ಆಡಬೇಡವೇ ಹುಡುಗಿ.....

ಆಡಬೇಡವೇ ಹುಡುಗಿ ನೀ ಆಟವಾಡಬೇಡ
ನೊಂದ ಹ್ರದಯವಿದು ತೊರೆದು ದೂರ ಹೋಗಬೇಡ
ಪ್ರೀತಿಯ ಸೆಲೆಗೆ ಸಿಕ್ಕ ರೋಗಿಯಾಗಿ ಮಾಡಬೇಡ
ನಿನ್ನ ಬಿಟ್ಟು ಬಾಳುವ ತುಮುಲಕ್ಕೆ ದೂಡಬೇಡ

ಹೂ ಹಾಗು ದುಂಬಿಯ ನಂಟು ನಮ್ಮದು
ಮಕರಂದ ಇಲ್ಲದಿರೆ ದುಂಬಿ ಬದುಕಿತೆ ?

ಮಾಮರ ಹಾಗು ಕೋಗಿಲೆಯ ಭಂದ ನಮ್ಮದು
ವಸಂತ ಕಾಲ ಬಾರದಿರೆ ಕೋಗಿಲೆ ಕೂಗಿತೆ ?

ಚಂದಿರ ಹಾಗೂ ಸಾಗರದ ಸ್ನೇಹ ನಮ್ಮದು
ಹುಣ್ಣಿಮೆಯು ಬಾರದಿರೆ ಅಲೆಗಳು ಆಡಿತೆ ?

ಅಂದ ಚೆಂದ ಲೆಕ್ಕಿಸದೆ ನಿನ್ನ ಪ್ರೀತಿ ಮಾಡಿದೆ
ಆ ಪ್ರೀತಿ ದಕ್ಕಲೆಂದು ದೇಗುಲಗಳ ಸುತ್ತಿದೆ
ನಿನ್ನ ನೆನೆದು ಹ್ರದಯದಲಿ ಪ್ರೀತಿಯ ಮೂರ್ತಿ ಕೆತ್ತಿದೆ
ನಿ ನನ್ನ ತೊರೆದು ಹ್ರದಯದ ಮೇಲೆ ಗೋರಿ ಕಟ್ಟಿದೆ.