥೈಂ ಮಾಗ್ಣೆಂ ರಜಾರ್ ಜಾಯ್
ಮಾಗ್ಣೆಂ ಕರುಂಕ್ ದೆವಾನ್ ದಿಂವ್ಚೆಂ ಬೊರೆಂ ಕಾಳಿಜ್ ಜಾಯ್
ಖಾಲ್ತೆಂ ಕಾಳಿಜ್ ಜೋಡ್ನ್ ಘೆಂವ್ಕ್ ದೆವಾಕ್ ಮಾಗುಂಕ್ ಜಾಯ್
ಮಾಗ್‍ಲ್ಲೆಂ ಮೆಳೊಂಕ್ ದೆವಾನ್ ಕಾಳ್ಜಾಂತ್ ರಾಜ್ ಕರುಂಕ್ ಜಾಯ್

ಘರ್ ಸೊಬೊಂವ್ಕ್ ಘರಾಂತ್ ಬೊರ್ನ್ ಭುರ್ಗಿಂ ಅಸೊಂಕ್ ಜಾಯ್
ಭುರ್ಗ್ಯಾಂಕ್ ಸಾಂಬಾಳ್ನ್ ಮೋಗ್ ದಿಂವ್ಚಿಂ ಅವಯ್-ಬಾಪಾಯ್ ಜಾಯ್
ನತ್ರಾಂಕ್ ಹಾಸೊವ್ನ್ ಖುಶಾಲ್ ಕರ್ಚಿಂ ಆಜೊ-ಆಜಿ ಜಾಯ್
ಘರ್ಚಂ ವಿಶಿಂ ಸೆಜಾರ್ಯಾನಿಂ ಬೊರೆಂ ಉಲೊಂವ್ಕ್ ಜಾಯ್

ಬಾಲಾಕ್ ಇಸ್ರಾಯೆಲಿತಾಂಕ್ ನಾಸ್ ಕರುಂಕ್ ಚಿಂತಾ....

ಮೊಯ್ಜೆಚ ಮುಖೆಲ್ಪಾಣಾಕಾಲ್ ಪರ್ಜಾ ಮೊವಾಬಾಂತ್ ತಂಬು ಮಾರ್ತಾ
ಝಿಪ್ಪೊರಾಚೊ ಪೂತ್ ಬಾಲಾಕ್ ಮೊವಾಬಾಚೊ ರಾಯ್ ಜಾವ್ನಾಸ್ತಾ
ದೆಶಾಂತ್ ವಾಡೊನ್ ಯೆಂವ್ಚಾ ಇಸ್ರಾಯೆಲಿತಾಂ ವಿಶಿಂ ಚಿಂತುಂಕ್ ಪಡ್ತಾ
ಕಶೆಂ ಪುಣಿ ಕಾರ್ನ್ ಇಸ್ರಾಯೆಲಿತಾಂಕ್ ಸಾಸ್ ಕರುಂಕ್ ವೇಳ್ ಘಡಿ ಸೊದ್ತಾ

ಬಾಲಾಕ್ ಅಪ್ಲ್ಯಾ ಜ್ಯೋತಿಶ್ಯಾಂಕ್ ವಿಂಚುನ್ ಬಾಲಾಮಾ ಸರ್ಶಿಂ ದಾಡ್ತಾ
ಬೆಯಾರಾಚೊ ಪೂತ್ ಬಾಲಾಮ್ ಏಕ್ ದೇವ್ ಭಿರಂತಿಚೊ ವ್ಯಕ್ತಿ ಜಾವ್ನಾಸ್ತಾ
ಅಪ್ಣಾಂ ಸರ್ಶಿಂ ಅಯಿಲ್ಲ್ಯಾ ಬಾಲಾಕಾಚ ಮಾಲ್ಗಾಡ್ಯಾಂಕ್ ಬಾಲಾಮ್ ಸ್ವಾಗತ್ ಕರ್ತಾ
ಅಪ್ಣಾಕ್ ಅಪೊಂವ್ಕ್ ದಾಡ್ಲೆಲ್ಯಾ ಬಾಲಾಕಾಕ್ ಕಿತೆಂ ಗಾರ್ಜ್ ಮ್ಹಣ್ ಸಮ್ಜಾತಾ

ಇಸ್ರಾಯೆಲಿತಾಂ ವಾಯ್ರ್ ಶಿರಾಪ್ ಗಾಲುಂಕ್ ಬಾಲಾಕ್ ಬಾಲಾಮಾಕ್ ಅಪಯ್ತಾ
ಬಾಲಾಮ್ ದೆವಾಕಡೆ ಉಲಾಯ್ತಾ ಆನಿ ದೇವ್ ತಾಶೆಂ ಕರುಂಕ್ ಅಡಯ್ತಾ
ಇಸ್ರಾಯೆಲ್ ದೆವಾನ್ ವಿಂಚುನ್ ಕಡ್ಲೆಲಿ ಪರ್ಜಾ ಮ್ಹಣ್ ಮಾಲ್ಗಡ್ಯಾಂಕ್ ತಿಳ್ಸಿತಾ
ಅಪ್ಣಾಕ್ ಹೆಂ ಸಾಧ್ಯ್ ನಾಂ ಮ್ಹಣ್ ಬಾಲಾಮ್ ಬಾಲಾಕಾಕ್ ಸಂಗೊನ್ ದಾಡ್ತಾ

ರಾಗಿಷ್ಟ್ ಬಾಲಾಕ್ ಪರ್ತುನ್ ಅನಿಕೀ ಚಾಡ್ ಮಾಲ್ಗಡ್ಯಾಂಕ್ ದಾಡ್ತಾ
ಅಪ್ಣಾಕ್ ಕುಮೊಕ್ ಕೆಲ್ಯಾರ್ ಧನ್-ದಿರ್ವೆಂ ಉದಾರ್ ದಿತಾಲೊಂ ಮ್ಹಣ್ ತಿಳ್ಸಿತಾ
ಬಾಲಾಕಾ ಖಾತಿರ್ ಪರ್ತುನ್ ದೆವಾಕಡೆ ಉಲೊಂವ್ಕ್ ಬಾಲಾಮ್ ತಯಾರ್ ಜಾತಾ
ದೆವಾಚ ಇಚ್ಚೆ ವಿರೊಧ್ ಉಲೊಂವ್ಚೊ ನಾಂ ಮ್ಹಣ್ ಮಾಲ್ಗಡ್ಯಾಂಕ್ ತಿಳ್ಸಿತಾ

ದೆವಾಚ ಖುಶೆಪರ್ಮಾಣೆ ಬಾಲಾಕಾಕ್ ಮೆಳೊಂಕ್ ಗಾಡ್ವಾಚೆರ್ ಬಾಯ್ರ್ ಸರ್ತಾ
ವಾಟೆರ್ ದೇವ್ ಧೂತ್ ಬಾಲಾಮಾಚಿ ಪರಿಕ್ಶ ಕಾರ್ನ್ ಕಿತೆಂ ಕರಿಜೆ ತೆಂ ತಿಳ್ಸಿತಾ
ದೆವಾಚ ಇಚ್ಚೆ ವಿರೊಧ್ ಉಲೈನಾಯೆ ಮ್ಹಣ್ ಬಾಲಾಮಾಕ್ ತಾಕಿದ್ ದಿತಾ
ಬಾಲಾಮ್ ದೆವಾಕ್ ಖಾಲ್ ಜಾತ ಆನಿ ಇಸ್ರಾಯೆಲಿತಾಂಕ್ ಬೆಸಾಂವ್ ಗಾಲ್ತಾ

ಬಾಲಾಮ್, ಬಾಲಾಕಾಕ್ ಮೆಳ್ತಾಚ್ ದೆವಾಚಿ ಖುಶಿಂ ತಾಕ ಸಮ್ಜಾಯ್ತಾ
ಇಸ್ರಾಯೆಲಿತಾಂಕ್ ಶಿರಾಪ್ ಗಾಲ್ಯಾರ್ ಸಗ್ಳೊ ದೇಶ್ ನಾಸ್ ಜಾಂವ್ಚೆಂ ತಿಳ್ಸಿತಾ
ಧಾರುಣ್ ಕಾಳ್ಜಾಚೊ ಬಾಲಾಕ್ ಬಲಿ ಬೆಟೊವ್ನ್ ದೆವಾಕ್ ಮೆಚ್ವೊಂಕ್ ಪಳೆಯ್ತಾ
ಪೂಣ್ ದೇವ್ ಇಸ್ರಾಯೆಲಿತಾಂ ಸವೆಂ ಅಸೊನ್ ತಾಂಕಾಂ ಅನ್ವಾರಾಂ ಥಾವ್ನ್ ರಾಕ್ತಾ

ಇಂದಿನ ರಾಜಾಕೀಯಾ.....

"ಜನ ಸೇವೆ ಜನಾರ್ಧನ ಸೇವೆ" ಬಾಯಿ ಮಾತು ಮಾತ್ರ
ರಾಜಾಕೀಯಾ ಎನ್ನುವುದು ಹಣ ಮಾಡುವ ಸೂತ್ರ
ದುಡ್ಡೆ ದೊಡ್ಡಪ್ಪ ಅನ್ನೊ ಇವರಿಗೆ ಇಲ್ಲ ಕುಲ-ಗೋತ್ರ
ವಿಧಾನಸೌಧ ತವರಿದ್ದಂತೆ ತಿಂದುಂಡು ಮಲಗುವ ಛತ್ರ

ಕೈ ಮುಗಿದು ಓಟು ಕೇಳಲು ಬರುವಾಗ ಕಾಲು ನಡಿಗೆ
ಆಕಸ್ಮಾತ್ ಗೆದ್ದು ಬಂದರೆ ಓಟು ಹಾಕಿದವ ಕಾಲಿನ ಅಡಿಗೆ
ಕ್ಶೇತ್ರ ತಿರುಗಲು ಬೇಕು ಐಶಾರಾಮಾದ ಕಾರು
ಜನಸೇವೆಯ ಜನಾರ್ಧನನಿಗೆ ಸಾಯಂಕಾಲ ಲೇಡಿಸ್ ಬಾರು

ಸರಕಾರದಲ್ಲಿ ಮಿನಿಸ್ಟ್ರಾದ್ರೆ ಹೊಡಿತು ಅನ್ನಿ ಲಾಟ್ರಿ
ಸರಕಾರ ಬೀಳೊದ್ರೊಳಗೆ ಮಾಡ್ಕೊತಾನೆ ಕೋಟಿ ಕೋಟಿ
ಭೂಮಿ, ಚಿನ್ನ, ಸಂಪತ್ತು ಒಂದರ ಮೇಲೊಂದು ಹಗರಣ
ಕೋರ್ಟು-ಕಛೇರಿಗಳೆಲ್ಲ ಇವರಿಗೆ ಆಯಾಸ ತೀರಿಸುವ ತಾಣ

ನೀ ಕಳ್ಳ - ನಾ ಸಾಚಾ ಎಂದು ಬೆಟ್ಟು ಮಾಡುವ ಜಾತಿ
ಇವರ ಕಾಳಗ ನೋಡಿ-ನೋಡಿ ನಾಡಿನ ಜನರ ಪಜೀತಿ
ದೇವರ ಹೆಸರಲ್ಲಿ ಆಣೆ ಹಾಕಲು ಇವರಿಗಿಲ್ಲ ನಾಚಿಕೆ
ನಾಡಿನ ಕಾನೂನು ವ್ಯವಸ್ಥೆ ಮೇಲೆ ಇವರದೇ ದಬ್ಬಾಳಿಕೆ

ಜರಾಸಂಧ, ಕೀಚಕರ ಕೈಯಲ್ಲಿ ಗಾಂಧಿಯ ಕನಸಿನ ರಾಮರಾಜ್ಯ
ಭ್ರಷ್ಟಾಚಾರ ಇಲ್ಲದಿರೆ ನಾವು ಉಳಿಯೊದಿಲ್ಲ ಎನ್ನುವ ರಾವಣರಾಜ್ಯ
ಪಕ್ಶ-ವಿಪಕ್ಶಗಳ ಕಾದಾಟದಲ್ಲಿ ನಾಡಿನ ಮಾನ ಹರಾಜು
ನಾಡಿನ ಏಳಿಗೆ ಮರೆತು ಇವರದೇನಿದು ಮುಗಿಯಲಾರದ ಮೋಜು

ಪಿತುಳ್ಚೊ ಸೊರಪ್........

ಹೊರ್ ದೊಂಗ್ರಾ ಥಾವ್ನ್ ಮುಂದರುನ್ ಇಸ್ರಾಯೆಲ್ ಪರ್ಜಾ ವಾಟ್ ಚಮ್ಕಾತಾ
ಎದೊಮಾಚೊ ದೇಶ್ ಉತ್ರುಂಕ್ ತಾಂಬ್ಡ್ಯಾ ದರ್ಯಾಚ ವಾಟೆನ್ ಯೆತಾ
ಕಠೀಣ್ ವಾಟ್  ತಿ ಜಾಲ್ಲ್ಯಾನ್ ಇಸ್ರಾಯೆಲ್ ಪರ್ಜಾ ಸೊಸ್ಣಿಕಾಯ್ ಹೊಗ್ಡಾಯ್ತಾ
ದೇವ್ ಆನಿ ಮೊಯ್ಜೆ ವಿರೊದ್ ರಾಗಾರ್ ಜಾವ್ನ್ ತಾಂಚೆ ವಿರೊದ್ ಉಲಯ್ತಾ

ಏಜಿಪ್ತಾಂತ್ ಖಾವ್ನ್-ಜೇವ್ನ್ ಅಸ್ಲೆಲೆ ಖುಶಾಲಾಯೆಚೆ ದೀಸ್ ಉಗ್ಡಾಸಾಕ್ ಹಾಡ್ತಾ
ಆರಣ್ಯಾಂತ್ ಖಾಣ್ ಆನಿ ಉದಕ್ ನಾತ್ಲೆಲೆ ವರ್ವಿಂ ಭುಕೆನ್ ಕಂಗಾಲ್ ಜಾತಾ
ದೆವಾನ್ ದಿಲ್ಲೆಂ ಮನ್ನಾ ಖಾವ್ನ್ ಪುರೊ ಜಾಲೆಂ ಮ್ಹಣ್ ಮೊಯ್ಜೆಕ್ ಪುರ್ಪುರ್ತಾ
ಏಜಿಪ್ತಾ ಥಾವ್ನ್ ಭಾಯ್ರ್ ಹಾಡ್ಲೆಲ್ಯಾ ದೆವಾ ವಿರೊದ್ ಶಿಣ್ ಉಲಾಯ್ತಾ

ಲೊಕಾಂಚ ಧಾರುಣ್ ಕಾಳ್ಜಾಕ್ ಲಾಗುನ್ ದೇವ್ ರಾಗಾರ್ ಜಾತಾ
ತಾಣಿಂ ವಸ್ತಿ ಕರ್ಚಾ ಸುವಾತ್ಯಾನಿಂ ವಿಕಾಳ್ ಸೊರ್ಪಾಂಕ್ ದಾಡ್ತಾ
ಸೊರಪ್ ಚಾಬ್ಲೆಲೆ ವರ್ವಿಂ ಇಸ್ರಾಯೆಲಿತಾಂಕ್ ಮರಣ್ ಪಾವೊ ಜಾತಾ
ದೇವ್ ಆನಿ ಮೊಯ್ಜೆ ವಿರೊಧ್ ಉಲೈಲ್ಲ್ಯಾಕ್ ದೆವಾಚಿ  ಹಿ ಶಿಕ್ಶಾ ಜಾವ್ನಾಸ್ತಾ

ಸೊರ್ಪಾಂಕ್ ಭಿಯೆವ್ನ್ ಇಸ್ರಾಯೆಲ್ ಪರ್ಜಾ ಮೊಯ್ಜೆ ಸರ್ಶಿಂ ದಾಂವೊನ್ ಯೆತಾ
ದೆವಾಕಡೆ ಮಾಗೊನ್ ಸೊರ್ಪಾಂ ಥಾವ್ನ್ ರಾಕೊನ್ ವರುಂಕ್ ಪರಾತ್ತಾ
ಮೊಯ್ಜೆ ಲೊಕಾಂಕ್ ಅಯ್ಕಾತಾ ಆನಿ ದೆವಾಕ್ ಮೆಳೊಂಕ್ ತಯಾರ್ ಜಾತಾ
ಇಸ್ರಾಯೆಲಿತಾಂ ವಾಯ್ರ್ ದಾಡ್ಲೆಲ್ಯಾ ಖ್ಯಾಸ್ತಿಕ್ ನಿವಾರುಂಕ್ ಪರತ್ತಾ

ದೇವ್ ಮೊಯ್ಜೆಕ್ ಅಯ್ಕಾತಾ ಅನಿ ಪರ್ಜೆಕ್ ಸಾಂಬಾಳ್ಚಿ ಭಾಸ್ ದಿತಾ
ಪಿತುಳ್ಚೊ ಸೊರಪ್ ಕಾರ್ನ್ ಖಾಂಬ್ಯಾರ್ ಉಬಾರುಂಕ್ ಪರ್ಮಾಯ್ತಾ
ಸೊರಪ್ ಚಾಬ್ಲೆಲಿಂ ತಾಕ ಪಳೆಯ್ಲ್ಯಾರ್ ಜಿವಂತ್ ಉರ್ತೆಲಿಂ ಮ್ಹಣ್ ತಿಳ್ಸಿತಾ
ದೆವಾನ್ ಪರ್ಮಾಯಿಲ್ಲೆಂ ಮೊಯ್ಜೆ ಕರ್ತಾ ಆನಿ ಲೋಕ್ ನಾಸಾ ಥಾವ್ನ್ ಉರ್ತಾ

ಹ್ಯಾ ಘಡಿತಾ ವರ್ವಿಂ ಲೋಕ್ ದೆವಾಕ್ ಭಿಯೆತಾ ಆನಿ ಖಾಲ್ ಜಾವ್ನ್ ಚಲ್ತಾ
ಬೆಯೆರ್ ಸುವಾತೆಕ್ ಪಾವ್ತಾನಾಂ ದೇವ್ ತಾಂಕಾಂ ಉದಕ್ ಮೆಳಾಶೆಂ ಕರ್ತಾ
ಅಮೊರಿತಾಂಚ ರಾಯಾಕ್ ಸಲ್ವೊಂವ್ಕ್ ದೇವ್ ತಾಂಕಾ ಅಧಾರ್ ಜಾತಾ
ಮೊಯ್ಜೆಚ ಮುಖೆಲ್ಪಾಣಾ ಖಾಲ್ ಜೊರ್ದಾನಾಚ ಪಲ್ತಾಡಿಕ್ ತಾಂಕಾ ಪಾವಾಯ್ತಾ

ಖಡ್ಪಾ ಥಾಂವ್ನ್ ಉದಕ್.....

ಇಸ್ರಾಯೆಲ್ ಪರ್ಜಾ ವಾಟ್ ಚಮ್ಕೊನ್ ಕಾದೆಶಾಕ್ ಯೇವ್ನ್ ಪಾವ್ತಾ
ಕಾದೆಶಾಂತ್ ತಾಂಕ ಪರ್ತುನ್ ಉದ್ಕಾಚೊ ಭರ್ಗಾಳ್ ಪಡ್ತಾ
ಉಣ್ಯಾ ಭವರ್ಥಾಚೊ ಲೋಕ್ ಮೊಯ್ಜೆ ಆನಿ ಅರೊನಾಕ್ ಪುರ್ಪುರ್ತಾ
ಉದ್ಕಾಚೊ ಅಭಾವ್ ಕಠಿಣ್ ಅಸ್ಲ್ಯಾನ್ ಮೊಯ್ಜೆ ಕಡೆ ಜಾಗ್ಡ್ಯಾಕ್ ರಾವ್ತಾ

ಕಾದೆಶಾಂತ್ ಅಂಜೂರ್, ದಾಕ್ವಾಲಿ, ದಾಂಳ್ಬಾಂ ನಾಸ್ತಾಂ ಖಾಲಿ ಅಸ್ತಾ
ಇಸ್ರಾಯೆಲಿತಾಂಚ ಗೊರ್ವಾಂಕ್ ಸಯ್ತ್ ಥೈಂ ಉದಕ್ ಮೆಳನಾಂ ಜಾತಾ
ಉದ್ಕಾಚ ಅಭಾವ ವರ್ವಿಂ ಮೊಯ್ಜೆ ಆನಿ ಅರೊನಾಚೊ ಭವರ್ಥ್ ದಂಡಳ್ತಾ
ಇಸ್ರಾಯೆಲ್ ಪರ್ಜೆಕ್ ಭುಜಾವಣ್ ದೀಂವ್ಕ್ ತಾಂಕಾಂ ಅಸಾಧ್ಯ್ ಜಾತಾ

ಮೊಯ್ಜೆ ಜಮಾತೆತಂಬಾಚ ದಾರಲಾಗಿಂ ದೆವಾಕಡೆ ಉದ್ಕಾ ಖಾತಿರ್ ಮಾಗ್ತಾ
ಕುಪಾಂತ್ ದೆವಾಚಿ ಮಹಿಮಾ ಮೊಯ್ಜೆ ಆನಿ ಅರೊನಾಕ್ ದಿಸ್ಟಿಕ್ ಪಾಡ್ತಾ
ದೇವ್ ತಾಂಕಾಂ ಇಸ್ರಾಯೆಲ್ ಪರ್ಜೆಕ್ ಏಕ್ಟಾಂಯ್ ಕರುಂಕ್ ಸಂಗ್ತಾ
ದಾದೊಶಿ ಪಿಯೆಂವ್ಕ್ ಉದಾಕ್ ದೀವ್ನ್ ಸಂಬಾಳ್ನ್ ವರ್ಚೊ ಭರ್ವಸೊ ದಿತಾ

ದೇವ್ ಮೊಯ್ಜೆಕ್ ಅಪಾಯ್ತಾ ಆನಿ ಮೆರಿಬಾಂತ್ ಏಕ್ ಖಡಪ್ ದಾಕಯ್ತಾ
ಅಪ್ಲ್ಯಾ ಭೆತ್ಕಾಟೆ ಥಾಂವ್ನ್ ತ್ಯಾ ಕಡ್ಪಾಕ್ ಮಾರುಂಕ್ ಮೊಯ್ಜೆಕ್ ಪರ್ಮಾಯ್ತಾ
ಭಸಯಿಲ್ಲೆ ಪರ್ಮಾಣೆ ಖಡ್ಪಾಥಾವ್ನ್ ದದೊಶಿ ಉದಕ್ ದೆಂವೊನ್ ಯೆತಾ
ಇಸ್ರಾಯೆಲ್ ಪರ್ಜಾ ಅನಿ ತಾಂಚಿಂ ಗೊರ್ವಾಂ ಖಡ್ಪಾಚೆಂ ಉದಕ್ ಪಿಯೆತಾ

ಮೊಯ್ಜೆ ಆನಿ ಅರೊನಾಚ ಉಣ್ಯಾ ಭವಾರ್ಥ ಖಾತಿರ್ ದೇವ್ ತಾಂಕಾಂ ಶಿಕ್ಶ ಲಾಯ್ತಾ
ಅಪುಣ್ ಭಾಸಯಿಲ್ಲೊ ಕಾನಾನ್ ದೇಶ್ ತೆ ಪಳೆಂವ್ಚೆ ನಾಂತ್ ಮ್ಹಣ್ ತಿಳ್ಸಿತಾ
ಅಪ್ಲ್ಯಾ ಪಾತ್ಕಾಕ್ ದೆವಾಚಿ ಶಿಕ್ಶಾ ಮ್ಹಣ್ ಮೊಯ್ಜೆ ಆನಿ ಅರೊನ್ ಸಮ್ಜಾತಾತ್
ದೆವಾಚ ಖುಶೆ ಪರ್ಮಾಣೆ ಪರ್ಜೆಕ್ ಹೊರ್ ದೊಂಗ್ರಾಕ್ ವಾಟ್ ದಾಕಯ್ತಾತ್

ಮೆರಿಬಾಂತ್ ಅಪ್ಲ್ಯಾ ಉಣೆ ಭವಾರ್ಥಾಕ್ ಅರೊನಾಕ್ ಮರಣ್ ಪಾವೊ ಜಾತಾ
ಮೊಯ್ಜೆ ಅರೊನಾಚೆಂ ವಸ್ತುರ್ ಕಾಡ್ನ್ ತಾಚೊ ಪೂತ್ ಏಲೆಯಾಜಾರಾಕ್ ಗಾಲ್ತಾ
ಏಲೆಯಾಜಾರ್ ಅರೊನಾಚ ಜಾಗ್ಯಾರ್ ಪರ್ಜೆಕ್ ಚಲೊಂವ್ಕ್ ಅಧಾರ್ ಜಾತಾ
ಇಸ್ರಾಯೆಲ್ ಪರ್ಜಾ ಅರೊನಾ ಖಾತಿರ್ ತೀಸ್ ದೀಸ್ ರುದಾನ್ ಕರ್ತಾ

ಬಾಪಯ್....ಘರ್ಚೊ ಅಧಾರ್

ಕುಟ್ಮಾ ಜಿವಿತಾಂತ್ ಪಯ್ಲೊ ಸ್ಥಾನ್ ತುಕಾ
ಘರ್ಚಿಂ ಸಮೇಸ್ತಾಂ ದಿತಾತ್ ಮಾನ್ ತುಕಾ
ತುಜ್ಯಾ ನಾಂವಾ ಸಂಗಿ ವೊಲಾಯ್ಲಾಂ ಮ್ಹಕಾ
ತುಜೆಂ ಬಾಳ್ ಮ್ಹಣ್ ದಿತಾತ್ ಮಾನ್ ಮ್ಹಕಾ

ನೀದ್ ಸಾಂಡುನ್ ಬೊಸ್ಲೊಯ್ ರಾತಿಚೆಂ ಉಟೊನ್ ರಾಡ್ತಾನಂ
ಸಂತೊಸ್ ತುಂ ಪಾವ್ಲೊಯ್ ಹಾಂವೆ ಮೆಟಾಂ ಗಾಲ್ತಾನಂ
ಮಾಣಿಕಪರಿ ಪಳೆಯ್ಲೆಂಯ್ ದಾಕ್ಟೊ ಅಸೊನ್ ವಾಡ್ತಾನಂ
ಬೊಟಾಂ ದರ್ನ್ ಗುಂವ್ಡಾಯ್ಲೆಂಯ್ ಅಸ್ಕತ್ ಹಾಂವ್ ದಿಸ್ತಾನಂ

ದೀಸ್ ಭರ್ ಕಾಮ್ ಕಾರ್ನ್ ಘರಕ್ ಅಧಾರ್ ಜಾಲೊಯ್
ಘರಂತ್ ಭುರ್ಗಿಂ ವಾಡೊನ್ ಯೆತಾಂ ಸುಗುಣಾನಿಂ ನೆಟಯ್ಲೆಂಯ್
ಅಪ್ಲೆ ಕಾಷ್ಟ್ ವಿಸ್ರೊನ್ ತುವೆಂ ಮಾಂಯ್ಕ್ ಮೊಗಾನ್ ದೆಕ್ಲೆಂಯ್
ಅಸ್‍ಲ್ಲೆಂ ವಾಂಟುನ್ ಘೆಂವ್ಕ್ ಶಿಕೊವ್ನ್ ಮೋಗ್ ತುವೆಂ ವಾಂಟ್ಲೊಯ್

ಗಾದ್ಯಾಂತ್ ತುಂ ಘೊಳ್ತಾಲೊಯ್ ಘಮಾನ್ ತುಂ ಬುಡ್ತಾಲೊಯ್
ದೀಸ್ ಭರ್ ವೊತಾಕ್ ರಾವೊನ್ ಗಾದೆ ತುಂ ಕೊಸ್ತಾಲೊಯ್
ಕುಡಿಂತ್ ನಿತ್ರಾಣ್ ಬೊಗ್ಲ್ಯಾರಿ ಅಸ್ಕತ್ ಪಣ್ ತುಂ ಲಿಪಯ್ತಾಲೊಯ್
ಪ್ರಾಯ್ ತುಜಿ ಚಡೊನ್ ಯೆತಾಂ ದೊವ್ಯಾ ಕೆಸಾನಿಂ ಸೊಬ್ತಾಲೊಯ್

ಭುರ್ಗ್ಯಾಂಚೆ ಪುಡರ್ ಚಿಂತುನ್ ಕಾಮಾಂತ್ ತುಕಾ ಪುರೊ ಜಾಲೆನಾಂ
ಅಪ್ಲ್ಯಾ ಭುರ್ಗ್ಯಾಂಕ್ ಪಾಂವ್ಡ್ಯಾರ್ ಪಾವೊಂವ್ಕ್ ಸದನ್ ತುವೆಂ ಸೊಡ್ಲೆನಾಂ
ಮಾಗ್ಣೆಂ ರಾಜಾರಕ್ ಪಯ್ಲೆಂ ಸ್ಥಾನ್ ಅಮ್ಚಾ ಘರ ಚುಕ್ಲೆನಾಂ
ತುವೆಂ ದಿಲ್ಲಿ ದೇಖ್ ಮೋರ ಪರ್ಯಾಂತ್ ವಿಸ್ರೊಂಚೊ ನಾಂ

ವಿಸ್ರೊಂಕ್ ಜಾಯ್ನಾತ್ಲೊ.....ಉಗ್ಡಾಸ್.

ಜಿವನಾಂತ್ ಘಡಿಲ್ಲಿಂ ಘಡಿತಾಂ ಜಾವ್ನ್ ಉರ್ತಾತ್ ಉಗ್ಡಾಸ್
ಮನಿಸ್ ವಾಡೊನ್ ರಾವ್ಲ್ಯಾರಿ ಪಾಟಿಂ ಗುಂವೊನ್ ಪಳೆಂವ್ಕ್ ಏಕ್ ಅವ್ಕಾಸ್
ತೊಡಿಂ ಘಡಿತಾಂ ಘರ್ ಕಾರ್ತಾತ್ ಕಾಳ್ಜಾಚ ಕೊನ್ಶಾಂತ್
ತೊಡಿಂ ವಿಸ್ರೊಂಕ್ ಜಾಯ್ನಾಸ್ತಾಂ ಉರ್ತಾತ್ ಮೊರಾ ಪರ್ಯಾಂತ್

ಪೆರಾಚ ರುಕಾರ್ ಬೊಸ್‍ಲ್ಲ್ಯಾ ಕಿರಾಕ್ ಫಾತೊರ್ ಮಾರ‍್ಲ್ಲೊ ಉಗ್ಡಾಸ್
ದೂದ್ ದಿಂವ್ಚಾ ಗಾಯೆನ್ ದೂದ್ ಕಾಡ್ತಾನಾಂ ಖೊಟಯಿಲ್ಲೊ ಉಗ್ಡಾಸ್
ಜೆಮ್ತೆಲ್ಯಾ ಪೆಟ್ಯಾಚ ಶಿಮ್ಟೆಕ್ ಬಲೂನ್ ಪುಂಕುನ್ ಬಂದ್‍ಲ್ಲೊ ಉಗ್ಡಾಸ್
ಮೆಜಾರ್ ಬೊಸ್‍ಲ್ಲ್ಯಾ ಮಾಜ್ರಾಕ್ ಚ್ಯುಯಿಂಗ್ ಗಮ್ ಲಾಗಯಿಲ್ಲೊ ಉಗ್ಡಾಸ್

ಇಸ್ಕಾಲಾಚ  ವಾಟೆರ್ ಅಂಬ್ಯಾಚ ರುಕಾಕ್ ಫಾತೊರ್ ಮಾರ‍್ಲ್ಲೊ ಉಗ್ಡಾಸ್
ರಸ್ತ್ಯಾಚ ದೆಗೆರ್ ಪಡ್‍ಲ್ಲೆ ಕಾಜುಚೊ ಬಿಯೊ ಎಂಕ್ಟಾಯ್ ಕೆಲ್ಲೊ ಉಗ್ಡಾಸ್
ಬಿಂಡಾಚ ರುಕಾರ್ ಉಂಬ್ಲೆ ಚಾಬ್ತಾನಾಂ ಸಕ್ಲಾ ನಿಸ್ರೊನ್ ಪಡ್‍ಲ್ಲೊ ಉಗ್ಡಾಸ್
ಬೆಂಡ್ಸಾಂ-ಸಾಂಪೆರಾಂ ಬೊಲ್ಸಾಂತ್ ಗಾಲ್ನ್ ಪ್ರೆಡ್ಸಾಂಕ್ ಮಂಗಟಾಯಿಲ್ಲೊ ಉಗ್ಡಾಸ್

ಬಾಂಯ್ಚಾ ಕಾಟ್ಯಾರ್ ಮೆಟಾಂ ಘಾಲ್ನ್ ಘರ್ಚಾಂಕ್ ಬೆಶ್ಟಾಯಿಲ್ಲೊ ಉಗ್ಡಾಸ್
ಉದ್ಕಾಚೊ ಕೊಳ್ಸೊ ಬಾಂಯ್ತ್ ದೆಂವೊವ್ನ್ ದೊರಿ ಸೊಡ್ನ್ ದಾಂವುಲ್ಲೊ ಉಗ್ಡಾಸ್
ಗಾದ್ಯಾ ಮೆರೆರ್ ತಾಣ್ ಲುವ್ತಾನಾಂ ದಿವ್ಡಾಕ್ ಪಳೆವ್ನ್ ಕಾವ್ಜೆಲ್ಲೊ ಉಗ್ಡಾಸ್
ಗೊಟ್ಯಾಕ್ ಕೊಲಿ ಆರಯ್ತಾನಾಂ ಕಿರ್ಲೊಲ್ಲ್ಯೊ ಮೊಯೊ ಸೋರ್ನ್ ಕೆಲ್ಲೊ ಉಗ್ಡಾಸ್

ಮಾಳ್ಯಾರ್ ಪಿಕೊಂವ್ಕ್ ದವರ‍್ಲ್ಲ್ಯಾ ಘಡಾಯೆ ಥಾವ್ನ್ ಕೆಳಿಂ ಕಾಡ್ನ್ ಕೆಲ್ಲೊ ಉಗ್ಡಾಸ್
ರಾನ್ಚಾ ಕುರಾರ್ ದವರ‍್ಲ್ಲೆಂ ಕಾಪ್ಯೆಚೆಂ ಕಾಳೆಂ ಗೋಡ್ ಕಾಡ್ನ್ ವೆಲ್ಲೊ ಉಗ್ಡಾಸ್
ಘರ್ಚಾ ಟ್ಯಾರಿಸಾರ್ ಚುಕೊತ್ ಗಾಲ್ಲ್ಯಾ ನಾರ್ಲಾಕ್ ಇಸ್ಕಾಲಾಕ್ ವೆಲ್ಲೊ ಉಗ್ಡಾಸ್
ಕುಂಕ್ಡಾ ಗುಡಾಂತ್ಲೆಂ ತಾಂತಿಂ ಹಾಡ್ನ್ ಮಾಂಯ್ ಕಡೆ ಜಗಾಡ್ನ್ ಜಾಜುನ್ ಕೆಲ್ಲೊ ಉಗ್ಡಾಸ್

ಕಾಜಾರ್ ಜಾಲ್ಲ್ಯಾ ಭಯ್ಣಿನ್ ಘರ್ ಸಾಂಡುನ್ ವೆತಾನಾಂ ದುಃಖಾಂ ಘಳಯಿಲ್ಲೊ ಉಗ್ಡಾಸ್
ವ್ಹಡ್ ಭಾವಾನ್ ಚಡಿತ್ ಶಿಕ್ಪಾಕ್ ಸಾಂಡುನ್ ವೆತಾನಾಂ ವೆಗ್ಳಾಚಾರ್ ಜಾಲ್ಲೊ ಉಗ್ಡಾಸ್
ಪಪ್ಪಕ್ ರಿಟೈರ‍್ಮೆಂಟ್ ಜಾತಾನಾಂ ಅಫಿಸಾಂತ್ ತಾಕ ಸನ್ಮಾನ್ ಕೆಲ್ಲೊ ಉಗ್ಡಾಸ್
ಮದರ್ ಡೇ ದೀಸ್ ಮಾಂಯ್ಕ್ ಪುಲಾಂಚೆ ತೂರೆ ದೀವ್ನ್ ಕೀಸ್ ದಿಲ್ಲೊ ಉಗ್ಡಾಸ್

ಮೊಗಾನ್ ಜಿಯೆಂವ್ಯಾಂ....

ರಾಗ್ ಕಿತ್ಯಾಕ್ ಭಾವಾ ಅಮಿಂ ಮೊಗಾನ್ ಜಿಯೆಂವ್ಯಾಂ
ದೆವಾನ್ ದಿಲ್ಲ್ಯಾ ಚಾರ್ ದಿಸಾನಿಂ ಹಾಸೊನ್ ಕೆಳುಂಯಾಂ
ಸಂಸಾರಾಕ್ ದಾಡ್ಲೆಲ್ಯಾಕ್ ಮಾನ್ ಕರುಂಯಾಂ
ಅಪ್ಲ್ಯಾ ಪೆಲ್ಯಾ ಥೈಂ ತಾಚೊ ಮೋಗ್ ಸೊದ್ಯಾಂ

ಮೋಗಾ ಜಿವಿತ್ ಜಿಯೆಲ್ಯಾರ್ ತುಂ ಕಾಳ್ಜಾಂ ಜಿಕ್ತಾಲೊಯ್
ಮೋಗಾ ವಿಣೆ ಜಿಯೆಲ್ಯಾರ್ ದುಸ್ರ್ಯಾಂಚಿಂ ಚುಕಿ ಸೊದ್ತಾಲೊಯ್
ಬೊಗ್ಸುನ್ ತುಂ ಜಿಯೆಲ್ಯಾರ್ ದಾದೊಸ್ಕಾಯ್ ಪಾಯ್ತಾಲೊಯ್
ಬೊಗ್ಸಾಣೆಂ ವೀಣ್ ಜಿಯೆಲ್ಯಾರ್ ತುಂ ಪಿಡೆಸ್ತ್ ಜಾತಲೊಯ್

ವಾಂಟುನ್ ಘೆಂವ್ನ್ ಜಿಯೆಲ್ಯಾರ್ ತುಂ ದೊಡ್ತೆಂ ಘೆತಾಲೊಯ್
ಪುಂಜಾವ್ನ್ ದವರ್ನ್ ಸ್ವಾರ್ಥಿ ಜಾಲ್ಯಾರ್ ನಾಸ್ ಜಾತಲೋಯ್
ಅಪ್ಲ್ಯಾ ಪೆಲ್ಯಾಂಕ್ ಗೌರವ್ ದಿಲ್ಯಾರ್ ಮಾನ್ ಜೊಡ್ತಾಲೊಯ್
ದುಬ್ಳ್ಯಾ-ದಾಕ್ಟ್ಯಾಂಕ್ ದಿಕ್ಕಾರ್ ಕೆಲ್ಯಾರ್ ಕಾಷ್ಟ್ ಸೊಸ್ತಾಲೊಯ್

ಆವೈ-ಬಾಪಯ್ಕ್ ಮಾನ್ ದಿಲ್ಯಾರ್ ಆವ್ಕ್ ಪಾಯ್ತಾಲೊಯ್
ತಾಂಚೆ ಮೋನ್ ದುಕೈಲ್ಯಾರ್ ತುಂ ಶಿರಾಪಿತ್ ಜಾತಲೊಯ್
ಭುರ್ಗ್ಯಾಂಕ್ ತುಜ್ಯಾ ದೆಕಿನ್ ವಾಡಯ್ಲ್ಯಾರ್ ನಾಂವ್ ಜೊಡ್ತಾಲೊಯ್
ನಿರ್ಲಕ್ಶ ಕಾರ್ನ್ ಸಾಂಡುನ್ ಗಾಲ್ಯಾರ್ ಅನಾಥ್ ಜಾತಲೊಯ್

ಮಾಗ್ಣ್ಯಾ ಜಿವಿತ್ ಜಿಯೆಲ್ಯಾರ್ ತುಂ ಬೆಸಾಂವ್ ಜೊಡ್ತಾಲೊಯ್
ಮೀಸ್-ಮಾಗ್ಣೆಂ ದಿಕ್ಕಾರ್ ಕೆಲ್ಯಾರ್ ಯೆಂಮ್ಕೊಂಡ್ ಪಾಯ್ತಾಲೊಯ್
ನಿಜಾ ದೆವಾಕ್ ಮಾನ್ ಕೆಲ್ಯಾರ್ ಸರ್ಗ್ ಅಪ್ಣಾಯ್ತಾಲೊಯ್
ತಾಚೆ ಥಾವ್ನ್ ಪಾಯ್ಸ್ ಸರ್ಲ್ಯಾರ್ ಪಾತ್ಕಿ ಜಾತಲೊಯ್

ಮೊಯ್ಜೆ ವಿರೊಧ್ ಗೆಲ್ಯಾಂಚೊ ಸಂಹಾರ್....

ಮೊಯ್ಜೆ ಇಸ್ರಾಯೆಲ್ ಪರ್ಜೆಕ್ ದೆವಾಚೆ ಸಸಾಯೆ ಖಾಲ್ ಚಲವ್ನ್ ವರ್ತಾ
ಹಾಚ ಮೆದೆಂ ತೊಡೊ ಲೋಕ್ ಮೊಯ್ಜೆಕ್ ಆನಿ ಆರೊನಾಕ್ ವಿರೊಧ್ ಉಲಯ್ತಾ
ಕೊರಾ, ದಾತಾನ್ ಆನಿ ಅಬಿರಾಮ್ ವಿರೊಧಿ ಮುಖೆಲ್ಯಾಂಕ್ ಏಕ್ಟಾಂಯ್ ಕರ್ತಾತ್
ಮೊಯ್ಜೆ ಆನಿ ಅರೊನಾ ವಿರೊಧ್ ಶಿಣ್ ಉಲೊವ್ನ್ ತಾಂಕ ದಿಕ್ಕಾರ್ ಕರ್ತಾತ್

ಹ್ಯಾ ಘಡಿತಾವರ್ವಿಂ ಮೊಯ್ಜೆ ದುಖೆಸ್ತ್ ಜಾತಾ ಆನಿ ದೆವಾಚಿ ಸಸಾಯ್ ಮಾಗ್ತಾ
ಕೊರಾಕ್ ಆನಿ ತಾಚ ಪಕ್ಶೆಚಾಂಕ್ ದೆವಾ ಮುಕಾರ್ ವೊಸುಂಕ್ ಸೊಡ್ತಾ
ಹಾತಿಂ ಧುಂಪಾತಾಟಿಂ ಘೆವ್ನ್ ದೆವಾಕ್ ಧುಂಪ್ ಬೆಟೊಂವ್ಕ್ ಪರ್ಮಾಯ್ತಾ
ಆಶೆಂ ಕೆಲ್ಲ್ಯಾ ವರ್ವಿಂ ದೇವ್ ಕೊಣಾಚ ಪಕ್ಶೆನ್ ಅಸಾ ಮ್ಹಣ್ ಕಳಿತ್ ಜಾತಾ

ಕೊರಾ, ದಾತಾನ್ ಆನಿ ಅಭಿರಾಮಂಚ ಕರ್ತುವಾ ವರ್ವಿಂ ದೇವ್ ರಗಾರ್ ಜಾತಾ
ತಾಂಚಾ ಪಾತ್ಕಾಕ್ ಶಿಕ್ಶಾ ಜಾವ್ನ್ ಸಗ್ಳ್ಯಾ ಕುಳಿಯೆಕ್ ನಾಸ್ ಕರುಂಕ್ ಚಿಂತಾ
ಮೊಯ್ಜೆ ಪರತ್ ದೆವಾ ಸರ್ಶಿಂ ದಾಂವ್ತಾ ಆನಿ ತಸಲೆಂ ಘಡಿತ್ ಚುಕಯ್ತಾ
ಮೊಯ್ಜೆಕ್ ದೇವ್ ಅಯ್ಕಾತಾ ಆನಿ ವಿರೊದ್ಯಾಂಚೊ ಮಾತ್ರ್ ಸಂಹಾರ್ ಕರ್ತಾ

ಧುಂಪ್ ಬೆಟೊಂವ್ಕ್ ರಾವುಲ್ಲ್ಯಾ ಕೊರಾ ಆನಿ ಸಂಗಾತ್ಯಾಂಕ್ ಉಜೊ ಭಸ್ಮ್ ಕರ್ತಾ
ಹೆಂ ಘಡಿತ್ ಪಳಯಿಲ್ಲೊ ಲೋಕ್ ತಾಂಚ ನಿವಾಸಥಾವ್ನ್ ಪೋಳ್ನ್ ದಾಂವ್ತಾಂ
ದೆವಾಚೊ ಕ್ರೊದ್ ದಾತಾನ್ ಆನಿ ಅಬಿರಾಮಚ ಸಗ್ಳ್ಯಾ ಕುಟ್ಮಾವಾಯ್ರ್ ದೆಂವ್ತಾಂ
ತಾಣಿಂ ರಾವುಲ್ಲಿ ದರ್ಣ್ ಉಗ್ತಿ ಜಾತ ಆನಿ ಕುಟ್ಮಾ ಸಮೇತ್ ತಾಂಕಾಂ ಗೀಳ್ನ್ ಸೊಡ್ತಾ

ದುಸ್ರ್ಯಾ ದಿಸಾ ಪರ್ತುನ್ ಲೋಕ್ ಮೊಯ್ಜೆ ಆನಿ ಅರೊನಾ ವಿರೊಧ್ ಉಲಯ್ತಾ
ತಾಂಚಾ ಪಾತ್ಕಾಕ್ ಶಿಕ್ಶಾ ಜಾವ್ನ್ ಮಾರಿಚಿ ಪಿಡಾ ತಂಬಾಂತ್ ಸುರು ಜಾತಾ
ಮೊಯ್ಜೆ ದೆವಾಸರ್ಶಿಂ ಪಾಂವ್ಚಾ ಪಯ್ಲೆಂಚ್ ಚೊವ್ದಾ ಹಜಾರಾಂಚೊ ಸಂಹಾರ್ ಜಾತಾ
ಹೆಂ ಘಡಿತ್ ಮುಕ್ಲ್ಯಾ ಪಿಳ್ಗೆಕ್ ಏಕ್ ಖುಣಾಂ ಜಾವ್ನ್ ಮೊತಿಂತ್ ಉರ್ತಾ

ದೇವ್ ಮೊಯ್ಜೆ ಕಡೆ ಉಲಯ್ತಾ, ಪಾಳಿಜೆ ಜಾಲ್ಲ್ಯೊ ನಿತಿ-ನಿಯಾಮಾಂ ದಿತಾ
ಸಾರ್ವ್ ಇಸ್ರಾಯೆಲಿತಾಂಕ್ ಅಪ್ಲ್ಯಾ ವಸ್ತುರಾರ್ ಗೊಂಡೆ ಬಸೊಂವ್ಕ್ ಪರ್ಮಾಯ್ತಾ
ಹ್ಯಾ ಗೊಂಡ್ಯಾಚೆರ್ ನದಾರ್ ಗಾಲ್ತಾಚ್ ತಾಂಚಿಂ ಅಜ್ನಾಂ ಉಗ್ಡಾಸಾಕ್ ಹಾಡಯ್ತಾ
ಚುಕೊನ್ ಪಡ್ಲ್ಯಾರ್ ಶಿಕ್ಶಾ ದಿತಲೊಂ ಮ್ಹಣ್ ಮೊಯ್ಜೆ ಮುಖಾಂತ್ರ್ ಕಳಾಯ್ತಾ

ಆಡ್ಲಿನಾಂ...ಕಿತ್ಯಾಕ್ ಆಶೆಂ ಬದಲ್ಲೆಂಯ್.

ಆಡ್ಲಿನಾಂ..ಆಡ್ಲಿನಾಂ... ಕಿತ್ಯಾಕ್ ತುಕಾ ಉಲೊಂವ್ಕ್ ಪುಟ್ವಾನಾಂ
ದಾಕ್ಟೆಂ ತುಂ ಅಸ್ತಾನಾಂ ಗಾಲ್ತಾಲೆಂಯ್ ಗೊ ಉಡ್ಕಾಣಾಂ
ಅದಿಂ ಅಸ್‍ಲ್ಲಿ ಚಾಲ್-ಚಮ್ಕಾಣ್ ಕಿತ್ಯಾಕ್ ಆಜ್ ದಿಸಾನಾಂ
ವೆಳಾ ಕಾಳಾ ಸವೆಂ ತುಂ ಇತ್ಲೆಂ ಬದಲ್ತಾಲೆಂಯ್ ಹಾಂವೆ ಚಿಂತ್ಲೆನಾಂ !

ಸೊಬ್ತಾಲೆಂಯ್ ತುಂ ಅಂಜಾಪರಿ ಅವಯ್ಚಾ ಉಸ್ಕ್ಯಾರ್ ಖೆಳ್ತಾನಾಂ
ಕಾಳ್ಜಾಕ್ ಅಮ್ಚಾಂ ಸಂತೊಸ್ ದಿಲೊಯ್ ಪಯ್ಲಿಂ ಮೆಟಾಂ ಗಾಲ್ತಾನಾಂ
ತುಕಾ ಪಳೆಂವ್ಕ್ ಸೆಜಾರಿಂ ಜಮ್ತಾಲಿಂ ಅಂಗ್ಣಾಂತ್ ತುಂ ದಂವ್ತಾನಾಂ
ಘರ್ಚಾಂಕ್ ತುಜಾ ದುಕ್ತಾಲೆಂ ತುಂ ಪಡೊನ್-ಉಟೊನ್ ರಡ್ತಾನಾಂ

ದೆವಾಸ್ಪೊಣ್ ಉಟೊನ್ ದಿಸ್ತಾಲೆಂ ಇಗರ್ಜೆಕ್ ಮೆಟಾಂ ಗಾಲ್ತಾನಾಂ
ಭಕ್ತಿಪಣಾಂತ್ ತುಂ ಸೊಭ್ತಾಲೆಂಯ್ ಮಾತ್ಯಾರ್ ವೇಲ್ ಗಾಲ್ನ್ ಚಲ್ತಾನಾಂ
ವಿಧೆಯ್ ಪಣ್ ತುವೆಂ ದಾಕಯ್ಲೆಂಯ್ ವ್ಹಡಿಲಾಂಕ್ ಮಾನ್ ದಿತಾನಾಂ
ಖಾಲ್ತೆಪಣಾಂತ್ ತುಂ ಜಿಕ್ಲೆಂಯ್ ಅಸ್ಕತ್ಯಾಂಕ್ ತುಂ ಪಾವ್ತಾನಾಂ

ಬದಲ್ಲೆಂಯ್ ತುಂ ತುಜೆ ಭಿತರ್ ವಾಡೊನ್ ತುಂ ಯೆತಾನಾಂ
ಸೈರಿಂ-ದೈರಿಂ ತುಕಾ ನಾಕ ಜಾಲಿಂ ಇಷ್ಟ್ ತುಕಾ ಬೆಟ್ತಾನಾಂ
ಸೆಜಾರ್ಯಾಂಚೊ  ತುಕಾ ವಿಸರ್ ಪಡ್ಲೊ ಕಾಲೆಜಿಕ್ ತುಂ ಪಾವ್ತಾನಾಂ
ಗಾಂವ್ಚಾಂ ಲೊಕಾಂಕ್ ವಿಸ್ರೊನ್ ಸೊಡ್ಲೆಂಯ್ ಡಿಗ್ರಿ ಹಾತಾಕ್ ಮೆಳ್ತಾನಾಂ

ಆವೈ-ಬಾಪಾಯ್ಕ್ ಪೊಯ್ಸ್ ಕೆಲೆಂಯ್ ಕಾಜಾರಿ ಜಿವಿತಾಕ್ ರಿಗ್ತಾನಾಂ
ಮಾಂಯ್ ಭಾಸ್ ತುಕಾ ನಾಕಜಾಲಿ ಪರ್ಗವಾಂತ್ ತುಂ ಘೊಳ್ತಾನಾಂ
ಭಾವ್-ಭಯ್ಣಿಂಚೊ ವಿಸರ್ ಪಡ್ಲೊ ಮೊಟೆ ಪೊಯ್ಶೆ ಮೆಳ್ತಾನಾಂ
ಮೀಸ್ ನೊವೆನಾಂ ಪಯ್ಸ್ ಕೆಲೆಂಯ್ ಸುಖಾಚೆಂ ಜಿವಿತ್ ಚಲ್ತಾನಾಂ

ವಿಸ್ರನಾಕ ಕುಡಿಚಿ ಸೊಭಾಯ್ ಶಾಶ್ವಾತ್ ತಿ ಉರ್ಚಿನಾಂ
ಪುಂಜಾಯಿಲ್ಲೊ ದುಡು-ಬಂಗಾರ್ ಮೊರ್ತಾನಾಂ ವೊರುಂಕ್ ಜಾಂವ್ಚೆ ನಾಂ
ಹೊಗ್ಡಾಯಿಲ್ಲೊ ಮಾನ್ ಅಪ್ಣಾಂವ್ಕ್ ಗ್ರೆಸ್ತ್ ಕಾಯೆಕ್ ಜಾಂವ್ಚೆಂ ನಾಂ
ವ್ಹಡ್ಪಾಣ್ ಅಪ್ಣಾವ್ನ್ ಎಕ್ಸುರೆಂ ಜಾಲ್ಯಾರ್ ಉಲೊಂವ್ಕ್ ಕೊಣ್ಣಿ ಮೆಳ್ಚೆನಾಂ

ಚಾಳಿಸ್ ವರ್ಸಾಂ ಅರಣ್ಯಾಂತ್ ಚಲ್ಚಿ ಶಿಕ್ಶಾ......

ಸರ್ವೆಸ್ಪರಾಚ ಅದೆಶಾ ಕಾಲ್ ಮೊಯ್ಜೆ ಬಾರಾ ಕುಳಿಯೆಚ ಏಕೆಕ್ಲ್ಯಾಂಕ್ ವಿಂಚ್ತಾ
ಭಾಸಯಿಲ್ಲ್ಯಾ ಕಾನಾನ್ ದೆಶಾಚಿ ಖಬರ್ ಕಾಡುಂಕ್ ತಾಂಕಾಂ ದಾಡ್ತಾ
ತ್ಯಾ ದೆಶಾಚ ಲೊಕಾಂಚಿ ಆನಿ ಶಹರಾಚಿ ವಿವರ್ ಹಾಡುಂಕ್ ತಿಳ್ಸಿತಾ
ಪಾಟಿಂ ಯೆತಾನಾಂ ತ್ಯಾ ದೇಶಾ ಥಾವ್ನ್ ಫಳ್-ವಸ್ತು ಹಾಡುಂಕ್ ಪರ್ಮಾಯ್ತಾ

ಚಾಳಿಸ್ ದೀಸ್ ಕಾಬಾರ್ ಜತೆಚ್ ದಾಡ್ಲೊಲೊ ಲೋಕ್ ಪಾಟಿಂ ಯೆತಾ
ತ್ಯಾ ದೆಶಾಚಿ ಗ್ರೇಸ್ತ್ ಕಾಯ್ ಅಪ್ಲ್ಯಾಚ್ ಉತ್ರಾನಿಂ ಮೊಯ್ಜೆಕ್ ವರ್ಣಿತಾ
ಸರ್ವೆಸ್ಪರಾಚ ಉತ್ರಾ ಪ್ರಕಾರ್ ಖರೆಂಚ್ ಥೈಂ ದೂದ್ ಆನಿ ಮೊಂವ್ ವಾಳ್ತಾ
ಥೈಂಚೊ ಲೋಕ್ ಬಲಿಷ್ಠ್ ಅಸೊನ್, ಶಹರಾಕ್ ಕೊಟಿಂ ಬಾಂದುನ್ ವಸ್ತಿ ಕರ್ನ್ ಅಸ್ತಾ

ಹಾಂಚಾ ಪಯ್ಕಿಂ ಕಾಲೆಬ್ ಮಾತ್ರ್ ದೇಶ್ ಸ್ವಾಧಿನ್ ಕರ್ಚಾ ವಿಶಿಂ ಉಲಯ್ತಾ
ಉರ‍್ಲ್ಲೊ ಲೋಕ್ ಝುಜಾಕ್ ಭಿಯೆವ್ನ್ ಕಾನಾನ ವಿಶಿಂ ಪೊಟ್ ಖಬರ್ ದಿತಾ
ಜಮೊ ಜಾಲ್ಲೊ ಲೋಕ್ ಭಿಯೆತಾ, ಮೊಯ್ಜೆ ಆನಿ ಅರೊನಾ ವಿರೊದ್ ಶಿಣ್ ಉಲಯ್ತಾ
ಲೊಕಾಂಚಿ ಚಿಂತ್ನಾಂ ಸರ್ವೆಸ್ಪರಚ ವಿರೊಧ್ ಜಾಲ್ಲ್ಯಾನ್ ದೇವ್ ರಾಗಾರ್ ಜಾತಾ

ಮಾರಿಚಿ ಪಿಡಾ ದಾಡ್ನ್ ಅಪ್ಣೆ ರಾಕ್ಲೆಲ್ಯಾ ಲೊಕಾಂಕ್ ನಾಸ್ ಕರುಂಕ್ ಚಿಂತಾ
ಮೊಯ್ಜೆ ದೇವಾ ಕಡೆ ಉಲಯ್ತಾ ಆನಿ ತಾಂಚಿ ಪಾತ್ಕಾಂ ಬೊಗ್ಸುಂಕ್ ಪರತ್ತಾ
ಕಾಲೆಬಾಕ್ ಆನಿ ತಾಚ ಸಂತತಿಕ್ ಮಾತ್ರ್ ಕಾನಾನ್ ದೇಶ್ ದೇವ್ ಭಾಸಯ್ತಾ
ತಾಂಚ ಪಾತ್ಕಾಂಕ್ ಶಿಕ್ಶಾ ಜಾವ್ನ್ ಅರಣ್ಯಾಂತ್ ಪಾಟಿಂ ವೊಸೊಂಕ್ ಪರ್ಮಾಯ್ತಾ

ದೆವಾಚಿ ಸಸಾಯ್ ನಸ್ತಾನಾಂ ಇಸ್ರಾಯೆಲ್ ಲೋಕ್ ಪರ್ತುನ್ ಕಾಷ್ಟಾಕ್ ಸಂಪ್ಡಾತಾ
ಅಪ್ಣಾ ವಾಯ್ರ್ ಕಾಷ್ಟ್ ಅನ್ವಾರಾಂ ಅಯಿಲ್ಲ್ಯಾ ತವಾಳ್ ದೇವಾ ವಿರೊದ್ ಉಲಾಯ್ತಾ
ರಾತಿಕ್ ಉಜ್ವಾಡ್ ಜಾವ್ನ್, ದಿಸಾಕ್ ಕುಪಾಚ ರುಪಾರ್ ದೇವ್ ತಾಂಕಾಂ ವಾಟ್ ದಾಕಯ್ತಾ
ಸರ್ವೆಸ್ಪರ್ ಸೊಸ್ಣಿಕಾಯೆಚೊ ಜಾಲ್ಲ್ಯಾನ್ ಇಸ್ರಾಯೆಲಿತಾಂಚಿ ಚುಕಿ ತೊ ಬೊಗ್ಶಿತಾ

ಖಬರ್ ಕಾಡುಂಕ್ ಚಾಳಿಸ್ ದೀಸ್ ಲಾಗಯಿಲ್ಲ್ಯಾನ್ ಚಾಳಿಸ್ ವರ್ಸಾಂ ಅರಣ್ಯಾಂತ್ ಚಲಯ್ತಾ
ದೆವಾಚೆರ್ ತಾಣಿಂ ಪಾತ್ಯೆಣಿಂ ಸಾಂಡ್ಲೊ ದೆಕುನ್ ಮರಣ್ ತಾಂಕಾಂ ದಾಡ್ತಾ
ಕಾಲೆಬ್ ಆನಿ ಜೊಶ್ವಾ ಸಿವಾಯ್ ದುಸ್ರ್ಯಾ ಸಕ್ಟಾಂಚೊ ನಾಶ್ ಜಾಯ್ಶೆಂ ಕರ್ತಾ
ಚಾಳಿಸ್ ವರ್ಸಾಂ ಪಾಯ್ಣ್ ಕೆಲ್ಲ್ಯಾ ಉಪ್ರಾಂತ್ ಕಾನಾನ್ ದೇಶ್ ಪಳೆಂವ್ಕ್ ಮೆಳ್ತಾ

ಆದಿಂ ಥಾಂವ್ನ್ ತೊ ಅಸಾ....

ವೇಳಾಕಾಳಾ ಪುರ್ವಿಂ ಸಬ್ದ್ ಜಾವ್ನ್ ದೇವಾ ಸವೆಂ ಅಸ್ಲೊ
ತಾಚೆ ಮಾರಿಪಾತ್ ಸಂಸಾರಾಚ್ಯೊ ವಸ್ತು ರಚನ್ ಜಾಲ್ಯೊ
ರಚ್ಲೆಲ್ಯಾ ಸಾರ್ವ್ ವಸ್ತುನಿಂ ತಾಚೆ ಥಾವ್ನ್ ಜೀವ್ ಜೊಡ್ಲೊ
ತೊ ಜೀವ್‍ಚ್ ಮನ್ಶಾಕುಳಾಚೊ ಉಜ್ವಾಡ್ ಜಾಂವ್ಕ್ ಪಾವ್ಲೊ

ನೊಯೆಚ ಕಾಳಾರ್ ತಾರುಂ ಜಾವ್ನ್ ನಿತಿವಂತಾಕ್ ರಾಕ್ಲೆಂ
ಆರಣ್ಯಾಂತ್ ಖಡ್ಪಾಚೆಂ ಉದಾಕ್ ಜಾವ್ನ್ ತಾನ್ ಭಾಗಯ್ಲಿ
ಆಕಾಸ ಥಾವ್ನ್ ಪಡ್ಚೆಂ ಮನ್ನಾ ಜಾವ್ನ್ ಭುಕ್  ತಾಂಬಯ್ಲಿ
ಪಿತುಳ್ಚೊ ಸೊರಪ್ ಜಾವ್ನ್ ಜೀವ್ ತಾಂಚೊ ವಾಟಯ್ಲೊ

ಮೋಗ್ ಜಾವ್ನ್ ಸಂಸಾರಾಕ್ ಬಾಪಾ ಥಾವ್ನ್ ತೊ ಅಯ್ಲೊ
ಮರಿ ಮಾಯೆಚ ಉದಾರಿಂ ಬಾಳ್ ಜಾಂವ್ನ್ ಜಾಲ್ಮಾಲೊ
ಉದೆಂತಿಚ ತೇಗ್ ರಾಯಾಂಥಾವ್ನ್ ಮಾನ್ ತಾಣೆಂ ಘೆತ್ಲೊ
ಹೆರೊದ್ ರಾಯಾಚ ರಾಜ್ವಾಟ್ಕೆಕ್ ಸವಾಲ್ ತೊ ಜಾಲೊ

ಸ್ನಾನ್ ದಾತಾರ್ ಜುಂವಾವ್ನ್ ವಾಟ್ ತಾಕ ತಯಾರ್ ಕೆಲೊ
ಜೊರ್ದಾನ್ ನ್ಹಂಯ್ತ್ ಸ್ನಾನ್ ಘೆತನಾಂ ಬಾಪನ್ ತಾಕ ಮಾಕ್ಲೊ
ದೆಂವ್ಚಾರಾಚ ತಾಳ್ನೆಂತ್ ಜಯ್ತೆವಂತ್ ತೊ ಜಾಲೊ
ತೀಸ್ ವರ್ಸಾಂ ಪ್ರಾಯೆರ್ ಮಣಿಯಾರ್ಪಣ್ ಆರಂಭ್ ಕೆಲೊ

ಬಾರಾಂ ಜಾಣಾಂ ಶಿಸಾಂಕ್ ತಾಣೆಂ ಪಾಟ್ಲಾವ್ ಕರುಂಕ್ ನೆಮ್ಲೊ
ತಾಚ ಉತ್ರಾಂಕ್ ಕಾನ್ ದೀಂವ್ಕ್ ಲೋಕ ಜಮೊ ವಾಡ್ಲೊ
ದುಸ್ಮಾನಾಂಚೊ ಮೋಗ್ ಕರುಂಕ್ ತಾಣೆಂ ಉಲೊ ದಿಲೊ
ಮಾಗ್ಣೆಂ ಕರುಂಕ್ ಶಿಕೊವ್ನ್ ಲೊಕಾಂಕ್ ಮೊಗಾಚೊ ಜಾಲೊ

ಕೊಡ್ಕರಾಂಕ್ ನಿತಳ್ ಕಾರ್ನ್ ವೈಜಾಂಚೊ ವೈಜ್ ಜಾಲೊ
ವಾರೆಂ-ವಾದಳ್ ಥಾಂಬವ್ನ್ ತಾಣೆಂ ಅಪ್ಲೊ ಅಧಿಕಾರ್ ದಾಕಯ್ಲೊ
ಮೆಲ್ಲ್ಯಾ ಕುಡಿಕ್ ಜೀವ್ ಕಾರ್ನ್ ಸರ್ಗಿಂಚೊ ಘುಟ್ ಸೊಡಯ್ಲೊ
ತೊಂಟೆ, ಮೋನೆ, ಕುರ್ಡ್ಯಾಂಕ್ ತಾಣೆಂ ಉರ್ಬೆವಂತ್ ಕೆಲೊ

ಚುಕೊನ್ ಗೆಲ್ಲ್ಯಾ ಬಕ್ರ್ಯಾಂಕ್ ಸೊದುಂಕ್ ತೊ ಅಯಿಲ್ಲೊ
ವಾಟ್ ಸುಕ್ಲೆಲ್ಯಾ ಭಾವಾಂ-ಭಯ್ಣಿಂಕ್ ಜಿವಿತ್ ತಾಣೆಂ ದಾಕಯ್ಲೊ
ಅಪ್ಲ್ಯಾ ಶಿಸಾಂಚೆ ಪಾಂಯ್ ದುವ್ನ್ ಚಾಕೊರ್ ತೊ ಜಾಲೊ
ಏಕ ದೇವಾಕ್ ಮಾನ್ ಕರುಂಕ್ ಲಿಸಾಂವ್ ತಾಣೆಂ ದಿಲೊ

ಗೆತ್ಸೆಮನಿ ಮಳ್ಯಾಂತ್ ಬಾಪಲಾಗಿಂ ತೊ ಉಲಯ್ಲೊ
ಮನ್ಶಾ ಕುಳಾಚ ಪಾತ್ಕಾ ಖಾತಿರ್ ಖುರಿಸ್ ತಾಣೆಂ ವಾವೊಯ್ಲೊ
ಸಂಸಾರಾಕ್ ಸೊಡ್ವಾಣ್ ದೀಂವ್ಕ್ ಪ್ರಾಣ್ ತಾಣೆಂ ಅರ್ಪಿಲೊ
ಮರ್ಣಾ ವಾಯ್ರ್ ಜಾಯ್ತ್ ವರ್ನ್ ತಿಸ್ರ್ಯಾದಿಸಾ ಜಿವಂತ್ ಜಾಲೊ