ಸಾಲ್ಮಾಂವ್ ರಾಯಾಚಿ ಜಾಣ್ವಾಯ್....

ಅಪ್ಲ್ಯಾ ದಾಕ್ಟ್ಯಾ ಪ್ರಾಯೆರ್ ಸಾಲ್ಮಾಂವ್ ಇಸ್ರಾಯೆಲಾಚೊ ರಾಯ್ ಜಾತ
ದಾವಿದಬರಿ ಭಕ್ತಿವಂತ್ ಅಸೊನ್, ದೆವಾಚೊ ಅಧಿಕ್ ಮೋಗ್ ಕರ್ತಾ
ಗಿದೆಯೊನಾಂತ್ ಏಕ ಪಾಟ್ಲ್ಯಾನ್ ಏಕ್ ಹೊಮ್ ಬಲಿ ತೊ ಭೆಟೆಯ್ತಾ
ದೇವ್ ಸಾಲ್ಮಾಂವ್ಕ್ ಮೆಚ್ವಾತ ಆನಿ ತಾಚ ನಿದೆಂತ್ ದಿಷ್ಟಿಕ್ ಪಡ್ತಾ

ದೇವ್ ಸಾಲ್ಮಾಂವ್ಕ್ ಅಪ್ಣಾಕ್ ಜಾಯ್ ಜಾಲ್ಲೆಂ ಇಸಾರುಂಕ್ ಫರ್ಮಾಯ್ತಾ
ಖಾಲ್ತ್ಯಾ ಕಾಳ್ಜಾಚೊ ಸಾಲ್ಮಾಂವ್ ಪರ್ಜೆಕ್ ಚಲೊಂವ್ಕ್ ಜಾಣ್ವಾಯ್ ಇಸರ್ತಾ
ದೇವ್ ಸಾಲ್ಮಾಂವ್ಕ್ ಸಕ್ಡಾಂ ವರ್ನಿ ವರ್ತಿ ಜಾಣ್ವಾಯ್ ಭಾಸಯ್ತಾ
ದೆವಾನ್ ದಿಲ್ಲ್ಯಾ ಜಾಣ್ವಾಯೆನ್ ಸಾಲ್ಮಾಂವ್ ನ್ಯಾಯ್ ನಿರ್ಣಾಯ್ ಚಲಯ್ತಾ

ಏಕ್ ಪವ್ಟಿಂ ದೊಗಿ ಸ್ತ್ರೀಯೊ ನಾಯ್ ನಿರ್ಣಾಯೆಕ್ ರಾಯಾಶಿಂ ಯೆತಾತ್
ಹಾಂಚ ಪಯ್ಕಿ ಎಕ್ಲ್ಯಾಚೆ ಭುರ್ಗೆಂ ಮರೊನ್ ಅಸ್ತಾ, ಅನ್ಯೆಕ್ಲ್ಯಾಚೆ ಜಿವಂತ್ ಅಸ್ತಾ
ಮರೊನ್ ಅಸ್ಲ್ಯಾ ಭುರ್ಗ್ಯಾಚಿ ಅವಾಯ್ ಅನ್ಯೇಕ್ ಭುರ್ಗ್ಯಾಕ್ ಚೋರ್ನ್ ಅಸ್ತಾ
ದೊಗೀ ಭುರ್ಗಿಂ ಥೊಡ್ಯಾಚ್ ದಿಸಾಚಿ ಜಾಲ್ಲ್ಯಾನ್ ವಳಾಕ್ ದರ್ಚಿ ಕಾಷ್ಟ್ ಜಾತ

ಸಾಲ್ಮಾಂವ್ ರಾಯ್ ಅಪ್ಲಿ ಜಾಣ್ವಾಯ್ ಹ್ಯಾ ವೆಳಾ ಉಪಯೋಗ್ ಕರ್ತಾ
ಝಗಾಡ್ಚಾ ದೊಗಿಂ ಅವಯಾಂಕ್ ನ್ಯಾಯ್ ದೀಂವ್ಕ್ ತಯಾರ್ ಜಾತ
ಜಿವಂತ್ ಭುರ್ಗ್ಯಾಕ್ ತಲ್ವಾರಿನ್ ಅರ್ಧಂ ಕರುಂಕ್ ಸೆವಕಾಂಕ್ ಫರ್ಮಾಯ್ತಾ
ಆಶೆಂ ಕಾರ್ನ್ ದೊಗಿ ಅವಯಾಂಚಿ ಪರಿಕ್ಶ ಕರುಂಕ್ ರಾಯ್ ತಯಾರ್ ಜಾತ

ಹೆಂ ಅಯ್ಕಾಲ್ಲಿ ನೀಜ್ ಅವಯ್ ತಾಶೆಂ ಕರಿನಾಯೆ ಮ್ಹಣ್ ರಾಯಾಕ್ ಪರತ್ತಾ
ಪೂಣ್ ಪೊಟ್ಕಿರಿ ಅವಾಯ್ ಚೊರ‍್ಲ್ಲ್ಯಾ ಭುರ್ಗ್ಯಾಕ್ ಖಾತ್ರುಂಕ್ ಪರ್ವಣ್ಗಿ ದಿತಾ
ಹ್ಯಾ ನ್ಯಾಯಾಂತ್ ರಾಯಾಕ್ ನೀಜ್ ಅವಾಯ್ ಕೋಣ್ ಮ್ಹಣ್ ಕಳ್ತಾ
ರಾಯ್ ಭುರ್ಗ್ಯಾಕ್ ನೀಜ್ ಅವಾಯ್ಕ್ ದೀವ್ನ್ ವ್ಯಾಜ್ಯ್ ತಿರ್ಮಾನ್ ಕರ್ತಾ

ಸಾಲ್ಮಾಂವ್ ರಾಯಾಚಿ ಹಿ ನ್ಯಾಯ್ ನಿರ್ಣಯ್ ಅಖ್ಯಾ ಇಸ್ರಾಯೆಲಾಂತ್ ಗಾಜ್ತಾ
ದಾವಿದ್ ರಾಯಾಬರಿ ಸಾಲ್ಮಾಂವ್ ದೆವಾಚ ಸಸಾಯೆನ್ ಪರ್ಜೆಕ್ ಚಲಾಯ್ತಾ
ದಾವಿದ್ ರಾಯಾನ್ ಬಾಂದುಂಕ್ ಚಿಂತ್ಲೆಲೆಂ ದೆವಾಳ್ ಪೂರ್ಣ್ ಕರ್ತಾ
ಅಪ್ಲ್ಯಾ ಜಾಣ್ವಾಯೆಕ್ ಲಾಗೊನ್ ಅಖ್ಯಾ ಸಂಸಾರಾಂತ್ ನಾಂವ್ ಜೊಡ್ತಾ