ಅಬ್ರಹಾಮಾಚೆಂ ಯಜ್ನ್...

ದೇವ್ ಅಬ್ರಹಾಮಾಕ್ ಅಪ್ಲೊ ಸೆವಾಕ್ ಜಾಂವ್ಕ್ ಅಪಯ್ತಾ
ದರ್ಣಿಚ ದುಳಿ ಪರಿ ತಾಚಿ ಸಂತಾತ್ ಕರ್ಚಿ ಭಾಸ್ ದಿತಾ.
ದೇವಾಚ ಉಲ್ಯಾಕ್ ಅಬ್ರಹಾಮ್ ಖಾಲ್ ಜಾವ್ನ್ ಚಲ್ತಾ
ಅಪ್ಲೊ ಗಾಂವ್ ಸಾಂಡುನ್ ಕಾನಾನ್ ದೆಶಾಕ್ ಪಾಯ್ಣ್ ಕರ್ತಾ

ದೇವ್ ಅಬ್ರಹಾಮಾಕ್ ಮಳ್ಬಾವಯ್ಲಿಂ ನೆಕೆತ್ರಾಂ ಮೆಜಾಯ್ತಾ
ಮಳ್ಬಾಚಾ ನೆಕೆತ್ರಾಂ ಪರಿ ಸಂತತ್ ದೀಂವ್ಕ್ ಭಾಸಯ್ತಾ
ದೇವ್ ಸೊಲ್ಲೊ ಕಾರ್ನ್ ವ್ಹಡ್ ರಾಷ್ಟ್ರ್ ಕರ್ಚಿ ಭಾಸ್ ದಿತಾ
ಅಬ್ರಹಾಮ್ ಸೊಸ್ಣಿಕಾಯೆನ್ ರಾಕ್ತಾ ಬಾಸವ್ಣ್ಯಾಚೆರ್ ಭರ್ವಸೊ ದವರ್ತಾ

ಶೆಂಬರ್ ವರ್ಸಾಂ ಅಬ್ರಹಾಮಾಕ್, ದೆವಾನ್ ಬುರ್ಗ್ಯಾಂಕ್ ಭಾಸಯ್ತಾನ
ನೊವೊದ್ ವರ್ಸಾಂಚಿ ಝರ‍್ಲ್ಲಿ ಮಾತಾರಿ ಸಾರಾ ಗರ್ಬೆಸ್ತ್ ಜಾತನ
ದೇವ್ ಉತ್ರಾಕ್ ಚುಕೊನಾಂ ಅಬ್ರಹಾಮ್ ಭರ್ವಸೊ ಸಾಂಡಿನಾಂ
ಸಾರಾ ಬುರ್ಗ್ಯಾಕ್ ಜಾಲ್ಮ್ ದಿತಾ, ಇಸಾಕ್ ಬಾಳ್ ಜಾವ್ನ್ ಜಾಲ್ಮತಾ

ಪರಿಕ್ಶ ಕೆಲಿ ದೇವಾನ್ ಏಕ್ ದೀಸ್ ಅಬ್ರಹಾಮಾಚಿ
ಬಲಿ ಬೆಟೊಂವ್ಕ್ ತಾಕಿದ್ ದೆಲಿ ಅಪ್ಲ್ಯಾ ಪುತಾ ಇಸಾಕಾಚಿ
ಅಬ್ರಹಾಮ್ ಪಾಟಿಂ ಸರ್ಲೊ ನಾಂ, ಉಲ್ಯಾಕ್ ಘಳಾಯ್ ಕೆಲಿ ನಾಂ
ಬಲಿ ಬೆಟಂವ್ಕ್ ಲಾಂಕುಡ್ ಘೆತಾ, ಮೊರಿಯಾ ಗಾವಾಕ್ ಪಾಯ್ಣ್ ಕರ್ತಾ

ಬಲಿಯೆಚಿ ಸುವಾತ್ ಲಾಗಿಂ ಪಾಂವ್ತಾಚ್ ಚಾಕ್ರಾಂಕ್ ತಂಯ್ಚ್ ರಾವಯ್ತಾ
ಪೂತ್ ಇಸಾಕಾಕ್ ಘೆವ್ನ್ ಲಾಂಕ್ಡ ಸವೆಂ ಮೆಟಾಂ ಘಾಲ್ತಾ
ಇಸಾಕ್ ವಿಸಾರಿ "ಬಾಪಾ ಹೊಂ ಬಲಿಯೆಕ್ ಶೆಳಿ ಕಂಯ್ ಅಸಾ ?
"ದುಖೆಸ್ತ್ ಅಬ್ರಹಾಮ್ "ದೇವ್ ದಿತಲೊ" ಮ್ಹಳ್ಳಿ ಜಾಪ್ ದಿತಾ.

 ಬಲಿಯೆಕ್ ವೆದಿ ತಯಾರ್ ಕಾರ್ನ್ ಅಬ್ರಹಾಮ್ ತಯಾರ್ ಜಾತಾ
ಪೂತ್ ಇಸಾಕಾಕ್ ಬಾಂದುನ್ ಬಲಿ ಬೆಟೊಂವ್ಕ್ ಮುಕಾರ್ ಸರ್ತಾ
ದೇವಾಚೊ ಧೂತ್ ಅಬ್ರಹಾಮಾಕ್ ಬಲಿ ದೀಂವ್ಕ್ ಆಡಯ್ತಾ
ದೇವ್ ಅಬ್ರಹಾಮಾಕ್ ಮಚ್ವಾತ ರಾಷ್ಟ್ರಾಂಚೊ ತಾಕಾ ಬಾಪಯ್ ಕರ್ತಾ