ಪುಲಾಚೆಂ ಜಿವಿತ್...ಅಮ್ಕಾಂ ಆದರ್ಶ್.....

ಜಡಾರ್ ಪುಲೊನ್, ವಡ್ತಾಂತ್ ಸೊಬ್ತೆಲ್ಯಾ ಸೊಭಿತ್ ಪುಲಾ
ಕಿತೆಂ ಸೊಬಾಯ್ ತುಕಾ ತ್ಯಾ ರಚ್ನಾರಾನ್ ದಿಲ್ಯಾ
ಆಜ್ ಪುಲ್ತಾಯ್, ಫಾಲ್ಯಾ ಬಾವ್ತಾಯ್, ಮೊನಾಂ ದದೊಸ್ ಕರ್ತಾಯ್
ನಿಸ್ವರ್ಥಿ ಜಿವಿತ್ ಜಿಯೆವ್ನ್, ಜಿಣೆ ಕಿತೆಂ ಮುಣ್ ಶಿಕೈತಾಯ್.

ಲಿಲ್ಲಿ, ಸಿಂವ್ತಿ, ಆಬೊಲಿಂ ಮೊಗಾಚಿ ತುಮ್ಚಿಂ ನಾಂವಾಂ
ಹಿತ್ಲಾಂತ್, ತೊಟಾಂತ್, ಫಾಲ್ಕ್ಯಾಂತ್ ತುಮ್ಚಿಂ ಘರಾಂ
ತೊಡ್ಯಾಂಕ್ ಜಾಗೊ ರುಕಾರ್, ತೊಡ್ಯಾಂಕ್ ಜಡಾರ್
ಜಾತಾತ್ ಮೊನ್ಶಾಕ್ ಆದಾರ್, ಇಲ್ಲೆಶೆಂ ಪೊಟಾಕ್ ಗಾಲ್ಯಾರ್

ಉಗ್ತ್ಯಾ ಜಡಾರ್ ತುಂ ಬೊಸ್ತಾಯ್ ವೊತಾಚೊ ತಾಪ್ ಸೊಸ್ತಾಯ್
ವಾರೆಂ ವಾದಳ್ ಮಾರ್ಲ್ಯಾರಿ ಜಾಡಾಕ್ ಸಂಗಾತ್ ದಿತಾಯ್
ಪಿಸೊಳ್ಯಾನ್ ಮೊಂವ್ ಕೆಲ್ಯಾರೀ ಸಂಗಾತ್ ತಾಚೊ ಕರ್ತಾಯ್
ಬಾವೊನ್ ಮುಳಾಕ್ ಪೊಡ್ಲ್ಯಾರ್ ಜಡಾಕ್ ಸರೆಂ ಜಾತಾಯ್

ಹುಮ್ಟುನ್ ತುಕಾ ಕಾಡ್ತಾನಾ ದುಃಖಂ ತುಂ ಗಾಳೈನಾಂಯ್
ಜೀವ್ ತುಜೊ ತುಟ್ಲೊ ತರೀ ಸೊಬಾಯ್ ತುಂ ಭಾವೈನಾಂಯ್
ಮಾತ್ಯಾರ್ ತುಕಾ ನೆಟಾಯ್ತಾನಾ ವಡ್ವಿಕ್ ತುಂ ದಾಕೈನಾಂಯ್
ಪಾಂಯ ಮುಳಾಂತ್ ಉಡೈಲ್ಯಾರಿ ಗಾಳಿ ಸೊವೆ ದೀನಾಂಯ್

ಕಾಳ್ಜಾಕ್ ಕಾಳಿಜ್ ಮೇಳೈತಾಯ್, ಮೊಗಕ್ ಘುರ್ತ್ ಜಾತಯ್
ಸ್ತ್ರೀಯಾಂಚ ಮಾತ್ಯಾರ್ ಬೊಸೊನ್ ಗಾಂವನ್ ಗಾಂವ್ ಬೊವ್ತಾಂಯ್
ದೆವಾಚಿ ಆಲ್ತಾರ್ ಚೊಡ್ತಾಯ್, ಮೊರ್ನಾಚ ಪೊಡಾಂತ್ ಸಂಗತ್ ಜಾತಯ್
ಬಾವೊನ್ ವೆಚ್ಯಾ ಪಯ್ಲೆಂ ಮೊನ್ಶಾಂಚಿಂ ಮನಾಂ ತುಂ ಜಿಕ್ತಾಯ್.