ಹೆಂ ಮಜೆಂ ಮಾಗ್ಣೆಂ....

ನಿತಳ್ ಕಾಳಿಜ್ ದೀ ತುಂ ಮಾಕಾ
ಕರ್ಚಾಕ್ ಮೊಗ್ ಸರ್ವಾಂಸೊ
ಮೇಟಾಂ ತುಜಿಂ ದಾಕಯ್ ಮಕಾ
ಚಲ್ಚಾಕ್ ವಾಟ್ ಸತಾಚಿ

ಉತ್ರಾಂತ್ ತುಜಾ ಉಲಯ್ ಮಕಾ
ವ್ಹಡ್ವಿಕ್ ತುಜಿ ಗಜೊಂವ್ಚಾಕ್
ಜಾಣ್ವಾಯೆನ್ ಭೊರ್ ತುಂ ಮಾಕಾ
ಕ್ರತ್ಯಾಂ ತುಜಿಂ ಸಮ್ಜೊಂಚಾಕ್

ಭೆಸಾಂವ್ ತುಜೆಂ ಘಲ್ ತುಂ ಮೊಜೆರ್
ಸರ್ಗಾ ರಾಜ್ ಆಪ್ಣಾವ್ಚಾಕ್
ಖರಿ ದೀಶ್ಟ್ ದೀ ತುಂ ಮಾಕಾ
ಪಾತ್ಕಾ ಕಾಳ್ಕಾಕ್ ಪಾಟ್ ಕರ್ಚಾಕ್

ಉದಾರ್ ಹಾತ್ ದೀ ತುಂ ಮಾಕಾ
ದುಬ್ಳ್ಯಾ ದಾಕ್ಟ್ಯಾಂಕ್ ಪಾಂವ್ಚಾಕ್
ಗೊಪಾಂತ್ ತುಜಾ ಲಿಪಯ್ ಮಾಕಾ
ವೆಗ್ಳೊ ಹಾಂವ್ ಜಾಯ್ನಾ ಜಾಂವ್ಕ್