ಮಾಲ್ಗಡ್ಯಾಂಕ್ ದಿಲ್ಲೊ ಅತ್ಮೊ........

ಸಿನಾಯ್ ಥಾವ್ನ್ ಪಾಯ್ಣ್ ಕಾರ್ನ್ ಇಸ್ರಾಯೆಲ್ ಪರ್ಜಾ ವಾಟ್ ಚಮ್ಕಾತಾ
ಇಸ್ರಾಯೆಲಾಚಿ ಬಾರಾ ಕುಳಿ ವಿಂಗಡ್ ವಿಂಗಡ್ ಜಾವ್ನ್ ಭಾಯ್ರ್ ಸರ್ತಾ
ಮೊಯ್ಜೆ ಅಪ್ಲ್ಯಾ ಮಿವ್ಣ್ಯಾ ಹೊಬಾಬಾಕ್ ಸಂಗಾತ ಯೇಂವ್ಕ್ ಅಪೊವ್ಣೆಂ ದಿತಾ
ಹೊಬಾಬ್ ಅರಣ್ಯಾಂತ್ ತಂಬು ಮಾರ್ಚಾ ವಿಶಿ ಪರಿಣತ್ ಜಾವ್ನಾಸ್ತಾ

ಸೊಲ್ಲ್ಯಾಚಿ ಪೇಟ್ ಘೆವ್ನ್ ಪರ್ಜಾ ತಾಬೇರಾ ನಾಂವಾಚಿ ಸುವಾತ್ ಪಾವ್ತಾ
ಹಾಂಗಾ ಲೋಕ್ ಪರ್ತುನ್ ಮೊಯ್ಜೆ ಆನಿ ದೆವಾ ವಿರೊಧ್ ಶಿಣ್ ಉಲಯ್ತಾ
ದೇವ್ ಕ್ರೊಧಿತ್ ಜಾತಾ ತಾಚಾ ಕ್ರೊಧಾಚೊ ಉಜೊ ತಾಂಚೆರ್ ಪೆಟ್ತಾ
ತಾಂಚಾ ಪಾತ್ಕಾಕ್ ಶಿಕ್ಶಾ ಜಾವ್ನ್ ಶಿಬಿರಾಚ ಏಕ ಕುಶಿಚೊ ನಾಸ್ ಜಾತಾ

ಅರಣ್ಯಾಂತ್ ವಾಟ್ ಚಮ್ಕಾತಾನಾಂ ಲೋಕ್ ಮಾಸ್ ಖಾಂವ್ಕ್ ಅಶೆತಾ
ಏಜಿಪ್ತಾಂತ್ ಮಾಸ್ ಖೆಲ್ಲೆ ದೀಸ್ ಉಗ್ಡಾಸ್ ಕಾರ್ನ್ ಮೊಯ್ಜೆಕ್ ಪುರ್ಪುರ್ತಾ
ಮೊಯ್ಜೆ ಲೊಕಾಂಚಿ ಪಿರ್ಯಾದ್ ಘೆವ್ನ್ ಸರ್ವೆಸ್ಪರಾ ಮುಕಾರ್ ರಾವ್ತಾ
ಧಾರುಣ್ ಕಾಳ್ಜಾಚ ಇಸ್ರಾಯೆಲಿತಾಂಕ್ ಸಾಂಬಾಳುಂಕ್ ಸಹಾಯ್ ಅಶೆತಾ

ದೇವ್ ಇಸ್ರಾಯೆಲಿತಾಂಚ ಸತ್ತರ್ ಮಾಲ್ಗಡ್ಯಾಂಕ್ ಏಕ್ಟಾಂಯ್ ಕರುಂಕ್ ಸಂಗ್ತಾ
ದೇವ್ ಕುಪಾಂತ್ ಸಕ್ಲಾ ದೆಂವೊನ್ ಮೊಯ್ಜೆ ಕಡೆ ಪರ್ಜೆ ವಿಶಿಂ ಉಲಯ್ತಾ
ಮೊಯ್ಜೆ ಥಾವ್ನ್ ಇಲ್ಲೊ ಅತ್ಮೊ ಕಾಡ್ನ್ ಮಾಲ್ಗಡ್ಯಾಂಕ್ ವಾಂಟುನ್ ದಿತಾ
ಮೊಯ್ಜೆಚೊ ಅತ್ಮೊ ಘೆತ್‍ಲ್ಲ್ಯಾ ಮಾಲ್ಗಡ್ಯಾಂಚೆರ್ ದೆವಾಚೊ ಸ್ಪಿರಿತ್ ದೆಂವ್ತಾ

ಮೊಯ್ಜೆಚೊ ಅತ್ಮೊ ಘೆತ್‍ಲ್ಲ್ಯಾ ಮಾಲ್ಗಡ್ಯಾಂಕ್ ಪ್ರವಾದ್ ಕರ್ಚೆಂ ದೆಣೆಂ ಮೆಳ್ತಾ
ದೇವ್ ಸ್ಪಿರಿತಾಚ ಮಾಲ್ಗಡ್ಯಾಂಕ್ ಮೊಯ್ಜೆ ಅಪ್ಲೆಂ ಕಾಮ್ ವಾಂಟುನ್ ದಿತಾ
ದೆವಾನ್ ಮಾಕ್ಲೆಲ್ಯಾ ಮಾಲ್ಗಡ್ಯಾಂ ವರ್ವಿಂ ಮೊಯ್ಜೆಚೆಂ ಕಾಮ್ ಸುಲಭ್ ಜಾತಾ
ದೆವಾಚ ಖುಶೆ ಪರ್ಮಾಣೆ ಮೊಯ್ಜೆ ತಾಂಕಾಂ ಕಾನಾನಚಿ ವಾಟ್ ದಾಕಯ್ತಾ

ಚೆಡುಂ......ಶಾಲೆಟ್.

ಮಿಸಾಕ್ ಮ್ಹಣೊನ್ ಗೆಲ್ಲೊ ಹಾಂವ್ ಅದ್ಲ್ಯಾ ಸುಕ್ರಾರ
ಕಾಯ್ದ್ಯಾಂಚೆ ತೆಂ ಮೀಸ್ ಅಮಾ ಗಾಲ್ಫಾ ಘರಾಂಕ್
ಸೊಭ್ತಾಲೆಂ ತೆಂ ತರ್ನೆ ಶಲೆಟ್ ತಾಂಬ್ಡ್ಯಾ ವಸ್ತುರಾರ್
ನದಾರ್ ಘುಂವ್ಡಾಂವ್ಕ್ ಜಾಲೆಂ ನಾಂ ಅಕೆರ್ ಪರ್ಯಾಂತ್

ಚಿಂತ್ನಾಂನಿ ಬುಡಯ್ಲೆಂ ಮ್ಹಾಕಾ ಮೊಗಾಚ ಸಾಗೊರಾಂತ್
ಹಾತಾಕ್ ಹಾತ್ ದರ್ನ್ ಚಲ್ಲ್ಯಾಂವ್ ಶಿತಾಳ್ ವಾರ್ಯಾಂತ್
ಬುಡ್ಚೊ ಸುರ್ಯೊ ತಾಂಬ್ಡೊ ಜಾವುನ್ ಹಾಸ್ತಾಲೊ ಪಳೆವ್ನ್
ಉಡ್ಚಿಂ ಲಾರಾಂ ಉಡೊನ್ ಪಡ್ತಾಲಿಂ ಸಂಗಾತ್ ಲಾಲೆವ್ನ್

ದೊಳ್ಯಾಂಕ್ ದೊಳೆ ದೀವ್ನ್ ಅಮಿಂ ಉಲೊಂವ್ಚಾರ್ ಪಡ್ಲ್ಯಾಂವ್
ಕಾಳ್ಜಾ ಭಿತರ್ ಮೊಗಾಕ್ ದವರ್ನ್ ಹಾಸೊನ್ ಕೆಳ್ಳ್ಯಾಂವ್
ಪುನ್ವೆ ಚಂದ್ರ್ ಗವಾಯ್ ಜಾಲೊ ಅಮ್ಚಾ ಹ್ಯಾ ಮೊಗಾಕ್
ಪರ್ಜಳ್ಚಾ ನೆಕೆತ್ರಾನಿಂ ಸಂಗಾತ್ ದಿಲೊ ಅಖ್ಖ್ಯಾ ರಾತಿಕ್

ಉತಾರ್ ದಿಲೆಂ ಕಾಜಾರ್ ಜಾಂವ್ನ್ ಜಾಂವ್ಚಾಕ್ ಏಕ್ವಾಟ್
ಮೊಗಾಕ್ ಅಮ್ಚಾಂ ರೂಪ್ ದೀಂವ್ಕ್ ದುಸ್ರಿ ನಾಂ ವಾಟ್
ಲೊಕಾಂಕ್ ತಿಳ್ಸುಂಕ್ ಪಾದ್ರಿ ಭಾವಾನ್ ವಾಚ್ಲಿ ಕಾಜಾರಾಚಿ ಚೀಟ್
ಕಾಜಾರ್ ಜಾವ್ನ್ ಸೊಬ್ಲೆಂ ಚೆಡುಂ ಜಾವ್ನ್ ಜಿವಿತಾಚಿ ವಾತ್

ಏಕ ಪಾಟ್ಲ್ಯಾನ್ ಏಕ್ ಭುರ್ಗೆಂ ಸೊಬ್ಲೆಂ ಅಮ್ಚೆಂ ಘರ್
ಏಕಮೆಕ ಸಂಗಾತ್ ದೀಂವ್ಕ್ ಅಮಿಂ ಸದಾಂಚ್ ತಯಾರ್
ಮೊರಾ ಪರ್ಯಾಂತ್ ಸಾಂಡ್ಚೊ ನಾಂ ಕೆಲೊ ಹಾಂವೆ ನಿರ್ಧಾರ್
ಜಾಗೊ ಜಾವುನ್ ಪಳಯ್ತಾನಾಂ ಬೊಸ್ಲಾಂ ಹಾಂವ್ ಬಾಂಕಾರ್

ದೆವಾಚೆ ಉಪದೇಸ್.......ಇಸ್ರಾಯೆಲಿತಾಂಚೆ ಧಾರುಣ್ ಕಾಳಿಜ್.

ಇಸ್ರಾಯೆಲಿತಾಂಕ್ ಏಜಿಪ್ತಾ ಥಾವ್ನ್ ಸೊಡವ್ನ್ ದೇವ್ ತಾಂಕಾ ವಾಟ್ ದಾಕಯ್ತಾ
ದೇವ್ ಮೊಯ್ಜೆಕ್ ಸಿನಾಯ್ ಪರ್ವತಾರ್ ಯೇವ್ನ್ ಮೆಳೊಂಕ್ ಅಜ್ನಾ ದಿತಾ
ಸಿನಾಯ್ ಪರ್ವತಾರ್ ಚಾಳಿಸ್ ದೀಸ್-ರಾತ್ ಮೊಯ್ಜೆ ದೆವಾಸವೆಂ ರಾವ್ತಾ
ದೇವ್ ಇಸ್ರಾಯೆಲ್ ಪರ್ಜೆನ್ ಪಾಳಿಜೆ ಜಾಲ್ಲ್ಯೊ ನಿಯಾಮಾಂ ತಾಕಾ ದಿತಾ

ಮೊಯ್ಜೆನ್ ಪಾಟಿಂ ಯೆಂವ್ಚೆಂ ಘಳಾಯ್ ಕೆಲ್ಲ್ಯಾನ್ ಲೋಕ್ ಉಪ್ರಾಟ್ತಾ
ಆರೊನ ಸರ್ಶಿಂ ವಸೊನ್ ಬಾಂಗಾರಾಚೆಂ ವಾಸ್ರುಂ ಕಾರ್ನ್ ದಿಂವ್ಕ್ ಪರತ್ತಾ
ಲೊಕಾಂಚಾ ಧಾರುಣಾಯೆಕ್ ಲಾಗುನ್ ಆರೊನ್ ತಾಂಚೆ ಉತಾರ್ ಅಯ್ಕಾತಾ
ದೆವಾಚ ಇಚ್ಚೆ ವಿರೊದ್ ವೊಸೊನ್ ತಾಣಿಂ ಆಶೆಲ್ಲೆಂ ವಾಸ್ರುಂ ಪೆಟೊನ್ ದಿತಾ

ಅಪ್ಣಾಕ್ ವಿರೊಧ್ ಗೆಲ್ಲ್ಯಾ ಲೊಕಾಂಕ್ ನಾಸ್ ಕರ್ತಾಲೊಂ ಮ್ಹಣ್ ದೇವ್ ಅಶೆತಾ
ಪೂನ್ ಮೊಯ್ಜೆಚೆಂ ಮಾಗ್ಣೆಂ ಅಯ್ಕೊನ್ ತಾಂಕ ಸಂಬಾಳ್ನ್ ವರ್ಚಿ ಭಾಸ್ ದಿತಾ
ಮೊಯ್ಜೆ ಘಳಾಯ್ ಕರಿನಾಸ್ತಾಂ ಉಪದೆಸಾಂಚೊ ಫಳಿಯೊ ಘೆವ್ನ್ ಸಕ್ಲಾ ದೆಂವ್ತಾ
ಲೋಕ್ ದೇವಾ ವಿರೊಧ್ ಗೆಲ್ಲೆಂ ಪಳೆವ್ನ್ ಹತಾಂತ್ ಅಸ್ಲ್ಯೊ ಫಳಿಯೊ ಪಿಟೊ ಕರ್ತಾ

ದೆವಾಚ ಜಾಗ್ಯಾರ್ ಅಸ್ಚೆಂ ವಾಸ್ರುಂ ಪಿಟೊ ಕಾರ್ನ್ ಉದ್ಕಾಂತ್ ಉಡಾಯ್ತಾ
ತಾಂಚ್ಯಾ ಪಾತ್ಕಾಕ್ ಶಿಕ್ಶಾ ಜಾವ್ನ್ ತೆಂ ಉದಾಕ್ ತಾಂಕಾ ಪಿಯೆಂವ್ಕ್ ಲಾಯ್ತಾ
ಲೋಕ್ ದೆವಾಕ್ ವಿರೊದ್ ಗೆಲ್ಲ್ಯಾನ್ ಬೊರ್ಯಾ ಆನಿ ಕೊಟ್ಯಾಂಚೊ ವಿಂಗಾಡ್ ಜಾತಾ
ಲೆವಿಚ ಕುಳಿಯೆಕ್ ಮೊಯ್ಜೆ ವಿಂಚ್ತಾ ಆನಿ ತಾಂಚೆಥಾವ್ನ್ ತೀನ್ ಹಜಾರಾಂಚೊ ನಾಸ್ ಕರಯ್ತಾ

ಮೊಯ್ಜೆ ನವ್ಯೊ ಫಳಿಯೊ ಕಾರ್ನ್  ಪರ್ತುನ್ ದೆವಾಕ್ ಬೆಟೊಂಕ್ ಪರ್ವತಾಕ್ ವೆತಾ
ದೇವ್ ಪರ್ತ್ಯಾನ್ ತ್ಯಾ ಫಳಿಯಾಂಚೆರ್ ಧಾ ಉಪದೇಸ್ ಬರೊವ್ನ್ ಮೊಯ್ಜೆಕ್ ದಿತಾ
ದೆವ್ ಆನಿ ಇಸ್ರಾಯೆಲಿತಾಂ ಮದೆಂ ಏಕ್ ಮಧ್ಯಸ್ಥ್ ಜಾವ್ನ್ ಮೊಯ್ಜೆ ವಾವ್ರ್ ಕರ್ತಾ
ಲೋಕ್ ಮೊಯ್ಜೆಕ್ ಆನಿ ದೆವಾಕ್ ಭಿಯೆತಾ ಆನಿ ದೆವಾಚಿಂ ಅಜ್ನಾಂ ಪಾಳುಂಕ್ ಶಿಕ್ತಾ

ಕೊಡ್ಯಾಳ್ಚೆಂ ವಿಮಾನ್ ದುರಂತ್....

ಘಡಿತ್ ತೆಂ ಘಡ್ಲೆಂ ವಿಸ್ರೊಂಕ್ ಜಾಯ್ನಾತ್ಲೆಂ
ಕೊಡ್ಯಾಳ್ಚಾ ಇತಿಹಾಸಂತ್ ಸದಾಂಚ್ ಉರ್ಚೆಂ ತಸ್ಲೆಂ
ಕಾಳ್ಜಾಂ ಭೆಸಾಂ ಕಾರ್ನ್ ಗಾಲೆಂ ರಾಕೊನ್ ರಾವ್ಲೆಲ್ಯಾಂಚೆ
ವಾಂಚುನ್ ಉರ್ಲೆಲ್ಯಾಂಕ್ ಜಿವಿತ್ ಜಾಲೆಂ ನಶಿಭಾಚೆಂ

ವರ್ಸಾಂ ಉಪ್ರಾಂತ್ ಅಪ್ಲ್ಯಾ ಪೆಲ್ಯಾಂಕ್ ಪಳೆಂವ್ಚೆಂ ತೆಂ ಭಾಗ್
ವಾಂಟುನ್ ಘೆಂವ್ಕ್ ವರ್ಸಾ ಥಾವ್ನ್ ಪುಂಜಾವ್ನ್ ದವರ‍್ಲ್ಲೊ ಮೋಗ್
ಪರ್ಗವಾಚೆಂ ಬೊರೆಂ-ವಾಯ್ಟ್ ವಾಂಟುನ್ ಘೆಂವ್ಚೊ ವೇಳ್
ಚಿಂತುಂಕ್ ಜಾಯ್ನಾ ಘಡಿತ್ ಜಾಯ್ತ್ ಇತ್ಲೆಂ ಕರಾಳ್

ಆವಯ್-ಬಾಪಯ್ಕ್ ಭುರ್ಗ್ಯಾಂಕ್ ಅಪ್ಲ್ಯಾ ಪಳೆಂವ್ಚಿ ತಿ ಅಶಾ
ಘೊವಾಕ್ ಅಪ್ಲ್ಯಾ ಬಾಯ್ಲ್-ಭುರ್ಗ್ಯಾಂ ಸಂಗಾತ ರಾಂವ್ಚಿ ಅಶಾ
ನವ್ಯಾ ಜೊಡ್ಯಾಂಕ್ ಸಕ್ರಾಮೆಂತಾಂತ್ ಏಕ್ ಜಾಂವ್ಚಿ ಅಶಾ
ದುರಂತಾಚ ತ್ಯಾ ಘಡಿತಾನ್ ಕೆಲೆಂ ಸಕ್ಡಾಂಕ್ ನಿರಾಶಾ

ಘಡ್ಯೆನ್ ಜೀವ್ ಉಬ್ಲೆ, ಚಿಂತುಂಕ್ ಜಾಯ್ನಾತ್ಲೆಂ ಘಡ್ಲೆಂ,
ಅಪ್ಲ್ಯಾಂಚಿ ವಾಟ್ ಪಾಳೈತೆಲ್ಯಾಂಕ್ ಘಡಿತಾನ್ ರುದಾನ್ ಹಾಡ್ಲೆಂ
ಉಜ್ಯಾಚ ನರ್ತಾನಾನ್ ಪಯ್ಣಾರ್ಯಾಂಕ್ ಜೀವ್ ಜೀವ್ ಲಾಸ್ಲೆಂ
ಅಪ್ಲ್ಯಾ ಮೊಗಾಚಾಂಕ್ ಪಳೆಂವ್ಚೆಂ ಭಾಗ್ ಸಪಣ್ ಜಾವ್ನ್ ಉರ್ಲೆಂ

ಉತ್ರಾಂ ನಾಂತ್ ಭುಜಾವಣ್ ದಿಂವ್ಕ್ ದುಃಖೆಸ್ತ್ ಕುಟ್ಮಾಂಕ್
ಶಿವಾಯ್ ತಾಂಚಾ ರುದಾನಾಂತ್ ದುಃಖಾಂ ಗಳೊವ್ನ್ ರಡುಂಕ್
ತುಟ್ಲೆಲ್ಯಾ ಕಾಳ್ಜಾಂಕ್ ಸಾಂತ್ವಾನ್ ಜಾಂವ್ಕ್ ಮಾಗ್ಯಾಂ ಅಮಿಂ ದೆವಾಕ್
ಸಸ್ಣಾಚೊ ವಿಶೆವ್ ಪಾವೊಕಾರ್ ಮ್ಹಣ್ ಅಂತರ್ಲೆಲ್ಯಾ ಅತ್ಮ್ಯಾಂಕ್

ಅಮ್ಚಿಂ ಕಾಜಾರಾಂ.......ತುಟ್ತಾತ್ ಕಿತ್ಯಾಕ್ ?

"ಕಾಜಾರಾಂ ಘಡ್ತಾತ್ ಸರ್ಗಾರ್" ಹೆಂ ಜಾಲಾಂ ತೊಂಡಾಚೆ ಉತಾರ್
ಘೊವ್-ಬಾಯ್ಲ್ ವಿಸ್ರೊನ್ ಗೆಲ್ಯಾಂತ್ ಜಿಯೆಂವ್ಚೆಂ ಕೊಣಾ ಖಾತಿರ್ ?
ದೆವಾ ಮುಕಾರ್ ಬಾಂದ್‍ಲ್ಲೊ ಭಾಂದ್ ತುಟ್ತಾ ಸುಲಭಾಯೆರ್
ಅಶೆಂಚ್ ಹೆಂ ಘಡ್ತಾ ತರ್ ಸಮಾಜೆಕ್ ಹೆಂ ಮಾರೆಕಾರ್

ಏಕಾ-ಮೆಕಾ ಮೊಗಾರ್ ಪಡೊನ್ ಥೊಡಿಂ ಜಾಲಿಂ ಕಾಜಾರ್
ಥೊಡ್ಯಾಂಕ್ ಸಯ್ರಿಕೊ ಯೆತಾತ್ ಅಪ್ಲ್ಯಾಚ್ ಕುಟ್ಮಾ ಭಿತರ್
ಥೊಡ್ಯಾನಿಂ ಸುಲಭಾಯೆನ್ ಸೊದ್ಲೆಂ ಅತಾಂಚಾ ಅಂತರ್ಜಾಳಾರ್
ಕಾಜಾರಿ ಮಾಲ್ಯಾನಿಂ ಮುಕಾರ್ ಪಡೊನ್ ತೊಡ್ಯಾಂಕ್ ಕೆಲೆಂ ಬೆಜಾರ್

ಚೆಡೊ-ಚೆಡುಂ ಏಕ್ ಜಾತಾತ್ ದೀವ್ನ್ ಎಕಾ-ಮೆಕಾ ಭಾಸ್
ದಿಲ್ಲಿ ಭಾಸ್ ಪರ್ನಿ ಜಾತ ಪಾಶಾರ್ ಜಾತೆಚ್ ದೀಸ್
"ಸುಖಾಂತ್ ಆನಿ ದುಃಖಾಂತ್" ಮ್ಹಳ್ಳೆಂ ವಿಸ್ರತಾ ಮನಿಸ್
ಹಂಕಾರ್, ಗರ್ವ್, ವ್ಹಡ್ಪಾಣ್ ರಾಜ್ ಕರ್ತಾ ಘರಾಂತ್

ಘೊವ್ ಆನಿ ಬಾಯ್ಲೆ ಮದೆಂ ಸೊಡ್-ದೊಡ್ ನಾಂ
ಶಿಕ್‍ಲ್ಲ್ಯಾ ಚೆಡ್ವಾಕ್ ಮುಟ್ಯೆಂತ್ ದವರುಂಕ್ ತಿತ್ಲೆಂ ಸುಲಬ್ ನಾಂ
ಪಯ್ಶೆ ಆಸ್‍ಲ್ಲ್ಯಾ ಚೆಡ್ಯಾಕ್ ಆಜ್-ಕಾಲ್ ಧರ್ನ್ ದಿಸಾನಾಂ
ಹಾಂಕ ಪಳೆವ್ನ್ ಘರ ಅಸ್‍ಲ್ಲ್ಯಾಂಕ್ ನೀದ್ ಪಡಾನಾಂ

ದಾಕ್ಟ್ಯಾ-ದಾಕ್ಟ್ಯಾ ಕಾರಣಾಂ ಖಾತಿರ್ ಜಗ್ಡೆಂ ಸುಕಾನಾಂ
ಜಗ್ಡೆಂ ಕರ್ನ್ ಕುಳಾರ ಗೆಲ್ಯಾರ್ ಮರ್ಯಾದ್ ಮೆಳನಾಂ
ಬಾಯ್ಲ್ ನಾತ್ಲ್ಯಾ ಘರಾಂತ್ ದಾದ್ಲ್ಯಾಕ್ ಸಮಾಧಾನ್ ಅಸನಾಂ
ಆಶೆಂ ಜಿಯೆವ್ನ್ ದೀಸ್ ಕಾಡುಂಕ್ ಸಮಾಜ್ ಸೊಡಿನಾಂ

ವಾಡಾ-ಚಡಾ ಸಂಸಾರ್ ಭರಾ ದೆವಾಚೆಂ ತೆಂ ಬೆಸಾಂವ್
ಇಗರ್ಜ್ ಮಾತಾ ಕಾಜಾರ ಪಯ್ಲೆಂ ದಿತಾ ಅಮ್ಕಾಂ ಲಿಸಾಂವ್
ಕುಟ್ಮಾ ಜಿವಿತಾಂತ್ ಜೆಜು ಅಸ್ಲ್ಯಾರ್ ದೆಕ್ತೆಲ್ಯಾಂವ್ ನೊವೆಸಾಂವ್
"ದೆವಾನ್ ಏಕ್ ಕೆಲ್ಲೆಂ ಮನಿಸ್ ಮೊಡಿನಾಯೆ" ಜಾಂವ್ದಿ ಅಮ್ಚೆಂ ಶ್ಲೊಗಾನ್

ದೇವ್ ಇಸ್ರಾಯೆಲಿತಾಂಕ್ ಅರಣ್ಯಾಂತ್ ಪೊಸ್ತಾ....

ತಾಂಬ್ಡೊ ದರ್ಯೊ ಉತ್ರೊನ್ ಇಸ್ರಾಯೆಲ್ ಪರ್ಜಾ ಅರಣ್ಯಾಂತ್ ಪಾಯ್ಣ್ ಕರ್ತಾ
ಅರಣ್ಯಾಂತ್ ವಾಂಳ್ಚೆಂ ಉದಾಕ್ ಪಿಯೆಂವ್ಕ್ ಜಾಯ್ನಾಸ್ತಾಂ ಕೊಡು ಅಸ್ತಾ
ಪಿಯೆಂವ್ಚಾ ಉತ್ಕಾಕ್ ಅತ್ರೆಗುನ್ ಲೋಕ್ ಮೊಯ್ಜೆ ವಿರೊಧ್ ಶಿಣ್ ಉಲಯ್ತಾ
ಮೊಯ್ಜೆ ರುಕಾಡಚೊ ಕುಡ್ಕೊ ಉದ್ಕಾಂತ್ ಉಡಯ್ತಾ ಆನಿ ಉದಾಕ್ ಗೋಡ್ ಜಾತಾ

ಇಸ್ರಾಯೆಲ್ ಪರ್ಜಾ ಪಾಯ್ಣ್ ಮುಂದಾರುನ್ ಸೀನಾಚಾ ಅರಣ್ಯಾಂತ್ ಚಲ್ತಾ
ವಾಟ್ ಚಮ್ಕೊನ್ ಭುಕ್ ಲಾಗ್ತಾನಾಂ ಪರ್ತುನ್ ದೇವಾ ವಿರೊದ್ ಶಿಣ್ ಉಲಾಯ್ತಾ
ಅತಾಂ ದೇವ್ ಇಸ್ರಾಯೆಲಿತಾಂಚಿ ಪರಿಕ್ಶ ಕರುಂಕ್ ತಯಾರ್ ಜಾತ
ಸರ್ಗಿಂ ಥಾವ್ನ್ ಮಾನ್ನಾ ದೀವ್ನ್ ತಾಂಚಿ ಭುಕ್ ತಾಂಬೊಂವ್ಕ್ ನಿರ್ದಾರ್ ಕರ್ತಾ

ಏಕ ದಿಸಾಕ್ ಜಾಯ್ ಪುರ್ತೆಂ ಮನ್ನಾ ಏಕ್ಟಾಂಯ್ ಕರುಂಕ್ ಅಜ್ನಾ ದಿತಾ
ತೊಡೊ ಲೋಕ್ ಫರ್ಮಾಯಿಲ್ಲ್ಯಾಚಾಕಿ ಚಾಡ್ ಎಕ್ಟಾಂಯ್ ಕಾರ್ನ್ ಚೂಕ್ ಅಧಾರ್ತಾ
ದೇವ್ ಮೊಯ್ಜೆ ಕಡೆ ಉಲಾಯ್ತಾ ತಾಂಕ ನೀಟ್ ವಾಟೆಕ್ ಹಾಡುಂಕ್ ತಿಳ್ಸಿತಾ
ಲೆಖವಾರ್ನ್ ಚಾಡ್ ಎಕ್ಟಾಂಯ್ ಕೆಲ್ಲ್ಯಾಚ ಮಾನ್ನಾಂತ್ ಕಿಡಿ ಪಡಾಶೆಂ ಕರ್ತಾ

ಮಾನ್ನಾ ಖಾವ್ನ್ ಜಿಣಿ ಸರ್ತಾನಾಂ ದೇವ್ ಸಬ್ಬತಾ ವಿಶಿಂ ಉಲಯ್ತಾ
ಸ ದೀಸ್ ಕಾಮ್ ಕರ್ನ್ ಸಾತ್ವ್ಯಾ ದಿಸಾ ವಿಶೆವ್ ಘೆಂವ್ಕ್ ಫರ್ಮಾಯ್ತಾ
ಏಜಿಪ್ತಾಥಾವ್ನ್ ಬಾಯ್ರ್ ಹಾಡ್ಲ್ಯಾ ಏಕ ದೆವಾಕ್ ಮಾನ್ ಕರುಂಕ್ ಶಿಕಯ್ತಾ
ಲೋಕ್ ಕಾನಾನ್ ದೇಶ್ ಪಾವ್ತಾ ಮ್ಹಣಾಸಾರ್ ಮಾನ್ನಾ ಖಾವ್ನ್ ದದೋಶಿ ಖಾತಾ

ಪಾಯ್ಣ್ ಮುಂದಾರ್ಸುನ್ ಪರ್ಜಾ ರೆಫಿದಿಮಾಂತ್ ತಾಂಬು ಮಾರ್ತಾ
ಪಿಯೆಂವ್ಕ್ ಉದಾಕ್ ಮೆಳನಾಸ್ತಾಂ ಪರ್ತ್ಯಾನ್ ಮೊಯ್ಜೆಕಡೆ ಝಗ್ಡೆಂ ಕರ್ತಾ
ಮೊಯ್ಜೆ ದೆವಾಕ್ ಬೊಬ್ ಮಾರ್ತಾ, ಪಿಯೆಂವ್ಕ್ ಉದಾಕ್ ದೀಂವ್ಕ್ ಪರಾತ್ತಾ
ಹೊರೆಬಾಚ ಖಡ್ಪಾಚೆರ್ ಬೆತ್ಕಾಟಿ ಮಾರೊವ್ನ್ ಉದಕ್ ವಾಳಾಶೆಂ ಕರ್ತಾ

ಅಮಾಲೆಕ್ ಸೈನ್ ಘೆವ್ನ್ ಇಸ್ರಾಯೆಲಿತಾಂ ವಿರೊದ್ ಝಗ್ಡ್ಯಾಕ್ ರಾವ್ತಾ
ಜೊಶುವಾ ಜುಜಾರ್ಯಾಂಕ್ ಸೊದುನ್ ಕಾಡ್ನ್ ಝಗ್ಡ್ಯಾಕ್ ತಯಾರ್ ಜಾತಾ
ಮೊಯ್ಜೆ ಅಪ್ಲೆ ಹಾತ್ ವಾಯ್ರ್ ಉಬಾರುನ್ ಇಸ್ರಾಯೆಲಿತ್ ಜಿಕಾಶೆಂ ಕರ್ತಾ
ದೇವ್ ಅಮಾಲೆಕಾ ವಿರೊನ್ ಝುಜೊನ್ ಇಸ್ರಾಯೆಲಿತಾಂಕ್ ಜಾಯ್ತ್ ಲಾಬಾಶೆಂ ಕರ್ತಾ

ತಾಂಬ್ಡ್ಯಾ ದರ್ಯಾಚಿ ಉತ್ರಾಣ್.....

ಏಜಿಪ್ತ್ ಸೊಡ್ನ್ ಇಸ್ರಾಯೆಲ್ ಪರ್ಜಾ ಅರಣ್ಯಾಂತ್ ಪಾಯ್ಣ್ ಕರ್ತಾ
ಮೊಯ್ಜೆಚ ಮುಖೆಲ್ಪಾಣಾಕಾಲ್ ದೇವ್ ತಾಂಕ ವಾಟ್ ದಾಕಯ್ತಾ
ಇಸ್ರಾಯೆಲಿತ್ ಪೋಳ್ನ್ ಗೆಲ್ಲಿ ಖಬರ್ ಪಾರಾವ್ಯಾಕ್ ರಾಗಾರ್ ಗಾಲ್ತಾ
ಕಶೆಂ ಪುಣಿ ಇಸ್ರಾಯೆಲಿತಾಂಕ್ ನಾಸ್ ಕರುಂಕ್ ತೊ ಉಪಾಯ್ ಸೊದ್ತಾ

ಪಾರಾವೊ ಅಪ್ಲೆಂ ರಥ್ ತಯಾರ್ ಕಾರ್ನ್ ಸೈನಿಕಾಂಕ್ ಎಕ್ಟಾಂಯ್ ಕರ್ತಾ
ಏಜಿಪ್ತಾಚ ಉತ್ತಿಮಾಂತ್ ಉತ್ತಿಮ್ ಝುಜಾರ್ಯಾಂಕ್ ಸಂಗಾತ ಘೆತಾ
ಇಸ್ರಾಯೆಲಿತಾಂಚಿ ಪಾಟ್ ದರ್ನ್ ತಾಣಿಂ ವಸ್ತಿ ಕರ್ಚಿ ಸುವಾತ್ ಸೊದ್ತಾ
ಅಪ್ಣಾಶಿಂ ಯೆಂವ್ಚಾ ಸೈನಿಕಾಂಕ್ ಪಳೆವ್ನ್ ಇಸ್ರಾಯೆಲ್ ಪರ್ಜಾ ಭಿಯೆತಾ

ಪರ್ತುನ್ ನಾಸ್ ಜಾಂವ್ಚಾ ಭಿಯಾನ್ ಲೋಕ್ ಮೊಯ್ಜೆ ವಿರೊಧ್ ಉಲಾಯ್ತಾ
ಪಾರಾವ್ಯಾ ಥಾವ್ನ್ ರಾಕೊನ್ ವರುಂಕ್ ಲೋಕ್ ದೆವಾಕ್ ಬೋಬ್ ಮಾರ್ತಾ
ದೇವ್ ಮೊಯ್ಜೆ ಕಡೆ ಉಲಾಯ್ತಾ, ಅಪ್ಣಾಚಿ ಸಕತ್ ದಾಕಂವ್ಕ್ ತಯಾರ್ ಜಾತಾ
ಏಜಿಪ್ತಾ ಥಾವ್ನ್ ಬಾಯ್ರ್ ಹಾಡ್ಲ್ಯಾ ಲೊಕಾಂಕ್ ರಾಕುನ್ ವರ್ಚಿ ಭಾಸ್ ದಿತಾ

ದರ್ಯಾಚ ತಡಿರ್ ತಾಂಬು ಮಾರ‍್ಲ್ಲ್ಯಾ ಪರ್ಜೆಕ್ ಮೊಯ್ಜೆ ದೈಯ್ರ್ ದಿತಾ
ದರ್ಯಾಚೇರ್ ಬೆತ್ಕಾಟಿ ಉಬಾರ್ನ್ ಉದಾಕ್ ವಾಂಟೆ ಜಾಂವ್ಕ್ ಮಾಗ್ತಾ
ದೇವ್ ಉದೆಂತಿ ಥಾವ್ನ್ ವಾರೆಂ ದಾಡ್ನ್ ಉದಾಕ್ ವಾಂಟೆ ಜಾಯ್ಶೆಂ ಕರ್ತಾ
ಕಷ್ಟಾಂತ್ ಸಂಪಡ್ಲೆಲ್ಯಾ ಇಸ್ರಾಯೆಲಿತಾಂಕ್ ಸುಕಿ ದರ್ಣ್ ಮುಕಾರ್ ದಿಸ್ತಾ

ಇಸ್ರಾಯೆಲ್ ಪರ್ಜಾ ಸುಕ್ಯಾ ಧರ್ಣಿರ್ ಅಪ್ಲೆಂ ಪಾಯ್ಣ್ ಮುಂದಾರ್ಸುನ್ ವೆತಾ
ಕುಪಾಚೊ ಖಾಂಬೊ ರಾತಿಚ ವೆಳಾರ್ ಇಸ್ರಾಯೆಲಿತಾಂಕ್ ಉಜ್ವಾಡ್ ದಿತಾ
ದೇವ್ ಧೂತ್ ಪಾಟ್ಲ್ಯಾನ್ ರಾವೊನ್ ಇಸ್ರಾಯೆಲ್ ಪರ್ಜೆಕ್ ರಕ್ಶಣ್ ಜಾತಾ
ದೇವ್ ಪರ್ಜಾ ಅವ್ಘಡವೀಣ್ ಶಭಿತಾಯೆನ್ ತಾಂಬ್ಡೊ ದರ್ಯೊ ಉತ್ರಾತಾ

ಇಸ್ರಾಯೆಲಿತಾಂಕ್ ನಾಸ್ ಕರುಂಕ್ ಸೈನ್ ದರ್ಯಾ ವಾಟೆನ್ ಮುಕಾರ್ ಸರ್ತಾ
ಮದ್ಯಾ ದರ್ಯಾಂತ್ ರಥಾಚಿಂ ಚಕ್ರಾಂ ರೊಂಬ್ತಾಚ್ ಸೈನ್ ಕಂಗಾಲ್ ಜಾತಾ
ಇಸ್ರಾಯೆಲಿತ್ ಉತ್ರೊನ್ ಜಾಲ್ಲೆಂಚ್ ವಾಂಟೆ ಜಾಲ್ಲೆಂ ಉದಾಕ್ ಏಕ್ ಜಾತಾ
ಪಾರಾವ್ಯಾಚೆಂ ಸಗ್ಳೆಂ ಸೈನ್ ಉದ್ಕಾಂತ್ ಬುಡೊನ್ ನಾಸ್ ಜಾತಾ

ಆವೈ...ತಿ....ಆವೈ....(Happy Mothers Day) May 8

ಕೊಣೆಂ ಮೋಲ್ ಬಾಂದ್ಲಾ ತುವೆಂ ದಿಲ್ಲ್ಯಾ ಮೊಗಾಕ್
ಉತ್ರಾಂ ನಾಂತ್ ವರ್ಣುಂಕ್ ತುವೆಂ ಕೆಲ್ಲ್ಯಾ ತ್ಯಾಗಾಕ್
ಮೊನ್ಶ ಜಿವೆತಾಂತ್ ವ್ಹಡ್ ಏಕ್ ಮಾಣಿಕ್ ತುಂ
ದೆವಾನ್ ದಿಲ್ಲೆಂ ತಾಚೆಂ ಅನ್ಯೇಕ್ ಪ್ರತಿರೂಪ್ ತುಂ

ನೋವ್ ಮಹಿನೆ ಗರ್ಭಭಿತರ್ ಆಪುರ್ಬಾಯೆನ್ ರಾಕ್ಲೆಂಯ್
ಪ್ರಸುತ್ ಪೊಣಾಚಿ ದೂಕ್ ಗೀಳ್ನ್ ಸಂಸ್ರಾಕ್ ಮಕಾ ದಿಲೊಯ್
ರಾಗತ್ ತೆಂ ದೂದ್ ಜಾವ್ನ್ ಖಾಣ್ ಜಾಶೆಂ ಕೆಲೆಂಯ್
ದೀಸ್ ರಾತ್ ಏಕ್ ಕಾರ್ನ್ ಉಸ್ಲ್ಯಾರ್ ತುಜ್ಯಾ ಖೆಳೈಲೆಂಯ್

ಪಾಸ್ಳೆಂತ್ ತುಜ್ಯಾ ನಿದೊವ್ನ್ ಗಾಣಾಂ ತುವೆಂ ಗೈಲಿಂಯ್
ಬುಕೆನ್ ಉಟೊನ್ ದೊಸ್ತಾನಾಂ ಪಾನೊ ತುವೆಂ ದಿಲೊಯ್
ತೇಲ್ ಪುಸುನ್ ದೀಷ್ಟ್ ಕಾಡ್ನ್ ಆಂಗ್ ಮೊಜೆಂ ದುಲೈಂಯ್
ರೋಸ್ ಬೊರೊವ್ನ್ ಪಿಡೆ ಶಿಡೆಂತ್ಲೆಂ ಸಂಬಾಳ್ನ್ ಮಾಕ ವೆಲೆಂಯ್

ಮೆಟಾಂ ಗಾಲ್ತಾಂ, ಬೊಟ್ ದರ್ನ್ ಆದಾರ್ ಮಾಕ ಜಾಲಿಯ್
ಪಡೊನ್ ಉಟೊನ್ ಘಾಯ್ ಜಾಲ್ಯಾರ್ ವೊಕೊತ್ ಮಾಕ ಪುಸ್ಲೆಂಯ್
ಹಾಂಡ್ಯೆರ್ ಬೊಸೊವ್ನ್, ಚಂದ್ರಕ್ ದಾಕೊವ್ನ್ ಖುಶಾಲ್ ಮಾಕಾ ಕೆಲೆಂಯ್
ವೆಳಾ ಕಾಳಾಕ್ ಪೊಟಾಕ್ ದೀವ್ನ್ ವಾಡೊನ್ ಯೆಶೆಂ ರಾಕ್ಲೆಂಯ್

ಆವೈ ತಿ ಆವೈ ದೆವಾಚೆ ವರ್ತೆಂ ದೆಣೆ ಅಮಾ ಮೊನ್ಶಾಂಕ್
ಆಸ್ಕಾತ್ ತಿ ಜಾಯ್ತ್ ಜಾಲ್ಯಾರ್, ಲೋಟಿನಾಕ ತಿಕಾ ಕೊನ್ಶಾಕ್
ಶಿರಾಪ್ ತುಜೆರ್ ಬೆಜ್ತಾಲೊ, ಆವ್ಕ್ ತುಂ ಹೊಗ್ಡಾಯ್ತಾಲೊಯ್
ಹೊಗ್ಡಾವ್ನ್ ತಿಕಾ ಗಾಲ್ಶಿ, ಅನಾಥ್ ಜಾವ್ನ್ ಉರ್ಶಿ.

ಮಾಂಯ್ ತುಂ ಜಾಲಿ ಆಧಾರ್....

ವಿಸ್ರೊಂಕ್ ಜಾಯ್ನಾ ಮೊಜಾನ್, ಚಿಂತಾ ಅಜೂನ್ ಉಗ್ಡಾಸ್ ಕರುನ್
ಮಾಂಯ್ ತುವೆಂ ಕೆಲ್ಲೊ ನಿರ್ದಾರ್, ಜಾಂವ್ಕ್ ಪಾವ್ಲೊ ಅಮ್ಕಾಂ ಆದಾರ್
ದೇವಸ್ಪೊಣಾನ್ ನೇಟಾಯ್ಲೆಂಯ್, ಮೊಗನ್ ಅಮ್ಕಾಂ ವಾಗೈಲೆಂಯ್
ಪೊಯ್ಶಿಲ್ಯಾ ಗಾವಾಂತ್ ಘೊಳೊನ್, ಪುಡಾರ್ ಅಮ್ಕಾಂ ದಾಕೈಲೊಯ್

ಪಾವ್ಲಿಯ್ ತುಂ ಗಾಲ್ಫಾಕ್, ಬುರ್ಗ್ಯಾಂಕ್ ತುಜಾ ಪೊಶ್ಚಾಕ್
ನಿರ್ದಾರ್ ತುವೆಂ ಕೆಲೊಯ್, ದುಸ್ರ್ಯಾಂಕಾರ್ ಘಷ್ಟೊ ಕಾಡ್ಚಾಕ್
ಕಾಷ್ಟ್ ತುವೆಂ ಕಾಡ್ಲೆಯ್, ಸುಖ್ ಅಮ್ಕಾಂ ದಿಂವ್ಚಾಕ್
ಆಶಿಕ್ಪಿ ತುಂ ಜಾಲ್ಯಾರಿ, ಪ್ರೊತ್ಸಾಹ್ ದಿಲೊಯ್ ಶಿಕ್ಪಾಕ್

ವೋಡ್ಣ್ ಕಾಂವ್ಚಿ ದುರ್ಬಳ್ಕಾಯ್, ಚಿಂತುನ್ ತುಂ ರಡ್ಲಿಯ್
ಬುರ್ಗ್ಯಾಂಕ್ ಆಶೆಂಚ್ ವಾಡೈಲ್ಯಾರ್, ಗಾತ್ ಪಾಡ್ ಮುಣ್ ಚಿಂತ್ಲೆಂಯ್
ಮಾದ್ರಿಚೆಂ ಪಾಯ್ ದರ್ನ್, ಹೊಸ್ಟೆಲಾಂತ್ ಅಮ್ಕಾಂ ಗಾಲೆಂಯ್
ರಾಜೆರ್ ಅಮಿಂ ಘರ ಅಯ್ಲ್ಯಾರ್, ವರ್ಸಾಚೊ ಮೋಗ್ ದಿಲೊಯ್

ಬಾವ್-ಬಯ್ಣ್ ಬುರ್ಗಿಂ ತೆಗಾಂ ವಾಡೊನ್ ಅಮಿಂ ಯೆತಾನಾ
ದೆಕ್ಲೆಂಯ್ ತುವೆಂ ಪಿನ್ಕರ್ ವಸ್ತುರ್ ಅಮ್ಚಾ ಕುಡಿಕ್ ಸೊಭನಾ
ರಾಡ್ಲಿಯ್ ತುಂ ಕಾಳ್ಜಾ ಭಿತರ್ ಆಸ್ಕತ್ ಪಣ್ ಬೊಗ್ತಾನಾ
ಸಂಗ್ತಾಲಿಯ್ ತುಂ ಅಮ್ಚಾ ಕಾನಾಂತ್ ದೇವ್ ಸೊಡ್ನ್ ಗಾಲ್ಚೊನಾಂ

ಪೆಸ್ತಾ ಪರ್ಬೆಕ್ ನೊವೆಂ ವಸ್ತುರ್ ಗಲುಂಕ್ ಅಮ್ಕಾಂ ಮೆಳ್ಳೆನಾಂ
ಸಯ್ರ್ಯಾಂ ಕಾರ್ ವೊಸೊನ್ ಯೇಂವ್ಕ್ ದುಬ್ಳಿಕಾಯೆನ್ ಸೊಡ್ಲೆಂನಾಂ
ಕಾಳ್ಜಾಂತ್ ತುಂ ರಡ್ತಾಲೀಯ್ ಇತ್ಲೆಂ ಪೂರ್ ಗಡ್ತಾನಾಂ
ದೈರ್ ತುವೆಂ ಸಾಂಡ್ಲೊ ನಾಂ, ದೇವಾಚೆರ್ ಭರ್ವಸೊ ತುಟ್ಲೊನಾಂ

ಕೆದೊ ವರ್ತೊ ತ್ಯಾಗ್ ತುಜೊ, ಕಸೊ ಅಜ್ ಫರಿಕ್ ಕರ್ಚೊ
ವಾಡೊನ್ ಹಾಂವ್ ರಾವ್ಲ್ಯಾರಿ, ಆಶೆಂತ ದರುಂಕ್ ಪಾಲೊವ್ ತುಜೊ
ತುಜೊ ಆದಾರ್ ನತ್ಲೊ ತಾರ್, ಆಜ್ ಹಾಂವ್ ಕೈಂ ಆಸ್ತೊಂ
ಮುಕ್ಲೆಂ ಜಾಲ್ಮ್ ಮೇಳ್ತಾ ತಾರ್, ಜಾಲ್ಮಾತಂ ಜಾವ್ನ್ ಬುರ್ಗೊ ತುಜೊ.

ಏಜಿಪ್ತಾಕ್ ಅಯಿಲ್ಲಿಂ ಖರ್ಗಾಂ....

ಧಾರುಣ್ ಕಾಳ್ಜಾಚ ಪಾರಾವ್ಯಾಚೇರ್ ದೇವ್ ಏಕೇಕ್ ಜಾವ್ನ್ ಖರ್ಗಾಂ ದಾಡ್ತಾ
ಮೊಯ್ಜೆಚ ಉತ್ರಾಂಕ್ ಕಾನ್ ದಿನಾತ್ಲ್ಯಾಕ್ ಉದಕ್ ಅಸ್ಲೆಂ ರಗಾತ್ ಜಾತಾ
ಏಜಿಪ್ತಾಚೆಂ ಸಗ್ಳೆಂ ಉದಾಕ್ ರಗಾತ್ ಜಾವ್ನ್ ತಾಂಬ್ಡೆಂ ಜಾತಾ
ಉದ್ಕಾಚೊ ಬೊರ್ಗೊಳ್ ಯೇವ್ನ್ ಲೋಕ್ ಪಾರಾವ್ಯಾಕ್ ಬೋಬ್ ಮಾರ್ತಾ

ದುಸ್ರೆಂ ಖರ್ಗ್ ಜಾವ್ನ್ ಅಖ್ಯಾ ಇಜಿಪ್ತಾಂತ್ ಮಾಂಡ್ಕ್ಯಾಂಚಿ ಖ್ಯಾಸ್ತ್ ದಾಡ್ತಾ
ರಾವ್ಳೆರ ಥಾವ್ನ್ ರಾನಾಂ ಪರ್ಯಾಂತ್ ಮಾಂಡ್ಕೆ ಭರುನ್ ರಾವ್ತಾತ್
ತಿಸ್ರೆಂ ಖರ್ಗ್ ಜಾವ್ನ್ ಏಜಿಪ್ತಾಚ ಧುಳಿಕ್ ಜಾಳಾರಿ ಜಾವ್ನ್ ಬದ್ಲಿತಾ
ಮನ್ಶಾಂಕ್ ತಾಶೆಂ ಮನ್ಜಾತಿಂಕ್ ಹೆ ಜಾಳಾರಿ ದೊಸುಂಕ್ ಲಾಗ್ತಾತ್

ಚವ್ತೆಂ ಖರ್ಗ್ ಜಾವ್ನ್ ಉಬ್ಚಾ ಮುಸಾಂಕ್ ಎಜಿಪ್ತಾಂತ್ ಉತ್ಪತ್ತಿ ಕರ್ತಾ
ಅಖ್ಯಾ ಏಜಿಪ್ತಾಚಿ ಧರ್ಣ್ ದಾಂಪ್ಚೆ ತಿತ್ಲೆ ಮೂಸ್ ಭರುನ್ ರಾವ್ತಾತ್
ಪಾಂಚ್ವೆಂ ಖರ್ಗ್ ಜಾವ್ನ್ ಸಾರ್ವ್ ಜಾನ್ವಾರಾಂಕ್ ಮರಣ್ ದಾಡ್ತಾ
ಏಜಿಪ್ತಾಚಿಂ ಸಾರ್ವ್ ಮನ್ಜಾತಿ ಪಿಡಾ-ಶಿಡಾ ಯೆವ್ನ್ ನಾಸ್ ಜಾತತ್

ಸವೆಂ ಖರ್ಗ್ ಜಾವ್ನ್ ಮನ್ಶಾಂ ಆನಿ ಮನ್ಜಾಂತಿಚೆರ್ ಪೊಡ್ ಪೊಡ್ತಾತ್
ಸಗ್ಳೆಂ ಇಜಿಪ್ತ್ ಪೊಡಾಚ ದುಖಿನ್ ಕುಮ್ಕೆಕ್ ಬೊಬ್ ಮಾರ್ತಾತ್
ಸಾತ್ವೆಂ ಖರ್ಗ್ ಜಾವ್ನ್ ಇಜಿಪ್ತಾಚೆರ್ ಕರ್ಯಾಂಚೊ ಪಾವ್ನ್ ಪಡ್ತಾ
ವಾಡೊನ್ ರಾವುಲ್ಲಿಂ ವನಸ್ಪತಿ ಆನಿ ಜಿನ್ಸಾಂ ನಾಸ್ ಜಾತಾತ್

ಆಟ್ವೆಂ ಖರ್ಗ್ ಜಾವ್ನ್ ಇಜಿಪ್ತಾಚೇರ್ ದೇವ್ ದೆಂಪ್ಯಾಂಚಿ ರಾಸ್ ದಾಡ್ತಾ
ದೆಂಪೆ ಇಜಿಪ್ತಾಚ ರುಕಾಚಿಂ ಪಾನಾಂ ಗ್ರಾಸುನ್, ಬೆಳೆಂ ನಾಸ್ ಕರ್ತಾತ್.
ನೊವೆಂ ಖರ್ಗ್ ಜಾವ್ನ್ ಇಜಿಪ್ತಾಚೆರ್ ಕಾಳೊಕಾಚಿ ದಂಪಾಣ್ ಪಾಡ್ತಾ
ತೀನ್ ದೀಸ್ ಆನಿ ತೀನ್ ರಾತ್ ಸಗ್ಳೊ ಲೋಕ್ ಕಾಳೊಕಾಂತ್ ಜಿಯೆತಾ

ಧಾವೆಂ ಖರ್ಗ್ ಜಾವ್ನ್ ಮಾಲ್ಗಾಡ್ಯಾಂ ಪುತಾಂಕ್ ಜಿವೆಶಿಂ ಮಾರುಂಕ್ ಚಿಂತಾ
ಸರ್ವೆಸ್ಪರಾಕ್ ಕಾನ್ ದೀನಾತ್ಲ್ಯಾ ವರ್ವಿಂ ಮಾಲ್ಗಾಡ್ಯಾ ಪುತಾಚೆಂ ಮರಣ್ ಜಾತಾ
ಸಗ್ಳೆಂ ಇಜಿಪ್ತ್ ಹ್ಯಾ ಘಡಿತಾ ವರ್ವಿಂ ದುಃಖಾಂತ್ ಬುಡೊನ್ ರುದಾನ್ ಕರ್ತಾ
ಪಾರಾವೊ ದೇವ ಮುಕಾರ್ ಸಲ್ವಾತ  ಇಸ್ರಾಯೆಲಿತಾಂಕ್ ವೊಸುಂಕ್ ದಿತಾ.

ದ್ಶೆವಿಕ್ ಕಾಕುಳ್ತಿಚೊ ತೇರ್ಸ್

ಜೆಜು ತುಜೆರ್ ಹಾಂವ್ ಭರ್ವಸ್ತಾಂ

ದ್ಶೆವಿಕ್ ಕಾಕುಳ್ತಿಚೊ ತೇರ್ಸ್

ಆಮೊರಿ ........................
ಸತ್ಮಾಂದ್ತಾ ದೇವಾಕ್ .............................ಆಮ್ಚಾ ಬಾಪಾ .............
ನಮಾನ್ ಮರಿಯೆ...................... ಆನಂದ್ ಬಾಪಾಕ್...................
ಪಾಂಚ್ ಕಣ್ ತೇರ್ಸ್ ಆಶೆಂ ಮುಣ್ಚೆಂ ..............
(ಆಮ್ಚಾ ಬಾಪಾ ಬದ್ಲಕ್) - ಸಾಸ್ಣಾಚಾ ಬಾಪಾ ಹಾಂವ್ ತುಕಾ ಭೆಟಯ್ತಾಂ ತುಜಾ ಅತೀ ಮೊಗಾಚಾ ಪುತಾಚಿ, ಆಮ್ಚಾ ಸೊಮಿಯಾ ಆನಿ ಸೊಡ್ವಣ್ದಾರಾ ಜೆಜು ಕ್ರಿಸ್ತಾಚಿ ಕೂಡ್ ಆನಿ ರಗಾತ್, ಆತ್ಮೊ ಆನಿ ದೇವ್ಪಣ್. ಆಮ್ಚಾ ಪಾತ್ಕಾಂಚಾ ಆನಿ ಸಗ್ಳ್ಯಾ ಸಂಸಾರಾಚಾ ಪಾತ್ಕಾಂಚಾ ಫಾರಿಕ್ಪಣಾ ಪಾಸುನ್. (ಏಕ್ ಪಾವ್ಟಿಂ)

(ನಮಾನ್ ಮರಿಯೆಚಾ ಬದ್ಲಕ್) - ಜೆಜುಚಾ ಕಠೀಣ್ ಕಷ್ಟಾಂಚಾ ಪಾಶಂವಾ ಮಾರಿಫಾತ್ ಅಮ್ಚಿ ಆನಿ ಸಗ್ಳ್ಯಾ ಸಂಸಾರಾಚಿ ಕಾಕುಳ್ತ್ ಕರ್. (ಧಾ ಪಾವ್ಟಿಂ)

(ಆನಂದ್ ಬಾಪಾಚಾ ಬದ್ಲಾಕ್) - ಏ ಭಾಗೆವಂತಾ ದೆವಾ, ಏ ಭಾಗೆವಂತಾ ಬಳ್ವಂತಾ, ಏ ಭಾಗೆವಂತಾ ಅಮರಾ ಆಮ್ಚಿ ಆನಿ ಸಗ್ಳ್ಯಾ ಸಂಸಾರಾಚಿ ಕಾಕುಳ್ತ್ ಕರ್. (ತೀನ್ ಪಾವ್ಟಿಂ) ಅಶೆಂ, ತೆರ್ಸಾಚೆ ಪಾಂಚ್ ಕಣ್ ಮ್ಹಳ್ಳಾ ಬರಿಚ್ ಮ್ಹಣ್ಚೆಂ.

 ಸಿ. ಫಾವುಸ್ತಿನಾನ್ ಘಡ್‍ಲ್ಲಿ ದೈವಿಕ್ ಕಾಕುಳ್ತಿಚಾ ಹೊಗ್ಳಾಪಾಚಿ ಲದಿನ್.....
 ಜವಾಬ್ : ಹಾಂವ್ ತುಜೆರ್ ಭರ್ವಸ್ತಾಂ.

ಬಾಪಾಚಾ ಗೊಪ ಥಾವ್ನ್ ಉಮಾಳ್ಚ್ಯಾ ಕಾಕುಳ್ತಿ
ದೈವಿಕ್ ಕಾಕುಳ್ತಿ, ದೆವಾಚಾ ಸಂಪೂರ್ಣ್ ಪಣಾ
ದೈವಿಕ್ ಕಾಕುಳ್ತಿ, ಆಟಾಪುಂಕ್ ನಜೊ ಜಾಲ್ಲ್ಯಾ ಮಿಸ್ತೆರಾ
ದೈವಿಕ್ ಕಾಕುಳ್ತಿ, ತಿಯೇಕ್ ದೆವಾ ಥಾವ್ನ್ ಉಮಾಳ್ತೆಲ್ಲ್ಯಾ ಝರಿ
ದೈವಿಕ್ ಕಾಕುಳ್ತಿ, ಮನ್ಶಾಂಚಾ ವಾ ದೇವ್ ದೂತಾಂಚಾ ಸಮ್ಜಣಿಕ್ ಮಿಕ್ವೊಂಚಾ
ದೈವಿಕ್ ಕಾಕುಳ್ತಿ, ಜಾಚೆ ಥಾವ್ನ್ ಜೀವ್ ಅನಿ ಸಂತೊಸ್ ಉಮಾಳ್ತಾ
ದೈವಿಕ್ ಕಾಕುಳ್ತಿ, ಸರ್ಗಾಪ್ರಾಸ್ ಬರ್ಯಾ
ದೈವಿಕ್ ಕಾಕುಳ್ತಿ, ಖುಣಾಂ ಅನಿ ಆಜಾಪಾಂ ಕರ್ತೆಲ್ಯಾ
ದೈವಿಕ್ ಕಾಕುಳ್ತಿ, ಆಖ್ಯೆಂ ವಿಶ್ವ್ ಆಟಾಪ್ಚ್ಯಾ
ದೈವಿಕ್ ಕಾಕುಳ್ತಿ, ಜೆಜು ಥಂಯ್ ಹ್ಯಾ ಸಂಸಾರಿಂ ದೆಂವ್‍ಲ್ಲ್ಯಾ
ದೈವಿಕ್ ಕಾಕುಳ್ತಿ, ಜೆಜುಚಾ ಕಾಳ್ಜಾಚಾ ಉಗ್ತ್ಯಾ ಘಾಯಾಂತ್ಲ್ಯಾನ್ ವ್ಹಾವ್‍ಲ್ಲ್ಯಾ
ದೈವಿಕ್ ಕಾಕುಳ್ತಿ, ಆಮಾ ಪಾತ್ಕ್ಯಾಂ ಖಾತಿರ್ ಜೆಜುಚಾ ಕಾಳ್ಜಾಂತ್ ಉಮಾಳೊನ್ ಆಸ್ಚ್ಯಾ
ದೈವಿಕ್ ಕಾಕುಳ್ತಿ, ಪವಿತ್ರ್ ಎವ್ಕರಿಸ್ತಾಂತ್ ಗೂಂಡ್ ಭರೊನ್ ಅಸ್ಚ್ಯಾ
ದೈವಿಕ್ ಕಾಕುಳ್ತಿ, ಪವಿತ್ರ್ ಸಭಾ ಘಡ್‍ಲ್ಲ್ಯಾಂತ್ ಆಟಾಪ್ಲೆಲೇ
ದೈವಿಕ್ ಕಾಕುಳ್ತಿ, ಪವಿತ್ರ್ ಸ್ನಾನಾಚಾ ಸಂಸ್ಕಾರಾಂತ್ ದಿಸ್ಚ್ಯಾ
ದೈವಿಕ್ ಕಾಕುಳ್ತಿ, ಜೆಜುಚಾ ಕುರ್ಪೆನ್ ಪವಿತ್ರ್ ಪಣ್ ಲಾಭಾಂವ್ಚಾ
ದೈವಿಕ್ ಕಾಕುಳ್ತಿ, ಜಿಣಿ ಭರ್ ಅಮ್ಚೆ ಸವೆಂ ಅಸ್ಚ್ಯಾ
ದೈವಿಕ್ ಕಾಕುಳ್ತಿ, ಮರ್ಣಾವೆಳಿಂ ಅಮ್ಕಾಂ ಪೊಟ್ಲುನ್ ಧರ್ತೆಲ್ಯಾ
ದೈವಿಕ್ ಕಾಕುಳ್ತಿ, ಆಮ್ಕಾಂ ಅಮರ್ ಜಿವಿತ್ ದಿತೆಲ್ಯಾ
ದೈವಿಕ್ ಕಾಕುಳ್ತಿ, ಅಮ್ಚ್ಯಾ ಜಿಣ್ಯೆಚಾ ಹರ್ಯೆಕಾ ಘಡ್ಯೆ ಮೆಳ್ಚ್ಯಾ
ದೈವಿಕ್ ಕಾಕುಳ್ತಿ, ಆಮ್ಕಾಂ ಯೆಮ್ಕೊಂಡಾಂತ್ಲೆಂ ರಾಕ್ತೆಲ್ಯಾ
ದೈವಿಕ್ ಕಾಕುಳ್ತಿ, ಧಾರುಣ್ ಪಾತ್ಕ್ಯಾಂಕ್ ಮೊವಾಳಾಂವ್ಚ್ಯಾ
ದೈವಿಕ್ ಕಾಕುಳ್ತಿ, ಆಂಜಾಂಕ್ ಅನಿ ಸಾಂತಾಂ ಭಕ್ತಾಂಕ್ ವಿಜ್ಮಿತ್ ಕರ್ತೆಲ್ಯಾ
ದೈವಿಕ್ ಕಾಕುಳ್ತಿ, ದೆವಾಚ್ಯಾ ಆಟಾಪುಂಕ್ ಜಾಯ್ನಾತ್ಲ್ಯಾಘುಟಾ
ದೈವಿಕ್ ಕಾಕುಳ್ತಿ, ಅಮ್ಚಾ ಕಿರ್ಕೊಳಾಯೆಂತ್ಲೆಂ ಅಮ್ಕಾಂ ಊಂಚ್ ಕಾಡ್ಚ್ಯಾ
ದೈವಿಕ್ ಕಾಕುಳ್ತಿ, ಸಂತೊಸಾಚಾ ಅನಿ ಉಲ್ಲಾಸಾಚಾ ಆರಂಭಾ
ದೈವಿಕ್ ಕಾಕುಳ್ತಿ, ಅಮ್ಕಾಂ ಕಾಯಿಂಚ್ ನಾತ್‍ಲ್ಲ್ಯಾಂತ್ಲಿ ಆಸ್ತಿತ್ವಾಕ್ ಹಾಡ್ತಾನಾ ದಾಖಯಿಲ್ಲ್ಯಾ
ದೈವಿಕ್ ಕಾಕುಳ್ತಿ, ದೆವಾಚಾ ಸರ್ವ್ ಕಾಮಾಂನಿಂ ದಿಸೊನ್ ಯೆಂವ್ಚಾ
ದೈವಿಕ್ ಕಾಕುಳ್ತಿ, ದೆವಾಚಾ ಕಾಮಾಂಚಾ ಕುರೊವಾ
ದೈವಿಕ್ ಕಾಕುಳ್ತಿ, ಜಾಚೆ ಥಂಯ್ ಅಮಿ ಸರ್ವ್ ಬುಡೊನ್ ಆಸಾಂವ್
ದೈವಿಕ್ ಕಾಕುಳ್ತಿ, ಖಂತಿಭರಿತ್ ಕಾಳ್ಜಾಚ್ಯೆ ಸವ್ಕಾಸಾಯೆ
ದೈವಿಕ್ ಕಾಕುಳ್ತಿ, ನಿರಾಸ್ ಭೊಗ್ಚ್ಯಾ ಅತ್ಮ್ಯಾಂಚ್ಯಾ ಎಕಾಚ್ ಭರ್ವಸ್ಯಾ
ದೈವಿಕ್ ಕಾಕುಳ್ತಿ, ಭಿಯಾ ಮಧೆಂ ಶಾಂತಿ ಸಮಾಧಾನ್ ದಿಂವ್ಚ್ಯಾ ಕಾಳ್ಜಾಂಚಾ ಭುಜಾವಣೇ
ದೈವಿಕ್ ಕಾಕುಳ್ತಿ, ಭಾಗೆವಂತ್ ಆತ್ಮ್ಯಾಂಕ್ ಉಲ್ಲಾಸಾನ್ ಭರ್ತೆಲ್ಯಾ
ದೈವಿಕ್ ಕಾಕುಳ್ತಿ, ಭರ್ವಸೊಚ್ ನಾ ಮ್ಹಣ್ ಆಶಾ ಖಂಡ್ಲ್ಯಾರೀ ಭರ್ವಸೊ ಉಬ್ಜಯ್ತೆಲ್ಯಾ

ಮಾಗ್ಣೆಂ : ಏ ಜೆಜು, ಖುರ್ಸಾರ್ ಥಾವ್ನ್ ತುವೆಂ ತುಜ್ಯಾ ಕಾಕುಳ್ತಿಚ್ಯೊ ಝರಿ ಘಸ್ಗಶೀತ್ ದೆಂವಯ್ಲ್ಯೊಯ್. ಏ ಕಾಕುಳ್ತಿಚಾ ಭಂಡಾರಾ, ತುಜಿ ಕಾಕುಳ್ತ್ ಆಖ್ಯಾ ಮನ್ಶಾ ಕುಳಾಕ್ ಉದಂಡ್ ಮಾಪಾನ್ ದೀ. ಜೆಜುಚಾ ಕಾಳ್ಜಾ ಥಾವ್ನ್ ವ್ಹಾಳ್ತೆಲ್ಯಾ ರಗ್ತಾ ಅನಿ ಉದ್ಕಾ ತುಜೆರ್ ಹಾಂವ್ ಭರ್ವಸ್ತಾಂ. ಆಮೆನ್.


ದೆವಾಚಿ ಕಾಕುಳ್ತ್ ಜೊಡುಂಕ್ ಮಾಗ್ಣೆಂ.

ದಯಾಳ್ ದೆವಾ, ತುಂ ಎಕ್ಲೊಚ್ ಬರೊ, ತುಜ್ಯೆ ಕಾಕುಳ್ತಿನ್ ಹಾಂವ್ ಧಾಂವುನ್ ಯೆತಾಂ, ಹಾಂವ್ ಕಿರ್ಕೊಳ್, ಹಾಂವೆಂ ಮಸ್ತು ಚುಕಿ ಕೆಲ್ಯಾತ್, ಪುಣ್ ತುಂ ಕಾಕುಳ್ತಿಚೊ ದೇವ್, ದೆಕುನ್ ತುಜ್ಯೆ ಕಾಕುಳ್ತಿಚೆರ್ ಹಾಂವ್ ಭರ್ವಸ್ತಾಂ. ಕಿತ್ಯಾಕ್ ತುಜ್ಯೆ ಕಾಕುಳ್ತಿಚೆರ್ ಪಾತ್ಯೆಲ್ಲೊ ಆತ್ಮೊ ನಿರಾಶಿ ಜಾಲೊ ಮ್ಹಳ್ಳೆಂ ಯುಗಾಂ ಥಾವ್ನ್ ಆಯ್ಕಾಲ್ಲೆಂ ನಾ, ಭುಮಿ ಅಂತ್ರಳ್ ತೆಂ ನೆಣಾಂ. ಏ ಕಾಕುಳ್ತಿಚಾ ದೆವಾ ತುವೆಂ ಮಾತ್ರ್ ಮ್ಹಾಕಾ ನಿತಿವಂತ್ ಕರ್ಯೆತ್, ಅನಿ ತುಜ್ಯಾ ಕಾಕುಳ್ತಿವಂತ್ ಕಾಳ್ಜಾ ಥಂಯ್ ಹಾಂವ್ ಯೆತಾನಾ, ತುಂ ಮಾಕಾ ಕೆದಿಂಚ್ ತಿರಾಸ್ಕಾರ್ ಕರಿಸೊನಾಂಯ್, ಕಿತ್ಯಾಕ್ ಕೆದ್ಯಾ ವ್ಹಡ್ ಪಾತ್ಕ್ಯಾಕ್‍ಯೀ ತ್ಯಾ ಕಾಕುಳ್ತಿವಂತ್ ಕಾಳ್ಜಾನ್, ಕೆದಿಂಚ್ ಕಾಕುಳ್ತ್ ಇನ್ಕಾರ್ ಕೆಲ್ಲಿ ನಾ. ಅಂತ್ರಳ್ ಅನಿ ಭುಮಿ ಸರ್ಲ್ಯಾರ‍್ಯೀ, ತುಜೆರ್ ಪಾತ್ಯೆವ್ನ್ ಆಯಿಲ್ಲ್ಯಾ ಅತ್ಮ್ಯಾಂಕ್, ವ್ಹಡಾ ಕಾಕುಳ್ತಿನ್ ವೆಂಗ್ಚೆಂ ತುಂ ರಾವಂವ್ಚೊನಾಂಯ್, ತಿತ್ಲಿ ಅಪರಿಮೀತ್ ತುಜಿ ಕಾಕುಳ್ತ್, ತಿಕಾ ಗಡ್ ನಾ, ತಿಕಾ ಶರ್ತ್ ನಾ. ಏ ಮೊಗಾಳಾ ಜೆಜು, ಪಾತ್ಕಾಂತ್ ಎಕ್ಸುರೆಂ ಜಾಲ್ಲ್ಯಾ ಮ್ಹಜಾ ಕಾಳ್ಜಾಚೊ ತುಂ ಈಷ್ಟ್, ತುಂ ಮ್ಹಜೊ ಸರ್ಗ್, ತುಂ ಮ್ಹಜಿ ಶಾಂತಿ, ತುಂ ಮ್ಹಜಿ ಬಚಾವಿ. ಮ್ಹಜ್ಯಾ ಕಷ್ಟಾಂ ಆಕಾಂತಾಂನಿ ಅನಿ ದುಭಾವಾಂನಿ, ತುಂಚ್ ಮ್ಹಜೆ ಶಾಂತ್ ಸಮಾಧಾನ್, ಮ್ಹಜ್ಯಾ ಜಿಣ್ಯೆಚಿ ವಾಟ್ ಉಜ್ವಾಡಾಂವ್ಚೆಂ ಕೀರ್ಣ್ ತುಂಚ್, ಎಕ್ಸುರ್ಯಾ ಆತ್ಮ್ಯಾಕ್ ತುಂಚ್ ಸರ್ವಸ್ವ್ ಜೆಜು. ಮ್ಹಜ್ಯಾ ಆತ್ಮ್ಯಾಚೆಂ ಮೊನೆಪಣ್ ತುಕಾ ಸಮ್ಜಾತಾ, ತುಂ ಅಮ್ಚಿ ಅಸ್ಕತ್ಕಾಯ್ ಜಾಣಾ ಜಾಲ್ಲೊ ಅಮ್ಚೊ ಶ್ರೇಷ್ಠ್ ಯಾಜಕ್, ತುಂ ಬರೊ ಅನಿ ಪ್ರವೀಣ್ ವಯ್ಜ್. ಆಮಿ ಕಷ್ಟಾಂತ್ ಸಾಂಪಡ್ನಾಶೆಂ ತುಂಚ್ ಅಮ್ಕಾಂ ರಾಕ್ತಾಯ್, ಭುಜಯ್ತಾಯ್ ಅನಿ ಗೂಣ್ ಕರ್ತಾಯ್, ಜೆಜು ಜಾಂವ್ ತುಕಾ ಅರ್ಗಾಂ ಅನಿ ಹೊಗ್ಳಾಪ್ ಸಾಸ್ಣಾಚಾ ಸಾಸ್ಣಾಕ್.

 

ಹೆರಾಂ ಥಂಯ್ ದಯಾಳ್ ಜಾಂವ್ಕ್ ದೆವಾಚಿ ಕುರ್ಪಾ ಪರಾತುನ್ ಮಾಗ್ಣೆಂ.

ಬೋವ್ ಭಾಗೆವಂತ್ ತ್ರಿಯೇಕ್ ದೆವಾ, ಹಾಂವ್ ತುಜ್ಯೆ ದಯಾಳಾಯೆ ಥಂಯ್ ಬದ್ಲೂಂಕ್ ಅನಿಂ ತುಜೊ ರುಪ್ಕಾರ್ ಘೆಂವ್ಕ್ ಆಶೆತಾಂ, ತುಜೊ ತೊ ಗುಂಡಾಯೆಚೊ, ಥಳ್ ಮೇಳಾನಾತ್‍ಲ್ಲೊ, ದಯಾಳಾಯೆಚೊ ಗೂಣ್ ಮ್ಹಜ್ಯಾ ಕಾಳ್ಜಾ ಅನಿ ಆತ್ಮ್ಯಾಂತ್ಲ್ಯಾನ್ ಮ್ಹಜ್ಯಾ ಪೆಲ್ಯಾ ಥಂಯ್ ಪಾಶಾರ್ ಕರುಂಕ್ ಹಾಂವ್ ಆಪೇಕ್ಶಿತಾಂ.

ಮ್ಹಜ್ಯಾ ದೆವಾ ಮ್ಹಜೆ ದೊಳೆ ದುಬಾವಿ ಕರಿನಾಕಾ ಬಗಾರ್ ತೆ ಬಿರ್ಮೊತಿನ್ ಭರ‍್ಲ್ಲೆ ಕರ್, ಅನಿ ಹೆರಾಂ ಥಂಯ್ ಬರೆಂಚ್ ದೆಖ್ಚೆ ತಸಲೆ ಕರ್. ಮ್ಹಜ್ಯಾ ಸೊಮಿಯಾ ಮ್ಹಜೆ ಕಾನ್ ಪೆಲ್ಯಾಚಾ ಗರ್ಜೆ ಆಕಾಂತಾಚಾ ಬೊಬೆಕ್ ಕೆಪ್ಪೆ ಕರಿನಾಕಾ ಬಗಾರ್ ಪೆಲ್ಯಾಚಾ ಪಿಂರ್ಗವ್ಣೆಕ್ ಉಗ್ತೆ ಕರ್. ಸೊಮಿಯಾ ಮ್ಹಜಿ ಜೀಬ್ ಹೆರಾಂಕ್ ಕೆಂಡ್ಚಿ ಅನಿ ಬೆಂಡ್ಚಿ ತಲ್ವಾರ್ ಕರಿನಾಕಾ ಬಗಾರ್ ಹೆರಾಂಕ್ ಭುಜವ್ಣೆಚಿಂ ಅನಿ ಭೊಗ್ಸಾಣ್ಯಾಚಿಂ ಉತ್ರಾಂ ಉಲೊಂವ್ಚಿ ತಸಲಿ ಕರ್.

ಮೊಗಾಳ್ ದೆವಾ, ಮ್ಹಜೆ ಹಾತ್ ಪೆಲ್ಯಾಚಾ ಕುಮ್ಕೆಕ್ ಪಾಂವ್ಚ್ಯಾಂತ್ ಭಾಂಧುನ್ ಧರ‍್ಲ್ಲೆ ಜಾಂವ್ಕ್ ನಿರ್ಮಿನಾಕಾ ಬಗಾರ್ ತೆ ಪೆಲ್ಯಾಚಾ ಕುಮ್ಕೆಕ್ ಪಾವೊಂಕ್ ಸದಾಂಚ್ ಉಗ್ತೆ ಅನಿ ಉದಾರ್ ಕರ್, ಪೆಲ್ಯಾಚಾ ಸೆವೆ ಖಾತಿರ್ ಕಷ್ಟಾಂಚಿಂ ಕಾಮಾಂಯೀ ಹಾತಿಂ ಧರುಂಕ್ ಮ್ಹಾಕಾ ಬಳ್ ದೀ, ಆಮೆನ್.

ನೋವ್ ದಿಸಾಂಚಾ ನೊವೆನಾಕ್ ಜೆಜುನ್‍ಂಚ್ ದಿಲ್ಲಿಂ ತೆಸಾಂವಾಂ.

ದೈವಿಕ್ ಕಾಕುಳ್ತಿಚೆಂ ನೊವೆನ್

 

ಪಯ್ಲೊ ದೀಸ್ (ನಿಮಾಣೊ ಸುಕ್ರಾರ್)

ಜೆಜು ಮ್ಹಣ್ತಾ: "ಆಜ್ ಸರ್ವ್ ಮನ್ಶಾ ಕುಳಾಕ್ ಆನಿ ಅಧೀಕ್ ಕಾರ್ನ್ ಸಾರ್ವ್ ಪಾತ್ಕ್ಯಂಕ್ ಮ್ಹಜೆ ಸರ್ಶಿನ್ ಹಾಡಾ ಅನಿ ಮ್ಹಜ್ಯಾ ಕುರ್ಪೆಚಾ ಸಾಗೊರಾಂತ್ ಬುಡಯಾ. ತುಮಿ ಅಶೆಂ ಕೆಲ್ಲೆವರ್ವಿಂ ಅತ್ಮೆ ನಾಸ್ ಜಾಂವ್ಚೆ ಪಳೆತಾನಾ ಹಾಂವೆಂ ಬೊಗ್ಚ್ಯಾತ್ಯಾ ಕಠಿಣ್ ದುಕಿಂತ್ಲೆಂ ತುಮಿ ಮ್ಹಾಕಾ ಭುಜಯ್ತೆಲ್ಯಾತ್"

ಮಾಗ್ಣೆಂ : ಬೋವ್ ಕಾಕುಳ್ದಾರಾ ಜೆಜು, ಸದಾಂಚ್ ಭೊಗ್ಸುಂಕ್ ಅನಿ ಅಮ್ಚಿ ಬಿರ್ಮೊತ್ ಪಾವೊಂಕ್ ತಯಾರ್ ಅಸ್ಚ್ಯಾ, ಅಮ್ಚಾ ಪಾತ್ಕಾಂಚೆರ್ ದೀಷ್ಟ್ ಘಾಲಿನಾಕ. ತುಜಾ ಮೀತ್ ನಾತ್‍ಲ್ಲ್ಯಾ ಬರ್ಯಾಪಣಾಚೆರ್ ಪಾತ್ಯಾಣಿ ದವರ್ನ್ ತುಜೆಲಾಗಿಂ ಆಯಿಲ್ಲ್ಯಾ ಅಮ್ಕಾಂ ತುಜ್ಯಾ ಭುಜಾವಣೆಚ್ಯಾ ರಾಜ್ಯಾಂತ್ ಘೆ. ಭಾಗೆವಂತ್ ತ್ರಿಂದಾದಿ ಅಮ್ಚಿ ಬಿರ್ಮೊತ್ ಪಾವ್.

ಸಾಸ್ಣಾಚಾ ಬಾಪಾ ತುಜಿ ದಯಾಳಾಯೆಚಿ ದೀಷ್ಟ್ ಪ್ರತ್ಯೇಕ್ ಥರಾನ್ ಸರ್ವ್ ಪಾತ್ಕ್ಯಾಂಚೆರ್ ಅನಿ ಸಗ್ಳ್ಯಾ ಮನ್ಶಾಕುಳಾಚೆರ್ ಘಾಲ್. ಜೆಜುಚಾ ಪಾಶಾಂವಾ ಮಾರಿಫಾತ್ ಆಮ್ಚೆರ್ ಕಾಕುಳ್ತ್ ದಾಕಯ್ ಅಶೆಂ ತುಜಿ ಭಾಗೆವಂತ್ ಖುಶಿ ಅಮಿಂ ನಾಂವಾಡಿಶೆಂ ಕರ್ ಸಾಸ್ಣಾಚಾ ಸಾಸ್ಣಾಕ್ ಆಮೆನ್.

 

ದುಸ್ರೊ ದೀಸ್
ಜೆಜು ಮ್ಹಣ್ತಾ: "ಆಜ್ ಸರ್ವ್ ಧಾರ್ಮಿಕಾಂಕ್ ಅನಿ ಸಾರ್ವ್ ಯಾಜಕಾಂಕ್ ಮ್ಹಕಾ ಒಪ್ಸಿಯಾ ಅನಿ ಮ್ಹಜ್ಯಾ ಸರಾನಾತ್‍ಲ್ಲ್ಯಾ ಕಾಕುಳ್ತಿಂತ್ ತಾಂಚೆ ಆತ್ಮೆ ಬುಡಯಾ. ಮ್ಹಜೊ ಕಠೀಣ್ ಪಾಶಾಂವ್ ಸುಫಳ್ ಜಾಂವ್ಕ್ ತಾಣಿಂ ಬಳ್ ದಿಲ್ಲೆಂ ಜಾವ್ನಾಸಾ. ಮನ್ಶಾಕುಳಾಚೆರ್ ಕುರ್ಪೆಚ್ಯೊ ಝರಿ ದೆಂವ್ಚ್ಯೊ ತಾಂಚೆ ಮುಖಾಂತ್ರ್ ಜಾವ್ನಾಸಾತ್"

ಮಾಗ್ಣೆಂ : ಬೋವ್ ಕಾಕುಳ್ದಾರಾ ಜೆಜು, ತುಜೆ ಥಾವ್ನ್ ಯೆತಾ ತೆಂ ಸಗ್ಳೆಂ ಬರೆಂಚ್ ಜಾವ್ನಾಸಾ. ತುವೆಂ ವಿಂಚುನ್ ಕಾಡ್‍ಲ್ಲ್ಯಾ ಸರ್ವ್ ಯಾಜಕಾಂಕ್ ಅನಿ ಧರ್ಮಿಕಾಂಕ್ ತುಜ್ಯಾ ಕುರ್ಪೆನ್ ಭರ್. ತುಜ್ಯಾ ಕುರ್ಪೆಚಾ ಬಳಾನ್ ತೆ ಬರಿಂ ಕಾಮಾಂ ಕರುಂದಿತ್ ಅನಿ ತೆಂ ಪಳೆಲ್ಲ್ಯಾ ಹೆರಾಂನಿ, ತೆ ತುಜೆ ಜಾವ್ನಾಸಾತ್ ಮ್ಹಣ್ ವಳ್ಕಾಶೆಂ ಕರ್ ಅನಿ ಸರ್ಗಿಂಚಾ ಬಾಪಾಕ್ ಹೊಗ್ಳಾಪ್ ದೀಶೆಂ ಕರ್.

ಸಾಸ್ಣಾಚಾ ಬಾಪಾ, ತುಜ್ಯಾ ಭಾಗಿಂತ್ ತುವೆಂ ವಿಂಚುನ್ ಕಾಡ್‍ಲ್ಲ್ಯಾ ತುಜ್ಯಾ ವಿಂಚ್ಣಾರ್ಯಾಂಚೆರ್ ಮ್ಹಣ್ಜೆ ಯಾಜಕಾಂಚೆರ್ ಅನಿ ಧಿರ್ಮಿಕಾಂಚೆರ್ ತುಜಿ ಕಾಕುಳ್ತಿಚಿ ನದರ್ ಘಾಲ್. ತುಜ್ಯಾ ಬೆಸಾಂವಾಂನಿ ತಾಂಕಾಂ ಬಳ್ವಂತ್ ಕರ್. ತುಜಾ ಪುತಾಚಾ ಕಾಳ್ಜಾಚಾ ಮೊಗಾ ಪಾಸುನ್ ತಾಂಕಾಂ ತುಂ ತುಜೆಂ ಬಳ್ ದೀ. ತ್ಯಾ ಬಳಾನ್ ಭರೊನ್ ತಾಣಿಂ ಜೆಜುಚಾ ಮೆಟಾಂನಿ ಚಲಾಶೆಂ ಕರ್ ಅನಿ ಹೆರಾಂಕ್‍ಯಿ ತುಜೆಥಂಯ್ ಯೆಂವ್ಚಿ ವಾಟ್ ದಾಕಂವ್ಕ್ ತುಂ ತಾಂಕಾಂ ಪ್ರೇರಿತ್ ಕರ್ ಮ್ಹಣ್ ಅಮಿಂ ತುಜೆಲಾಗಿಂ ಪರಾತ್ತಾಂವ್. ಆಮೆನ್.

ತಿಸ್ರೊ ದೀಸ್

ಜೆಜು ಮ್ಹಣ್ತಾ "ಆಜ್ ಸರ್ವ್ ದೆವೊತ್ ಅನಿ ಭಾವಾರ್ಥಿ ಅತ್ಮ್ಯಾಂಕ್ ಮ್ನಜೆ ಸರ್ಶಿನ್ ಹಾಡಾ. ಮ್ಹಜ್ಯಾ ಕಾಕುಳ್ತಿಚಾ ಸಾಗೊರಾಂತ್ ತಾಂಕಾಂ ಬುಡಯಾ. ಮ್ಹಾಜ್ಯಾ ಖುರ್ಸಾಚಾ ವಾಟೆರ್ ಹ್ಯಾ ಅತ್ಮ್ಯಾಂನಿ ಮ್ಹಾಕಾ ಸಮಾಧಾನ್ ದಿಲ್ಲೆಂ ಜಾವ್ನಾಸಾ. ಮ್ಹಜ್ಯಾ ಕಷ್ಟಾಂಚಾ ಕೊಡು ದರ್ಯಾಂತ್ ಹೆಚ್ ಅತ್ಮೆ ಜಾವ್ನಾಸ್‍ಲ್ಲೆ ಥೆಂಬೆ ಭುಜಾವಣೆಚೆ"

ಮಾಗ್ಣೆಂ : ಬೋವ್ ಕಾಕುಳ್ದಾರಾ ಜೆಜು, ತುಜ್ಯಾ ಕಾಕುಳ್ತಿಚಾ ಭಂಡಾರಾ ಥಾವ್ನ್ ಸಮೇಸ್ತಾಂಚೆರ್ ತುಜಿ ಕಾಕುಳ್ತ್ ವೊತಿತ್ ಅಸಾಯ್. ಅಮ್ಕಾಂ ತುಂ ತುಜ್ಯಾ ಮೊವಾಳ್ ಕಾಳ್ಜಾಂತ್ ಆಸ್ರೊ ದೀ. ಅನಿ ಥಂಯ್ ಥಾವ್ನ್ ಬಿಲ್ಕುಲ್ ಪಯ್ಸ್ ವಚೊಂಕ್ ದೀನಾಕಾ. ಬಾಪಾಚಾ ಚಿಂತುಂಕ್ ಅಸಾಧ್ಯ್ ತಸಲ್ಯಾ ಮೊಗಾನ್ ತುಜೆಂ ಕಾಳಿಜ್ ಪೆಟ್ತಾ ತ್ಯಾ ಮೊಗಾಚೆರ್ ಪಾತ್ಯೆವ್ನ್ ಅಮಿಂ ಹೆಂ ತುಜೆಲಾಗಿಂ ಪರಾತ್ತಾಂವ್.

ಸಾಸ್ಣಾಚಾ ಬಾಪಾ, ತುಜಿ ದಯಾಳಾಯೆಚಿ ದೀಷ್ಟ್ ತುಜ್ಯಾ ಪಾತ್ಯೆಣೆಚ್ಯಾ ಅತ್ಮ್ಯಾಂಚೆರ್ ಘಾಲ್, ಜೆ ಜಾವ್ನಾಸಾತ್ ತುಜ್ಯಾ ಪುತಾಚೆ ಪಾಟ್ಲಾವ್ಡಾರ್. ಜೆಜುಚಾ ಕಷ್ತಾಂಚಾ ಪಾಶಾಂವಾಚಾ ನಾಂವಾನ್ ತಾಂಕಾಂ ತುಜೆಂ ಬೆಸಾಂವ್ ದೀ ಅನಿ ತಾಂಕಾಂ ಸದಾಂಚ್ ಸರ್ವ್ ಅಪಾಯಾಂತ್ಲೆಂ ರಾಕ್. ಆಶೆಂ ತೆ ತುಜ್ಯಾ ಮೊಗಾಚೆಂ ಭಂಡಾರ್ ಸದಾಂಚ್ ಸಾಂಬಾಳುನ್ ಸಾಂತಾಂ ಅನಿ ಭಡ್ವ್ಯಾಂ ಸಾಂಗತಾ ಸಾಸ್ಣಾಚಾ ಸಾಸ್ಣಾಕ್ ತುಕಾ ಹೊಗೊಳ್ಸುಂಕ್ ಪಾವೊಂದಿತ್. ಆಮೆನ್.

 

ಚೊವ್ತೊ ದೀಸ್
ಜೆಜು ಮ್ಹಣ್ತಾ "ಮ್ಹಜೆರ್ ಭರ್ವಸೊನಾತ್‍ಲ್ಲ್ಯಾಂಕ್ ಅನಿ ಮ್ಹಾಕಾ ವೊಳ್ಕಾನಾತ್‍ಲ್ಲ್ಯಾಂಕ್ ಆಜ್ ತುಮಿಂ ಮ್ಹಜೆ ಸರ್ಶಿನ್ ಹಾಡಾ. ಹಾಂವ್ ಮ್ಹಜ್ಯಾ ಪಾಶಾಂವಾಚಾ ವೆಳಾರ್ ತಾಂಚೆ ವಿಶ್ಯಾಂತ್ ನಿಯಾಳ್ತಾಲೊಂ. ತಾಂಚಾ ಮುಕ್ಲ್ಯಾ ಜಿಣ್ಯೆಚೊ ಉತ್ಸಾಹ್ ಮ್ಹಜ್ಯಾ ಕಾಳ್ಜಾಕ್ ಸಮಧಾನ್ ದಿತಾಲೊ. ಮ್ಹಜ್ಯಾ ಕಾಕುಳ್ತಿಚಾ ದರ್ಯಾಂತ್ ತಾಂಕಾಂ ಆಜ್ ತುಮಿಂ ಬುಡಯಾ"

ಮಾಗ್ಣೆಂ : ಬೋವ್ ದಯಾಳ್ ಜೆಜು, ತುಂ ಜಾವ್ನಾಸಾಯ್ ಉಜ್ವಾಡ್ ಸಗ್ಳ್ಯಾ ಸಂಸಾರಾಚೊ. ತುಕಾ ಎದೊಳ್ ಪರ್ಯಾಂತ್ ವೊಳ್ಕಾನಾತ್‍ಲ್ಲ್ಯಾ ಅನಿ ತುಜೆರ್ ಪಾತ್ಯೆನಾತ್‍ಲ್ಲ್ಯಾ ಸರ್ವ್ ಅತ್ಮ್ಯಾಂಕ್ ತುಜ್ಯಾ ಮೊವಾಳ್ ಕಾಳ್ಜಾಂತ್ ಆಸ್ರೊ ದಿ. ತುಜ್ಯಾ ಕುರ್ಪೆಚಿಂ ಕಿರ್ಣಾಂ ತಾಂಚಾ ಮತಿಕ್ ಪ್ರಕಾಸ್ ದೀಂವ್ದಿತ್ ಅನಿ ತೆ ತುಜೆ ಥಾವ್ನ್ ಬಿಲ್ಕುಲ್ ಚುಕೊನ್ ವಚಾನಾ ಜಾಂವ್ದಿತ್. ಆಶೆಂ ಆಮಿ ಸಮೇಸ್ತ್ ಏಕ್ ಜಾವ್ನ್ ಸಾಂಗತಾ ಮೆಳೊನ್ ತುಜಿ ವಿಚಿತ್ರ್ ಕಾಕುಳ್ತ್ ಚಾಕೊಂಕ್ ಪಾವಾಶೆಂ ಕರ್.

ಸಾಸ್ಣಾಚಾ ಬಾಪಾ, ತುಕಾ ವಳ್ಕಾನಾತ್‍ಲ್ಲ್ಯಾ ಅನಿ ಪಾತ್ಯೆನಾತ್‍ಲ್ಲ್ಯಾ ಅತ್ಮ್ಯಾಂಚೆರ್ ತುಜಿ ದಯಾಳ್ ದೀಷ್ಟ್ ಘಾಲ್. ಜೆಜುನ್ ತಾಂಕಾಂ ತಾಚಾ ಕಾಳ್ಜಾಂತ್ ಆಸ್ರೊ ದಿಲಾ. ತಾಂಕಾಂ ಜೆಜುಚಿ ಶಿಕವ್ಣ್ ಮೆಳಾಶಿ ಕರ್. ಜೆಜುಚಾ ಉತ್ರಾಂ ಮಾರಿಫಾತ್ ತುಜೊ ಮೋಗ್ ಭೊಗ್ಚಾಂತ್ ಆಸ್ಚೊ ಆನಂದ ತಾಣಿಂ ಸಮ್ಜಾಶೆಂ ಕರ್. ತಾಣಿಂ ಸಮೇಸ್ತಾಂನಿ ತುಜಿ ಉದಾರ್ ಕಾಕುಳ್ತ್ ಜೊಡುನ್ ತುಕಾ ಸಾಸ್ಣಾಕ್ ವರ್ಣುಂಚೆಂ ಭಾಗ್ ತಾಂಕಾಂ ಫಾವೊ ಕರ್ ಮ್ಹಣ್ ಆಮಿ ಪರಾತ್ತಾಂವ್ ಆಮೆನ್.

 

ಪಾಂಚ್ವೊ ದೀಸ್
ಜೆಜು ಮ್ಹಣ್ತಾ "ಆಜ್ ತುಮಿಂ ಮ್ಹಜೆ ಥಾವ್ನ್ ಪಯ್ಸ್ ಗೆಲ್ಲ್ಯಾ ವೆಚಿಕ್ ಅತ್ಮ್ಯಾಂಕ್ ಮ್ಹಜೆ ಥಂಯ್ ಹಾಡಾ ಅನಿ ಮ್ಹಜ್ಯಾ ಕಾಕುಳ್ತಿಚಾ ಸಾಗೊರಾಂತ್ ತಾಂಕಾಂ ಬುಡಯಾ. ಮ್ಹಜ್ಯಾ ಪಾಶಾಂವಾಂಚಾ ವೆಳಾರ್ ತಾಣಿಂ ಮ್ಹಜಿ ಕೂಡ್ ಅನಿ ಮ್ಹಜೆಂ ಕಾಳಿಜ್, ಜೆಂ ಜಾವ್ನಾಸಾ ಇಗರ್ಜ್ ಮಾತಾ ಫಾಪ್ಸಿಲ್ಲಿ. ತೆ ಪರ್ತುನ್ ಇಗರ್ಜೆ ಮಾತೆ ಥಂಯ್ ಏಕ್ವಟ್ತಾನಾ ಮ್ಹಜೆ ಘಾಯ್ ಥಾಂಬ್ತಾತ್ ಅನಿ ಮ್ಹಜೊ ಪಾಶಾಂವ್ ಹಾಳು ಜಾತಾ"

ಮಾಗ್ಣೆಂ : ಬೋವ್ ಬರ್ಯಾ ಜೆಜು, ತುಜೆಲಾಗಿಂ ಉಜ್ವಾಡ್ ಸೊದುನ್ ಆಯಿಲ್ಲ್ಯಾಂಕ್ ತುಂ ಕೆದಿಂಚ್ ನೆಗಾರ್ ಕರಿನಾಂಯ್. ತುಜೆ ಥಾವ್ನ್ ಮೆಕ್ಳೆ ಜಾವ್ನ್ ಪಯ್ಸ್ ಗೆಲ್ಲ್ಯಾ ಆತ್ಮ್ಯಾಂಕ್ ತುಜ್ಯಾ ದಯಾಳ್ ಕಾಳ್ಜಾಚಾ ವೆಂಗೆಂತ್ ಘೆ. ಪರ್ತುನ್ ತಾಂಕಾಂ ತುಜೆ ಥಂಯ್ ಪಾಟಿಂ ಹಾಡ್. ಕೆದಿಂಚ್ ತುಜೆ ಥಾವ್ನ್ ತೆ ಚುಕೊನ್ ವಾಚಾನಾ ಜಾಂವ್ದಿತ್. ಆಶೆಂ ತುಜಿ ಕಾಕುಳ್ತ್ ವಾಖಣೂನ್ ತುಕಾ ಮಹಿಮಾ ದೀಂವ್ಕ್ ತಾಂಕಾಂ ಫಾವೊ ಕರ್ ಮ್ಹಣ್ ಪ್ರಾರ್ಥಿತಾಂವ್.

ಸಾಸ್ಣಾಚಾ ಬಾಪಾ, ಬಿರ್ಮೊತ್ ಪಾವ್ ತುಜೆ ಥಾವ್ನ್ ವೆಗ್ಳೆ ಜಾಲ್ಲ್ಯಾ ಅತ್ಮ್ಯಾಂಚಿ, ಪ್ರತ್ಯೇಕ್ ಜಾವ್ನ್ ತಾಂಚಾ ಚುಕಿಂತ್ ರೆವ್ಡೊನ್ ರಾವ್‍ಲ್ಲ್ಯಾ ಅನಿ ತುಜಿ ಕುರ್ಪಾ ಅನಿ ಕಾಕುಳ್ತ್ ಇನ್ಕಾರ್ ಕೆಲ್ಲ್ಯಾಂಚಿ. ತಾಂಚ್ಯೊ ಚುಕಿ ತುಂ ಪಳೆನಾಕಾ ಪುಣ್ ಪಳೆ ತುಜ್ಯಾ ಎಕ್ಲ್ಯಾಚ್ ಪುತಾನ್ ತಾಚಾ ಪಾಶಾಂವಾ ವೆಳಾರ್ ಹ್ಯಾ ಆತ್ಮ್ಯಾಂ ಖಾತಿರ್ ಭೊಗ್‍ಲ್ಲೆ ಕಷ್ಟ್ ಆನಿ ವಳ್ವಳೆ, ತಾಂಕಾಂ ಸರ್ವಾಂಕ್ ಆಪ್ಲ್ಯಾ ಕಾಳ್ಜಾಂತ್ ತಾಣೆ ಆಸ್ರೊ ದಿಲಾ ಆಸ್ತಾಂ, ತಾಣಿಂ ತುಕಾ ಹರ್ಸುಂಕ್ ಪಾವಾಶೆಂ ಕರ್ ಮ್ಹಣ್ ಅಮಿಂ ಮಾಗ್ತಾಂವ್ ಆಮೆನ್.

 

ಸವೊ ದೀಸ್
ಜೆಜು ಮ್ಹಣ್ತಾ "ಆಜ್ ಸರ್ವ್ ಸಾದ್ಯಾ ಅನಿ ಭಳ್ಯಾ ಅತ್ಮ್ಯಾಂಕ್ ಅನಿ ಭುರ್ಗ್ಯಾಂಚ್ಯಾಅತ್ಮ್ಯಾಂಕ್ ಮ್ಹಜ್ಯಾ ಕಾಕುಳ್ತಿಂತ್ ಬುಡಯಾ. ಹೆ ಆತ್ಮೆ ಮ್ಹಜ್ಯಾ ಕಾಳ್ಜಾಕ್ ಚಡ್ ಲಾಗ್ಶಿಲ್ಯಾನ್ ಸರ್ ಕರ್ಯೆತ್ ಕಸಲೆ ಜಾವ್ನಾಸಾತ್. ಮ್ಹಜ್ಯಾ ಕೊಡು ಪಾಶಾಂವಾಚಾ ವಳ್ವಳ್ಯಾಂ ವೆಳಾರ್ ಹೆಚ್ ಆತ್ಮೆ ಮ್ಹಾಕಾ ಬಳ್ ದಿತಾಲೆ. ಸಂಸಾರಾಂತ್ ಮ್ಹಜ್ಯಾ ಆಲ್ತಾರಿ ಭಂವ್ತಿಂ ರಾಕ್ವಣ್ ಕರ್ಚೆ ಆಂಜ್‍ಶೆ ತೆ ಮ್ಹಾಕಾ ದಿಸ್ತಾತ್. ಹಾಂಚೆರ್ ಮ್ಹಜ್ಯಾ ಕಾಕುಳ್ತಿಚೊ ಶಿಂವೊರ‍್ಚ್ ಹಾಂವ್ ವೊತ್ತೊಲೊಂ. ಖಾಲ್ತೆ ಅತ್ಮೆ ಮಾತ್ರ್ ಮ್ಹಜಿ ಕುರ್ಪಾ ಸ್ವೀಕಾರ್ ಕರುಂಕ್ ಸಕ್ತೆಲೆ. ಮ್ಹಜ್ಯಾ ಪಾತ್ಯೆಣೆಂತ್ ಹಾಂವ್ ತಾಂಕಾಂ ಶಾಬೀತ್ ದವರ್ತೊಲೊಂ"

ಮಾಗ್ಣೆಂ : ಕುರ್ಪಾಳ್ ಜೆಜು, ತುವೆಂ ಮ್ಹಳಾಂಯ್ ಶಿಕಾ ಮ್ಹಜೆ ಥಾವ್ನ್, ಹಾಂವ್ ಜಾವ್ನಾಸಾಂ ಭಳ್ಯಾ ಅನಿ ಖಾಲ್ತ್ಯಾ ಕಾಳ್ಜಾಚೊ. ಸರ್ವ್ ಸಾಧ್ಯಾ ಭಳ್ಯಾ ಅನಿ ನೆಣ್ತ್ಯಾ ಭುರ್ಗ್ಯಾಂಚಾ ಅತ್ಮ್ಯಾಂಕ್ ತುಜ್ಯಾ ಕಾಳ್ಜಾಂತ್ ಘೆ. ಹ್ಯಾ ಆತ್ಮ್ಯಾಂನಿ ಸಗ್ಳ್ಯಾ ಸರ್ಗಾಕ್ ಅಜಾಪ್ ಕೆಲಾಂ. ತೆ ಬಾಪಾಚಾ ಮೊಗಾಚೆ ಜಾವ್ನಾಸಾತ್. ದೇವ್ ತಾಂಚಾ ಸ್ವಾದೀಕ್ ಪರ್ಮೊಳಾ ಥಂಯ್ ಸಂತೊಸ್ ಪಾವ್ತಾ. ಹ್ಯಾ ಅತ್ಮ್ಯಾಂಕ್ ಜೆಜು, ತುಜಾ ಮೊವಾಳ್ ಕಾಳ್ಜಾಂತ್ ಸದಾಂಚ್ ಜಾಗೊ ಆಸಾ ಅನಿ ತೆ ತುಕಾ ಖಳಾನಾಸ್ತಾಂ ಮೊಗಾಚೆಂ ಗಾಯಾನ್ ಗಾಯ್ತೆಚ್ ಅಸಾತ್.

ಸಾಸ್ಣಾಚಾ ಬಾಪಾ, ತುಜಿ ಕಾಕುಳ್ತಿಚಿ ದೀಷ್ಟ್ ಹ್ಯಾ ಆತ್ಮ್ಯಾಂಚೆರ್ ಘಾಲ್. ಜೆಜುಚೆಂ ಪವಿತ್ರ್ ಕಾಳಿಜ್ ತಾಂಚೆಂ ಬಿಡಾರ್ ಜಾವ್ನಾಸಾ. ಹಾಂಚೆಂ ರೂಪ್ ಜೆಜುಚಾ ರುಪಾಕ್ ಚಡ್ ಲಾಗಿಂ ಆಸಾ. ಹಾಂಚೊ ಪರ್ಮೊಳ್ ಸಂಸಾರ್ ಥಾವ್ನ್ ಸರ್ಗಿಂ ತುಜೆ ಸಾಮ್ಕಾರ್ ಉಬ್ತಾ. ಬಾಪಾ, ಮೊಗಾಚಾ ಅನಿ ಕಾಕುಳ್ತಿಚಾ, ಹ್ಯಾ ಆತ್ಮ್ಯಾಂಚೆರ್ ತುಕಾ ಆಸ್‍ಲ್ಲ್ಯಾ ಮೊಗಾಖಾತಿರ್ ತುಂ ಸಗ್ಳ್ಯಾ ಸಂಸಾರಾಚೆರ್ ತುಜೊ ಆಶೀರ್ವಾದ್ ವೋತ್, ಅನಿ ಅಶೆಂ ಸಗ್ಳೊ ಸಂಸಾರ್ ತುಕಾ ಹೊಗ್ಳಾಪ್ ದೀಂವ್ಕ್ ಸಕೊಂದಿ ಮ್ಹಣ್ ಅಮಿಂ ಲಾಲೆತಾಂವ್, ಆಮೆನ್.

 

ಸಾತ್ವೊ ದೀಸ್
ಜೆಜು ಮ್ಹಣ್ತಾ "ಆಜ್ ಮ್ಹಾಕಾ ಹರ್ಸುಂಚಾ ಆನಿ ಮಹಿಮಾ ದಿಂವ್ಚ್ಯಾ ಸರ್ವ್ ಅತ್ಮ್ಯಾಂಕ್ ಮ್ಹಜ್ಯಾ ಕಾಕುಳ್ತಿಚಾ ದರ್ಯಾಂತ್ ಬುಡಯಾ. ಹೆ ಜಾವ್ನಾಸ್‍ಲ್ಲೆ ಅತ್ಮೆ ಮ್ಹಜ್ಯಾ ಪಾಶಾಂವಾ ವೆಳಾರ್ ಮಜಿ ಬಿರ್ಮತ್ ಪಾವ್‍ಲ್ಲೆ ಆನಿ ಮ್ಹಜ್ಯಾ ಸ್ಪಿರಿತಾಂತ್ ಪ್ರವೇಶ್ ಜಾಲ್ಲೆ. ತೆ ಜಾವ್ನಾಸಾತ್ ಮ್ಹಜ್ಯಾ ಕಾಳ್ಜಾಚಿಂ ಜಿವಿಂ ರುಪ್ಣಿಂ. ಹೆ ಅತ್ಮೆ ತಾಂಚಾ ಮುಕ್ಲ್ಯಾ ಜಿಣ್ಯೆಂತ್ ಪ್ರತ್ಯೇಕ್ ಪರ್ಜಳಾನ್ ಝಳ್ಜಳ್ತೆಲೆ ಅನಿ ಹಾಂಚೆ ಮಧ್ಲೆ ಕೊಣೀ ಯೆಮ್ಕೊಂಡಾಚಾ ಉಜ್ಯಾಂತ್ ಜಳ್ಚೆನಾಂತ್. ಹಾಂಕಾಂ ಹರ್ಯೆಕ್ಲ್ಯಾಕ್ ಹಾಂವ್ ಸ್ವತಾ ತಾಂಚಾ ಮೊರ್ನಾಚಾ ವೆಳಾರ್ ಸಾಂಬಾಳ್ತೊಲೊಂ"

ಮಾಗ್ಣೆಂ : ಬೋವ್ ಕಾಕುಳ್ದಾರಾ ಜೆಜು, ತುಜೆಂ ಕಾಳಿಜ್‍ಚ್ ಜಾವ್ನಾಸಾ ಮೋಗ್, ಹ್ಯಾ ತುಜ್ಯಾ ಬಿರ್ಮತೆನ್ ಭರ‍್ಲ್ಲ್ಯಾ ಕಾಳ್ಜಾಂತ್ ತುಜೊ ಮೋಗ್ ಕೆಲ್ಲ್ಯಾ ಆನಿ ತುಜ್ಯಾ ಕಾಕುಳ್ತಿಕ್ ಅರ್ಪಿಲ್ಲ್ಯಾ ಅತ್ಮ್ಯಾಂಕ್ ಆಸ್ರೊ ದಿ. ಹೆ ಅತ್ಮೆ ಜಾವ್ನಾಸಾತ್ ದೆವಾಚ ಕಾಕುಳ್ತಿನ್ ಬಳಾಧಿಕ್. ಹೆ ಸರ್ವ್ ಕಷ್ಟಾಂ ಅನಿ ಆಕಾಂತಾ ಮಧೆಂ ದೈರಾನ್ ಅನಿ ತುಜ್ಯಾ ಕಾಕುಳ್ತಿನ್ ಮುಕಾರ್ ಚಮ್ಕಾತಾತ್. ಹ್ಯಾ ಅತ್ಮ್ಯಾಂಕ್ ತುಂ ನೀತ್ ಕರ್ತಾನಾ ಕಠಿಣಾಯ್ ದಾಕಯ್ನಾಂಯ್ ಬಗಾರ್ ತಾಂಚೆಂ ಹೆಂ ಜಿವಿತ್ ಆಖೇರ್ ಜಾತಾನಾ ತುಂ ತಾಂಕಾಂ ತುಜ್ಯಾ ಕಾಕುಳ್ತಿನ್ ಪೊಟ್ಲುನ್ ಧರ್ತಾಯ್.

ಸಾಸ್ಣಾಚಾ ಬಾಪಾ, ತುಕಾ ನಾಂವಾಡ್ಚ್ಯಾ ಅನಿ ಹರ್ಸುಂಚಾ ಅತ್ಮ್ಯಾಂಚೆರ್ ತುಜಿ ಕಾಕುಳ್ತಿಚಿ ದೀಷ್ಟ್ ಘಾಲ್. ಜೆ ಹಾಂಕಾಂ ಜೆಜುನ್ ತಾಚಾ ಬಿರ್ಮತೆನ್ ಭರ್‍ಲ್ಲ್ಯಾ ಕಾಳ್ಜಾಭಿತರ್ ದವರ್ಲಾಂ ಹೆಚ್ ಆತ್ಮೆ ಜಾವ್ನಾಸಾತ್ ಜಿವೊ ವಾಂಜೆಲ್, ಹಾಣಿಂ ತಾಂಚಾ ಕಾಳ್ಜಾಂತ್ ಅನಿ ಹಾತಾಂನಿ ಬರಿಂ ಕಾಮಾಂ ಕೆಲ್ಯಾಂತ್. ಹಾಂಕಾಂ ಬಾಪಾ ತಾಣಿಂ ತುಜೆರ್ ದವರ‍್ಲ್ಲ್ಯಾ ಭರ್ವಸ್ಯಾ ಪರ್ಮಾಣೆ ದಯಾ ಅನಿ ಕಾಕುಳ್ತ್ ದಾಕಯ್. ತಾಂಚೆ ಥಂಯ್ ತೆಂ ಜೆಜುನ್ ದಿಲ್ಲೆಂ ಭಾಸಾವ್ಣೆಂ, "ಕೋಣ್ ಮ್ಹಜ್ಯಾ ಕಾಕುಳ್ತಿಕ್ ಹರ್ಸಿತಾ, ತಾಂಕಾಂ ಹ್ಯಾ ಜಿಣ್ಯೆಂತ್ ಅನಿ ಮೊರ್ನಾಚಾ ವೆಳಾರ್ ಹಾಂವ್ ತಾಂಚೊ ಭದ್ರ್ ಆಸ್ರೊ ಜಾವ್ನಾಸ್ತೊಲೊಂ ಅನಿ ಹಾಂವ್ ಸ್ವಥಾ ತಾಂಕಾಂ ಸಾಂಬಾಳ್ತೊಲೊಂ" ಮ್ಹಳ್ಳೆಂ ಥಿರ್ ಜಾಂವ್ದಿ ಮ್ಹಣ್ ಮಾಗ್ತಾಂವ್. ಆಮೆನ್.

 

ಆಟ್ವೊ ದೀಸ್
ಜೆಜು ಮ್ಹಣ್ತಾ "ಆಜ್ ತುಮಿ ಪುಲ್ಗತ್ರಿಂತ್ ಕಷ್ಟೊಂಚಾ ಅತ್ಮ್ಯಾಂಕ್ ಮ್ಹಜೆ ಸರ್ಶಿನ್ ಹಾಡಾ ಆನಿ ಮ್ಹಜ್ಯಾ ಥಳ್ ನಾತ್‍ಲ್ಲ್ಯಾ ಕಾಕುಳ್ತಿಂತ್ ತಾಂಕಾಂ ಬುಡಯಾ.ಮ್ಹಜ್ಯಾ ರಗ್ತಾಚಿ ಝರ್ ತಾಂಚಾ ಕಾಷ್ಟಾಂಚೊ ಉಜೊ ಪಾಲ್ವೊಂದಿ, ಹಾಂಚೊ ಮ್ಹಾಕಾ ವರ್ತೊ ಮೋಗ್ ಅಸಾ. ತೆ ಮ್ಹಜ್ಯಾ ನೀತಿಚಿ ರುಜ್ವಾತ್ ಜಾವ್ನಾಸಾತ್. ತಾಂಕಾಂ ಹ್ಯಾ ಕಾಷ್ಟಾಂತ್ಲೆ ಸುಟಂವ್ಚೆಂ ಆನಿ ಸಾಲ್ವಾರ್ ಕರ್ಚೆಂ ತುಮ್ಚಾ ಹಾತಾಂತ್ ಅಸಾ. ಇಗರ್ಜ್‍ ಮಾತೆನ್ ದಿಂವ್ಚಿಂ ಸರ್ವ್ ಇಂದುಲ್ಜೆನ್ಸಾಂ ಜೊಡುನ್ ತುಮಿಂ ತಾಂಚೆ ಖಾತಿರ್ ಭೆಟಯಾ. ಹಾ! ತಾಣಿಂ ಸೊಸ್ಚೆ ತೆ ಕಷ್ಟ್ ತುಮಿಂ ಜಾಣಾ ಜಾಲ್ಲ್ಯಾತ್ ಜಾಲ್ಯಾರ್, ತುಮಿಂ ಜಾತಾ ತಿತ್ಲೊ ಬರ್ಯೊ ಕರ್ನ್ಯೊ ಕರ್ನ್ ತಾಣಿಂ ಫಾರಿಕ್ ಕರುಂಕ್ ಆಸ್‍ಲ್ಲೆಂ ಮ್ಹಜೆಂ ನಿತಿಚೆಂ ರೀಣ್ ಫಾರಿಕ್ ಕರ್ತೆ ಆಸ್‍ಲ್ಲ್ಯಾತ್"

ಮಾಗ್ಣೆಂ : ಏ ಕಾಕುಳ್ದಾರಾ ಜೆಜು, ತುವೆಂಚ್ ಸಾಂಗ್ಲಾಯ್ ತುಂ ಕಾಕುಳ್ತ್ ಅನಿ ದಯಾ ಆಶೆತಾಯ್ ಮ್ಹಣ್. ತರ್ ಹಾಂವ್ ತುಜ್ಯಾ ಮೊಗಾಚೆ ಜಾವ್ನ್ ಅಸ್‍ಲ್ಲ್ಯಾ, ಪುಲ್ಗತ್ರಿಂತ್ ತುಜ್ಯಾ ನಿತಿಚೆ ಕಷ್ಟ್ ಭೊಗ್ತೆಲ್ಯಾ ಸರ್ವ್ ಅತ್ಮ್ಯಂಕ್, ತುಜ್ಯಾ ಕಾಕುಳ್ತಿನ್ ಭರ‍್ಲ್ಲ್ಯಾ ಕಾಳ್ಜಾಂತ್ ಬುಡಯ್ತಾಂ. ತುಜ್ಯಾ ಕಾಳ್ಜಾ ಥಾವ್ನ್ ಭಾಯ್ರ್ ಸರ್ಚೆಂ ತೆಂ ರಗಾತ್ ಆನಿ ಉದ್ಕಾಚಿ ಝರ್ ತಾಂಚೊ ಉಜೊ ಪಾಲ್ವಂವ್ದಿ ಆನಿ ತುಜಿ ಕಾಕುಳ್ತ್ ತೆಂ ಪಾಚಾರುಂದಿ, ಆಮೆನ್.

ಸಾಸ್ಣಾಚಾ ಬಾಪಾ, ತುಜ್ಯಾ ಪುತಾಚಾ ಕಾಳ್ಜಾಂತ್ ಆಸ್ರೊ ಘೆತ್‍ಲ್ಲ್ಯಾ ಆನಿ ಆತಾಂ ಪುಲ್ಗತ್ರಿಂತ್ಲ್ಯಾ ಉಜ್ಯಾಂತ್ ಕಷ್ಟೊಂಚಾ ಆತ್ಮ್ಯಾಂಚೆರ್ ತುಜಿ ಕಾಕುಳ್ತಿಚಿ ದೀಷ್ಟ್ ಘಾಲ್. ಜೆಜುಚಾ ಕಠೀಣ್ ಕಷ್ಟಾಂಚಾ ಪಾಶಾಂವಾ ವರ್ವಿಂ ಆನಿ ತಾಚಾ ಬೋವ್ ಪವಿತ್ರ್ ಅತ್ಮ್ಯಾಂತ್ ತಾಕಾ ಭೊಗ್‍ಲ್ಲ್ಯಾ ಕೊಡ್ಸಾಣೆ ವರ್ವಿಂ ಏ ಬಾಪಾ, ತುಂ ಹ್ಯಾ ಅತ್ಮ್ಯಾಂಚೆರ್ ತುಜಿ ಕಾಕುಳ್ತ್ ದಾಕಯ್. ತಾಂಕಾಂ ತುಂ ತುಜ್ಯಾ ಮೊಗಾಚಾ ಪುತಾಚಾ ಘಾಯಾಂತ್ಲ್ಯಾನ್ ಪಳೆ. ತುಜ್ಯಾ ಬರ್ಯಾಪಣಾಕ್ ಆನಿ ಕಾಕುಳ್ತಿಕ್ ಮೀತ್ ನಾ ಮ್ಹಣ್ ಏ ಬೋವ್ ಮೊಗಾಳಾ ಬಾಪಾ, ಅಮಿಂ ಪಾತ್ಯೆತಾಂವ್, ಆಮೆನ್.

 

ನೊವೊ ದೀಸ್
ಜೆಜು ಮ್ಹಣ್ತಾ "ಆಯ್ಚ್ಯಾ ದಿಸಾ, ಶೆಳೆಲ್ಲ್ಯಾ ಸರ್ವ್ ಅತ್ಮ್ಯಾಂಕ್ ಮ್ಹಜೆ ಸರ್ಶಿನ್ ಹಾಡಾ ಆನಿ ಮ್ಹಜ್ಯಾ ಥಳ್ ನಾತ್‍ಲ್ಲ್ಯಾ ಕಾಕುಳ್ತಿಂತ್ ತಾಂಕಾಂ ಬುಡಯಾ. ಹೆ ಅತ್ಮೆ ಮ್ಹಜ್ಯಾ ಕಾಳ್ಜಾಕ್ ವಿಶೇಷ್ ದೂಕ್ ದಿತಾತ್. ಜೆತ್ಸೆಮನಿ ಮೊಳ್ಯಾಂತ್ ಮ್ಹಜೊ ಅತ್ಮೊ ಬೋವ್ ಕಠೀಣ್ ಥರಾನ್ ಕಳ್ವಳ್‍ಲ್ಲೊ ಹ್ಯಾಚ್ ಶೆಳೆಲ್ಲ್ಯಾ ಅತ್ಮ್ಯಾಂಕ್ ಲಾಗೊನ್, ಹ್ಯಾಚ್ ಅತ್ಮ್ಯಾಂಚಾ ಶೆಳೆಪಣಾ ಖಾತಿರ್ ಹಾಂವೆಂ ಬಾಪಾಲಾಗಿಂ ತುಜಿ ಖುಶಿ ಜಾಲ್ಯಾರ್ ಹಿ ಕಾಲ್ಸ್ ಮ್ಹಜೆ ವಯ್ಲಿ ಉತ್ರೊನ್ ವಚೊಂದಿ ಮ್ಹಣ್ ಪರಾತ್ತಿಲ್ಲೆಂ. ಹ್ಯಾ ಆತ್ಮ್ಯಾಂಕ್ ಬಚಾವೆಚಿ ಏಕ್‍ಚ್ ಆನಿ ನಿಮಾಣಿ ವಾಟ್ ಜಾವ್ನಾಸಾ, ಮ್ಹಜ್ಯಾ ಕಾಕುಳ್ತಿಚಾ ಕಾಳ್ಜಾ ಸರ್ಶಿಂ ದಾಂವೊನ್ ಯೆಂವ್ಚಿ."

ಮಾಗ್ಣೆಂ : ಬೋವ್ ಬಿರ್ಮೊತೆನ್ ಭರ‍್ಲ್ಲ್ಯಾ ಜೆಜು, ಹಾಂವ್ ಶೆಳೆಲ್ಲ್ಯಾ ಅತ್ಮ್ಯಾಂಕ್ ತುಜ್ಯಾ ಕಾಕುಳ್ತಿನ್ ಭರ‍್ಲ್ಲ್ಯಾ ಕಾಳ್ಜಾಸರ್ಶಿಂ ಹಾಡ್ತಾಂ. ತುಜ್ಯಾ ಜಾಳ್ಚಾ ಮೊಗಾಚಾ ಉಜ್ಯಾಂತ್, ಮೆಲ್ಲ್ಯಾ ಮೊಡ್ಯಾಂಬರಿಂ ಆಸ್ಚೆ ಹೆ ಶೆಳೆಲ್ಲೆ ಅತ್ಮೆ, ತುಜ್ಯಾ ಕಳ್ವಳ್ಯಾಂಕ್ ಕಾರಣ್ ಜಾಲ್ಲೆ ಹೆ ಅತ್ಮೆ, ಹಾಂಕಾಂ ತುಜ್ಯಾ ಕಾಕುಳ್ತಿಚಾ ಆನಿ ಮೊಗಾಚಾ ಉಜ್ಯಾನ್ ಪೆಟಯ್ ಆನಿ ತುಜಿ ಕಾಕುಳ್ತ್ ದಾಕಯ್ ಮ್ಹಣ್ ಪರಾತ್ತಾಂವ್.

ಸಾಸ್ಣಾಚಾ ಬಾಪಾ, ತುಜಿ ಮೊವಾಳ್ ದೀಷ್ಟ್ ಶೆಳೆಲ್ಲ್ಯಾ ಅತ್ಮ್ಯಂಚೆರ್ ಘಾಲ್. ಜೆಜುನ್ ತಾಂಕಾಂ ತಾಚಾ ಕಾಳ್ಜಾಂತ್ ಜಾಗೊ ದಿಲಾ ಆಸ್ತಾಂ, ಕಾಕುಳ್ದಾರಾ ಬಾಪಾ ಜೆಜುನ್ ಖುರ್ಸಾರ್ ತೀನ್ ವೊರಾಂ ಭೊಗ್‍ಲ್ಲ್ಯಾ ತ್ಯಾ ಕಠೀಣ್ ಕಷ್ಟಾಂ ಆನಿ ವಳ್ವಳ್ಯಾಂ ವರ್ವಿಂ ಆನಿ ತಾಚಾ ಭಿರಾಂಕುಳ್ ಪಾಶಾಂವಾ ಮಾರಿಫಾತ್ ಹ್ಯಾ ಶೆಳೆಲ್ಲ್ಯಾ ಅತ್ಮ್ಯಾಂಕ್ ತುಜಿ ಅಘಣೀತ್ ಕಾಕುಳ್ತ್ ದಾಕಯ್ ಆನಿ ತಾಂಕಾಂ ಬಚಾವ್ ಕರ್ ಮ್ಹಣ್ ಆಮಿಂ ಪರಾತ್ತಾಂವ್.