ಎಲೀಯಾ ಸರ್ಗಾಕ್ ಚಡೊನ್ ವೆತಾ....

ಎಲೀಯಾ ದೆವಾನ್ ವಿಂಚ್ಲಲೊ ಏಕ್ ಸತೆವಂತ್ ಪ್ರವಾದಿ ಜಾವ್ನಾಸ್ತಾ
ಇಸ್ರಾಯೆಲ್ ರಾಯಾಂಚೆ ಬೆವಿಶ್ವಾಸಿಪಣ್ ತೊ ಉಗ್ತ್ಯಾನ್ ಖಂಡನ್ ಕರ್ತಾ
ಅನ್ಯ್ ದೆವಾಂಚಿ ಪೂಜಾ ಸೊಡ್ನ್ ದೇವಾ ಥೈಂ ಪರ್ತುಂಕ್ ಉಲೊ ದಿತಾ
ರಾಯಾಂಚ ಪಟ್ಕಿರ್ಯಾ ಪ್ರವಾದ್ಯಾಂಕ್ ಲೊಕಾಂ ಮುಕಾರ್ ನಾಸ್ ಕರ್ತಾ

ಗಾವಾಂತ್ ಸುಕಿಧಾಡ್ ಪಡ್ತಾನಾಂ ದೇವ್ ಎಲೀಯಾಕ್ ಸಾಂಬಾಳ್ನ್ ವರ್ತಾ
ವಿಂಚ್ಲಲೊ ಲೋಕ್ ಪಾತ್ಕಾಂತ್ ಪಡ್ತಾನಾಂ ತಾಚೆ ಮುಖಾಂತ್ರ್ ಸಂದೇಶ್ ದಿತಾ
ರಾಯಾಚೆಂ ಸೈನ್ ಎಲೀಯಾಕ್ ವೆಡೊ ಗಾಲ್ತಾನಾಂ ಭಸ್ಮುನ್ ನಾಸ್ ಕರ್ತಾ
ಎಲೀಯಾಕ್ ವಾರ್ಯಾ ಸುಳಿಯೆಂತ್ ಸರ್ಗಾಕ್ ವರ್ತಲೊಂ ಮ್ಹಣ್ ದೇವ್ ತಿಳ್ಸಿತಾ

ಎಲೀಯಾ ಶಾಫಾಟಾಚೊ ಪೂತ್ ಎಲೀಶಾಕ್ ಶಿಸ್ ಜಾಂವ್ಕ್ಂ ವಿಂಚ್ತಾ
ಎಲೀಯಾಚಿಂ ಅಜಾಪಾಂ ಪಳೆವ್ನ್ ಎಲೀಶಾ ತಾಚೊ ಪಾಟ್ಲಾವ್ ಕರ್ತಾ
ದೇವ್ ಎಲೀಯಾಕ್ ಜೊರ್ದಾನ್ ನಂಯ್ಚಾ ಪಲ್ತಡಿ ಮೆಳೊಂವ್ಕ್ ಅಪಯ್ತಾ
ಎಲೀಯಾ ಅಪ್ಣಾಂ ಸವೆಂ ಎಲೀಶಾಕ್ ಘೆಂವ್ನ್ ನ್ಹಂಯ್ಚಾ ತಡಿಕ್ ಪಾವ್ತಾ

ಜೊರ್ದಾನ್ ನಂಯ್ತ್ ಉದಾಕ್ ವಾಳ್ತೆಲ್ಯಾನ್ ಪಲ್ತಡಿ ವೆಚೆಂ ಕಷ್ಟಾಂಚೆ ಜಾತ
ಎಲೀಯಾ ಅಪ್ಲೊ ದಗ್ಲೊ ಕಾಡ್ನ್ ದೆವಾಚ ನಾಂವನ್ ಉದ್ಕಾಚೆರ್ ಮಾರ್ತಾ
ಜೊರ್ದಾನ್ ನ್ಹಂಯ್ತ್ ಉದಾಕ್ ವಾಂಟೆ ಜಾವ್ನ್ ಮಾರೊಗ್ ದಿಸೊನ್ ಯೆತಾ
ಎಲೀಯಾ ಅಪ್ಣಾ ಸವೆಂ ಎಲೀಶಾಕ್ ಘೆಂವ್ನ್ ಜೊರ್ದಾನ್ ನ್ಹಂಯ್ ಉತ್ರಾತಾ

ಎಲೀಯಾ ಉಲೊವ್ನ್ ಅಸ್ತಾನಾಂ ಏಕ್ ಉಜ್ಯಾಚೆಂ ರಥ್ ದಿಷ್ಟಿಕ್ ಪಡ್ತಾ
ಸರ್ವೆಸ್ಪರ್ ಏಲೀಯಾಕ್ ವಾರ್ಯಾ ಸುಳಿಯೆ ಮುಖಾಂತ್ರ್ ಸರ್ಗಾಕ್ ವರ್ತಾ
ಎಲೀಯಾ ಸರ್ಗಾಕ್ ಚಡ್ತನಾಂ ತಾಚೊ ಅತ್ಮೊ ಎಲೀಶಚೆರ್ ದೆಂವೊನ್ ಯೆತಾ
ಎಲೀಯಾ ಬರಿ ಅಜಾಪಾಂ ಕರ್ಚಿ ಸಕತ್ ಎಲೀಶಾಕೀ ದೇವ್ ಪಾವೊ ಕರ್ತಾ