ವಿಲ್ಪಿಯಾಬ್....ಕೊಂಕಣ್ ಕೊಗುಳ್

ತುವೆಂ ಬರಯ್ನಾತ್‍ಲ್ಲೊ ವಿಶಯ್ ನಾಂ, ತುವೆಂ ಗಾಯಿನಾತ್‍ಲ್ಲಿಂ ಪೊದಾಂ ನಾಂತ್
ಕೊಂಕ್ಣಿ ಬಾಷೆಚೊ ಮಾನ್ ತುಂ, ಕೊಂಕ್ಣಿ ಲೊಕಾಂಚೊ ಗೌರವ್ ತುಂ
ಮಾಂಯ್ ಭಾಷೆಚಿ ತುವೆಂ ಸೆವ ಕೆಲಿ, ತುವೆಂ ಗಾಜಯಿಲ್ಲಿ ಕೀರ್ತ್ ಅಮರ್ ಜಾಲಿ
ಚಾಳಿಸಾನಿ ಚಾಡ್ ಕೊವ್ಳ್ಯೊ ಕೆಲ್ಯೊಯ್, ಲೊಕಾ ಮದೆಂ ಕೊಗುಳ್ ಜಾಲೊಯ್

ದುಬ್ಳಿಕಾಯೆನ್ ವೆಡೊ ಗಾಲ್ತಾನಾಂ ಜಿಯೆಂವ್ಚಿ ವಾಟ್ ನೆಣಾಸ್ಲೋಯ್
’ಅಯ್ಚಿ ವಾಂವ್ಟ್ ಪಾಲ್ಯಾಂಚಿ ಜಾಯ್ತ್’ ಹೆಂ ತುಂ ಜಾಣಾಸ್ಲೋಯ್
ದೆವಾನ್ ದಿಲ್ಲ್ಯಾ ಸಂಗೀತಾಕ್ ಸಗ್ಳ್ಯಾ ಜಿವಿತಾಂತ್ ಸಂಗಾತ್ ಕೆಲೊಯ್
ಸಂಗೀತಕ್‍ಚ್ ಮಾಧ್ಯಮ್ ಕಾರ್ನ್ ಕೊಂಕ್ಣಿ ಭಾಷೆಚೊ ಮಾನ್ ಕೆಲೊಯ್

ಪೊದಾಂ ತುವೆಂ ಬರಯ್ಲಿಂಯ್, ಸಂಗೀತ್ ತಾಕ ಗುಂತ್ಲೆಂಯ್
’ವಿಲ್ಪಿ ನಾಯ್ಟ್’ ವ್ಹಯ್ ಕಾರ್ನ್ ಪೊದಾಂಚೊ ಪಾವ್ಸ್ ವೊತ್ಲೊಯ್
ಪ್ರೇಮ್ ಅನಿ ಬಬಿತಾಕ್ ಜೊಡೆಂ ಕಾರ್ನ್ ಲೊಕ ಮೊಗಾಳ್ ಕೆಲೊಯ್
ಬಾಯ್ಲ್ ಬುರ್ಗ್ಯಾಂಕ್ ಸಂಗೀತ್ ಶಿಕವ್ನ್ ಸಂಗೀತಾಚೆಂ ಕುಟಾಮ್ ಬಾಂದ್ಲೆಂಯ್

ಮಾಂಯ್ ಗಾವಾಂತ್ ತಾಶೆಂ ಪರ್ಗಾವಾಂತ್ ಲೊಕಾಚಿಂ ಕಾಳ್ಜಾಂ ಜಿಕ್ಲೊಯ್
ಮಾನ್ ಸನ್ಮಾನಚಿ ಅಪೆಕ್ಶ ನಾಸ್ತಾಂ ಘಾಮ್ ತುಜೊ ವಾರಯ್ಲೊಯ್
ತರ್ನ್ಯಾ ಪಿಳ್ಗೆಕ್ ವಾಟ್ ದಾಕೊಂವ್ಕ್ ಸಂಗೀತ್ ಸಂಸ್ಥೊ ವ್ಹಯ್ ಕೆಲೊಯ್
ಕೊಂಕ್ಣಿ ಬಾಷೆಚಾ ಪೊದಾಂಕ್ ನವಿ ದಿಶಾ ದಾಕಯ್ಲೀಯ್

ಕಸೊ ತುಜೊ ಉಪ್ಕಾರ್ ಅಟೊಂವ್ ತುವೆಂ ಕೆಲ್ಲ್ಯಾ ವಾವ್ರಾಚೊ
ಮೆಳ್ಚೊ ನಾಂ ಅನ್ಯೆಕ್ಲೊ ಮಾನ್ ಕರುಂಕ್ ಮಾಂಯ್ ಬಾಷೆಚೊ
ನೆಕೆತ್ರ್ ಜಾವ್ನ್ ಅಮರ್ ಜಾಲಾಯ್ ಅಮಾ ಕೊಂಕ್ಣಿ ಲೊಕಾಂಚೊ
ಮಾಗೊನ್ ದಾಡ್ ಬೆಸಾಂವ್ ಸರ್ಗಿಂತಾವ್ನ್ ದೆವಾ ಬಾಪಾಚೊ

ಜುಜೆಕ್ ಏಜಿಪ್ತ್ ಗಾರಾಂಕ್ ವಿಕ್ತಾತ್....

ಜಾಕೊಬಾಚಾ ಬುರ್ಗ್ಯಾಂಪಯ್ಕಿಂ ಜುಜೆ ತಾಚೊ ಮೊಗಾಚೊ ಪೂತ್
ದೇವ್ ಭಿರಂತಿಚ ಜುಜೆಚೇರ್ ಅಸುಲ್ಲೊ ದೇವಾಚೊ ಹಾತ್
ಅಪುಣ್ ವರ್ತೊ ಜಾಂವ್ಚೆಂ ಏಕ್ ಸಪ್ಣಾಂತ್ ತಾಕ ಕಳ್‍ಲ್ಲೆಂ
ಸುರ್ಯೊ, ಚಂದ್ರ್, ನೆಕೆತ್ರಾನಿಂ ನಮಾಸ್ಕಾರ್ ಕರ್ಚೆಂ ತಾಣೆ ದೆಕ್‍ಲ್ಲೆಂ

ಏಕ್ ದೀಸ್ ಜುಜೆಚೆ ಭಾವ್ ಬೊಕ್ರೆ ಚೊರೊಂವ್ಕ್ ಶೆಕೆಮಾಕ್ ಗೆಲ್ಲೆ
ತಾಂಚಿ ಖಬರ್ ಕಾಡುಂಕ್ ಜಾಕೊಬಾನ್ ಜುಜೆಕ್ ದಾಡ್ಲೆಂ
ಭಾವಾಂಕ್ ಮೆಳೊಂಕ್ ಜುಜೆನ್ ಅಪ್ಲೆಂ ಪಾಯ್ಣ್ ಸುರು ಕೆಲೆಂ
ಲಾಂಬ್ ವಾಟ್ ತಿ ತರಿ ಅಪ್ಲ್ಯಾ ಭಾವಾಂಕ್ ಸೊದುನ್ ಕಾಡ್ಲೆಂ

ಪಾಯ್ಸ್ ಥಾವ್ನ್ ಯೆಂವ್ಚಾ ಜುಜೆಕ್ ತಾಚ ಭಾವಾನಿಂ ದೆಕ್ಲೆಂ
ಬಾಪಾಯ್ಚ ಮೊಗಾಚ ಜುಜೆಚೆರ್ ತೆ ರಾಗಾನ್ ಪೆಟ್ಲೆ
ಜಾಲ್ಲೊ ಅವ್ಮಾನ್ ಚಿಂತುನ್ ಜಿವೆಶಿಂ ಮಾರುಂಕ್ ಚಿಂತ್ಲೆಂ
ಖುನ್ ಕರುಂಕ್ ಬಿಯೆವ್ನ್ ಪೊಟ್ಟು ಬಾಂಯ್ತ್ ಉಡಯ್ಲೆಂ

ಬಾಂಯ್ತ್ ಜುಜೆ ಮೊರಾತ್ ಮ್ಹಣ್ ಇಶ್ಮಾಯೆಲಿತಾಂಕ್ ಮೊಲಾಯ್ಲೆಂ
ಮಿದಿಯಾನಿತಾಚ ವ್ಯಾಪಾರಿಸ್ತಾನಿಂ ಜುಜೆಕ್ ಮೊಲಾಕ್ ಗೆತ್ಲೆಂ
ಏಜಿಪ್ತಾಂತ್ ಮಿದಿಯಾನಿತಾನಿ ಜುಜೆಕ್ ಪೊರ್ತುನ್ ವಿಕ್ಲೆಂ
ಫಾರೊಹಾಚೊ ಕರ್ಭಾರಿ ಪೊತಿಫಾರನ್ ತಾಕ ಮೊಲಾಕ್ ಗೆತ್ಲೆಂ

ಜುಜೆಚೆ ಭಾವ್ ಬಾಪಾಯ್ಕ್ ಪೊಟ್ ಸಾಂಗುಂಕ್ ಗುಟ್ಮಾಲ್ ಕರ್ತಾತ್
ಜುಜೆಕ್ ಕ್ರೂರ್ ಮನ್ಜಾತಿನ್ ಜಿವೆಶಿಂ ಮಾರ್ಲಿ ಮ್ಹಣ್ ಪೊಟ್ ಸಂಗ್ತಾತ್
ಜುಜೆಚೊ ದಗ್ಲೊ ರಗ್ತಾಂತ್ ಬುಡೊವ್ನ್ ಜಾಕೊಬಾಕ್ ದಾಕಯ್ತಾತ್
ಅಪ್ಲ್ಯಾ ಸ್ವಾರ್ಥ ಖಾತಿರ್ ಬಾಪಾಯ್ಚ ದೊಳ್ಯಾಂತ್ ದುಃಖಾಂ ಹಾಡಯ್ತಾತ್

ಪುತಾನಿಂ ಹಾಡ್‍ಲ್ಲಿ ಖಬರ್ ಜಾಕೊಬ್ ನೀಜ್ ಪಾತ್ಯೆತಾ
ಆಂಗ್ ವಸ್ತುರ್ ಪಿಂಜುನ್, ಗೊಣಿವಸ್ತುರ್ ನೆಸೊನ್ ಖಂತಿಷ್ಟ್ ಜಾತಾ
ಘರ್ಚಾನಿಂ ಕಿತ್ಲಿ ಭುಜಾವಣ್ ಕೆಲ್ಯಾರಿ ಅಯ್ಕಾನಾಂ ಜಾತಾ
ಅಪ್ಲ್ಯಾ ಮೊಗಾಚ ಪುತಾ ಖಾತಿರ್ ಜಾಕೊಬ್ ರುದಾನ್ ಕರ್ತಾ.

ಮುಕ್ಲೆಂ ಚಿಂತುನ್ ಚಾಲ್......

ಅದ್ಲೆಂ ತುಂ ವಿಸ್ರೊನ್ ಮುಕ್ಲೆಂ ಮೇಟ್ ಕಾಡ್
ಅದ್ಲೆಂಚ್ ತುಂ ಚಿಂತುನ್ ಬೊಸ್ಲ್ಯಾರ್ ಗಾತ್ ತುಜಿ ಪಾಡ್
ಚಿಂತುಕ್ ಅಶೆತಾಯ್ ತಾರ್ ಬೊರಿ ಚಿಂತ್ನಾ ಮತಿಕ್ ಹಾಡ್
ಖೊಟ್ಯಾ ಘಡಿತಾಂಕ್ ಏಕ್ ಸೊಪಣ್ ಕಶೆಂ ವಿಸ್ರೊನ್ ಚೊಡ್

ದೇವಾನ್ ದಾಡ್ಲೊ ಮನ್ಶಾಕ್ ಜಿಯೆಂವ್ಕ್ ಹ್ಯಾ ಸಂಸಾರಾಂತ್
ಕಾಷ್ಟ್-ಸುಖ್ ವಾಂಟುನ್ ದಿಲೆಂ ಸಾಕ್ಸ್ ಜಾಂವ್ಕ್ ರಚ್ನಾರಾಕ್
ಸಂಸಾರಾಚಿ ಖುಶಾಲ್ ಕಾಯ್ ನಾಡುಂಕ್ ಲಾಗ್ಲಿ ಮನ್ಶಾಕುಳಾಕ್
ದೇವಾಕ್ ಸಾಂಡುನ್ ಮನ್ಶಾನ್ ಸಂಗಾತಿ ಕೆಲೊ ದೆಂವ್ಚಾರಾಕ್

ಸಂಸಾರಾಕ್ ಲಾಬ್ದಾಲ್ಯಾರ್ ಜಿವಿತ್ ಜಾಂವ್ಕ್ ಪುರೊ ಖುಶಾಲ್
ಬೊರ್ಯಾ ದಿಸಾನಿ ಇಷ್ಟ್-ಮಂತ್ರ್ ದಾಕಯ್ತಾತ್ ಮೊನ್ ವಿಶಾಲ್
ಕಷ್ಟಾಂತ್ ತುಂ ಸಂಪ್ಡಾತಾನ ದೀಸ್ ಜಾತೆಲೆ ವಿಕಾಳ್
ಏಕ್ಸುರ್ ಪಣಾಕ್ ಬಲಿಜಾಲ್ಯಾರ್ ಘಡಿತಾಂ ಜಾತೆಲಿಂ ಕರಾಳ್

ಕಿತ್ಲೊ ತೇಂಪ್ ಲೊಳ್ತಾಲೊಯ್ ಪಾತ್ಕಾಚ ತ್ಯಾ ಕೊಂಡಾಂತ್
ವಿಸ್ರಾನಾಕ ವರ್ಚೊನಾಂಯ್ ಕಿತೆಂಚ್ ವೆತನಾಂ ಪೊಂಡಾಂತ್
ರಿತೆಂ ಅಯ್ಲಾಯ್-ರಿತೆಂ ವೆತಾಯ್ ಉಗ್ಡಾಸ್ ದವರ್ ಮತಿಂತ್
ನಿಚೆವ್ ಕಾರ್ ಜಿವಿತ್ ದೀಂವ್ಕ್ ಸರ್ವೆಸ್ಪರಾಚ ಹಾತಾಂತ್

ಖೊಟ್ಯಾ ಚಾಲಿಕ್ ಪಾಟ್ ಕೆಲ್ಯಾರ್ ದಿಸ್ತಾ ತುಕಾ ವಾಟ್
ಖಾಲ್ತ್ಯಾ ಕಾಳ್ಜಾನ್ ದೇವಾಕ್ ಒಳ್ಕೊನ್ ಪೆಟಯ್ ಜಿವಿತಾಚಿ ವಾತ್
ದೆಕ್ಚೊ ನಾಂಯ್ ಮೊರ ಪರ್ಯಾಂತ್ ಅಂದ್ಕಾರಾಚಿ ರಾತ್
ತುಜೊ ಜೆಜು ರಾಕೊನ್ ಅಸಾ ಉಗ್ತೆ ಕರುನ್ ಹಾತ್.

ಜಾಕೊಬಾಕ್ ಇಸಾಕಾಚೆಂ ಬೆಸಾಂವ್......

ಇಸಾಕಾಕ್ ದೋಗ್ ಬುರ್ಗೆ ಏಸಾವ್ ಅನಿ ಜಾಕೊಬ್
ಏಸಾವ್ ವ್ಹಡ್ ಶಿಕಾರೆಗಾರ್ ಬಾಪಯ್ಕ್ ಮೊಗಾಚೊ
ಜಾಕೊಬ್ ಸಮಾಧಾನಿ ಮನಿಸ್ ಆವಯ್ಕ್ ಮೊಗಚೊ
ಜಾಕೊಬಾಕ್ ದೆವಾನ್ ವಿಂಚ್ಲೊ ಜತಾನ್ ಘೆಂವ್ಕ್ ಪರ್ಜೆಚೊ

ಪ್ರಾಯ್ವಂತ್ ಇಸಾಕ್ ಏಕ್ ದೀಸ್ ಶಿಕಾರೆಚೆಂ ಮಾಸ್ ಅಶೆತಾ
ಮಾಸ್ ರಾಂದುನ್ ವಾಡ್ಲ್ಯಾರ್ ಏಸಾವಾಕ್ ಬೆಸಾಂವ್ ಭಾಸಯ್ತಾ
ಚೊರ್ಯಾನಿಂ ರೆಬೆಕ್ಕಾ ಬಾಪಯ್-ಪುತಾಚೆಂ ಉಲವ್ಣೆಂ ಅಯ್ಕಾತಾ
ಘಡಲ್ಲಿ ಖಬರ್ ದಾಕ್ಟೊ ಪೂತ್ ಜಾಕೊಬಾಕ್ ತಿಳ್ಸಿತಾ

ರೆಬೆಕ್ಕಾ ಬೆಸಾಂವಾ ಖಾತಿರ್ ಗುಟ್ಮಳ್ ಚಲಯ್ತಾ
ಬೊಕ್ರ್ಯಾಚಾ ಹಿಂಡಾತ್ಲೆಂ ದೋನ್ ಬೊಕ್ರೆ ಹಾಡಯ್ತಾ
ಅಪ್ಲ್ಯಾ ಪತಿಕ್ ಪಸಂದೆಚೆ ಜೆವಾಣ್ ತಯಾರ್ ಕರ್ತಾ
ದಾಕ್ಟೊ ಪೂತ್ ಜಾಕೊಬಾ ಮುಖಾಂತ್ರ್ ವಾಡುಂಕ್ ಪರ್ಮಾಯ್ತಾ

ಏಸಾವಚೆಂ ವಸ್ತುರ್ ನೆಸುನ್ ಜಾಕೊನ್ ಬಾಪಾಯ್ಕ್ ಬೆಟ್ತಾ
ಹಾತಾಕ್ ಅನಿ ಗೊಮ್ಟ್ಯಾಕ್ ಲೊಂವ್ ದಾಕೊಂವ್ಕ್ ಚಾಮ್ಡೆಂ ರೆವ್ಡಾಯ್ತಾ
ಬಾಪಯ್ ಇಸಾಕ ಲಾಗಿಂ ವೊಸುನ್ ಅಪುಣ್ ಏಸಾವ್ ಮ್ಹುಣ್ ಫಟಾಯ್ತಾ
ರಾಂದುಲ್ಲೆಂ ಜೆವಾಣ್ ಬಾಪಯ್ಕ್ ವಾಡ್ನ್ ಬೆಸಾಂವಾಕ್ ಆತ್ರೆಗ್ತಾ

ಕುರ್ಡೊ ಇಸಾಕ್, ಜಾಕೊಬಾಚೊ ಕುತಂತ್ರ್ ಸಮ್ಜಾನಾಂ ಜಾತಾ
ಮಾಲ್ಗಾಡ್ಯಾ ಪುತಾಚೆಂ ಬೆಸಾಂವ್ ಜಾಕೊಬಾಚೆರ್ ಘಾಲ್ತಾ
ಬೆಸಾಂವ್ ಘೆತ್‍ಲ್ಲೊ ಜಾಕೊಬ್ ವ್ಹಡ್ ಭಾವಾ ತಾವ್ನ್ ಲಿಪ್ತಾ
ಶಿರಾರೆ ತಾವ್ನ್ ಪಾಟಿಂ ಯೆತಾಚ್ ಏಸಾವಕ್ ಗುಟ್ಮಾಳ್ ಕಳ್ತಾ

ಆಪ್ಣೆಂ ರಾಂದ್‍ಲ್ಲೆಂ ಜೆವಾಣ್ ಘೆವ್ನ್ ಪರಾತ್ ಬಾಪಯ್ಕ್ ಬೆಟ್ತಾ
ಅಪ್ಣಾಚೇರಿ ಬೆಸಾಂವ್ ಘಾಲುಂಕ್ ಪರಾತುನ್ ಮಾಗ್ತಾ
ಮಾಲ್ಗಾಡ್ಯಾಚೆಂ ಬೆಸಾಂವ್ ಪೊರ್ತುನ್ ದೀಂವ್ಕ್ ಇಸಾಕ್ ನಾಕಾರ್ತಾ
ಬಾಪಯ್ಚಾ ಆಶಿರ್ವಾದನ್ ಜಾಕೊಬ್ ದೇವ್ ಪರ್ಜೆಕ್ ಚಲಾಯ್ತಾ

ರಾಜಕಾರಣಿ.

ಕೈ ಮುಗಿದು ಗೆದ್ದು, ನರಿಯಂತೆ ವಂಚಿಸಿ
ಒಮ್ಮೆಯೂ ಕ್ಷೇತ್ರವನು ತಿರುಗಿ ನೋಡದ ಭೂಪ
ಪುಕ್ಕಟೆ ಮನೆ ಮಠ, ತಿಂದುಂಡು ಕೊಬ್ಬಿ
ರಾಕ್ಷಸ ಗಾತ್ರದಿಂದ ಆಕರ್ಶಿಸುವ ರೂಪ

ಖಾಧಿಯ ತೊಟ್ಟು, ಟೋಪಿಯ ಇಟ್ಟು
ಗಾಂಧಿಯ ಪ್ರತಿಮೆಗೆ ನಮಸ್ಕರಿಸುವ ವಂಚಕ
ಆಧಿಕಾರ ಸಿಕ್ಕಾಗ, ಗಾಂಧಿ ತತ್ವ ಮರೆತು
ಬಡವರ ವಧೆ ಮಾಡಲು ಹೇಸದ ಕೀಚಕ

ಬರೆಯಲು ಅರಿಯದೆ, ಹೆಬ್ಬೆಟ್ಟು ಒತ್ತಿ
ಬರೆದಿಟ್ಟ ಬಾಷಣವನು ಓದಲರಿಯದ ಕೋಣ
ಕುರ್ಚಿಯ ಉಳಿಸಲು ಸುಳ್ಳು ಆಶ್ವಾಸನೆ ನೀಡಿ
ಪಂಗಡಗಳ ನಡುವೆ ಜಗಳ ತಂದಿಡುವ ಜಾಣ

ತನ್ನ ಸ್ಥಾನ ರಕ್ಶಿಸಲು, ಬಂದು ಬಳಗ ಲೆಕ್ಕಿಸದೆ
ಯಾರನ್ನಾದರೂ ಬಲಿಪಶು ಮಾಡುವ ರಾಕ್ಶಸ
ತನ್ನ ರಕ್ಶಣೆ ಮೂಲಭೂತ ಹಕ್ಕೆಂದು
ಕೊಲೆಗೆಡುಕರನು ತನ್ನ ಸುತ್ತ ಬೆಳೆಸುವ ಪೋಷಕ

ಕೊಟ್ಟ ಆಶ್ವಾಸನೆ ಗೆದ್ದು ಬಂದಂದು ಮರೆತು
ಬಡ ಜನರ ಶಾಪ ಹೊತ್ತು ಕೊಳ್ಳುವ ಪಾಪಿ
ಯಾವುದೇ ಸಮಾರಂಭಕ್ಕೆ ತಡವರಿಸಿ ಬಂದು
ಪತ್ರಿಕೆಯಲಿ ಹೆಸರು ಚಾಪುವಂತೆ ಮಾಡುವ ಕುರೂಪಿ

ಸಂಪತ್ತು ಗಳಿಸಲು ಭೂ-ತಾಯಿಯ ಮರೆತು
ವಿನಾಶಕರ ಜೊತೆ ಕೈ ಮಿಲಾಯಿಸುವ ದ್ರೋಹಿ
ಆರೋಪ ಬಂದಾಗ ನಿರಪರಾಧಿಯಂತೆ ವರ್ತಿಸಿ
ಹಣದ ಬಲದಿಂದ ಸರ್ಕಾರ ಖರೀದಿಸುವ ವಿದ್ರೋಹಿ

ತಲೆನೋವು ಹೊಟ್ಟೆನೋವಿಗೆ ವಿದೇಶ ಸುತ್ತಿಬಂದು
ಜನರ ಹಣದಿಂದ ಸ್ವಾಸ್ತ್ಯ ಕಾಪಾಡುವ ಭಿಕಾರಿ
ಮಂದಿರ ಮಸೀದಿಯ ವಿಷಯ ಎತ್ತಿ ಹಿಡಿದು
ಜಾತಿ ಭೇದದ ವಿಷಬೀಜ ಬಿತ್ತುವ ಪುಡಾರಿ.

ಪೂಲನ್ ದೇವಿ.

ಹೆಸರಲ್ಲಿ ಹೂ ರಾಶಿಗೆಲ್ಲ ರಾಣಿಯಾಗಿದ್ದೆ
ಕಾಮುಕರ ಕ್ರೂರ ದ್ರಷ್ಟಿಗೆ ಮಕರಂದವಾದೆ
ಬಡತನ ಶಾಪ ಎಂಬುದಕ್ಕೆ ಉದಾಹರಣೆಯಾದೆ
ಇವೆಲ್ಲವನು ಮೆಟ್ಟಿ ನಿಂತು ಜಯಶಾಲಿಯಾದೆ

ಬಡತನದಿ ಬಳಲುತ್ತಿದ್ದ ಮನೆಗೆ ಮಗುವಾದೆ
ಒಪ್ಪತ್ತು ಊಟಕ್ಕಿಲ್ಲದೆ ಹಸಿವೆಯಿಂದ ಮರುಗಿದೆ
ಹೊರೆಹೊತ್ತು ದುಡಿಯಲು ನೀ ನಿರ್ದರಿಸಿದೆ
ಮನೆಗೆ ಹಿರಿಯಳಾಗಿ ಜಾವಾಬ್ದಾರಳಾದೆ

ಮದುವೆಯ ಅರ್ಥವರಿಯದೆ ವದುವಾಗಿ ಹೋದೆ
ಕಾಮುಕ ವರನಿಗೆ ಕೈ ಗೊಂಬೆಯಾದೆ
ಮನಬಿಚ್ಚಿ ಆಟವಾಡುವ ಕನಸನ್ನು ಕಂಡೆ
ಕನಸೆಲ್ಲ ಚೂರಾಗಿ ಒಳಗೊಳಗೆ ನೊಂದೆ

ಅರಿಯದ ಜನರಿಗೆ ನೀ ಹೊರೆಯಾದೆ
ತನ್ನವರ ಹಕ್ಕಿಗಾಗಿ ಮಸಿಬಳಿದು ಕೊಂಡೆ
ರಕ್ಶಣೆಗೆ ಕೈ ಚಾಚಿ ಕೈ ಸುಟ್ಟುಕೊಂಡೆ
ನೋಡುವವರ ದ್ರಷ್ಟಿಯಲಿ ಮತಿಹೀನಳಾದೆ

ಊರ ಜನರ ಬಾಯಲ್ಲಿ ಹೀಯಾಳಿಕೆಯಾದೆ
ಅಪಮಾನವ ನೆನೆದು ನೀ ಕ್ರೂರಿಯಾದೆ
ಊರಬಿಟ್ಟು ಕಾಡು ಸೇರಿ ನೀ ರಾಣಿಯಾದೆ
ಜಗದಗಲ ಹೆಸರನ್ನು ವಿಸ್ತರಿಸಿಕೊಂಡೆ

ಮೇಲ್ವರ್ಗದ ಜನರಿಗೆ ಭಯ ಭೀತಿಯಾದೆ
ಬಡಜನರ ಕಷ್ಟದಲಿ ನೀ ಭಾಗಿಯಾದೆ
ಆರಕ್ಶರ ಕಾವಲಿಗೆ ನೀ ಪ್ರೆಶ್ನೆಯಾದೆ
ಕೊನೆಗೊಂದು ದಿನ ಶರಣಾಗತಳಾದೆ

ಜನರ ಪೀತಿಯಿಂದ ನೀ ಗೆದ್ದು ಬಂದೆ
ರಾಷ್ಟ್ರದ ಸೇವೆಗೆ ಮುಡಿಪಾಗಿ ಬಿಟ್ಟೆ
ರಾಜಕೀಯ ತುಮುಲಕ್ಕೆ ಬಿಲಿಪಶುವಾದೆ
ನಂಬಿದವರ ಗುಂಡಿಗೆ ನೀ ಬಲಿಯಾದೆ.

ಮೇಲು - ಕೀಳು

ನಾನು-ನೀನು ಎಂಬ ಖಡು ಜಂಬವೇಕಯ್ಯಾ
ನಮ್ಮಲ್ಲರಿಯುವುದು ಒಂದೇ ರಕ್ತವಯ್ಯಾ
ನನ್ನದು-ನಿನ್ನದು ಎಂಬ ಜಗಳವೇಕಯ್ಯಾ
ಇದೆಲ್ಲವೂ ಆ ಪರಮನ ವರದಾನವಯ್ಯಾ

ಪರರ ನಿಂದಿಸಿ ನಕ್ಕು ನಲಿಯುವ ಮ್ರಗನಾದರೆ
ನಿನ್ನ ಪಾಡೇನೆಂದು ಅರಿತಿರುವೆಯಾ ?
ಉಪಕಾರಿಯಾಗದೆ ನಯವಂಚಕ ಜೀವಿಯಾದರೆ
ನಿನಗೇನು ಕಾದಿದೆಂದು ಯೋಚಿಸಿರುವೆಯಾ ?

ಬಡತನದಿ ಬೇಯುತ್ತಿರುವ ಸಹೋದರನೆದುರು
ನಿನ್ನ ಆಸ್ತಿಗೆ ಮೌಲ್ಯವೇನಯ್ಯಾ ?
ಬಳಲಿ ಸೋತುಹೋದ ನೆರೆಯವನೆದುರು
ನಿನ್ನ ಸವಿ ನುಡಿಗಳಿಗೆ ಅರ್ಥವೇನಯ್ಯಾ ?

ಜನರನ್ನು ಓಲಿಸಿ ಕೈ ಮುಗಿದು ಗೆದ್ದರೆ
ನಿನ್ನ ಜವಾಬ್ದಾರಿಯೇನೆಂದು ಅರಿತಿರುವೆಯಾ ?
ದೇಶವಾಳುವ ನಾಯಕನೇ ಭಕ್ಶಕನಾದರೆ
ಜನರ ಶಾಪದ ಕಿಡಿಯನ್ನು ಊಹಿಸಿರುವೆಯಾ ?

ಜಾತಿ-ಮತದ ಹೆಸರಲ್ಲಿ ದೇಶ ಒಡೆದರೆ
ನಿನ್ನ ಮಂತ್ರ ಪಟಣಕ್ಕೆ ಫಲವೇನಯ್ಯಾ ?
ಮಂದಿರ-ಮಸೀದಿಯನ್ನು ಹೊಡೆದುರುಳಿಸಿದರೆ
ಪರಮನ ಕಾಣಲು ಹೋಗುವುದೆಲ್ಲಯ್ಯಾ ?

ಭುಜ್ - ಭೂಕಂಪ........

ಏನನ್ನು ಚಿಂತಿಸದೆ ಮಲಗಿದ್ದರು ಜನರು
ಮರುದಿನ ಏಳುವಾಗ ಹಲವರಿಗಿಲ್ಲ ಉಸಿರು
ಬದುಕುಳಿದವರಿಗೆ ಕಾಣದಾಯಿತು ನಿಸರ್ಗದ ಹಸಿರು
ಎಲ್ಲೆಲ್ಲೂ ನೋಡಿದರೂ ರಕ್ತ ತುಂಬಿದ ಕೆಸರು

ಕಂಪಿಸಿತು ಭೂಮಿ ಏನನ್ನೂ ಉಳಿಸದೆ
ಪ್ರಾಣವನು ಹಿಂಡಿತು ಜಾತಿ-ಭೇದವಿಲ್ಲದೆ
ತತ್ತರಿಸಿತು ಮನೆ ಮಠ ಕ್ಶಣ ಮಾತ್ರದಲ್ಲಿ
ಹರಿಯಿತು ರಕ್ತದೋಕುಳಿ ರಸವೇಗದಲ್ಲಿ

ಹೆತ್ತ ಕರುಳಿಗೆ ಹೊತ್ತು ಸಲಹುವ ಭಾಗ್ಯವಿಲ್ಲವಾಯಿತು
ಹೊತ್ತು ಸಲಹಿದ ಮಕ್ಕಳಿಗೆ ದಿಕ್ಕೆ ಇಲ್ಲದಾಯಿತು
ನಲಿವ ಕಂದಮ್ಮಗಳಿಗೆ ಹೆತ್ತ ಮಡಿಲು ಇಲ್ಲದಾಯಿತು
ಎಲ್ಲವನು ಕಳಕೊಂಡವರಿಗೆ ದಿಕ್ಕೇ ತೋಚದಾಯಿತು

ದೇಶಕ್ಕೆ ಮಹಾನ್ ನೇತನನ್ನು ಕೊಟ್ಟ ನಾಡಾಗಿತ್ತು
ಆರ್ಥಿಕ ಪ್ರಗತಿಯ ಸಾದಿಸಿದ ಕೇಂದ್ರ ಬಿಂದುವಾಗಿತ್ತು
ವಿವಿದತೆಯಲ್ಲಿ ಏಕತೆಯನ್ನು ಕಂಡ ಬೀಡಾಗಿತ್ತು
ರಾಷ್ಟ್ರದ ಗಡಿಯನ್ನು ಕಾಯುವ ಗೋಡೆಯಾಗಿತ್ತು

ಪ್ರಕ್ರತಿಯ ಈ ನಿಯಮಕ್ಕೆ ತಲೆಬಾಗಬೇಕಯ್ಯಾ
ಹೀಗೆಂದು ಕೈ ಕಟ್ಟಿ ಕುಳಿತರೆ ಏನು ಸಾಧಿಸುವೆವಯ್ಯಾ
ಭೂಕಂಪದಿ ಅನಾಥರಾದವರಿಗೆ ನಾವೇ ದಿಕ್ಕಯ್ಯಾ
ಭುಜ್‍ಗೆ ಭುಜಕೊಡದಿದ್ದರೆ ಸವಿನುಡಿಗೆ ಅರ್ಥವೇನಯ್ಯ

ಬರೆಯುವ ಗೀಳು.....

ಬರೆಯಲೇ ಬೇಕೆಂದು ಕುಳಿತ್ತಿದ್ದೆ ರಾತ್ರೆ
ಅದೇಕೊ ಗೊತ್ತಿಲ್ಲದೆ ಕಣ್ಣು ಮುಚ್ಚಿಸಿತು ನಿದ್ರೆ
ಬರವಣಿಗೆ ಸಾಗಿತು ಆಯಾಸವಿಲ್ಲದೆ
ಪುಟ ಪುಟಗಳೆ ಉರುಳಿದವು ನನಗೂ ತಿಳಿಯದೆ
ಪ್ರೆಸ್ಸಿಗೆ ಹೋಗಿ ಅಚ್ಚಾಗಿ ಬಂದಿದೆ ಪುಸ್ತಕ
ಮಾರಾಟವಾಗಿದೆ ನಾಡಿನೆಲ್ಲೆಡೆ ನನಗೂ ಉಳಿಯದೆ
ದಿನ ಬೆಳಗಾಗುವುದರಲ್ಲಿ ಉತ್ತುಂಗಕ್ಕೇರಿತು ಹೆಸರು
ಧನ-ಕನಕದ ಹೊಳೆ ಹರಿಯಿತು ಪ್ರಯಾಸವಿಲ್ಲದೆ
ಸನ್ಮಾನ-ಸಮಾರಂಭದ ಡಂಗುರ ಕೇಳಿಸುತ್ತಿದೆ
ಗಾಡ ನಿದ್ರೆಯಿಂದ ಎಚ್ಚೆತ್ತಾಗ ನೋಡುವುದೇನು
ಪೆನ್ನು ಪುಸ್ತಕ ನೆಲದಲ್ಲಿ, ನಾನು ಹಾಸಿಗೆಯಲ್ಲಿ
ಅಂದೇ ನಿಲ್ಲಿಸಿದೆ ಈ ಹಾಳು ಬರೆಯುವ ಗೀಳು.

ತೀನ್ ರುಕಾಂಚಿ ಕಾಣಿ....

ಬೆತ್ಲೆಮ್ ಶಹರಾಂತ್ 3 ರೂಕ್ ಬಾರಿ ಆಪುರ್ಬಾಯೆನ್ ವಾಡೊನ್ ಅಸ್‍ಲ್ಲೆ, ಪಳೆಂವ್ಕ್ ತೆಂ ಬಾರಿ ಸೊಭಿತ್ ದಿಸ್ತಾಲೆ, ದಾಟೆ-ಮೊಟೆ ತೆ ಜಾವ್ನಾಸ್ಲೆ, ಬಾರಿ ಊಂಚ್ ತೆ ವಾಡ್‍ಲ್ಲ್ಯಾ ವರ್ವಿಂ ಸಕ್ಡಾಂಚ ದಿಷ್ಟಿಕ್ ತೆ ಪಡ್ತಲೆ. ಹ್ಯಾ ತಿನೀ ರುಕಾಂಕ್ ಅಪ್ಲಿಚ್ ಮುಳ್ಳಿ ಆಶಾ ಆಸ್‍ಲ್ಲಿ ಅಪ್ಣಾನಿಂ ಬಾರಿ ಸುಂದರ್ ಜಾವ್ನ್ ವಾಡೊನ್ ಸಂಸರಾಚ ಸಾರ್ವ್ ಲೊಕಾಂಕ್ ಅಮ್ಚೆ ಥೈಂ ವೊಡಿಜೆ ಅನಿಂ ಹ್ಯಾ ಮೊನ್ಶಾನಿಂ ಅಮ್ಚಿ ಸೊಭಾಯ್ ಪಳೆವ್ನ್ ಅಮ್ಚಿ ವೊಡ್ವಿಕ್ ತಾಣಿಂ ಉಸಾರಿಜೆ ಆಶೆಂ ಅಪ್ಣಾಚ ವಿಶ್ಯಾಂತ್ ತೆ ರೂಕ್ ಉಲೊವ್ನ್ ಅಸ್ತಾಲೆ. ಏಕ್ ದೀಸ್ ತಾಂಚ ಮದೆಂ ಆಶೆಂ ಉಲೊವ್ಣೆ ಜಾಲೆಂ.

 

ಪಯ್ಲೊ ರೂಕ್ : ಆಪುಣ್ ಬಾರಿ ಮೋಟೊ ಜಾವ್ನ್ ವಾಡೊನ್, ಮಜ್ಯಾ ಪಾಂಟ್ಯಾನಿಂ ಸಂಸಾರಾಚ ವ್ಹಡ್-ವ್ಹಡ್ ಸುಕ್ಣ್ಯಾನಿಂ ಗೊಂಟೆರ್ ಬಾಂದಿಜೆ ಅನಿಂ ತಾಣಿ ವಸ್ತಿ ಕರಿಜೆ, ಬೆತ್ಲೆಮ್ ಶಹರಾಚೊ ರಾಯ್ ಯೆಣೆಂತ್ಲ್ಯಾನ್ ಶಿಕಾರೆಕ್ ವೆತಾನ ಮಜ್ಯಾ ಸೊಭಾಯೆಕ್ ಮೆಚ್ವೊನ್ ಆಪ್ಣಾಕ್ ವಸ್ತಿ ಕರುಂಕ್ ಏಕ್ ಸುಂದರ್ ರಾವ್ಳೆರ್ ಬಾಂದುಂಕ್ ಅಪ್ಲ್ಯಾ ಸಿಪಾಯಾಂಕ್ ಸಂಗಜೆ ಆಶೆಂ ಮಜೆ ಜಾಲ್ಮ್ ಸಾರ್ಥಾಕ್ ಜಾತೆಲೆಂ ಅನಿಂ ಸಂಸಾರಚೆ ಮೊಸ್ತು ರಾಯ್ ಮಕಾ ಬೆಟೊಂಕ್ ಯೆತೆಲೆ.

ದುಸ್ರೊ ರೂಕ್ : ಆಪುಣ್ ವರ್ತ್ಯಾ ಸೊಭಾಯೆಚೊ ರೂಕ್ ಜಾಯ್ಜೆ, ಮಜಾ ಸಾವ್ಳೇಂತ್ ಮೊನ್ಜಾತಿನಿ ಆಸ್ರೊ ಗೆಜೆ ಅನಿಂ ತಾಣಿಂ ವಿಶ್ರಾಮ್ ಘೆಂವ್ಕ್ ಮೊಜಾ ಥೈಂ ಯೇಜೆ. ಏಕ್ ವಡ್ ವ್ಯಾಪಾರಸ್ಥಾನ್ ಮಕಾ ಪೊಳೇವ್ನ್ ಮೊಜೆ ತಾವ್ನ್ ಏಕ್ ಸುಂದರ್ ತಾರುಂ (ship) ಬಾಂದಿಜೆ, ತೆಂ ತಾರುಂ ಇತ್ಲೆಂ ವ್ಹಡ್ ಆಸಾಜೆಕೀ ಸಗ್ಳ್ಯಾ ಲೊಕಾಂಕ್ ಏಕ್ ನವೆಂ ವಿಸ್ಮಿತ್ ತೆಂ ಜಾಯ್ಜೆ. ಸಂಸಾರಾಚ ಗ್ರೇಸ್ತ್ ಮೊನ್ಶಾನಿಂ ತಾಂತು ಪಯ್ಣ್ ಕಾರ್ನ್ ದಾದೊಸ್ಕಾಯ್ ಬೊಗಿಜೆ. 

ತಿಸ್ರೊ ರೂಕ್ : ಅಪ್ಣಾನ್ ಸರ್ವಾಂಚಾಕಿ ಉಬಾರ್ ವಾಡೊನ್ ಸಂಸಾರಾಚ ಲೊಕಾಂಕ್ ವಾರೆಂ ವಾಳಶೆಂ ಕರಿಜೆ, ಮಜೆತಾವ್ನ್ ಪಡ್‍ಲ್ಲ್ಯಾ ಕೊಲ್ಯೆತಾವ್ನ್ ಅನಿಂ ಲಾಂಕ್ಡಾತಾವ್ನ್ ಮಜಾ ಬೊಂವ್ತೊಣಿ ಅಸ್ಚಾ ಲೊಕಾನಿಂ ದೀಸ್ ಕಾಡಿಜೆ, ಮೊಜಾ ಸೊಭಾಯೆಕ್ ಪೊಳೇವ್ನ್ ಹ್ಯಾ ಗಾಂವ್ಚಾ ಆಧಿಕಾರಿನಿ ಮೊಜೆತಾವ್ನ್ ಏಕ್ ಸುಂದರ್ ದರ್ವಾಟೊ ಕರಿಜೆ ಅನಿಂ ಹ್ಯಾ ಗಾಂವ್ಚೊ ಸಗ್ಳೊ ವ್ಯಾವಹಾರ್ ಹ್ಯಾ ದರ್ವಾಟ್ಯಾ ಮುಕಾಂತ್ರ್ ಚಲಜೆ, ಲೊಕಾನಿಂ ಮಜಿ ಸೊಭಾಯ್ ಪಳೆವ್ನ್ ಮಾಕಾ ಶಭಾಸ್ಕಿ ಪಾಟೈಜೆ.

ಆಶೆಂ ದೀಸ್ ಪಾಶಾರ್ ಜಾಲೆ, ರೂಕ್ ಸಂತೊಸಾನ್ ವಾಡೊನ್ ಆಸ್ಲೆ, ಹ್ಯಾ ತಿನೀ ರೂಕಾಂಕ್ ಕಾತುರ್ಚೊ ವೇಳ್ ಲಾಗಿಂ ಪಾವ್ಲೊ. ರಾಣಾಚ ಆಧಿಕಾರಿನ್ ರೂಕಾಂಕ್ ಕಾತ್ರುಂಕ್ ಪರ್ಮಾಣ್ ಜಾರಿ ಕೆಲೆಂ.

ಪಯ್ಲ್ಯಾ ರುಕಾಕ್ ತಾಣಿಂ ಕಾತುರ್ಲೊ, ಖಂಚೊ ರೂಕ್ ಆಪುಣ್ ರಾಯಚೆಂ ರಾವ್ಳೆರ್ ಜಾಂವ್ಕ್ ಆಶೆತಲೊಗಿ, ತ್ಯಾ ರುಕತಾವ್ನ್ ದಕ್ಟಿಂ ದಕ್ಟಿಂ ಘರಂ ಕೆಲಿಂ ಅನಿಂ ಉರುಲ್ಲ್ಯಾ ಕುಡ್ಕ್ಯಾ ತಾವ್ನ್ ಗೊರ್ವಾಂಕ್ ಘೊಟೊ ಬಾಂದ್ಲೆಂ. ರೂಕ್ ಮೊಸ್ತು ಖಂತಿಷ್ಟ್ ಜಾಲೊ, ಅಪ್ಣಾಕ್ ಜಾಲ್ಲ್ಯಾ ಅವ್ಮರ್ಯಾದಾಕ್ ಚಿಂತುನ್ ರೊಡೊಂಕ್ ಲಾಗ್ಲೊ.
ದುಸ್ರ್ಯಾ ರುಕಾಕ್ ತಾಣಿಂ ಕಾತುರ್ಲೊ, ಖಂಚೊ ರೂಕ್ ಆಪುಣ್ ವ್ಹಡ್ ತಾರುಂ (ship) ಜಾಂವ್ಕ್ ಆಶೆತಲೊಗಿ, ತ್ಯಾ ರುಕಾತಾವ್ನ್ ಮಾಸ್ಳಿ ದರುಂಕ್ ದಕ್ಟ್ಯೊ ದಕ್ಟ್ಯೊ ದೊಣಿ (boat) ಕೆಲ್ಯೊ. ರೂಕ್ ಮೊಸ್ತು ಖಂತಿಷ್ಟ್ ಜಾಲೊ, ಅಪ್ಣಾಕ್ ಜಾಲ್ಲ್ಯಾ ಅವ್ಮರ್ಯಾದಾಕ್ ಚಿಂತುನ್ ರೊಡೊಂಕ್ ಲಾಗ್ಲೊ.
ತಿಸ್ರ್ಯಾ ರುಕಾಕಿ ತಾಣಿಂ ಕಾತುರ್ಲೊ ಖಂಚೊ ರೂಕ್ ಆಪುಣ್ ಶಹರಾಕ್ ಸುಂದರ್ ದರ್ವಟೋ ಜಾಂವ್ಕ್ ಆಶೆಲೊಗಿ ತಾಚೆತಾವ್ನ್ ಕಿತೆಂಚ್ ಕರುಂಕ್ ನಾತ್‍ಲ್ಲ್ಯಾನ್ ತಾಚಿಂ ಶಿರಾಂ ಕಾರ್ನ್ (ರೀಪ್ ಅನಿಂ ಪಕ್ಕಸ್) godown ತ್ ದಾಳ್ನ್ ದವರ್ಲೊ, ರೂಕ್ ಮೊಸ್ತು ಖಂತಿಷ್ಟ್ ಜಾಲೊ, ಅಪ್ಣಾಕ್ ಜಾಲ್ಲ್ಯಾ ಅವ್ಮರ್ಯಾದಾಕ್ ಚಿಂತುನ್ ರೊಡೊಂಕ್ ಲಾಗ್ಲೊ.
ದೋನ್ ಹಜಾರ್ ಧಾ ವರ್ಸಾಂ ಪಯ್ಲೆಂ ಜೆಜು ಹ್ಯಾ ಸಂಸಾರಾಕ್ ಯೇಂವ್ಕ್ ಅಶೆಲೊ, ತಾಕಾ ಏಕ್ ಬೊರಿ ಸುವಾತ್ ಮೆಳ್ಳಿನಾಂ, ತೊ ಏಕ ಗೊರ್ವಾಂಚ ಗೊಟ್ಯಾಂತ್ ಜಲ್ಮೊಲೊ, ಖಂಚೊ ರೂಕ್ ಆಪುಣ್ ರಾವ್ಳೆರ್ ಜಾಂವ್ಕ್ ಆಶೆಲೊಗೀ ತ್ಯಾ ರುಕಾತಾವ್ನ್ ಹೊ ಗೋಟೊ ಬಾಂದುಲ್ಲೊ...ಆಜ್ ಹೊ ರೂಕ್ ಸಂತೊಸಾನ್ ಉಡಿ ಮಾರ್ತಾ ಅನಿಂ ಸಗ್ಳ್ಯಾ ಸಂಸಾರಾಕ್ ಗಾಜಾಯ್ತಾ ಕಿತ್ಲೊ ಭಾಗಿ ಹಾಂವ್ ಮಜಾ ಸೊಡ್ವಣ್ದಾರನ್ ಮಜಾ ಘರ ಜಾಲ್ಮ್ ಗೆತ್ಲೊ. ಜೆಜು ವಾಡೊನ್ ವ್ಹಡ್ ಜಾಲೊ ಅಪ್ಲ್ಯಾ ಸಂಸಾರಿ ಜಿವಿತಾಂತ್ ದೆವಾಚೆಂ ರಾಜ್ ಪರ್ಗಟ್ ಕಾರ್ನ್ ಅಸ್ತಾಂ, ಏಕ್ ದೀಸ್ ಗಾಲೀಲೆಯ ಸರೊವರಾಕ್ ತೊ ಪಾವ್ಲೊ ಥೈಂ ಲೊಕಾಚೊ ಜಮೊ ಆಧಿಕ್ ಅಸ್‍ಲ್ಲ್ಯಾ ವರ್ವಿಂ ತಾಕಾ ಏಕ್ ದೊಣಿರ್ ಬೊಸೊನ್ ಪ್ರವಾದ್ ಕಾರಿಜೆ ಪಡ್ಲೆಂ, ತೊ ಚಡ್‍ಲ್ಲಿ ದೋಣ್ ಜಾವ್ನಾಸ್‍ಲ್ಲಿ ಕಂಚೊ ರೂಕ್ ಆಪುಣ್ ವ್ಹಡ್ ತಾರುಂ ಜಾಂವ್ಕ್ ಆಶೆತಲೊಗೀ ತೊಚ್ ರೂಕ್...ಆಜ್ ಹೊ ರೂಕ್ ಸಂತೊಸಾನ್ ಭರ್ತಾ ಅನಿಂ ಮುಣ್ತಾ ಆಜ್ ಮಜೆಂ ಜಿವಿತ್ ಸಾರ್ತಾಕ್ ಜಾಲೆಂ ಮಜ್ಯಾ ಸೊಡ್ವಣ್ದಾರಾನ್ ಮಜೆ ವಾಯ್ರ್ ಬೊಸೊನ್ ಪ್ರವಾದ್ ಕೆಲೊ, ಕಿತ್ಲೊಂ ಭಾಗಿ ಹಾಂವ್. ಜೆಜು ತೆತ್ತೀಸ್ ವರ್ಸಾಚೊಂ ಜಾತನಂ ದೆವಾಚೆಂ ರಾಜ್ ಪರ್ಗಟ್ ಕೆಲ್ಲ್ಯಾಕ್ ಮೊರ್ನಾಚೆಂ ಫರ್ಮಾಣ್ ವಾಚ್ತಾತ್, ಇಸ್ರಾಯೆಲಾಂತ್ ಏಕ್ ಹೀನ್ ಮೊನ್ಶಾಕ್ ದಿಂವ್ಚಿ ಶಿಕ್ಶಾ ತಿ ಜಾವ್ನಾಸ್‍ಲ್ಲಿ. ಜೆಜುಚ ಖಾಂದಾರ್ ಖುರಿಸ್ ಘಲ್ತಾತ್ ಅನಿಂ ಕಾಲ್ವಾರ್ ದೊಂಗ್ರಾರ್ ತಾಕ ಖುರ್ಸಾಯ್ತಾತ್. ಖಂಚೊ ರೂಕ್ ಆಪುಣ್ ಶಹರಾಚೊ ವ್ಹಡ್ ದರ್ವಾಟೊ ಜಾಯ್ಚೆ ಮುಣ್ ಆಶೆಲ್ಲೊಗೀ ತ್ಯಾಚ್ ರುಕಾ ತಾವ್ನ್ ಹೊ ಖುರಿಸ್ ಕೆಲ್ಲೊ, ಜೆದ್ನಾ ಜೆಜು ಖುರ್ಸಾರ್ ಉಮ್ಕಾಳ್ಳೊ, ರೂಕ್ ಸಂತೊಸ್ ಪಾವ್ತಾ ಅನಿಂ ಮುಣ್ತಾ ಕಿತ್ಲೊಂ ಭಾಗಿ ಹಾಂವ್ ಮಜೊ ಸಡ್ವಣ್ದಾರ್ ಮಜೆ ವಾಯ್ರ್ ಉಮ್ಕಾಳೊನ್ ಅಸಾ, ಆಜ್ ಹಾಂವ್ ಮಜ್ಯಾ ರಾಚ್ನಾರಾಕ್ ಅಧಾರ್ ಜಾಲೊಂ.

ಪರ್ನ್ಯಾ ಸೊಲ್ಲ್ಯಾಂತ್ ಜೆಜು...

ಪೊರ್ನ್ಯ ಸೊಲ್ಲ್ಯಾಂತ್ ಜೆಜುಚ ಯೇಣ್ಯಾ ವಿಶಿಂ ಹ್ಯಾ ಪುಸ್ತಕಾನಿಂ ವಾಚುಂಕ್ ಮೆಳ್ತಾ

(ಅದಾರನ್ ವಿಂಚುನ್ ಬೊರಯಿಲ್ಲೆಂ) 

ಉತ್ಪತ್ತಿ 3:15 - ತುಜೆ ಅನಿ ಸ್ತ್ರಿಯೆ ಮದೆಂ, ತುಜೆ ಸಂತತಿ ಅನಿಂ ತಿಚೆಂ ಸಂತತಿ ಮದೆಂ ದುಸ್ಮಾನ್ಕಾಯ್ ಹಾಂವ್ ಘಲ್ತಲೊಂ ಆನಿ ತಿಚಿ ಸಂತತ್ ತುಜೆಂ ಮಸ್ತಕ್ ಚೆಂಚ್ತಲಿ ಆನಿ ತುಂ ತಿಚೆ ಖೊಟೆಕ್ ಖೊಂಚ್ ಮಾರ್ತಲೊಯ್.

ಉತ್ಪತ್ತಿ 22:18 - ತುವೆಂ ಮಜಿ ಆಜ್ನಾ ಪಾಳ್ಳಿಯ್ ದೆಕುನ್ ತುಜೆ ಸಂತತಿ ವರ್ವಿಂ ಸಂಸಾರಾಚಾ ತಾಷ್ಟ್ರಾಂಚೆರ್ ಹಾಂವ್ ಆಶಿರ್ವಾದ್ ಘಾಲ್ತಲೊಂ.

ಉತ್ಪತ್ತಿ 26:4 - ಮಾಳ್ಬಾಚ್ಯಾ ನೆತೆತ್ರಾಂ ಪರಿ ತುಜಿ ಸಂತತ್ ಹಾಂವ್ ವಾಡಯ್ತಲೊಂ ಅನಿ ಹೊ ದೇಶ್ ಹಾಂವ್ ತಾಂಕಾಂ ದಿತಲೊಂ. ತುಜೆ ಅನಿ ತುಜೆ ಸಂತತಿ ಉದೆಶಿಂ ಸರ್ವ್ ಪರ್ಜಾಂಚೆರ್ ಹಾಂವ್ ಆಶಿರ್ವಾದ್ ಘಾಲ್ತಲೊಂ.

ಉತ್ಪತ್ತಿ 49:10 - ರಾಯಾಳ್ ದಾಂಡೊ ಜುದಾ ಥಾವ್ನ್ ಪಯ್ಸ್ ವೆಚೊ ನಾ, ಆನಿ ತಾಚ್ಯಾ ಪಾಂಯಾಂ ಮದ್ಲಿ ಪದ್ವೆಚಿ ಬೆತ್ಕಾಟಿ. ತಾಚೊ ಎಕ್ಲೊ ಆದಿಕಾರ್ ಚಲೊವ್ಪಿ ಯೆಸರ್, ಆನಿ ರಾಷ್ಟ್ರಾಂ ಜಾತಲಿಂ ತಾಕಾ ವಿಧೇಯ್.

ಗಣನಾ 21:8-9 - ಆನಿ ಸರ್ವೆಸ್ಪರಾನ್ ಮೊಯ್ಜೆಕ್ ಮ್ಹಳೆಂ "ಏಕ್ ಪಿತುಳ್ಚೊ ಸೊರಪ್ ಕರ್ ಅನಿ ತೊ ಎಕಾ ಖಾಂಬ್ಯರ್ ಉಬಾರ್. ಸೊರಪ್ ಚಾಬ್ಲಲೆ ವ್ಯಕ್ತಿನ್ ತಾಚೆರ್ ದೀಷ್ಟ್ ಘಾಲ್ಯಾರ್, ತಿ ವಾಂಚ್ತಲಿ." ದೆಕುನ್ ಮೊಯ್ಜೆನ್ ಏಕ್ ಪಿತುಳ್ಚೊ ಸೊರಪ್ ಕೆಲೊ.

ಗಣನಾ 24:17 - ಜಾಕೊಬಾ ಥಾವ್ನ್ ಎಕ್ ನೆಕೆತ್ರ್ ಮುಕಾರ್ ಯೆತೆಲೆಂ, ಇಸ್ರಾಯೆಲಾ ಥಾವ್ನ್ ಏಕ್ ಬೆತ್ಕಾಟಿ ವಯ್ರ್ ಯೆತಲಿ, ತಿ ಪೂಡ್ ಕರ್ತಲಿ ಮೊಬಾಬಾಚ್ಯಾ ಕಪಲಾಚಿ ಅನಿ ಸೆತಾಚ್ಯಾ ಪುತಾಂಚ್ಯಾ ಕಟ್ಟ್ಯಾಂಚಿ.

ದ್ವಿತಿನಿಯಮ್ 18:15 - ಸರ್ವೆಸ್ಪರ್ ತುಜೊ ದೇವ್ ತುಜ್ಯಾಚ್ ಭಾವಾಂ ಮದ್ಲೊ ಮ್ಹಜೆ ತಸಾಲೊ ಎಕ್ ಪ್ರವಾದಿ ಉಪ್ಜಯ್ತಲೊ. ತಾಕಾ ತುಮಿ ಆಯ್ಕುಂಕ್ ಜಾಯ್.

ಕೀರ್ತನಾಂ 16:10 - ಕಿತ್ಯಾಕ್ ತುಂ ಮ್ಹಜೊ ಆತ್ಮೊ ಪಾತಾಳಾಂತ್ ಸೊಡ್ಚೊ ನಾಂಯ್, ತುಜ್ಯಾ ಭಕ್ತಾಕ್ ಪೊಂಡ್ ಪಳೆಂವ್ಕ್ ದಿಂವ್ಚೊ ನಾಂಯ್.

ಕಿರ್ತನಾಂ 22:18 - ಮ್ಹಜಿಂ ವಸ್ತ್ರಾಂ ಆಪ್ಣಾಂ ಮದೆಂ ತೆ ವಾಂಟ್ತಾತ್, ಮ್ಹಜೆ ಮುಸ್ತಾಯ್ಕೆಚೆರ್ ತೆ ಚೀಟ್ ಘಲ್ತಾತ್.

ಕಿರ್ತನಾಂ 132:11 - ಸರ್ವೆಸ್ಪರಾನ್ ಸಪುತ್ ಘೆವ್ನ್ ದಾವಿದಾಕ್ ಉತಾರ್ ದಿಲ್ಲೆಂ, ಆನಿ ತೆಂ ತೊ ಕೆದಿಂಚ್ ಮೊಡ್ಚೊ ನಾ, "ತುಜ್ಯಾ ಪುತಾಂ ಮದ್ಲ್ಯಾ ಏಕ್ಲ್ಯಾಕ್ ತುಜ್ಯಾ ಶಿಂವಾಸಾನಾರ್ ಹಾಂವ್ ಬಸಯ್ತಲೊಂ.

ಇಸಾಯಿಯಾ 7:14 - ದೆಕುನ್ ಸರ್ವೆಸ್ಪರಚ್ ತುಮ್ಕಾಂ ಏಕ್ ಖುಣಾ ದಿತಲೊ, ಪಳೆ, ಏಕ್ ತರ್ನಾಟಿ ಸ್ತ್ರೀ ಗರ್ಭೆಸ್ತ್ ಆಸಾ, ತಿ ಎಕ ಪುತಕ್ ಜಾಲ್ಮ್ ದಿತಲಿ ಆನಿ ತಾಕಾ ಇಮ್ಮಾನುಯೆಲ್ ಮ್ಹಣ್ ನಾಂವ್ ದವರ್ತಲಿ.

ಇಸಾಯಿಯಾ 9:6-7 - ತಾಚೊ ಅಧಿಕಾರ್ ವಾಡತ್ ವೆತಲೊ, ಅನಿ ತಾಚಾ ರಾಜಾಂತ್ ಸದಾಂಕಾಲ್ ಶಾಂತಿ ಆಸ್ತಲಿ. ದಾವಿತಾಚ ಶಿಂವಾಸನಾರ್ ಬಸುನ್ ತೊ ಅಪ್ಲೆಂ ರಾಜ್ ಚಲಯ್ತಲೊ. ಸರ್ವೆಸ್ಪರಾನ್ ಜಾಕೊವಾ ವಿರೊದ್ ಏಕ್ ಉತರ್ ಧಾಡ್ಲಾಂ ಅನಿ ತೆಂ ಇಸ್ರಾಯೆಲಾಚೆರ್ ಪಡ್ಲಾಂ.

ಇಸಾಯಿಯಾ 40:10-11 - ಪಳೆ, ಸರ್ವೆಸ್ಪರ್ ಆಪ್ಲೆ ಪದ್ವೆನ್ ಯೆತಾ, ಆಪ್ಲ್ಯಾ ಬಳಿಷ್ಟ್ ಬಾವ್ಳ್ಯಾನ್ ತೊ ಆಧಿಕಾರ್ ಚಲಯ್ತಾ, ತಾಚೆಂ ಇನಾಮ್ ತಾಚೆ ಸವೆಂ ಆಸಾ, ತಾಚ್ಯಾ ಜಯ್ತಾಚೆಂ ಫಳ್ ತಾಚೆ ಫುಡ್ಲ್ಯಾನ್ ವೆತಾ. ಎಕಾ ಗೊವ್ಳ್ಯಾ ಭಾಶೆನ್ ತೊ ಆಪ್ಲ್ಯಾ ಹಿಂಡಾಕ್ ಚರಯ್ತಾ, ಆಪ್ಲ್ಯಾ ಹಾತಾಂನಿ ತೊ ಶೆಳಿಯಾಂಕ್ ಎಕ್ಟಾಂಯ್ ಕರ್ತಾ, ಆಪ್ಲ್ಯಾ ಹರ್ದ್ಯಾ ಲಾಗಿಂ ಧರುನ್ ತಾಂಕಾಂ ತೊ ವ್ಹರ್ತಾ.

ಇಸಾಯಿಯಾ 50:6 - ಮ್ಹಾಕಾ ಮಾರ್ತಲ್ಯಾಂಕ್ ಹಾಂವೆಂ ಮ್ಹಜಿ ಪಾಟ್ ದಾಕಯ್ಲಿ, ಮ್ಹಜೆ ಖಾಡ್ ವಡ್ತಲ್ಯಾಂಕ್ ಹಾಂವೆಂ ಮ್ಹಜೆ ಪೊಲೆ ದಾಕಯ್ಲೆ, ಕೆಂಡ್ಣ್ಯಾ ಅನಿ ಥಿಂಪಿಯೆ ಮುಕಾರ್ ಹಾಂವೆ ಮಜೆಂ ತೋಂಡ್ ಲಿಪೊಂವ್ಕ್ ನಾ.

ಇಸಾಯಿಯಾ 53:1-12 - ಪೂಣ್ ಆಮ್ಚ್ಯಾ ಆಪ್ರಾದಾಂಕ್ ಲಾಗುನ್ ತಾಕಾ ವಿಧ್ಲೊ, ಆಮ್ಚ್ಯಾ ಪಾತ್ಕಾಂಕ್ ಲಾಗುನ್ ತೊ ಚಿರ್ಡಲೊ. ತಾಚೆರ್ ಪಡ್ಲೆಲೆ ಖ್ಯಾಸ್ತಿ ವರ್ವಿಂ ಆಮ್ಕಾಂ ಶಾಂತಿ ಮೆಳ್ಳಿ, ತಾಚ್ಯಾ ಘಾಯಾಂ ವರ್ವಿಂ ಆಮಿ ಬರಿಂ ಜಾಲ್ಯಾಂವ್. ಮಾರುಂಕ್ ವರ್ತಾತ್ ತಸಲೆ ಶೆಳಿಯೆ ಪರಿ, ಲೋಂವ್ ತಾಸ್ತಲ್ಯ ಮುಕಾರ್ ಒಗೊಚ್ ರಾವ್ತಲ್ಯಾ ಬಕ್ರ್ಯಾ ಪರಿ, ತಾಣೆಂ ಆಪ್ಲೆಂ ತೊಂಡ್ ಉಗಡ್ಲೆಂ ನಾಂ. ಜಾಯ್ತ್ಯಾಂಚ ಪಾತ್ಕಾಂಚೊ ಭಾರ್ ತಾಣೆಂ ಆಪ್ಣಾಚೆರ್ ಘೆತ್ಲೊ, ಆನಿ ಆಪ್ರಾಧ್ಯಾಂ ಪಾಸತ್ ತಾಣೆಂ ವಿನತಿ ಕೆಲಿ.

ಇಸಾಯಿಯಾ 60:21 - ಸಗ್ಳೊ ತುಜೊ ಲೋಕ್ ಪ್ರಾಮಾಣಿಕ್ ಜಾತಲೊ ಆನಿ ದೇಶ್ ಸದಾಂಕಾಲ್ ತಾಚೆ ಅಧೀನ್ ಆಸ್ತಲೊ, ತಿಂ ಹಾಂವೆ ಲಾಯ್ಲಲಿ ಕೊಮ್ರಿ, ಮ್ಹಜಿ ಮಾಹಿಮ ದಾಕೊಂವ್ಕ್ ಮ್ಹಜ್ಯಾ ಹಾತಾನ್ ಕೆಲ್ಲಿ ಕ್ರತಿ.

ಜೆರೆಮಿಯಾ 23:5-6 - ಪಳೆಯ ಯೆತೆಲ್ ದೀಸ್, ಉಲಯ್ತಾ ತೊ ಸರ್ವೆಸ್ಪರ್, ಆನಿ ತ್ಯಾ ದಿಸಾಂನಿ ಹಾಂವ್ ದಾವಿದಾಕ್ ಎಕ್ ಪ್ರಾಮಾಣಿಕ್ ಕೊಂಬ್ರಿ ಉಪ್ಜಯ್ತಲೊಂ, ತೊ ಖರೊ ರಾಯ್ ಕಸೊ ಶಾಣೆಪಣಾನ್ ರಾಜ್ ಚಲಯ್ತಲೊ, ಅನಿಂ ದೆಶಾಂತ್ ನ್ಯಾಯ್ ನೀತ್ ಸಾಂಬಾಳ್ತಲೊ. ತಾಚ್ಯಾ ದಿಸಾನಿಂ ಜುದಾಚೆಂ ತಾರಣ್ ಜಾತಲೆಂ ಅನಿ ಇಸ್ರಾಯೆಲ್ ಸುರಕ್ಶಿತ್ ವಸ್ತಿ ಕರ್ತಲೊ.

ಜೆರೆಮಿಯಾ 33:14-15 - ಸರ್ವೆಸ್ಪರ್ ಆಶೆಂ ಮ್ಹಣ್ತಾ ಪಳೆಯಾ ಹಾಂವೆಂ ಇಸ್ರಾಯೆಲಾಚ್ಯಾ ಘರಾಣ್ಯಾಕ್ ಅನಿ ಜುದಾಚ್ಯಾ ಘರಣ್ಯಾಕ್ ಭಾಸ್ ದಿಲ್ಲಿ ಪಾಳ್ಚೆ ದೀಸ್ ಯೆತಲೆ. ತ್ಯಾ ದಿಸಾಂನಿ ಅನಿ ತ್ಯಾ ವೆಳಾರ್ ಹಾಂವ್ ದಾವಿದಾಕ್ ಏಕ್ ಪ್ರಾಮಾಣಿಕ್ ಫಾಂಟೊ ಫುಟಸೊ ಕರ್ತಲೊಂ, ತೊ ದೆಶಾಂತ್ ನ್ಯಾಯ್ ನಿತಿ ಪರ್ಮಾಣೆಂ ಅಸಾ ತೆಂ ಕರ್ತಲೊ.

ಎಜೆಕಿಯೆಲ್ 34:23 - ಹಾಂವ್ ತಾಂಚೆ ಪಾಸತ್ ಎಕಾಚ್ ಗೊವ್ಳ್ಯಾಕ್ ಮ್ಹಜ್ಯ ಸೆವಕಾ ದಾವಿದಾಕ್ ನೆಮ್ತಲೊಂ ಅನಿ ತೊ ತಾಂಕಾ ಚರವಾಕ್ ವ್ಹರ್ತಲೊ. ತೊ ತಾಂಕಾಂ ಚರಯ್ತಲೊ ಅನಿ ತಾಂಚೊ ಗೊವ್ಳಿ ಜಾತಲೊ.

ಎಜೆಕಿಯೆಲ್ 37:24-25 - ಮ್ಹಜೊ ಸೆವಾಕ್ ದಾವಿದ್ ತಾಂಚೊ ರಾಯ್ ಜಾತಲೊ, ತಾಂಕಾಂ ಸಗ್ಳ್ಯಾಂಕ್ ಏಕಚ್ ಗೊವ್ಳಿ ಆಸ್ತಲೊ. ತಿಂ ಮ್ಹಜ್ಯಾ ಆಜ್ನಾ ಪರ್ಮಾಂಣೆ ಜಿಯೆತಲಿಂ ಅನಿಂ ಮ್ಹಜೆ ಕಾಯ್ದೆ ಚತ್ರಾಯೆನ್ ಪಾಳ್ತಲಿಂ. ಜೊ ದೇಶ್ ಹಾಂವೆ ಮ್ಹಜ್ಯಾ ಜಾಕೊಬಾಕ್ ದಿಲ್ಲೊ ಅನಿ ಜ್ಯಾ ದೆಶಾಂತ್ ತುಮ್ಚೆ ಪುರ್ವಾಜ್ ಜಿಯೆತಾಲೆ, ತ್ಯಾ ದೆಶಾಂತ್ ತಿಂ ಜಿಯೆತಾಲಿಂ. ಮ್ಹಜೊ ಸೆವಾಕ್ ದಾವಿದ್ ತಾಂಚೊ ಪುಡಾರಿ ಜಾತಲೊ.

ದಾನಿಯೆಲ್ 9:25-26 - ಜೆರುಸಾಲೆಮಾಚೆಂ ಪುನರ್ ನಿರ್ಮಾಣ್ ಕರುಂಕ್ ಜಾಯ್ ಮ್ಹಣ್ ಉತರ್ ಪರ್ಗಟ್ಲೆಂ ತೆ ಘಡಿಯೆ ಥಾವ್ನ್ ಎಕ್ಲೊ ಅಭಿಷಿಕ್ತ್ ಫುಡಾರಿ ಯೆಸರ್ ಸಾತ್ ಹಪ್ತೆ ಸೊಂಪ್ತಲೆ ಅನಿ ಬಾಸಟ್ ಹಫ್ಯಾಂನಿ ಸಂದಿಗ್ದ್ ಕಾಳ್ ತೊ ಜಾಲ್ಯರಿ ಚೌಕಾಂಚೆಂ ಅನಿ ಖಂದಕಾಂಚೆಂ ಪುನರ್ ನಿರ್ಮಾಣ್ ಜಾತಲೆಂ. ಬಾಸಟ್ ಹಪ್ತೆ ಸೊಂಪ್ಲ್ಯ ಉಪ್ರಾಂತ್ ಎಕಾ ಅಭಿಷಿಕ್ತಾಕ್ ಅನಿತಿನ್ ಜಿವ್ಶಿಂ ಮಾರ್ತಲೆ, ಆನಿ ಯೆಂವ್ಚೊ ಅಸಾ ತ್ಯಾ ಫುಡಾರ ಉದೆಶಿಂ ಶಹರಾಚೊ ಅನಿಂ ಪವಿತ್ರ್ ಸ್ಥಾನಾಚೊ ವಿಬಾಡ್ ಜಾತಲೊ, ಅನಿ ಶೆವಟ್ ಪರ್ಯಾಂತ್ ಝುಜ್ ಚಲತ್ ಅಸ್ತಲೆಂ.

ಮಿಕಾ 5:1-3 - ಪೂಣ್ ತುಂ ಬೆತ್ಲೆಹೇಮ್-ಎಪ್ರಾತಾ ಜುದಾಚ್ಯ ಕುಳಿಯಾಂ ಮದೆಂ ತುಂ ಭೋವ್ ಲ್ಹಾನ್, ತರೀ ಇಸ್ರಾಯೆಲಾಚೆರ್ ರಾಜ್ವಾಟ್ ಚಲೊಂವ್ಚೊ ಅಸಾ ತೊ ತುಜೆ ಥಾವ್ನ್ ಜಲ್ಮತಲೊ. ತಾಚೊ ಆರಂಭ್ ನ್ಹಯ್ ಆತಾಂಚೊ, ಬಗರ್ ಬೋವ್ ಪುರ್ವಿಲ್ಯಾ ಕಾಳಾಂಚೊ. ದೆಕುನ್ ಪ್ರಸೂತ್ ಜಾಂವ್ಚಿ ಅಸಾ ತಿ ಪ್ರಸೂತ್ ಜಾಯ್ಸಾರ್ ಸರ್ವೆಸ್ಪರ್ ತಾಂಕಾಂ ಸಾಂಡ್ತಲೊ. ಸರ್ವೆಸ್ಪರಾಚ ಪದ್ವೆನ್ ಅನಿ ಅಪ್ಲ್ಯಾ ದೆವಾಚ ನಾಂವಾಂಚ ಪ್ರತಾಪಾನ್ ತೊ ಥಿರ್ ರಾವ್ತಲೊ ಅನಿ ಅಪ್ಲ್ಯಾ ಹಿಂಡಾಕ್ ಚರಯ್ತಲೊ.

ಮಿಕಾ 7:19-20 - ದೆಕುನ್ ಪರ್ತುನ್ ಅಮ್ಚಿ ಕಾಕುಳ್ತ್ ಕಾರ್, ಆಮ್ಚೆ ಗುನ್ಯಾಂವ್ ಪಾಯಾಂತಾಳಾ ಮಸ್ತಿ, ಸಗ್ಳಿಂ ಅಮ್ಚಿಂ ಪಾತ್ಕಾಂ ದರ್ಯಾಚ ಗುಂಡಾಯೆಂತ್ ಉಡಯ್. ಪುರ್ವಿಂ ಅಮ್ಚಾ ಪುರ್ವಜಾಂಕ್ ಸಪುತ್ ದಿಲ್ಲೊಯ್, ತಾಚೆ ಪರ್ಮಾಣೆಂ ಜಾಕೊಬಾಕ್ ತುಜೆಂ ವಿಶ್ವಾಸಿಪಣ್ ಅನಿ ಅಬ್ರಹಾಮಾಕ್ ತುಜಿ ಕಾಕುಳ್ತ್ ದಾಕಯ್.

ಜೆಕರೀಯಾ 6:12-13 - ದಳ್ಬಾರಾಂಚೊ ಸರ್ವೆಸ್ಪರ್ ಆಶೆಂ ಮ್ಹಣ್ತಾ, ಹಾಂಗಾ ಅಸಾ ಎಕ್ ಮನಿಸ್, ಆನಿ ತಾಚೆ ನಾಂವ್ ಕೊಂಬ್ರೊ, ಕಿತ್ಯಾಕ್ ಜಂಯ್ ತೊ ಅಸಾ ಥಂಯ್ ತಾಕಾ ಕೊಂಬ್ರೆ ಫುಟ್ತಲೆ, ಅನಿ ತೊ ಸರ್ವೆಸ್ಪರಚೆ ಮಂದಿರ್ ಬಾಂದ್ತಲೊ. ರಾಯಾಳ್ ಮುಸ್ತಾಯ್ಕಿ ತೊ ನ್ಹೆಸ್ತಾಲೊ ಅನಿ ಅಪ್ಲ್ಯಾ ಶಿಂವಾಸನರ್ ಬಸುನ್ ರಾಜ್ವಟ್ ಚಲಯ್ತಲೊ. ತಾಚ್ಯಾ ಶಿಂವಾಸನಚ ಬಗ್ಲೆಕ್ ಏಕ್ ಯಾಜಕ್ ಅಸ್ತಲೊ ಅನಿ ಹ್ಯಾ ದೊಗಾಂ ಮದೆಂ ಸಂಪೂರ್ಣ್ ಶಾಂತಿ ಅಸ್ತಲಿ.

ಜೆಕರೀಯಾ 9:9 - ಸಿಯೊನಚೆ ಧುವೆ ವ್ಹಡ್ ಉಲ್ಲಾಸ್ ಕರ್, ಜೆರುಸಾಲೆಮಾಚೆ ಧುವೆ, ಸಂತೊಸಾನ್ ಬೋಬ್ ಮಾರ್, ಪಳೆ ತುಜೊ ರಾಯ್ ತುಜೆಶಿಂ ಯೆತಾ. ತೊ ನಿತಿವಂತ್ ಅನಿ ಜಯ್ತೆವಂತ್ ತೊ ಖಾಲ್ತೊ ಗಾಡ್ವರ್ ಬಸುನ್ ಯೆತಾ. ಗಾಡ್ವಾಚ ತರುಣ್ ಪೊರಾರ್ ಬಸುನ್ ತೊ ಯೆತಾ.

ಜೆಕರೀಯಾ 12:8 - ತ್ಯಾ ದಿಸಾ ಸರ್ವೆಸ್ಪರ್ ಜೆರುಸಾಲೆಮಾಚ್ಯಾ ನಿವಾಸ್ಯಾಂಕ್ ರಾಕ್ತಲೊ, ಅನಿ ತ್ಯಾ ದಿಸಾ ತಾಂಚೆ ಮದ್ಲೊ ಭೋವ್ ಆಸ್ಕತ್ ಮನಿಸ್ ದಾವಿದ ಸಾರ್ಕೊ ಜಾತಲೊ, ಅನಿ ದಾವಿದಾಚೆಂ ಘರಾಣೆ ತಾಂಚೆ ಮುಕ್ಲ್ಯಾನ್ ದೆವಾ ಸಾರ್ಕೆಂ, ಸರ್ವೆಸ್ಪರಾಚ್ಯಾ ದುತಾ ಸಾರ್ಕೆಂ, ಸರ್ವೆಸ್ಪರಾಚ ದುತಾ ಸಾರ್ಕೆಮ್ ಜಾತಲೆಂ.

ಜೆಕರೀಯಾ 13:7 - ತಲ್ವಾರಿ ಮ್ಹಜ್ಯಾ ಗೊವ್ಳ್ಯಾ ವಿರೊಧ್ ಜಾಗಿ ಜಾ, ಮ್ಹಜ್ಯಾ ಸಾಂಗಾತ್ಯಾ ವಿರೊಧ್ ಉಬಿ ಜಾ, ಉಲಯ್ತಾ ತೊ ದಳ್ಬಾರಾಂಚೊ ಸರ್ವೆಸ್ಪರ್. ಗೊವ್ಳ್ಯಾಕ್ ಮಾರ್ ದಿ ಅನಿ ಶೆಳಿಯೊ ಶಿಂಪಡ್ತಲ್ಯೊ. ಲ್ಹಾನಾಂ ವಿರೋಧ್ ಹಾಂವ್ ಮ್ಹಜೊ ಹಾತ್ ಉಬಾರ್ತಲೊಂ.

ಮಲಾಕಿ 3:1 - ಪಳೆಯಾ, ಮ್ಹಾಕಾ ಏಕ್ ವಾಟ್ ತಯಾರ್ ಕರುಂಕ್ ಹಾಂವ್ ಮ್ಹಜ್ಯಾ ದುತಾಕ್ ಧಾಡ್ತಲೊಂ. ಅನಿ ತುಮಿ ಸೊದ್ತಾತ್ ತೊ ಸೊಮಿ ಅವ್ಚಿತ್ ಅಪ್ಲ್ಯಾ ಮಂದಿರಾಂತ್ ಯೆತಲೊ, ತುಮಿ ಆತ್ರೆಗ್ತಾತ್ ತೊ ಕರಾರಾಚೊ ದೂತ್ ಯೆತಲೊ, ಮ್ಹಣ್ತಾ ದಳ್ಬಾರಾಂಚೊ ಸರ್ವೆಸ್ಪರ್.

ಸಾಂಡ್ರ......ಪುನ್ವೆಚ ಚಂದ್ರ

ಮ್ಹಜಾ ಮೊಗಾಚೆ ತುಂ ಸಾಂಡ್ರ ಸೊಭಾಯೆನ್ ಪುನ್ವೆಚ ಚಂದ್ರ
ಯೆಣ್ಯಾಕ್ ತುಜ್ಯಾ ರಾಕೊನ್ ಅಸ್ಲೊಂ ಕೊಡ್ಯಾಳ್ಚಾ ಬಂದ್ರಾಂತ್
ಸಾತ್ ದರ್ಯ್ ಉತ್ರುನ್ ಗೆಲ್ಲೆಂಯ್ ತುಂ ಗಾಲ್ಫಾಕ್
ಪಾಟಿಂ ಯೆತಾನ ದಿಲೊಯ್ ಘಾತ್ ಮಜಾ ಕಾಳ್ಜಾಕ್

ಎಕಾಚ್ ಗಾಂವಾಂತ್ ವಾಡುನ್ ಯೆತಾನ ಕಾಣ್ಯೊ ತುಜೊ ಸಂಗ್ತಾಲೆಂಯ್
ದುಬ್ಳಿಕಾಯೆನ್ ವೆಡೊ ಗಾಲ್ಯಾರಿ ಕಾಳ್ಜಾಕ್ ಸಂತೊಸ್ ಕರ್ತಾಲೆಂಯ್
ಪೊರ್ನೆ ವಸ್ತುರ್ ನೆಸ್ಲ್ಯಾರಿ ಸಂತೊಸಾನ್ ಉಡಿ ಮಾರ್ತಾಲೆಂಯ್
ಸರ್ವಾಂಕ್ ಮೊಗಾಚೆ ಜಾವ್ನ್ ಮಾಣಿಕಪರಿ ವಾಡ್ತಾಲೆಂಯ್

ಇಸ್ಕೊಲ್ ಮುಗ್ದುನ್ ಕೊಲೆಜಿಕ್ ವೆತಾನ ಆಂಜಾ ಪರಿ ಸೊಬ್ತಾಲೆಂಯ್
ಸಾಂಗಾತ್ ಮ್ಹಜೊ ಆಶೆವ್ನ್ ತುಂ ವಾಟೆಕ್ ಮ್ಹಜಾ ರಾಕ್ತಾಲೆಂಯ್
ದೊಳ್ಯಾಂಕ್ ಮ್ಹಜಾ ದೋಳೆ ದೀವ್ನ್ ದಾದೊಸ್ಕಾಯೆನ್ ಹಸ್ತಾಲೆಂಯ್
ಸೊಪ್ಣಾಂತ್ ಮ್ಹಜಾ ರಾಣಿ ಜಾವ್ನ್ ನಿದೆಂತ್ ಮಾಕಾ ದೊಸ್ತಾಲೆಂಯ್

ಶಿಕಾಪ್ ಮುಗ್ದುನ್ ಗಾಲ್ಫಾಕ್ ವೊಸುಂಕ್ ನಿರ್ಧಾರ್ ತುವೆಂ ಕೆಲೊಯ್
ಕುಟ್ಮಾಕ್ ತುಜ್ಯಾ ಆಧಾರ್ ಜಾಂವ್ಕ್ ನಿಚೆವ್ ತುವೆಂ ಘೆತ್ಲೋಯ್
ಮ್ಹಜೆ ತಾವ್ನ್ ಪೋಯ್ಸ್ ವೆಚೆಂ ಚಿಂತುನ್ ಕಾಳ್ಜಾಂತ್ ರಾಡ್ಲೆಂಯ್
ವೊಸೊನ್-ಯೆಂವ್ಚಿ ಬಾಸ್ ದೀವ್ನ್ ಮೊಗಾಚೊ ಭಾಂದ್ ಘಟ್ ಕೆಲೊಯ್

ಮೊಗಾಕ್ ತುಜಾ ಆಂವ್ಡೆವ್ನ್ ಬಾಂದ್ಲೆಂ ರಾವ್ಳೆರ್ ಸೊಪ್ಣಾಂತ್
ದೀಸ್ ರಾತ್ ಚಿಂತುನ್ ಮೊಗಾ ದೀಸ್ ಲೊಟ್ಲೆ ತುಕಾ ಬೆಟ್ಚಾಕ್
ಗಾಂವ್ಚಾಂಕ್ ಹಾಂವ್ ಪಿಸೊ ತರಿ ಪಾಲ್ವೊಂಕ್ ಸೊಡ್ಲೊ ನಾಂ ಮೊಗಾಕ್
ಕಾಜಾರ್ ಜಾವ್ನ್ ಘರ ಹಾಡುಂಕ್ ಉತರ್ ದಿಲೆಂ ಘರ್ಚಾಂಕ್

ವರ್ಸಾಂ ಥಾವ್ನ್ ರಕೊನ್ ರಾವ್ಲೊಂ ಮೊಗಾಕ್ ತುಜ್ಯಾ ಆಪ್ಣಾಂವ್ಕ್
ನೀಜ್ ರೂಪ್ ದೀಂವ್ಕ್ ಆಶೆಲೊಂ ರಾತಿಂ ದೊಸ್ಚಾ ಸೊಪ್ಣಾಂಕ್
ಸಂಗತಿ ದಾದ್ಲ್ಯಾಕ್ ದಾಕೊವ್ನ್ ಮುಳೆಂಯ್ ಹಾಂವ್ ಆತಾಂ ಕಾಜಾರಿ
ತುಜ್ಯಾ ಯೆಣ್ಯಾಕ್ ರಾಕೊನ್ ಮೊಗಾ ಜಾಲೊ ಹಾಂವ್ ಬಿಕಾರಿ.

ರೊರಿಟಾ..ಕಾಳ್ಜಾ ಕುಡ್ಕ್ಯಾ

ರೊರಿಟಾ.... ರೊರಿಟಾ.... ತುಂ ಮೊಜ್ಯಾ ಕಾಳ್ಜಾ ಕುಡ್ಕ್ಯಾ
ಪಳೆವ್ನ್ ಹಾಂವ್ ಮೆಚ್ವೊಲೊಂ ತುಕಾ ಬಾಂಯ್ಚಾ ಕಾಟ್ಯಾರ್
ಪಾಂತ್ಯೆಂತ್ ತುಂ ಸೊಬ್ತಾಲೆಂಯ್ಗೊ ಭಿಜ್ಲಲ್ಲ್ಯಾ ಕೆಸಾಂತ್
ಹಾತ್ ತುಜೊ ದರುಂಕ್ ಆಶೆತಾಂ ಲಾಗ್ನಾ ಬೆಸಾಂತ್

ದೋವ್ ಜಿರೊನ್, ಕೀರ್ಣ್ ಪಾಂಕೊವ್ನ್, ದೀಸ್ ಸೊಬ್ತಾನಾ
ಸಮ್ಕಾತಾಲೆಂಯ್ ಇಸ್ಕೊಲಾಕ್ ತುಂ ಗಾಲುನ್ ಪಾಂಯ್ಜಾಣಾಂ
ವಾಟೆಕ್ ತುಜ್ಯಾ ರಾಕೊನ್ ರಾಕೊನ್ ಹಾಂವೆ ತಿಳ್ತಾನಾ
ಆಂಬೊರ್ ಹಾಸೊ ದೀವ್ನ್ ಗೆಲೆಂಯ್ ಮಜಿ ಪರ್ವಾ ನಾಸ್ತಾನಾ

ನಿಳ್ಶ್ಯಾ ಮೊಳ್ಬಾರ್, ರಗ್ತಾ ರಂಗಾರ್, ಸೊರ್ಯೊ ತಿಳ್ತಾನಾ
ಪುಗ್ರೆ ಪೊಲೆ ತುಜೆ ದೊಸ್ತಲೆ ಮಕಾ, ತುಕಾ ಚಿಂತಾನಾ
ತಂಡ್ ವಾರೆಂ ಮಸ್ತಾಕಾರ್ ತುಜ್ಯಾ ವಾಳೊನ್ ಚಲ್ತಾನಾ
ಭರ್ಲೆಲಿಂ ವೊಂಟ ಜಾಗೈತಾಲಿಂ ಮೊಗಾಚಿ ಕಲ್ಪನಾ

ದೊನ್ಪಾರಾಚೊ ಸುರ್ಯೊ ತೊ ಮಾತ್ಯಾರ್  ಚಡ್ತಾನಾ
ಸೊಬ್ತಾಲೆಂಯ್ ತುಂ ರಾಣಿಯೆಬರಿ ಮೆಟಾಂ ಗಾಲ್ತಾನಾ
ಸಂಜೆಚಿ ತಿಂ ಸುಕ್ಣಿ-ಸಂವ್ಜಾಂ ಘರ ಉಬ್ತಾನಾ
ಕಾಷ್ಟ್ ಜಾತಲೆ ರಾತ್ ಪಾಶಾರುಂಕ್ ತುಂ ನಾಸ್ತಾನಾ

ಇಸ್ಕೊಲಾಚೆ ಪೊಕ್ರಿ ಚೆಡೆ ತುಜೆರ್ ದೊಳೆ ಘುಂವ್ಡೈತಾನಾ
ಪೆಂಕಾಡ್ ತುಜೆಂ ಘುಂವ್ತಾಲೆಂಗೊ ಗುಮಾನ್ ನಸ್ತಾನಾ
ಏಕ್ಲ್ಯಾ ವಾರ್ನ್ ಏಕ್ಲ್ಯಾಕ್ ತುಂ ಸೊಬಿತ್ ದಿಸ್ತಾನಾ
ಕಾವ್ಜೆಲೊಂಗೊ ಸಾಂಗೊಕ್ ತುಕಾ ಕಾಳ್ಜಾಚಿಂ ಬೊಗ್ಣಾಂ.

ಲಿನೆಟ್......ಮೊಗಾಚೆಂ ಜಾಳ್.

ಲಿನೆಟ್ ತುಂ ಮೊಗಾಚೆಂ ಜಾಳ್, ರುಚಿಕ್ ಸಕ್ರಿಚೆಂ ಮೇಲ್
ಕಾಳಿಜ್ ದಿಲಾಂ ಗೋ ತುಜ್ಯ ರೂಪಾಕ್, ಕೆದ್ನಾ ಯೆತಾಯ್ ತುಂ ಗೊಪಾಂತ್
ರಾಕೊನ್ ಹಾಂವ್ ಅಸಾಂ, ಬಾಸ್ ತುಕಾ ದಿತಾಂ
ದಿತೊಲೊಂ ಜಾಗೊ ಮೊಜ್ಯಾ ಕಾಳ್ಜಾಂತ್, ಕರ್ತೊಲೊಂ ರಾಣಿ ಮೊಜ್ಯಾ ಜಿಣ್ಯೆಂತ್.

ಕಾರ್ಕೊಳ್ಚಾ ಪೆಸ್ತಾಸಾಂತೆಂತ್ ಕಾಳಿಂಗ್ ಘೆತನಾ
ದಿಷ್ಟಿಕ್ ಮಜ್ಯಾ ಪಡ್ಲೆಂಯ್ ತುಂ ಪಾಶಾರ್ ಜಾತನಾ
ಸೊಬ್ತಾಲೆಂಯ್ ತುಂ ತಂಬ್ಡ್ಯಾ ವಸ್ತ್ರಾರ್ ಮೆಟಾಂ ಗಾಲ್ತಾನಾಂ
ಪಾಟ್ ತುಜಿ ಸೊಡುಂಕ್ ಹೆಂ ಕಾಳಿಜ್ ಆಯ್ಕಾನಾಂ

ಮೊಗಾಕ್ ತುಜ್ಯಾ ಲಾಲೆವ್ನ್ ಲಾಲೆವ್ನ್ ಪಾಟ್ಲ್ಯಾನ್ ಯೆತನಾ
ಮೊತಿಂತ್ ಮೊಜಾ ಗಾಯ್ತಾಲೊಂಗೊ ಮೊಗಾಚಿ ಗಾನಾಂ
ಶಿರಂದಾರಿಚ ಲೊಕಾ ಮೊದೆಂ ತುಂ ಉಟೊನ್ ದಿಸ್ತನಾಂ
ಸೊಭಾಯ್ ತುಜೆ ವರ್ಣುಂ ಕಶಿ ಮಾಕ ಸಮ್ಜಾನಾಂ

ಪಾದ್ರಿಬಾವ್ ಮೀಸ್ ಬೆಟೊಂವ್ಕ್ ಆಲ್ತಾರ್ ಸೊಡ್ತಾನಾಂ
ದೊಳ್ಯಾ ಮುಕ್ಲೆಂ ಸುಕ್ಲೆಂಯ್ ತುಂ ಕೈಂಗೆಲೆಂಯ್ ಕೊಣ್ಣಾ
ಆಂಗ್ ಸಗ್ಳೆಂ ದೊಳೆ ಕಾರ್ನ್ ತುಜಿ ಸೊದ್ನಾ ಕರ್ತಾನಾ
ಜಾಳ್ಕಾಲೆಂಯ್ ತುಂ ನೆಕೆತ್ರ ಪರಿ ಪೊಯ್ಶಿಲ್ಯಾ ಸಾಲಾಂತ್

ಉತ್ರಾಂ ಸುಟ್ಲಿನಾಂತ್ ತುವೆಂ ಮುಕಾರ್ ರಾವ್ತಾನಾ
ಪಾಂತಿ ಗುಂಡಾವ್ನ್ ಸಂಗ್ಲೆಂಯ್ ತುವೆಂ "ಹಾಂವ್ ತುಕಾ ನೆಣಾಂ"
ದೈರ್ ಗೇವ್ನ್ ಕಾವ್ಜೆವ್ನ್ ಕಾವ್ಜೆವ್ನ್ ಹಾತ್ ಮಾಗ್ತಾನಾಂ
ಮೊಗಾಕ್ ಮೊಜಾ ಮಾನ್ ಕೆಲೊಯ್ ಪರ್ವ ನಾಸ್ತನಾಂ

ಯೌವನ್‍ಪಣ್ - ಮಾಣ್ಸುಗ್‍ಪಣ್

ಪೊಲ್ಯಾರ್ ಡಿಂಪಲ್, ಬೊರುಲ್ಲಿಂ ವೊಂಟಾ
ಪುಟ್ತ್ಯೊ ಮಿಶೊ, ಆಂಬೊರ್ ಹಾಸೊ
ಸೊಬಾಯ್ ಸಂಗ್ತಾ ತುಜೆಂ ಯೌವನ್‍ಪಣ್
ಖಾಲ್ತೆಂ ಕಾಳಿಜ್, ಮಾನಾಗ್ ಗೌರವ್
ನೀಟ್ ಚಾಲ್, ರುಸ್ಚಿಂ ಉತ್ರಾಂ
ಗವಾಯ್ ದಿತಾತ್ ತುಜೆಂ ಮಾಣ್ಸುಗ್‍ಪಣ್

ಚಲ್ತನ ಚಾಲ್ ತುಜಿ ಹಂಸಚಿ
ದಂವ್ತಾನ ದಾಂವ್ ತಿ ಚಿತ್ಳಾಚಿ
ದೊಳೆ ತೆ ಪರ್ಜಾಳ್ತಾತ್ ಮಾಜ್ರಾಚೆ
ದೈರ್ ತೆಂ ಘರ್ಜೊಂವ್ಚಾ ವಾಗಾಚೆಂ

ಬೋಳ್ ತುಕಾ ದೆಣೆಂ ದೇವಾಚೆಂ
ಸೊಬಾಯ್ ತಿ ದೆಕ್ತೆಲ್ಯಾ ದೊಳ್ಯಾಂಚಿ
ಮಾನ್ ತುಂ ತುಜಾ ಆವೈ-ಬಾಪೈಚೆಂ
ಜಿಯೆ ತುಂ ಜಿಣೆ ಆಂಜಾಚೆಂ

ಚುಕೊನ್ ಚಲ್ಶಿ, ಕಷ್ಟಾಂತ್ ಪಡ್ಶಿ
ಹೊಗ್ಡಾಯಿಲ್ಲೊ ಮಾನ್ ಚಿಂತುನ್ ರಡ್ಶಿ
ಮುಕ್ಲೆಂ ಮೇಟ್ ದೈರಾನ್ ಕಾಡ್ಶಿ
ಮೊಗಾಳ್ ಜಾವ್ನ್ ಕಾಳ್ಜಾಂತ್ ಉರ್ಶಿ.

ಸೊಪಣ್.....

ಕಾಲ್ಚಾ ರಾತಿಂ ನಿದೆಂತ್ ದೆಕ್ಲೆಂ ಏಕ್ ಸೊಪಣ್
ಕೆಳೊಂಕ್ ವೊಸೊಂಕ್ ದೊಸ್ತಲೆಂ ಭಯ್ಣ್ ಕಾರ್ಮಿನ್
ವೊಡ್ಲಿ ಮಾಂಯ್ಕ್ ದೊಸುಂಕ್ ಲಾಗ್ಲೆಂ ಗೇವ್ನ್ ಪರ್ಮಾಣ್
ವೆಚೆಂ ನಾಕಾ ಮ್ಹುಣೊನ್ ಜಾಲೆಂ ಮಾಂಯ್ಚೆ ತಿರ್ಮಾನ್.

ಲಿಪೊನ್ ದಾವೊನ್ ಸೊರ್ಯನಿಂ ಪಾವ್ಲ್ಯಾಂವ್ ಅಂಗ್ಣಾಕ್
ಉಲೊ ದಿಲೊ ಪ್ರೆಂಡ್ಸಂಕ್ ಕ್ರಿಕೆಟ್ ಕೆಳ್ಚಾಕ್
ಆಕೇರಿಕ್ ಆಯ್ಲೆ ಕೆಳೊಂಕ್ ಕಿರಣ್-ಇಸಾಕ್
ಮಾರಲ್ಲೊ ಮಾರ್ ಸುಕೊನ್ ಪಡ್ಲೊ ಘರಾಚ ಗ್ಲಾಸಾಕ್

ಹಲೊನ್ ದಲೊನ್ ಅಂಗ್ಣಾಕ್ ಆಯ್ಲಿ ಅಮ್ಚಿ ಮತಾರಿ
ಬೊಡಿ ಘೆವ್ನ್ ದಾವ್ಡಾಂವ್ಕ್ ಲಾಗ್ಲಿ ಉಗ್ತ್ಯ ಅಂಗ್ಣಾರಿ
ಕಾಂಪ್ಲೆಂಟ್ ಪಾವ್ಲೆಂ ಪಪ್ಪಲಾಗಿಂ ಗೊದ್ದ್ಯಾ ಸಬ್ದಾರಿ
ಮಾರ್ ಪಡ್ಲೆ ಚಿಂತಿನಾಸ್ತಂ ಚಿಂಶೆಚಾ ಬೆತಾರಿ

ವೇಳ್ ಘಡಿ ಸೊದ್ತಲೊಂ ವೊಡ್ಲಿ ಮಾಂಯ್ಚಾ ರಗಾರ್
ಪಾನ್ ಪೊಡ್ ದಡಂವ್ಕ್ ದಿತಾನಾಂ ಗಾಲೊ ಪಾತೊರ್
ಆಸಲ್ಲೊ ದಾಂತ್ ಉಸೊಳ್ನ್ ರಕ್ತ ಶಿಂದಾರ್
ಜಾಗೊ ಜಾವುನ್ ಪಳೈತಾನಾ ಹಾಂವ್ ಮಂದ್ರೆರ್

ಶಿಕ್ಪಾಚೊ ಮಹತ್ವ್.....

ಚೀತ್ ದೀವ್ನ್ ಆಯ್ಕಾ ಭಾವಾ-ಬೊಯ್ಣಿನೊ ಮ್ಹಜೊ ಏಕ್ ಉಪದೇಸ್
ವಿಸ್ರಾನಾಚ್ತಾಂ ಕಾಳ್ಜಾಂತ್ ದವರುನ್ ಪಾಳುಂಕ್ ಮ್ಹಜೊ ಆದೇಶ್
ಶಿಕಾಪ್ ಜಾಲಾ ಸಂಸಾರಾಂತ್ ಮೊಲಾಧಿಕ್ ತಾಚೇವಿಣ್ ಜಿಣೆಂ ಭರಾಧೀಕ್
ಶಿಕ್ಪಾಕ್ ಪಾಟ್ ಕರ್ನ್ ತುಂ ಚಲ್ಶಿ ದಾಂವ್ಚಾ ಸಂಸಾರಾಂತ್ ಪಾಟಿಂ ಉರ್ಶಿ

 ಭಾವ್ ಮಜೊ ಬ್ಯಾಂಕಾಂತ್ ಘೊಳ್ತಾ ಹಾಂವ್ ಹಾಂಗಾ ಕುಜ್ನಾಂತ್ ರಾಂದ್ತಾಂ
ಆದ್ಲೆ ದೀಸ್ ಉಗ್ಡಾಸಾಕ್ ಹಾಡ್ತಾಂ ಹಾಂವ್ ಆತಾಂ ಚಿಂತುನ್ ರಡ್ತಾಂ
ಅರ್ದ್ಯಾರ್‌ಚ್ ಇಸ್ಕಾಲ್ ಹಾಂವೆ ಸೊಡ್ಲೆಂ ಘರ್ಚಾಂಕ್ ದಿಲ್ಲೆಂ ಉತಾರ್ ಮೊಡ್ಲೆಂ
ಆಜ್ ಚಿಂತುನ್ ಕಿತೆಂ ಫಾಯ್ದೊ ಶಿಕಾಜೆ ಜಾಲ್ಲೆಂ ಹರ್ಯೆಕ್ಲ್ಯಾಚೊ ಕಾಯ್ದೊ

ಶರ್ಟ್-ಪ್ಯಾಂಟ್ ಟೈ ಘಾಲ್ನ್ ಸೊಬ್ತಾ ಭಾವ್ ಮೊಜೊ ರಾಯ್
ಸೂಟ್ಕೇಸ್ ಘೆವ್ನ್ ಬಾಯ್ಲೆ-ಬುರ್ಗ್ಯಾಂಕ್ ಸಾಂಗೊನ್ ಚಲ್ತಾ ಬಾಯ್-ಬಾಯ್
ಸ್ಕೂಟಾರ್ ಘೆವ್ನ್ ವಾಟೆರ್ ಚಲ್ಲ್ಯಾರ್ ಲೋಕ್ ಮಾರ್ತಾ ಸಲಾಂ
ಗಾಂವ್ಚಾ ಕಾರ್ಯಾನಿಂ ನಾಂವ್ ಆಪೊವ್ನ್ ಕರ್ತಾತ್ ತಾಕಾ ಮಾನ್

ಪಾಂತ್ಯಾರ್ ಉಟೊನ್ ಆರ್ದ್ಯಾ ನಿದೆರ್ ಚಲ್ತಾಂ ಹಾಂವ್ ಕಾಮಾಕ್
ಭಿಕೆಚೊ ಸಾಂಬಾಳ್ ಘರಾ ಅಡ್ಲ್ಯಾರ್ ಪೊಸ್ಚೆಂ ಕಶೆಂ ಬಾಯ್ಲ್ ಬುರ್ಗ್ಯಾಂಕ್
ವಾಚುನ್ ಬೊರೊಂವ್ಕ್ ಯೇನಾತ್ಲ್ಯಾರ್ ಪುಡಾರ್ ಜಾಂವ್ಚೊ ಕಸೊ ಬೊರೊ
ಚಿಂತುನ್ ಚಿಂತುನ್ ಮೋತ್ ಘುಂವಾನ ಈಷ್ಟ್ ಜಾಲಾ ಸೊರೊ

ಘರ್ಚಾನಿಂ ಶಿಕ್ ಶಿಕ್ ಮುಣ್ತಾನಾಂ ಕುಮೆರಿಂತ್ಲ್ಯಾನ್ ದಾಂವ್ತಾಲೊಂ ರಾನಾಕ್
ಚೀತ್ ದೀವ್ನ್ ಶಿಕೊನ್ ವ್ಹಡ್ ಜಾಲ್ಲೊ ತರ್ ಚುಕ್ತೆಂ ಪೊಳೆಂವ್ಕ್ ಹ್ಯಾ ವಾನಾಕ್
ಉಬೆಕ್ ರಾವೊನ್ ದೋಯ್ ತಿ ಹಾಲೊನ್ ಕಷ್ಟ್ ಸಾಂಗ್ಚೆ ಕೋಣಾಕ್?
ಆತಾಂಚ್ಯಾ ಪಿಳ್ಗೆಕ್ ಮೋತ್ ದಿ ದೇವಾ ಮಾಗ್ಣೆಂ ಹೆಂ ಮ್ಹಜ್ಯಾ ದೇವಾಕ್

ರುಪ್ಯಾಚೆಂ 30 ನಾಣೆಂ.............

ಮೊಜಾ ಸೊಡ್ವಣ್ದಾರಾಕ್ ಬಾದ್‍ಲ್ಲೆಂ ಮೋಲ್ ತೆಂ
ಮಕಾ ರಚ್ಲೆಲ್ಯಾಕ್ ದಿಲ್ಲೆಂ ಇನಾಮ್ ತೆಂ
ಪ್ರಾಣ್ ತಾಣೆಂ ಕೆಲೊ ಮೊಜಾ ಪಾತ್ಕಾಕ್
ಸೊಡ್ವಣ್ ತಾಣೆಂ ದಿಲಿ ಮೊನ್ಶ ಕುಳಾಕ್

ದೆವಾನ್ ದಾಡ್ಲೊ ತುಕಾ ಸಂಸ್ರಕ್ ತಾರಣ್ ದೀಂವ್ಕ್
ಅಪ್ಣೆ ವಿಂಚ್ಲೆಲ್ಯಾ ಪರ್ಜೆಕ್ ಬುಜಾವಾಣ್ ಜಾಂವ್ಕ್
ಆಯಿಲ್ಲೊಯ್ ತುಂ ಗೆವ್ನ್ ಮೋಗ್ ಬಾಪಾಚೊ
ಆಶೆಲೊಯ್ ತುಂ ಪರ್ಗಟುಂಕ್ ಗುಟ್ ಸರ್ಗಿಂಚೊ

ಶಿಸ್ ಕೆಲೆಯ್ ತುವೆಂ ಮಾಸ್ಳಿ ಪಾಗ್ಚ ಮೊನ್ಶಂಕ್
ಜಾಣ್ವಾಯ್ ದಿಲಿಯ್ ತಾಂಕಾ ದಾಡುಂಕ್ ಸಂಸ್ರಾಕ್
ಶಿಕಪ್ ಜೊಡ್ಲೆಂ ತಾಣಿಂ ಸರ್ಗಿಂಚಾ ರಾಜಾಚೆಂ
ಜಿಕ್ಲೆಂ ಕಾಳಿಜ್ ಮೊಗಾನ್ ಸಂಸ್ರಚಾ ಲೊಕಾಂಚೆಂ

ಬಾರಂತ್ಲ್ಯಾ ಏಕ್ಲ್ಯಾನ್ ತುಕಾ ಪರಾಧೀನ್ ಕೆಲೆಂ
ಜುದಾಸಾಚಾ ಕಾಳ್ಜಾಂತ್ ಸೈತನಾನ್ ಬಿಡಾರ್ ಕೆಲೆಂ
ಮೆಜ್ಲಿಂ 30 ನಾಣಿಂ ಅಪ್ಲ್ಯಾ ಮೆಸ್ತ್ರಿಚಾ ಜಿವಾಕ್
ಘಾತ್ ಕೆಲೊ ತಾಣೆಂ ಅಪ್ಣಾಚೊ ಮೋಗ್ ಕೆಲ್ಲ್ಯಾ ದೆವಾಕ್

ಪಾವ್ಸ್...ಶಿರಂಧರಿಚೊ ಪಾವ್ಸ್

ಅಕಾಸ ತಾವ್ನ್ ಭುಂಯ್ಕ್ ತೆಂಬ್ಯಾನಿಂ ತುಂ ಪಡ್ತಾಯ್
ದೆವಾಚೆಂ ಬೆಸಾಂವ್ ಮನ್ಶಾಂಕ್ ಪಾವಯ್ತಾಯ್
ಮೊಡಾನಿಂ ತುಂ ಲಿಪೊನ್ ವಾರ್ಯಾರ್ ಉಬ್ತಾಯ್
ಆಕಾಸ್ ಅನಿ ಭುಂಯ್ಚೊ ಏಕ್ವಾಟ್ ಕರ್ತಾಯ್

ಭುಂಯ್ಚಾ ಜಿನ್ಸಾಂಕ್ ಜೀವ್ ತುಂ ದಿತಾಯ್
ಗಾಂವ್ಚಾ ರೈತಾಂಕ್ ಆಧಾರ್ ತುಂ ಜಾತಾಯ್
ಸುಕಲ್ಲ್ಯಾ ಭುಂಯ್ಕ್ ತಂಡ್ ತುಂ ಕರ್ತಾಯ್
ನಂಯೊ-ವಾಳಾನಿಂ ಭರುನ್ ತುಂ ವಾಳ್ತಾಯ್

ಗುಡೆ ದೊಂಗೊರ್ ಸೊಭಾಯೆನ್ ಭರ್ತಾಯ್
ರೂಕ್ ಜಡಾಂಕ್ ಪಾಚ್ವೊ ರಂಗ್ ಹಾಡ್ತಾಯ್
ಫಳಾಂಚ ರುಕಾಂಕ್ ಪಿಂಪ್ರ್ಯಾನಿಂ ಸೊಭಯ್ತಾಯ್
ಪುಲಾಂಚ ಜಡಾಂಕ್ ಸೊಭಾಯೆನ್ ನೆಟೆಯ್ತಾಯ್

ಚಿಂತುಕ್ ಸಕ್ಚೊ ನಾಂ ತುಜೆವೀಣ್ ಜೀವಿತ್
ವರ್ಣುಂಕ್ ಅಸಾಧ್ಯ್ ತುವೆಂ ದೆವೊನ್ ಯೆಂವ್ಚಿ ರೀತ್
ಶಿರಂಧಾರಿನ್ ವೊತ್ಲ್ಯಾರ್ ಮನಿಸ್ ದುರ್ಸಾತ್
ರಾಗರ್ ತುಂ ರಾವ್ಲ್ಯಾರ್ ಪಾಡ್ ಮ್ಹಜಿ ಗಾತ್

ಬೊರ್ಯಾಂಕ್ ಅನಿ ಖೊಟ್ಯಾಂಕ್ ಭೇದ್ ನಾಸ್ತಾಂ ಪಾವ್ತಾಯ್
ಪ್ರತಿಫಳಾಚಿ ಅಪೇಕ್ಶ ಕರಿನಾಸ್ತಾಂ ಚಲ್ತಾಯ್
ಲ್ಹಾನಾಂ-ವೊಡಾಂಚಿ ಮೊನಾ ದಾದೊಸ್ ತುಂ ಕರ್ತಾಯ್
ಪರ್ತುನ್ ಯೆಂವ್ಚಿ ಭಾಸ್ ತುಂ ದಿತಾಯ್

ಹೊ ಜಾಂವ್ದಿ ಅಮ್ಚೊ ನಿಚೆವ್........

ಬಾಪಾ ಆಜ್ ಹಾಂವೆ ಏಕ್ ನಿಚೆವ್ ಕೆಲಾ
ತುಜ್ಯಾ ನಾಂವಾನ್ ಜಿಯೆಂವ್ಕ್ ಸಪುತ್ ಗೆತ್ಲಾ
ತುಜೆ ನಾಂವ್ ಕೆದಿಂಕಚ್ ವ್ಯರ್ಥ್ ಕಾಡ್ಚೊ ನಾಂ
ತುಜ್ಯಾ ನಾವಾಕ್ ಸಸ್ಣಾಕ್ ಅವ್ಮರ್ಯಾದ್ ಕರ್ಚೊ ನಾಂ

ತುವೆಂ ದಿಲ್ಲ್ಯಾ ಹಾತಾನ್ ತಾಳ್ಯೊ ಪೆಟುನ್ ಗಾಯ್ತೊಲೊಂ
ತುವೆಂ ದಿಲ್ಲ್ಯಾ ತಾಳ್ಯಾಂತ್ ಕೀರ್ತ್ ತುಜೆ ಗಾಜೈತಲೊಂ
ತುವೆಂ ದಿಲ್ಲ್ಯಾ ಜಿಬೆನ್ ವಡ್ವಿಕ್ ತುಜಿ ಪಾಚಾರ್ತಲೊಂ
ತುವೆಂ ದಿಲ್ಲ್ಯಾ ದೊಳ್ಯಾಂತ್ ಮೊಗಾ ನದರ್ ಗಲ್ತಲೊಂ

ತುವೆಂ ದಿಲ್ಲ್ಯಾ ಪಾಯಾಂನಿಂ ವಾಟೆನ್ ತುಜಾ ಚಮ್ಕಾತಲೊಂ
ತುವೆಂ ದಿಲ್ಲ್ಯಾ ದೊಪ್ರಾಂನಿಂ ದಿಂಬ್ಯೆನ್ ತುಕಾ ಸರ್ಪಡ್ತಲೊಂ
ತುವೆಂ ದಿಲ್ಲ್ಯಾ ಬೊಟಾಂಕ್ ಸಂದೆಶ್ ಬೊರೊಂವ್ಕ್ ಜರೈತಲೊಂ
ತುವೆಂ ದಿಲ್ಲ್ಯಾ ಕಾಳ್ಜಾಂತ್ ಭಿಡಾರ್ ತುಕಾ ಬಂದ್ತಲೊಂ

ತುವೆಂ ದಿಲ್ಲ್ಯಾ ಪೆಲ್ಯಾಚೊ ಮೋಗ್ ಹಾಂವ್ ಕರ್ತಲೊಂ
ತುವೆಂ ದಿಲ್ಲ್ಯಾ ಮೊಣಿಯಾರಾಂಕ್ ಮಾನಾನ್ ಲೆಕ್ತಲೊಂ
ತುವೆಂ ದಿಲ್ಲ್ಯಾ ಧರ್ಮ್ ಸಭೆಕ್ ವಾಡೊನ್ ಚಡೈತಲೊಂ
ತುವೆಂ ದಿಲ್ಲ್ಯಾ ಉಪದೆಸಾಂಕ್ ಖಾಲ್ ಜಾವ್ನ್ ಚಲ್ತಲೊಂ

ತುವೆಂ ಕೆಲ್ಲೊ ತ್ಯಾಗ್ ಬುರ್ಗ್ಯಾಂಕ್ ಮೊಜಾ ಸಂಗ್ತಲೊಂ
ತುವೆಂ ದಿಲ್ಲೊ ಮೋಗ್ ಸರ್ವಾಂ ಥೈಂ ವಾಂಟ್ತಲೊಂ
ತುವೆಂ ದಿಲ್ಲೊ ಉಜ್ವಾಡ್ ಸಂಸಾರಾಕ್ ದಾಕೈತಲೊಂ
ತುವೆಂ ಕೆಲ್ಲೆಂ ಬಲಿಧಾನ್ ಮೊರ್ತಾಸರ್ ನಿಯಾಳ್ತಾಲೊಂ

ಚುಕವ್ನ್ ಹಾಂವ್ ಚಲ್ತನಾ, ನೀಟ್ ವಾಟೆಕ್ ಹಾಡ್ ಮಾಕಾ
ಆಸ್ಕತ್ ಜಾವ್ನ್ ಪಡ್ತಾನಾ, ಆದಾರ್ ಜಾವ್ನ್ ರಾವ್ ಮಕಾ
ತಾಳ್ನೆ ಪಾಸಾಂತ್ ಸಂಪ್ಡತನಾ, ಖರಿ ವಾಟ್ ದಾಕೈ ಮಕಾ
ಅನಾಥ್ ಜಾವ್ನ್ ವೊಳ್ವಳ್ತನಾ, ಗೊಪಾಂತ್ ತುಜ್ಯಾ ಘೆ ಮಾಕಾ.

ಮೊಜಾ ಕಾಜ್ರಾಚೊ ಉಗ್ಡಾಸ್...........

ಮೊಗಾಚಾ ಸಂಸ್ರಾರ್ ಚಮ್ಕೊತನಾ, ಬೆಟ್ಲೆಂಯ್ ಮೊಗಾ ವಾಟೆರ್
ಕಾಳಿಜ್ ಬರ್ಲೆಂ, ದೊಳೆ ಪುಲ್ಲೆ, ಘಾಲ್ನ್ ತುಜೆರ್ ನದಾರ್
ಬೊಗ್ಣಾ ಜಿವಾಳ್, ಚಿಂತ್ನಾ ಹಜಾರ್, ಮೊಜಾ ಕಾಳ್ಜಾ ಬಿತರ್
ಮೊಗಾರ್ ಪಡ್ಲೊಂ, ಖುಶೆನ್ ಉಡ್ಲೊಂ, ಘೇಂವ್ಕ್ ಲಗ್ನಾಂ ಬೆಸಾರ್

ದೊತೊರ್ನ್ ಸೊಂಪ್ಲಿ, ಚೀಟ್ ವಾಸ್ಲಿ
ಕಾಜಾರ ದಿಸಾಕ್ ತಾರಿಕ್ ಘಟ್ ಕೆಲಿ
ಕಾಗ್ದಾಂ ಚಾಪ್ಲಿಂ, ವಾಡ್ಯಾನಿಂ ವಾಂಟ್ಲಿ
ಲಾಗ್ಶಿಲ್ಯಾ ಸರ್ಯಾಂಕ್ ವೊವ್ಳಿಕ್ ಸಂಗ್ಲಿ

ಬಂಗಾರ್ ತಯಾರ್, ಘರ್ಚಿಂ ವಾರ್ಯಾರ್
ಕೋಟಾಚಿ ಜೋಕ್ ವೊರ್ನ್ ಗೆಲೊ ಟೈಲಾರ್
ಮಾಟೊವ್ ಗಾಲೊ, ದುಕ್ರಾಕ್ ದರ್ಲೊ
ಸನ್ನ ಮಾಸಾಚೆಂ ಜೆವಾಣ್ ತಯಾರ್

ರೋಸ್ ಪುಸ್ಲೊ, ವೊವ್ಯೊ ಗಾಯ್ಲ್ಯೊ
ಸರ್ಗಿಚೆಂ ಬೆಸಾಂವ್ ಮಾಗೊನ್ ಗೆತ್ಲೆಂ
ಬ್ಯಾಂಡ್ ವಾಜ್ಲೆಂ, ಗರ್ನಾಳ್ ಪುಟ್ಲ್ಯೊ
ದೀಸ್ ಉದೆಂವ್ಕ್ ರಾಕೊನ್ ಬೊಸ್ಲೊಂ

ಮೀಸ್ ಕಾಬಾರ್, ಹೊಲಾಂತ್ ದರ್ಬಾರ್
ಆಯಾರ್ ಅಯ್ಲೊ ಹಾಜಾರ ಲೇಕಾರ್
ಚೆಡ್ವಕ್ ಹಾಡ್ಲೆಂ, ಒಪ್ಸುನ್ ದಿಲೆಂ
ಕರಿಯಮಣಿ ಬಂದ್ಲಿ ಲೋಕ ಮುಕಾರ್.

ಮೊಜಾ ದೆಶಾಚಿ ಗಾತ್.......

ಬಿಯರ್ ಮೆಳ್ತಾ, ವಿಸ್ಕಿ ಮೆಳ್ತಾ ಕಾಷ್ಟ್ ನಸ್ತಾನಾ
ಆರ್ದೆಂ ಕುಟ್ಟೆ ದೂದ್ ಮೆಳ್ನಾ ಬುರ್ಗೆಂ ರಡ್ತಾನಾ
ಪಾವ್ಸ್ ಪೊಡ್ತಾ, ವೊತ್ ಯೆತಾ ಬೆಳೆಂ ಮೆಳನಾ
ಗ್ರೆಸ್ತಾಂ ಕಾರ್ ಕಾವ್ನ್-ಜೇವ್ನ್ ತಾಂದುಳ್ ಮುಗ್ದಾನಾ

ಶಿಕೊನ್ ಶಿಕೊನ್ ತೊಕೊನ್ ಗೆಲ್ಯಾರಿ ಕಾಮ್ ಮೆಳನಾ
ರಾಜಾಕಿಯಾಂತ್ ರಿಗ್ಲೊಯ್ ತಾರ್ ಡಿಗ್ರಿ ಗಾರ್ಜ್ ನಾಂ
ಮಹಿನ್ಯಾಚೊ ತೊ ಸಂಬಾಳ್ ಮೆಳ್ತಾ ಚುಕನಾಸ್ತಾನಾ
ಸಮಾನ್ ಹಾಡ್ನ್ ಲೇಕ್ ಗಾಲ್ಯಾರ್ ಕಾಯಿಂಚ್ ಉರನಾ

ವೊಡ್ಲಿಂ ವೊಡ್ಲಿಂ ಖಾಣಾ ಅಸಾತ್ ಖಾಂವ್ಕ್ ಪುಟ್ವನಾ
ದುರ್ಬೊಳ್ಯಾಕ್ ಪೊಟಾ ಬುಕೆಕ್ ನೀಸ್ ಮೆಳನಾ
ದುಬ್ಳ್ಯಾ ದಾಕ್ಟ್ಯಾಂಚ ಬೊಸ್ಯೆಂತ್ಲೆ ಗ್ರೇಸ್ತ್ ಕತನಾಂ
ದೆಶಾಚೆ ಕಾನೂನ್ ಕಾಂಯ್ ಆವಾಜ್ ಕರಿನಾಂ

ಕಾರಾಂ ಬಸ್ಸಾಂ ವಾಟೆರ್ ದಾಂವ್ತಾತ್ ವೊಡ್ಕೊ ನಸ್ತಾನಾ
ಪಯ್ಣಾರ್ಯಾಚಿ ಚಲೊನ್ ಚಲೊನ್ ವಾಟ್ ಮುಗ್ದಾನಾಂ
ಸರ್ಕಾರಿ ಕಾಮಾಕ್ ಮುಣ್ ಆಫಿಸಾಕ್ ರಿಗ್ತಾನಾಂ
ಹಾತಾಂತ್ ತುಜ್ಯಾ ಗುಲೆ ನಾತ್ಲ್ಯಾರ್ ಕೊಣ್ಣಿ ಹುಂಗನಾಂ

ಪುಡಾರಿ ಜಿಕುನ್ ದಿಲ್ಲಿಗ್ ಗೆಲ್ಯಾರ್ ಪಾಟಿಂ ಪೊಳೈನಾಂ
ಚೋರ್ ಲುಟ್ಕಾರ್ ರಾಜಕಿಯಾಂತ್ ನತ್ಲ್ಯಾರ್ ದೇಶ್ ಚಲನಾಂ
ಜಾತ್ ಅನಿಂ ದೆವಾಚ ನವಾರ್ ಜಗ್ಡೆಂ ಚಲ್ತಾನಾಂ
ರಾಮ್-ರಹಿಮ್ ವಾಯ್ರ್ ಬೊಸೊನ್ ರಾಡ್ತಾತ್ ಕೊಣ್ಣಂ.

"ಮೊಗಾ" ತುಂ ಕಿತ್ಯಾಕ್ ಆಶೆಂ....

ಚೆಡ್ವಕ್ ಬೆಟ್ಲೊಂ ಮೊಗಾರ್ ಪಡ್ಲೊಂ
ಘಂಟೆ ಘಂಟೆ ರಾಕೊನ್ ರಾವ್ಲೊಂ
ದೀಸಾಕ್ ಹಸ್ತಾ, ನಿದೆಂತ್ ದೊಸ್ತ
ರಾಣಿಯೆ ಪರಿ ಉಸ್ಕ್ಯಾರ್ ಬೊಸ್ತ

ಕಾಳ್ ಪಾಶಾರ್ ಅಮಿಂ ಮೊಗಾರ್
ಚಿತ್ನಾಂ ಉಡ್ತತ್ ವಾರ್ಯರ್
ವೊಡಾನಿ ದೆಕ್ಲೆಂ ವೊಸ್ತುರ್ ಭಿಜ್ಲೆಂ
ಮೊಗಾಚೆಂ ಕಾಳಿಜ್ ಶಿಂದ್ಲೆಂ

ಕಾಳ್ಜಾ ಉಲೊ, ದಾಂಪುನ್ ಕೊಲೊ
ರೊಡ್ಲೊಂ ಹಾಜಾರ್ ಕಿಲೊ
ಚೆಡ್ವಕ್ ವೆಲೆಂ ಕಾಜಾರ್ ಕೆಲೆಂ
ಮಟ್ವಾರ್ ಒಪ್ಸುನ್ ದಿಲೆಂ

ಕೊಪೆಲ್ ಬೆತ್ಲೆಂ... ಹಾತ್ ಮೊಡ್ಲೆ..............

ವರ್ಸಾಂ ದೋನ್ ಸರ್ಲಿಂ, ಚಿತ್ನಂ ಮಜ್ವನಾಸ್ತಾನಾ ಉರ್ಲಿಂ
ಘಡೊನ್ ಗೆಲ್ಯಾ ಘಡಿತಚೊ, ಕ್ರಿಸ್ತಾಂವ್ಚಾ ಕರಾಳ್ ದಿಸಾಚೊ
ಜಾಲಿ ಏಕ್ವಟಾಚಿ ಪರೀಕ್ೞ, ಜೆಜುಚ್ ಕ್ರೀಸ್ತ್ ಮ್ಹುಳ್ಳಾಕ್ ಶಿಕ್ೞ,
ಧೈರ್ಯ್ ಘೆಯಾ ಭಾವಾಡ್ತ್ಯಾನೊ ಹೀಚ್ ಅಮ್ಚಿ ದಿಶಾ.

ಭೆತ್ಲೆಂ ತಾಣಿಂ ಕೊಪೆಲ್, ಪುಟೈಲ್ಯೊ ಮಾಯೇಚ್ಯೊ ಗ್ರೊಟ್ಟೊ
ಕಳ್ಜಾಂತ್ ರೊಂಬಲ್ಲೊ ಭವರ್ತ್ ಕೋಣ್ ಪಾಲ್ವಾಯ್ತ್ ?
ಮೊಡ್ಲೆ ತಾಣಿಂ ಹಾತ್, ದಿಲೊ ಕಾಳ್ಜಾಕ್ ಘಾತ್
ಉಮ್ಕೊಳ್ಚಾ ತ್ಯಾ ಸೊಮ್ಯಾಚೊ ಮೋಗ್ ಕೆದಿಂಚ್ ಉಣೊ ಜಾಯ್ತ್ ?

ವಾಡಲ್ಲ್ಯಾಂ ಅಮಿಂ ಸಂಗತಾ, ದೀವ್ನ್ ಸೆವಾ ಏಕಾ ಮೇಕಾ
ಜೊಡ್ಲೆಂ ತಾಣಿಂ ಶಿಕಾಪ್, ಆಮಿಂ ಚಲೊಂವ್ಚ್ಯಾ ಸಂಸ್ಥ್ಯಾನಿಂ
ಚಿಂತ್ಲೊ ನಾಂ ಉಪ್ಕಾರ್, ವಿಸರ್ನ್ ಗೆಲೆ ದಿಲ್ಲೊ ಸತ್ಕಾರ್
ಧರ್ಮಾಚೆಂ ನಾಂವಿ ಉಪ್ರಾಟ್ಲೆ, ಫುಡಾರ್ಯಾಂಕ್ ಖಾಲ್ ಜಾಲೆ

ಭಾಗಿ ತುಮಿಂ ತರ್ನ್ಯಾಟ್ಯಾನೊ ಜೆಜು ಖಾತಿರ್ ಜುಜ್ಲ್ಯಾತ್
ಭಾಗಿ ತುಮಿಂ ಸ್ತ್ರೀಯನೊಂ ಜೆಜು ಖಾತಿರ್ ರಾಡ್ಲ್ಯಾತ್
ಬೆಸಾಂವ್ ತುಮ್ಚೇರ್ ದೇಂವ್ತಾಲೆಂ ತುಮ್ಚ್ಯಾ ತ್ಯಾ ತ್ಯಾಗಾಕ್
ಜಾಲ್ಯಾತ್ ತುಮಿಂ ಆದಾರ್ಶ್ ಯೆಂವ್ಚಾ ಮುಕ್ಲ್ಯಾ ಪಿಳ್ಗೆಕ್

ಮಾಗ್ಯಾಂ ಅಮಿಂ ಏಕ್ ಜಾವ್ನ್, ಘಾಲ್ ಮ್ಹಣ್ ತಾಂಚೆರ್ ಭೆಸಾಂವ್
ಸಮ್ಜೊಂಕ್ ಆಮ್ಚೊ ಭವರ್ತ್, ದೀ ತುಂ ತಾಂಕಾ ಲಿಸಾಂವ್
ದ್ವೆಶಿತಲ್ಯಾಂಚೊ ಮೋಗ್ ಕರ್ಚೆಂ, ತುಜೆಂ ವರ್ತೆಂ ಮಿಸಾಂವ್
ಖುರಿಸ್ ಘೇವ್ನ್ ಚಲ್ತೆಲ್ಯಾಂವ್ ಖಂಡಿತ್ ಪಾಟಿಂ ಸರ್ಚೆನಾಂವ್

ಸುರ್ಯೊ....ಉಜ್ವಾಡಾಚೊ ರಾಯ್

ತುವೆಂ ದಿಂವ್ಚೊ ಪ್ರಕಾಸ್ ಕೊಣಾಕ್ ವರ್ಣುಂಕ್ ಜಾಯ್ತ್
ತುಜಾ ಆಂಗಾಚೊ ಉಜೊ ಕೋಣ್ ಪಾಲ್ವೊಂಕ್ ಸಕತ್
ತುಕಾ ದೊಳೆ ದೀವ್ನ್ ಪಳೆತಾಲೊ ಕೋಣ್ ಅಸಾತ್
ತುವೆಂ ರಾಂವ್ಚಾ ಗಾವಾಕ್ ಕೋಣ್ ಪಾಯ್ಣ್ ಕರಿತ್

ಸಕಾಳಿಂ ತುಂ ಉದೆತಾನಾಂ ಪ್ರಥ್ವೆರ್ ಜೀವ್ ಭರ್ತಾ
ಕಿರ್ಣಾಂ ತುಜಿಂ ಪ್ರಥ್ವೆರ್ ಉಜ್ವಾಡ್ ಜಾವ್ನ್ ಉರ್ತಾತ್
ಭುಂಯ್ಚಾ ಜಿವಿಂಕ್ ತುಜೆವೀಣ್ ಜಿಯೆಂವ್ಕ್ ಕಾಷ್ಟ್ ಮಾರ್ತಾತ್
ಸಂಜೆಚೆಂ ತುಕಾ ದೆಕ್ಲ್ಯಾರ್ ಮನಾಂ ದಾದೊಶಿ ಜಾತಾತ್

ವರ್ಸಾಂ ಥಾವ್ನ್ ತುಂ ಚಲ್ತಾಯ್ ಕಾಮ್ ತುಜೆಂ ಕರ್ತಾಯ್
ಬೊರ್ಯಾಂಕ್ ತಶೆಂ ಕೊಟ್ಯಾಂಕ್ ಉಜ್ವಾಡ್ ಪಾಂಕೊವ್ನ್ ಚಲ್ತಾಯ್
ಭಿಜ್‍ಲ್ಲ್ಯಾ ಭುಂಯ್ಕ್ ಸುಕೊವ್ನ್ ನಿತಳ್ ತುಂ ದವರ್ತಾಯ್
ಗುಡೆ-ದೊಂಗ್ರಾರ್ ಉಜ್ವಾಡ್ ಘಾಲ್ನ್ ಪರ್ಜಳಾಶೆಂ ಕರ್ತಾಯ್

ರಾಗಾನ್ ತುವೆಂ ತಿಳ್ತಾನಾಂ ಸಾವ್ಳೆಕ್ ಹಾಂವ್ ದಾಂವ್ತಾಂ
ಸಂಗಾತ್ ತುಜೊ ಅಪ್ಣಾಂವ್ಕ್ ಸಂಜೆ ಪರ್ಯಾಂತ್ ರಾಕ್ತಾಂ
ಹಿಂವ್ಶಿಲ್ಯಾ ದಿಸಾನಿ ತುಜ್ಯಾ ಯೆಣ್ಯಾಕ್ ರಾಕೊನ್ ರಾವ್ತಾಂ
ಮೊಡಾನಿಂ ತುಂ ಲಿಪ್ಲ್ಯಾರ್ ತುಕಾ ಸೊದ್ಚಾರ್ ಪಡ್ತಾಂ

ಚಿಂತುಕ್ ಜಾಯ್ನಾ ಜಿವಿತ್ ತುವೆಂ ಉದೆವ್ನ್ ಯೇನತ್ಲ್ಯಾರ್
ಭುಂಯ್ ರಡೊನ್ ಬೊಸೊತ್ ತುಜೊ ಸಂಗಾತ್ ನಾತ್ಲ್ಯಾರ್
ಅಂದ್ಕಾರಾಚೆಂ ಧಾಂಪಣ್ ಪಡಾತ್ ತುವೆಂ ರಾಗಾರ್ ರಾವ್ಲ್ಯಾರ್
ತುಕಾ ಪಳೆವ್ನ್ ಸಮ್ಜಾತಾಂ ಕಿತ್ಲೊ ಬಲಿಷ್ಥ್ ತುಜೊ ರಚ್ನಾರ್

ಇಸಾಕ್ ಅನಿ ರೆಬೆಕ್ಕಾ.......

ಇಸಾಕಾಕ್ ಕಾಜಾರ್ ಕರುಂಕ್ ಅಬ್ರಹಾಮ್ ಚಿಂತಾ
ಅಪ್ಲ್ಯಾ ಮಾಲ್ಗಡ್ಯಾ ಸೆವಕಾಕ್ ಹ್ಯಾ ಕಾಮಾಕ್ ವಿಂಚ್ತಾ
ಬೆಸಾಂವ್ ತಾಚೆರ್ ಘಾಲ್ನ್ ಅಪ್ಲ್ಯಾ ದೆಶಾಕ್ ದಾಡ್ತಾ
ಸೆವಾಕ್ ಧನಿಯಾಕ್ ಖಾಲ್ ಜಾವ್ನ್ ಪಾಯ್ಣ್ ಸುರುಕರ್ತಾ

ಧನಿಯಾಚಿ ಧಾ ಕರಿಂ (ಒಂಟೆ) ಘೆವ್ನ್ ನಾಹೊರಾಚಿ ವಾಟ್ ದರ್ತಾ
ಅಬ್ರಹಾಮಾಚ ಅಸ್ತಿತ್ಲೆಂ ಮೊಲಾಧಿಕ್ ವಸ್ತು ಕಾಣಿಕ್ ಜಾವ್ನ್ ವರ್ತಾ
ನಾಹೊರ್ ಶಹರಾಚ ಏಕ್ ಬಾಂಯ್ ಕಡೆ ಉದಾಕ್ ಪಿಯೆಂವ್ಕ್ ರಾವ್ತಾ
ಸಂಜೆಚ ವೆಳಾರ್ ಉದಾಕ್ ವೊರುಂಕ್ ಯೆಂವ್ಚಾ ಸ್ತ್ರಿಯಾಂಕ್ ದೆಕ್ತಾ

ಅಬ್ರಹಾಮಾಕ್ ಏಕ್ ಫಾವೊತಿ ಸುನ್ ದಾಕೊಂವ್ಕ್ ದೇವಾಕಡೆ ಮಾಗ್ತಾ
ಅಪ್ಣಾಕ್ ಉದಾಕ್ ಪಿಯೆಂವ್ಕ್ ದಿಂವ್ಚಾ ಸ್ತ್ರೀಯೆಕ್ ವಿಂಚುಕ್ ಚಿಂತಾ
ಉದಾಕ್ ವೊರುಂಕ್ ಅಯಿಲ್ಲ್ಯಾ ಪಯ್ಕಿ ರೆಬೆಕ್ಕಾಕ್ ತೊ ಮೆಚ್ವಾತಾ
ಅಬ್ರಹಾಮಚಿ ಸುನ್ ಜಾಂವ್ಚಿ ಸಾರ್ವ್ ಗೂಣ್ ತಿಚೆ ಥೈಂ ದೆಕ್ತಾ

ಖಾಲ್ತ್ಯಾ ಮನಾಚೆಂ ರೆಬೆಕ್ಕಾ ಸೆವಕಾಕ್ ಉದಾಕ್ ಪಿಯೆಂವ್ಕ್ ದಿತಾ
ರೆಬೆಕ್ಕಾಕ್ ಮೆಚ್ವಲ್ಲೊ ಸೆವಾಕ್ ತಾಚ ಘರಣ್ಯಾಚಿ ವೊಳೊಕ್ ಇಸಾರ್ತಾ.
ಬೆತುಯೆಲಾಚಿ ಧು ಅನಿಂ ಲಾಬಾನಾಚಿ ಭಯ್ಣ್ ತೆಂ ಜಾವ್ನಾಸ್ತಾ
ಮೊಗಾಚೊ ಸಂಕೆತ್ ಜಾವ್ನ್ ತಿಚ್ಯಾ ನಾಕಾಕ್ ಸೆವಾಕ್ ಮುದಿ ಘಾಲ್ತಾ

ಘಡಲ್ಲೆಂ ಘಡಿತ್ ರೆಬೆಕ್ಕಾ ಅಪ್ಲ್ಯಾ ಬಾಪಾಯ್ಕ್ ತಿಳ್ಸಿತಾ
ಬೆತುಯೆಲ್ ಅಯಿಲ್ಲ್ಯಾ ಸಯ್ರ್ಯಾಂಕ್ ಜೆವಾಣ್ ಕಾರ್ನ್ ಸತ್ಕಾರ್ ಕರ್ತಾ
ಅಪ್ಲ್ಯಾ ಧುವೆಕ್ ಅಬ್ರಹಾಮಾಚ ಪುತಾ ಇಸಾಕಾಕ್ ದೀಂವ್ಕ್ ರಾಜಿ ಜಾತಾ
ದೆವಾಚೊ ಧೂತ್ ಹ್ಯಾ ಸಾರ್ವ್ ಘಡಿತಾಂತ್ ಸೆವಕಾಚ ಸಂಗತ ಅಸ್ತಾ

ಸೆವಾಕ್ ಅಪ್ಲೆಂ ಹಾಡ್‍ಲ್ಲೆಂ ಬಂಗಾರ್ ದಿರ್ವೆಂ ಬೆತುಯೆಲಾಕ್ ದಿತಾ
ರೆಬೆಕ್ಕಾಕ್ ಸಂಗಾತ ಘೇವ್ನ್ ಕಾನಾಕ್ ದೇಶಾಕ್ ಪಾಯ್ಣ್ ಕರ್ತಾ
ಸೆವಾಕ್ ದೇವಾಕ್ ಅರ್ಗಾಂ ದಿತಾ, ರೆಬೆಕ್ಕಾಕ್ ಅಬ್ರಹಾಮಾಕ್ ಒಪ್ಸಿತಾ
ಇಸಾಕ್, ರೆಬೆಕ್ಕಾಕ್ ಮೆಚ್ವಾತಾ ಅನಿ ತಿಚೆ ಕಡೆ ಲಾಗ್ನ್ ಜಾತಾ.

ಕ್ರಿಸ್ತಾ ಯೆಣ್ಯಾಚೊ ಕಾಳ್....

ಕ್ರಿಸ್ತಾ ಯೆಣ್ಯಾಚೊ ಕಾಳ್ ತಿಳ್ತಾ, ಬಾಳ್ಕಾ ಜೆಜುಕ್ ಸ್ವಾಗತ್ ಕರ್ತಾ
ಆರಣ್ಯಾಂತ್ ಏಕ್ ತಾಳೊ ಅಯ್ಕಾತ, ಜಿಣಿ ಬದ್ಲುಂಕ್ ಉಲೊ ದಿತಾ

ಬಾಪಾನ್ ದಾಡ್ಲೊ ಜುವಾಂವ್ಕ್ ದೀವ್ನ್ ಮೊಗಾಚೊ ಸಂದೆಶ್
ದಿತಲೊಂ ಮ್ಹುಣ್ ಸಂಸಾರಾಕ್ ಅಪ್ಲ್ಯಾ ಎಕಾಚ್ ಪುತಾಕ್
ಜುವಾಂವ್ ಸ್ಪಿರಿತಾನ್ ಭರ್ತಾ, ಕ್ರಿಸ್ತ ಯೆಣ್ಯಾಚೊ ಪ್ರವಾದ್ ಕರ್ತಾ
ಜೊರ್ದಾನ್ ನಂಯ್ತ್ ಸ್ನಾನ್ ದೀವ್ನ್, ಲೊಕಾಂಕ್ ತಯಾರ್ ಕರ್ತಾ

ಪ್ರಾವಾದ್ಯಾನಿಂ ಬೊರೊವ್ನ್ ಗಲ್ಲೆಂ ಘಡುಂಕ್ ಆಸಲ್ಲೆಂ
ಆಯಿನ್ನ್ ಕಾಳಾರ್ ಬಾಪಾನ್ ಪುತಾಕ್ ದೀಂವ್ಕ್ ಚಿಂತ್‍ಲ್ಲೆಂ
ಪಾತ್ಕಿ ಸಂಸಾರಾಕ್ ರಾಕೊನ್ ವ್ಹರುಂಕ್ ಪುತಾಚಿ ಗಾರ್ಜ್ ಅಸುಲ್ಲಿ
ಕಾಳ್ ಲಾಗಿಂ ಪಾವ್ಲೊ, ಸಂಸಾರ್ ಉಜ್ವಾಡಕ್ ರಾಕೊನ್ ರಾವ್ಲೊ

ನಿತಳ್ ಕಾರ್ಯಾಂ ಕಾಳ್ಜಾ-ಮನಾಂ ತಾಚಾ ಯೆಣ್ಯಾಕ್
ತಾಯಾರ್ ಜಾವ್ಯಾಂ ಘೆಂವ್ಕ್ ತಾಕ ಅಮ್ಚಾ ಜಿಣ್ಯೆಂತ್
ಪಾತ್ಕಾಂ ಅಮ್ಚಿಂ ರಾಡ್ಯಾಂ, ಜಿಣಿ ಅಮ್ಚಿ ಬದ್ಲಿಯಾಂ
ಜಲ್ಮೊಂದಿ ತೊ ಕಾಳ್ಜಾಂತ್, ನೈಂ ಗೊರ್ವಾಂಚ ಗೊಟ್ಯಾಂತ್.

ಭಾಸ್ ಅಮ್ಚಿ ಕೊಂಕಣಿ......

ಸಂಸಾರಾಂತ್ಲ್ಯಾ ಕೊಂಕ್ಣಿ ಉಲೈಪ್ಯಾನೊ
ಸಾಂಗಾತ್ ದಿಯಾ ಮಾಂಯ್ ಭಾಷೆಕ್
ಉಲೊವ್ನ್-ಗಾವ್ನ್ ಸಂತೊಸ್ಯಾಂ
ಬೊರೊವ್ನ್-ವಾಚುನ್ ಉಲ್ಲಾಸ್ಯಾಂ

ಉಲೊಂವ್ಕ್ ಶಿಕ್ತನಾ ಜಿಬೆಕ್ ನಾಸಯಿಲ್ಲಿ
ಗೊದ್ದ್ಯಾ ಸೊಬ್ದಾರ್ ಘರ್ಚಂಕ್ ಹಾಸಯಿಲ್ಲಿ
ಭಾವ್-ಭಯ್ಣಿನಿ ತಿದ್ವುನ್ ಉಸಾರಲ್ಲಿ
ಗಾಂವ್ಚಾ ಪ್ರೆಂಡ್ಸನಿಂ ಸಂಗಾತಾ ಉಲೈಯಿಲ್ಲಿ-ಭಾಸ್ ಆಮ್ಚಿ ಕೊಂಕಣಿ

 ಆಬಾನ್ ಶಿಕೈಲ್ಲಿ ಬಾಬಾನ್ ವಾಚಲ್ಲಿ,
ಘರ್ಚ ಸಕ್ಡಾಂನಿ ಜರೊವ್ನ್ ಪಿಯೆಲ್ಲಿ
ಮಾಗ್ಣೆಂ ರಾಜಾರಾಂತ್ ಮೀಸ್ ನೊವೆನಾಂತ್
ದೇವಾಚಿ ಭಕ್ತ್ ವಾಡೊನ್ ಸೊಡೆಯಿಲ್ಲಿ-ಭಾಸ್ ಆಮ್ಚಿ ಕೊಂಕಣಿ

ವಿಲ್ಪಿ-ಹೆನ್ರಿನಿ ಪೊದಾನಿಂ ಗಾಯಿಲ್ಲಿ
ಛಾಪ್ರಾ-ಡಿಕೊಸ್ತಾನ್ ಭೊರೊವ್ನ್ ವಾಡಯಿಲ್ಲಿ
ಮಾಂಡ್ ಸೊಭಾಣಾಂತ್ ಕೀರ್ತ್ ಗಾಜಾಯಿಲ್ಲಿ
ದಾಯ್ಜಿ ವಲ್ಡಾಂತ್ ಸಂಸಾರ್ ಬೊವುಲ್ಲಿ-ಭಾಸ್ ಆಮ್ಚಿ ಕೊಂಕಣಿ

ಕಾಜಾರಿ ಜಿವಿತ್ - ಏಕ್ ಸಕ್ರಮೆಂತ್.

ಭಾಂದ್ ತೊ ತುಟನಾತ್‍ಲ್ಲೊ, ದೇವ ಮುಕಾ ಬಾಂದ್‍ಲ್ಲೊ
ಮೇಟ್ ತೆಂ ಮಜ್ವನಾತ್‍ಲ್ಲೆಂ, ತಾಣೆಂ ಚಲೊನ್ ದಾಕಯಿಲ್ಲೆಂ
ಮೋಗ್ ತೊ ಪಲ್ವನಾತ್‍ಲ್ಲೊ, ದೇವ ತಾವ್ನ್ ಆಯಿಲ್ಲೊ
ಜಿವಿತ್ ಹೆಂ ಕಾಜಾರಿ ಜೊಡ್ಯಾಂಚೆ, ಕೊಣಾಚನಿ ಮೊಡುಂಕ್ ಜಾಯ್ನಾತ್ಲೆಂ.

ಚೆಡೊ-ಚೆಡ್ವನ್ ಏಕ್ ಜಾಂವ್ಕ್ ಅಸಾ ಸಕ್ರಮೆಂತಾತ್
ಏಕ್ ಜಾವ್ನ್ ಭಾಸ್ ದೀಂವ್ಕ್ ಅಸಾ ಇಗರ್ಜಮಾತೆಂತ್
ಜಿಣಿ ತಾಂಚಿ ಸಮರ್ಪುಂಕ್ ಅಸಾ ದೆವಾಚ ಹತಾಂತ್
ಏಕ್ ಕೂಡ್ ಜಾವ್ನ್ ಜಿಯೆಂವ್ಕ್ ಅಸಾ ಮೊರಪರ್ಯಾಂತ್

ಘರ್ ದಾರ್ ಸಾಂಡುನ್ ಅಪ್ಲೆಂ ಕುಟಂಬ್ ಬಾಂದುಕ್ ಅಸಾ
ಕಾಷ್ಟಾಂತ್ ತಶೆಂ ಸುಖಾಂತ್ ಪಾತ್ಯೆಣೆನ್ ಜಿಯೆಂವ್ಕ್ ಅಸಾ
ಸಂಗಾತ್ ಬೊಗುಂಕ್ ಅಸಾ, ಕೂಡ್ ವಾಂಟುನ್ ಘೆಂವ್ಕ್ ಅಸಾ
ದೇವಾನ್ ದಿಲ್ಲ್ಯಾ ಬುರ್ಗ್ಯಾಂಕ್ ನಿತಿ ವಾಟೆನ್ ಚಲೊಂವ್ಕ್ ಅಸಾ

ಮಾಗ್ಣೆ ರಜಾರ್ ಕುಟ್ಮಾಚಿ ಬುನ್ಯಾದ್ ಘಟ್ ಕರ್ತಾ
ಮೋಗ್-ಮಯ್ಪಾಸ್ ಕುಟ್ಮಾಸೊ ಮಾನ್ ಚಡೈತಾ
ವಾಂಟುನ್ ಘೆಂವ್ಚಾಂತ್ ಕುಟ್ಮಾಕ್ ದಾದೊಸ್ಕಾಯ್ ಮೆಳ್ತಾ
ದೇವ್ ಭಿರಂತಿಚೆ ಕುಟಂಬ್ ದೇವಚ್ ಚಾಲೈತಾ.

ದೇವಾಚೊ ಮೋಗ್ ದೀಂವ್ಕ್ ಅಸಾ ಬುರ್ಗಿಂ ವಾಡೊನ್ ಯೆತನಾ
ತಿದ್ವುನ್ ನೀಟ್ ಕರುಂಕ್ ಅಸಾ ಚುಕೊನ್ ತಿಂ ಪಡ್ತಾನಾಂ
ಮೋಗ್ ತಾಂಚೊ ಕರುಂಕ್ ಅಸಾ ಏಕ್ಸುರ್ ಪಾಣ್ ಬೊಗ್ತಾನಾಂ
ಬೊರೊ ಪುಡಾರ್ ದಾಕೊಂವ್ಕ್ ಅಸಾ ವಾಡೊನ್ ತಿಂ ರಾವ್ತಾನಾಂ

ಕೂಡ್ ಅಸ್ಕತ್ ಜಾತಾನಾ ಏಕಮೆಕ ಸೊಡಿನಾಯೆ
ಬುರ್ಗಿಂ ಸಾಂಡುನ್ ವೆತಾನಂ ನಿರಾಸ್ ಪಣ್ ಬೊಗಿನಾಯೆ
ಪ್ರತ್ವೆಚೆಂ ನಿಯಾಮ್ ಹೆಂ, ದೇವಾಚಿ ಮಾಂಡವಳ್ ಹಿ
ಬೆಸಾಂವ್ ತಾಣೆಂ ಗಾಲಾಂ ವಾಡೊನ್ ಚಡೊಂವ್ಕ್ ಸಂಸ್ರಾರ್.

ಕಾಷ್ಟ್ ಕಿತ್ಯಾಕ್....................

ಸೊಬಿತ್ ಹೊ ಸಂಸಾರ್ ರಚ್ಲೊ ದೇವಾನ್
ಭರುನ್ ಭುಂಯ್ ಫುಲ್-ಜಡಂಚ ಸೊಭಯೆನ್
ತಾರಂಕ್ ನೆಸ್ಲೆಂ ಮೊಳ್ಭರ್ ದೀಂವ್ಕ್ ಉಜ್ವಾಡ್
ಸುರ್ಯಾಕ್ ದಾಡ್ಲೆಂ ದಿಸಾಕ್ ಭರುಂಕ್ ಉಲ್ಲಾಸ್

ಖಾಲಿ ದಿಸ್ಲೆಂ ಭುಂಯ್ ಮನಿಸ್ ನಸ್ತನಾ
ಪೊಳೆಂವ್ಕ್ ನಾಂತ್ ದೊಳೆ ಭುಂಯ್ ನೆಸ್ತನಾ
ಚಿಂತುಕ್ ಲಾಗ್ಲೊ ರಶ್ಚಕ್ ಮನ್ಶ-ಸಂಯ್ಬಾಕ್
ರಾಜ್ ಕರುಂಕ್ ನೆಮ್ಲೊ ಆದಾಂವ್-ಏವೆಕ್

ವಾಂಟುನ್ ದಿಲೊ ಧರಾಳನ್ ಮೋಗ್-ಮೈಪಾಸ್
ರಜ್ವಾಟ್ ಕರುಂಕ್ ಭೂಂಯ್ಚೇರ್ ವ್ಹಡ್ ಆವ್ಕಾಸ್
ಮೊನ್ಶಕೂಳ್ ವಾಡ್ಚಕ್ ಕಾಯ್ನ್-ಆಬೆಲ್
ಜತಾನ್ ಕರುಂಕ್ ರಕ್ವಲಿ ಭೊಡ್ವೊ ಆಂಜೆಲ್

ದೀಸ್ ಗೆಲೆ ಸ್ತುತಿ ಕರ್ಚಂತ್ ಸೊಮ್ಯಾ ದೇವಾಕ್
ಈಷ್ಟ್ ಜಾಲೊ ಸೈತಾನ್ ಮೊನ್ಶಾಕ್ ನಾಡ್ಚಾಕ್
ಮೊನಿಸ್ ಪಾತ್ಕಾಂ ಕರಿಲಾಗ್ಲೊ ದೇವಾ ವಿರೊದ್
ಆಬೆಲಾಕ್ ಮಾರ್ನ್ ಕಾಯ್ನಾನ್ ಕೆಲೊ ವ್ಹಡ್ ಆಪ್ರಾದ್

ಪಾತ್ಕಿ ಮೊನಿಸ್ ವಿರೊದ್ ರವ್ಲೊ ಆಪ್ಲ್ಯಾ ರಚ್ನಾರಾಕ್
ಪಾತಕ್ ಸೊಡ್ಲೆಂ ಸಂಸಾರಾಕ್ ನಾಸ್ ಕರ್ಚಾಕ್
ರಾಕೊನ್ ವೊರುಂಕ್ ಉಲೊ ದಿಲೊ ಪಾತ್ಕಿ ಮನ್ಶನ್
ಕಾಷ್ಟ್ ಕಾಡ್ನ್ ಜಿಯೆಂವ್ಕ್ ಸಾಂಗ್ಲೆಂ ಸೊಮ್ಯಾ-ದೆವಾನ್

ಕಾಲ್ವಾರಿಸೊ ಖುರಿಸ್........

ಖುರಿಸ್ ಗುರ್ತ್ ಜಾಯ್ತಾಚೊ, ನಹಿಂ ಸಲ್ವಾಣೆಚೊ
ಖುರಿಸ್ ಗುರ್ತ್ ಮೊಗಾಚೊ, ನಹಿಂ ದ್ವೇಶಾಚೊ
ಮೊನ್ಶಾ ಕುಳಾಚಾ ಸೊಡ್ವಣೆಚೊ ಗುಟ್ ಹೊ
ಕಿಸ್ತಿ ಜಿವಿತಾಕ್ ವೇಂಗ್ ಮಾರ‍್ಲ್ಲೊ ಗುರ್ತ್ ಹೊ.

ಕಾಷ್ಟ್ ನಿಯಾಳ್ನ್ ಉಲೈತಾಲೊಯ್ ಬಾಪಾ ಲಾಗಿಂ ಮೊಳ್ಯಾಂತ್
ಆಪ್ರಾದಿಕ್ ದರ್ಚೆಂ ಪರಿ ಬಾಂದ್ಲೆ ತುಕಾ ಸಂಕ್ಳೆಂತ್
ನಿಷ್ಟುರ್ ತ್ಯಾ ಶಿಪಾಯನಿಂ ಮಾರ್ಲೆಂ ತುಜ್ಯಾ ಪೊಲ್ಯಾಂಕ್
ತ್ಯಾಚ್ ಘಡಿ ಶಿಸಾಕ್ ಸಂಗ್ಲೆಂಯ್ ಬೊಕ್ಶಿ ತುಜ್ಯಾ ಪೆಲ್ಯಾಕ್

ರಾಜ್ ರಸ್ತೆರ್ ಆಕ್ಮಾನ್ ಕೆಲೆಂ ಉಡೊವ್ನ್ ತಿಂಪಿ ತೊಂಡಾರ್
ಬೊರಾಧಿಕ್ ಖುರ್ಸಾಕ್ ಹಾಡ್ನ್ ಗಾಲೊ ತುಜ್ಯಾ ಖಂದ್ಯಾರ್
ಖುರಿಸ್ ಗೆವ್ನ್ ಸೊಡ್ಲೊಯ್ ತುಂ ಕಾಲ್ವಾರಿಸೊ ದೊಂಗೊರ್
ಮೆಟಾಂ ಗಾಲ್ತಾಂ ಬೊಗ್ಲೆಂ ತುಕಾ ಕೊಣಿ ನಾ ಆದಾರ್

ವಾವೊಯ್ಲೋಯ್ ಖುರಿಸ್ ಹಾಂವೆ ಕೆಲ್ಲ್ಯಾ ಪಾತ್ಕಾಕ್
ಖುರ್ಸಾಯ್ ತಾಕಾ.. ಖುರ್ಸಾಯ್, ಉತ್ರಾಂ ತೊಪ್ತಾತ್ ಕಾಳ್ಜಾಕ್
ಪ್ರಾಣ್ ಕೆಲೊಯ್ ಖುರ್ಸಾರ್ ದೀಂವ್ಕ್ ಸೊಡ್ವಣ್ ಸಂಸ್ರಾಕ್
ಕಿತೆಂ ಪಾಟಿಂ ದೀಂವ್ ಹಾಂವ್, ತುವೆಂ ವಾರೆಯಿಲ್ಲ್ಯಾ ರಕ್ತಾಕ್ ?

ಕಾಲ್ವರಿಚ ಖುರ್ಸಾಕ್ ಸೈತಾನ್ ಪೋಳ್ನ್ ದಂವ್ತಾ
ಕಾಲ್ವರಿಚ ಖುರ್ಸಾಂತ್ ರಾಯಾಂಕ್ ಜೈತ್ ಮೆಳ್ತಾ
ಕಾಲ್ವರಿಚ ಖುರ್ಸಾನ್ ಅಮ್ಕಾಂ ಸೊಡ್ವಣ್ ದಿಲಿ
ಕಾಲ್ವರಿಚ ಖುರ್ಸಾ ಕರ್ತಾಂವ್ ತುಕಾ ನಮಾನ್.

ಹಾಂವ್ ಅನಿಂ ಮೊಜೊ ದೇವ್.......

ಹಾಂವೆ ಚಿಂತಿನಾತ್‍ಲ್ಲ್ಯಾ ಕಾಳಾರ್ ತುಂ ಅಸ್‍ಲ್ಲೋಯ್
ಹಾಂವೆ ದೇಕನಾತ್‍ಲ್ಲ್ಯಾ ವೆಳಾರ್ ತುವೆಂ ಸಂಸಾರ್ ರಾಚ್ಲೊಯ್
ಗಾರ್ಬ್ ಸಂಬವ್ಚಾ ಆದಿಂ ತುಂ ಮಾಕಾ ನ್ಹೆಣಾಸ್ಲೋಯ್
ಉತ್ತಿಮಾಂತ್ ಉತ್ತಿಮ್ ಮೊನಿಸ್ ಕಾರ್ನ್ ಸಂಸ್ರಾಕ್ ದಾಡ್ಲೋಯ್

ವಸ್ತಿ ಕರುಂಕ್ ಭುಂಯ್ ಹಾಂವ್ ಆಶೆಲೊಂ
ಸಗ್ಳೊ ಸಂಸಾರ್ ಮೊಜಾ ಆಧಿನ್ ಕೆಲೊಯ್
ತಾನ್ ತಾಂಬೊವ್ಕ್ ಉದ್ಕಕ್ ತಾನೆಲೊಂ
ಸಗ್ಳ್ಯಾ ಪ್ರಥ್ವೆರ್ ನೊಯೊಂ ವ್ಹಾಳಶೆಂ ಕೆಲೊಯ್

ಜತಾನ್ ಘೆಂವ್ಕ್ ವಾಟ್ ಪೊಳೆವ್ನಾಸ್‍ಲ್ಲೊಂ
ಆವೈ-ಬಾಪೈಕ್ ತುಜಾ ಜಾಗ್ಯಾರ್ ದಾಡ್ಲೊಯ್
ವಾಡೊನ್ ಆಸ್ತಾಂ ಸಮ್ಜೊಣೆಕ್ ಆಶೆಲೊಂ
ಸ್ಪೀರಿತಾಕ್ ದೀವ್ನ್ ಜಾಣ್ವಾಯೆನ್ ಬೊರ್ಲೊಯ್

ಉಜ್ವಾಡ್ ಪಂಕೊವ್ಕ್ ಸುರ್ಯಾಕ್ ದಡ್ಲೊಯ್
ಉಲ್ಲಾಸ್ ಬೊರುಂಕ್ ಚಂದ್ರಕ್ ನೆಮ್ಲೊಯ್
ರುಕಾ-ಜಡಂಕ್ ಜಿವಾಳ್ ಕೆಲೋಯ್
ಸುಕ್ಣಿ-ಸಂವ್ಜಾಂಕ್ ಸಾಂಗಾತಾ ಗಲೋಯ್

ಏಕ್ ದೀಸ್ ತುಂ ಬುಂಯ್ಕ್ ಯೇಂವ್ಕ್ ಆಶೆಲೊಯ್
ಜಾಗೊ ನಸ್ತಂ ಗೊಟ್ಯಾಂತ್ ಜಾಲ್ಮಾಲೋಯ್
ಪಾತ್ಕಾ ತಾವ್ನ್ ಸುಟ್ಕಾ ದೀಂವ್ಕ್ ತುಂ ಆಯಿಲ್ಲೊಯ್
ಮೊಜಾ ಧಾರುಣ್ ಕಾಳ್ಜಾಕ್ ಲಾಗುನ್ ಪ್ರಾಣ್ ಕೆಲೊಯ್