ಜಿಯೆಂವ್ಕ್ ಶಿಕಯ್.....

ಜಿಯೆಂವ್ಕ್ ಶಿಕಯ್ ಸೊಮ್ಯಾ ಮ್ಹಕಾ ಜಿಯೆಂವ್ಕ್ ಶಿಕಯ್
ತುವೆಂ ದಾಡ್ಲಾಂಯ್ ಹ್ಯಾ ಸಂಸಾರಕ್ ಮತಿಂತ್ ಖಂಚಯ್
ಕಾಳ್ಜಾಕ್ ಮ್ಹಜ್ಯಾ ಮೋಗ್ ವೊತುನ್ ತಾನ್ ಮ್ಹಜಿ ಭಗಯ್
ತುಜ್ಯಾ ಮೆಟಾನಿಂ ಚಲೊಂಕ್ ಕುಡಿ ಅತ್ಮ್ಯಾಕ್ ಜಾಗಯ್

ಹರ್ಯೆಕ್ ಮೇಟ್ ಅಂದ್ಕಾರಾಚೆಂ, ಅಶೆಂ ಕಿತ್ಯಾಕ್ ಬೊಗ್ತಾ ?
ತುವೆಂ ಸಂಗಾತ್ ದಿಲ್ಯಾರ್ ಮಾತ್ರ್ ಜಿವಿತ್ ಮ್ಹಜೆಂ ಸೊಬ್ತಾ
ದೊಳೆ ದಾಂಪುನ್ ಉಗಾಡ್ನ್ ತಾರ್ ಖೊಟೆಂಚ್ ಪಳೆಂವ್ಕ್ ದಿಸ್ತಾ
ತುಜೆ ಥಾವ್ನ್ ಪಾಯ್ಸ್ ಜಾಂವ್ಚಿಂ ಖಂತ್ ಮ್ಹಕ ದೊಸ್ತಾ

ಶಭಿತ್ ಹಾಂವ್ ಅಸ್‍ಲ್ಲೊಂ ಅವಾಯ್ಚಾ ತ್ಯಾ ಗರ್ಬಾಂತ್
ಅಶೆತಾಲೊಂ ಪಳೆಂವ್ಕ್ ತುಕಾ ಅಂತ್ರಾಳಾಚ ಕುಪಾಂತ್
ವ್ಹಡ್ ಜಾವ್ನ್ ವಾಡೊನ್ ಯೆತಾಂ ಪಡ್ಲೊಂ ಹ್ಯಾ ಸಂಸರಾಂತ್
ಉಟೊಂಕ್ ಪ್ರೇತನ್ ಕೆಲೆಂ ತರೀ, ಸೊಡ್ಲೆಂ ನಾಂ ದೆಂವ್ಚಾರನ್

ಮಾನ್ ದಾಂಪುಂಕ್ ವಸ್ತುರ್ ನಾಂ, ಬರೆಂ ಚಿಂತುಂಕ್ ವೇಳ್ ನಾಂ
ವ್ಹಡಿಲಾಂಕ್ ಗೌರವ್ ನಾಂ, ಬರ್ಯಾ ಉತ್ರಾಂಕ್ ಮೋಲ್ ನಾಂ
ಖೊಟೆ ಕರುಂಕ್ ಲಾಜ್ ನಾಂ, ಪಾತ್ಕಾಂಚಿ ಸಮ್ಜೊಣಿಂಚ್ ನಾಂ
ಸತ್ ಉಲಯ್ಲ್ಯಾರ್ ವಾಟ್ ನಾಂ, ಕುಡಿಕ್ ಮ್ಹಜ್ಯಾ ಗೌರವ್ ನಾಂ

ಧಾಡ್ ತುಜ್ಯಾ ಸ್ಪಿರೀತಾಕ್ ಕಾಳಿಜ್ ಮ್ಹಜೆಂ ಪೆಟೊಂವ್ಕ್
ಪಾತ್ಕಾಂತ್ ಹಾಂವೆ ಪಾಡನಾಶೆಂ ಜೀವ್ ಮ್ಹಜೊ ವಾಟೊಂವ್ಕ್
ಜಿವಿತ್ ಮ್ಹಜೆಂ ಸರ್ತಾ ಪರ್ಯಾಂತ್ ತುಜ್ಯಾ ವಾಟೆನ್ ಚಮ್ಕೊಂವ್ಕ್
ಏಕ್ ದೀಸ್ ತುಕಾ ಹಾಂವೆ ರೂಪ್ ರೂಪ್ ಪಳೆಂವ್ಕ್