ಪುಟ್ತ್ಯೊ ಮಿಶೊ, ಆಂಬೊರ್ ಹಾಸೊ
ಸೊಬಾಯ್ ಸಂಗ್ತಾ ತುಜೆಂ ಯೌವನ್ಪಣ್
ಖಾಲ್ತೆಂ ಕಾಳಿಜ್, ಮಾನಾಗ್ ಗೌರವ್
ನೀಟ್ ಚಾಲ್, ರುಸ್ಚಿಂ ಉತ್ರಾಂ
ಗವಾಯ್ ದಿತಾತ್ ತುಜೆಂ ಮಾಣ್ಸುಗ್ಪಣ್
ಚಲ್ತನ ಚಾಲ್ ತುಜಿ ಹಂಸಚಿ
ದಂವ್ತಾನ ದಾಂವ್ ತಿ ಚಿತ್ಳಾಚಿ
ದೊಳೆ ತೆ ಪರ್ಜಾಳ್ತಾತ್ ಮಾಜ್ರಾಚೆ
ದೈರ್ ತೆಂ ಘರ್ಜೊಂವ್ಚಾ ವಾಗಾಚೆಂ
ಬೋಳ್ ತುಕಾ ದೆಣೆಂ ದೇವಾಚೆಂ
ಸೊಬಾಯ್ ತಿ ದೆಕ್ತೆಲ್ಯಾ ದೊಳ್ಯಾಂಚಿ
ಮಾನ್ ತುಂ ತುಜಾ ಆವೈ-ಬಾಪೈಚೆಂ
ಜಿಯೆ ತುಂ ಜಿಣೆ ಆಂಜಾಚೆಂ
ಚುಕೊನ್ ಚಲ್ಶಿ, ಕಷ್ಟಾಂತ್ ಪಡ್ಶಿ
ಹೊಗ್ಡಾಯಿಲ್ಲೊ ಮಾನ್ ಚಿಂತುನ್ ರಡ್ಶಿ
ಮುಕ್ಲೆಂ ಮೇಟ್ ದೈರಾನ್ ಕಾಡ್ಶಿ
ಮೊಗಾಳ್ ಜಾವ್ನ್ ಕಾಳ್ಜಾಂತ್ ಉರ್ಶಿ.
No comments:
Post a Comment