ಸಂಸಾರ್, ಆದಾಂವ್ ಅನಿಂ ಏವ್........

ಆರಂಬಾಕ್ ದೇವಾನ್ ಆಕಾಸ್ ಅನಿ ಪ್ರಥ್ವಿ ರಚ್ಲಿ
ಪ್ರಥ್ವಿ ನಿರಾಕಾರ್ ಅನಿ ಕಾಯಿಂಚ್ ನಸ್ತಾಂ ರಿತಿ ಅಸ್ಲಿ
ಆದಿಸಾಗೊರಚೆರ್ ಅಂದ್ಕಾರ್ ಭರೊನ್ ಅಸ್ಲೊ
ದೈವಿಕ್ ವಾರೆಂ ಉದ್ಕಾಚೇರ್ ವಾಳೊನ್ ಆಸ್ಲೆಂ

ದೀಸ್ ತೊ ಪಯ್ಲೊ ಉಜ್ವಾಡ್ ಅನಿ ಕಾಳೊಕಾಕ್ ಕೆಲ್ಲೊ
ದೀಸ್ ತೊ ದುಸ್ರೊ ಆಪ್ಲೆಂ ಸಿಂಹಾಸಣ್ ಅಕಾಸ್ ರಚ್‍ಲ್ಲೊ
ದೀಸ್ ತೊ ತಿಸ್ರೊ ಭುಮಿ ಅನಿ ದರ್ಯೊ ರೂಪ್ ಕೆಲ್ಲೊ
ದೀಸ್ ತೊ ಚೊವ್ತೊ ಉಜ್ವಡಾಕ್ ಸುರ್ಯೊ-ಚಂದ್ರ್ ದಾಡ್‍ಲ್ಲೊ

ದೀಸ್ ತೊ ಪಾಂಚ್ವೊ ಉದ್ಕಾಚೆ ಪ್ರಾಣಿ ಅನಿ ಸುಕ್ಣಿ ರಚಲ್ಲೊ
ದೀಸ್ ತೊ ಸವೊ ಮನ್ಶಾಕ್ ಅನಿ ಮೊನ್ಜತಿಂಕ್ ಜೀವ್ ದಿಲ್ಲೊ
ದೀಸ್ ತೊ ಸಾತ್ವೊ ವಿಶ್ರಾಂತ್ ಘೆವ್ನ್ ತೊ ದೀಸ್ ಪವಿತ್ರ್ ಕೆಲ್ಲೊ
ದೆವಾಕ್ ಹೆಂ ಸಾರ್ವ್ ಬೊರೆಂ ದಿಸ್ಲೆಂ, ಸಂಸಾರಚೆರ್ ಬೆಸಾಂವ್ ಗಾಲೆಂ

ಧರ್ಣಿಚ ಮಾತಿಯೆಚೊ ಮನ್ಶಾಕ್ ಕೆಲೊ, ತಾಚ್ಯ ಕುಡಿಕ್ ಜೀವ್ ದಿಲೊ
ಏದೆನಾಂತ್ ಏಕ್ ಭಾಗ್ ಕೆಲಿ, ಮನ್ಶಾಕ್ ರಾವೊಂಕ್ ಸುವಾತ್ ದಿಲಿ
ಭಾಗೆಂತ್ ರೂಕ್-ಜಡಾಂ ಭರುನ್ ಅಸ್ಲಿಂ, ಮೊನ್ಶಾಕ್ ತಿಂ ಸೊಬಿತ್ ದಿಸ್ಲಿಂ
ಆದಾಂವ್ ಸಂಗತೀಣ್ ಸೊದಿಲಾಗ್ಲೊ, ಪರ್ಮಾಣ್ ಗೇವ್ನ್ ದೆವಾಲಾಗಿಂ ಪಾವ್ಲೊ

ಆದಾಂವ್ಚೊ ಏಕ್ಸುರ್ಪಾಣ್ ದೇವ್ ಸಮ್ಜಾಲೊ, ಸಂಗತಿಣ್ ಕರುಂಕ್ ನಿರ್ಧಾರ್ ಕೆಲೊ
ಆದಾಂವ್ಕ್ ಘಾಡ್ ನಿದೆಂತ್ ಘಾಲೊ, ಕುಶಿಚಾ ಬೊರಿತಾವ್ನ್ ಏವೆಕ್ ರಚ್ಲೊ
ಆದಾಂವ್ ನಾರಿ ಥಂಯ್ ಸಂತಸ್ಲೊ, ಕುಟಂಬ್ ಬಾಂದುನ್ ಜಿಯೆಂವ್ಕ್ ಶಿಕ್ಲೊ
ದೇವಾನ್ ಮೊನ್ಶಾಂಕ್ ಬೆಸಾಂವ್ ಘಾಲೆಂ, ಸಂಸಾರ್ ತಾಂಚ ಅಧಿನ್ ಕೆಲೆಂ